Tuhaagahat Tuhaqtittijit Havagvia

Agidjidjut taangarnik hilataanin Nunavunmi

Kingulirmik nutaanguqtiqhimajuq Pinggattiut, Qitiqqautijuq 7, 2021

Kavamatkunnin Tuhaqtitaudjutikhaq

Agidjidjut taangarnik hilataanin Nunavunmi

Inirniit ukiulgit 19-nik qaangiutivlugulu nakhainnarialgit taanganik (beer, ciders, coolers, wine spirits, aallaniklu) Nunavunmut inmik tigumiarlugit (tingmitikkut suutkiisimikni) ukumaitilaangit ukumaingitpata inmiknik pittaaqtamingnut: 3 liters taanganik; 9 liters wine-nik; 26 liters beer-nik.

Tigumiarumaguvit amigaitqijanik ukunanga pittaaqtanit – tingmingitkuvilluuniit hilataanit Nunavunmit – niuviktukhaujutit taanganut laisikhamik agidjijakhanik Nunavut Kavamangait akilikhilutit akiligakhamik.

Niuviinnariaqaqtutit taanganik agidjijaami laisikhamik nunaqaruvit nunallaami ihumaliuqhimajunut pijumavlutik taimaa pijukhaungittut unaluuniit ‘pittaaqtut’ ataani Taanganut Maligaq. Nunallaarijat taimaa ‘pijukhaungitpata’ angiqtaujukhaujutit nunami Taangatigut Katimajiit (AEC).

Maligatigut ihuangittuq agidjijaami taanganik nunallaamut taimaa taanganik pitqujaunittunik nunallaamikni.

Niuviinariaqaqtutit taanganik agidjijaami laisikhanik aallatqiinik pittaaqtanut:

  • Tujuklutit titiqqihimajumik ukununga @email.
  • Upautilutik
  • Hivajautikkut
Iqaluit NULC niuvvaavik                           Kangiqliniq – NULC (Siniktarvik Iglukpaani) Iqaluktuuttiami - Kiinaujaliqijitkut Havagvia (Helen Maksagak Centre-mi)
Hivulliut
9 a.m. to 12 p.m.
1 p.m. to 4:30 p.m.
Hivulliunmit Tallimiunmut
9 a.m. to 11 a.m.
Hivulliunmit Tallimiunmut
9 a.m. to 4 p.m.
 
Hivulliunmit Tallimiunmut
9 a.m. to 4 p.m.
 
Hivajautaa: 867 975-6869 Hivajautaa: 855 844-5488 Hivajautaa: 867 983-4048

Ilihimalugu, aullaktirutaanut Qitiqqautijuq 1, 2021, agidjijaami laisikhat pilimaiktait ukunanga Haamlatkut Kugluktuk-mi.

Niuviriami taanganik agidjijaami laisikhamik ukunanga Nunavunmi Tanngaliqinirmut Higaarlungniklu Katimajiit (NULC) aquiqturiami naunaitkutikhaqaqtukhaujutit talvanga.

Taanganun laisikhat utiqtitaulimaittut atuqtaulutiklu attauhiinarmun aquiqtuamun. Atuqtaujukhat qaangiqtinnagu pingahut havainirit ubluani pihimanianin.

Aallanik naunaitkutikhanik ukuninga Nunavutip taanganut havaktaudjutainut takujakturlugu qaritaujakkut uumunga Kiinaujaliqijitkut qaritaujakkut takujakturvia.

###

Tuhaqtipkainikkut Uqarvigijakhaq:

Weichien Chan
Atan'ngujaq, Tuhaqtipkaijuni
Kiinaujaliqijikkut
867-975-6818
@email
 

Aallanun atqtillugu una makpivia

Una makpirvia ikajuutauva?
Ikajurluta ihuaqhijaanganun takujakturvianik titirarlutit uqarijumajarnik talvanitujuriami qiuqutaani ataani.