Tuhaagahat Tuhaqtittijit Havagvia

Inungnun miitiqartigivikhaq mighaagun Qamanittuami taanngakkut niruarutikhami

Kingulirmik nutaanguqtiqhimajuq Pinggattiut, Qitiqqautijuq 7, 2021

Kavamatkunnin Tuhaqtitaudjutikhaq

Inungnun miitiqartigivikhaq mighaagun Qamanittuami taanngakkut niruarutikhami

Kiudjutaanun titiraqhimajumun tukhirutimun, Nunavut Kavamanga pipkainiaqtuq niruarutikhamik apiriluni Qamanittuamiutanik nalianik aallanguqtirutijaami nunaallaamingnik taangakkut pidjutainni talvannga kikliqangittumin uvunga katimajiujunin pidjutimun.

Niruarvikhaq piniaqtuq Hivulliunmi, April 26, 2021. Hivuagun niruarutikhat piniaqtun Hivulliunmi, April 19, 2021. Niruaqtulirijikkut Nuavunmi aulapkarniaqtaa niruarutikhaq.

Taimaatun piqaqqat 60% avvani niruaqtuni pikpata “hii,” Kavamatkut havangniaqtun aallanguqtirlugu Qamanittuap qanurinninga ataani Taangaliqinirmut Maligarmi uumunga katimajiujunin pijdutimun. Kitkullu pijukhaujun angirutimik talvannga niruaqtauhimauunin Taangakkut Katimajiinnin hivuagun aquiqturiamingnik taanganik nunallaamingnun. Taangakkut Iliharnikkut Katimajiit akhuuhaittaaqtullu taangakkut qaujihimanirnik.

Ikajuriami nunallaamiutanik kangirhittiariamingni uqaqtaujumi, Nunavut Kavamanga pipkainiaqtuq malruungnik inungnun miitirvikhanik Aippiunmi, April 13, 2021mi. Miitirniit piniaqtun 12 qitiqqukpat uvanlu 7mi unulihaaliqqat Nunallaap Katimaviani.

Havaktiit Aanniaqtailinirmun Havagvianin, Kiinaujaliqinikkut Havagvianin, uumangalu Niruaqtulirijikkut Nunavunmi tahamaniinniaqtun kiujaami apirhuutinun. Ihumagilugu COVID-19 qalagjuarnikkut kikliqarutit, 100 inuit ilaujaaqtun miitirutini. Tiikhaqarniaqtuq.

Aallanik ilitturipkaidjutikhanik miiturutikhami, qaritaujakkut-titiqqilugu @email.

###

Tuhaqtipkainikkut Uqarvigijakhaq:

Weichien Chan
Atanngujaq, Tuhaqtipkaijiit
Kiinaujaliqinikkut Havagvia
867-975-6818
@email
 

Aallanun atqtillugu una makpivia

Una makpirvia ikajuutauva?
Ikajurluta ihuaqhijaanganun takujakturvianik titirarlutit uqarijumajarnik talvanitujuriami qiuqutaani ataani.