Driving and transportation

ᐊᖁᑦᑐᓐᓇᐅᑎᓄᑦ ᑐᒃᓯᕋᐅᑎ

ᓄᓇᕗᒻᒥ ᐊᖁᑦᑐᓐᓇᐅᑎᑦ

ᒪᓕᒐᑎᒍᑦ ᐃᓕᓴᕆᔭᐅᓯᒪᔪᒥᒃ ᐊᐅᓚᑦᑎᔪᓐᓇᕐᓂᐊᕐᓗᓂ ᓄᓇᕗᒻᒥ, ᐃᓄᐃᑦ ᐊᖁᑦᑐᑦ ᐃᓱᓕᓯᒪᙱᑦᑐᒥᒃ ᐊᖁᑦᑐᓐᓇᐅᑎᖃᕆᐊᖃᓲᑦ.

ᐊᑏ ᑕᑯᓗᒍ ᓄᓇᕗᒻᒥᐊᖁᑦᑐᓐᓇᖅᓯᓇᓱᐊᕐᓂᕐᒧᑦ ᐅᖃᓕᒫᒐᖅ ᓄᓇᕗᒻᒥ ᐊᖁᑦᑐᓐᓇᕐᓂᕐᒧᑦ ᑐᓴᒃᑲᓐᓂᕈᒪᒍᕕᑦ, ᐊᖁᑦᑐᓐᓇᐅᑎᑖᕋᓱᖕᓂᕐᒥᒃ, ᐊᒻᒪ ᐊᔾᔨᒌᙱᑦᑐᓂᒃ ᐊᖁᑦᑐᓐᓇᐅᑎᓕᕆᓂᕐᒥᒃ ᑐᑭᓯᒋᐊᒃᑲᓐᓂᕈᓐᓇᕐᒥᔪᑎᑦ.

ᓄᓇᑖᕆᐅᖅᑐᑦ ᐊᖁᑦᑐᓐᓇᐅᑎᑖᕆᐊᓖᑦ

ᓄᓇᕗᒻᒧᑦ ᑎᑭᑦᑕᕆᐅᖅᑐᑦ ᐊᖁᑦᑐᓐᓇᐅᑎᑖᕆᐊᖃᓲᑦ ᐅᓪᓗᐃᑦ 30 ᐊᓂᒍᙱᓐᓂᖏᓂ ᑎᑭᓚᐅᖅᓯᒪᑎᓪᓗᒋᑦ.

ᓄᓇᕗᒻᒥ ᓄᓇᑖᕐᓂᑯᐃᑦ ᐅᖁᑦᑐᓐᓇᐅᑎᒥᓂᒃ ᐃᓱᓕᔾᔪᔨᓯᒪᔪᑦ ᑕᖅᑮᑦ 12 ᐅᖓᑖᓂ ᖃᐅᔨᓴᖅᑕᐅᖅᑳᕆᐊᖃᕋᔭᖅᑐᑦ ᐊᖁᑦᑐᓐᓇᑦᑎᐊᕋᓗᐊᕐᒪᖔᑕ.

ᓄᓇᕗᒻᒥ ᖃᓄᖅ ᐊᖁᑦᑐᓐᓇᐅᑎᑖᕈᓐᓇᖅᐱᑦ

ᐃᖏᕐᕋᔾᔪᑎᒋᔭᐃᑦ ᐃᓕᓴᕆᔭᐅᓯᒪᓕᖅᑎᓐᓂᐊᕐᓗᒍ, ᐅᐸᒍᓐᓇᖅᐳᑎᑦ ᓄᓇᓯᐅᑎᓕᕆᓂᕐᒧᑦ ᐱᔨᑦᑎᕋᖅᑕᐅᕝᕕᖕᒧᑦ ᐅᑯᓂᖓ ᑎᑎᖅᑲᓂᒃ ᓇᒃᓴᕆᐊᖃᖅᖢᑎᑦ:

  • ᑎᑎᕌᓂᒃᓯᒪᔪᒥᒃ ᐱᓇᔪᒍᑎ ᐊᖁᑦᑐᓐᓇᐅᑎᒥᒃᑕᑕᑎᕆᐊᓕᒃ
  • ᒪᕐᕉᖕᓂᒃ ᐃᓕᓴᕆᔭᐅᓯᒪᔪᓂᒃ  ᑭᓇᐅᖕᒪᖔᑦ ᓇᓗᓇᐃᒃᑯᑕᕐᓂᒃ

ᐱᓇᔪᒍᑎᐅᔪᑦ ᑎᑎᕋᖅᓯᒪᕙᒌᕈᓐᓇᖅᑐᑦ ᑐᖏᖔᖓᒍᑦ ᐅᕝᕙᓘᓃᑦ ᑎᑎᕋᕐᕕᖕᒧᑦ ᐅᐸᒡᓗᑎᑦ ᓄᓇᓯᐅᑎᓄᑦ ᐱᔨᑦᑎᕋᖅᑕᐅᕝᕕᐅᕙᒃᑐᒧᑦ.

ᑐᕌᕈᑏᑦ ᐊᑏᓪᓘᓃᑦ ᐊᓯᔾᔨᕐᓂᖅᐸᑕ

ᓄᓇᕗᒻᒥ ᐊᖁᑦᑐᓐᓇᐅᖃᖅᑐᑦ ᑐᓴᖅᑎᑦᑎᔭᕆᐊᖃᖅᑐᑦ ᓄᓇᓯᐅᑎᓄᑦ ᐱᔨᑦᑎᕋᖅᑕᐅᕝᕕᖕᒧᑦ ᐊᑎᕆᔭᐃᑦ ᐊᓯᔾᔨᖅᐸᑦ ᑐᕌᕈᑏᓪᓗ ᐊᓯᔾᔨᖅᐸᑦ ᑐᓴᖅᑎᑦᑕᕆᐊᖃᖅᑐᑦ ᐱᔪᓐᓇᐅᑎᑖᕐᕕᒃ.

ᐊᓯᔾᔨᕆᐊᖃᖅᐸᑕ ᐊᑎᕆᔭᐃᑦ ᑐᕌᕈᑎᕕᓪᓘᓃᑦ ᓇᓗᓇᐃᒃᑯᑕᖓ, ᐅᐸᒍᓐᓇᖅᐳᑎᑦ ᓄᓇᓯᐅᑎᓕᕆᓂᕐᒧᑦ ᐱᔨᑦᑎᕋᖅᑕᐅᕝᕕᖕᒧᑦ ᐅᑯᓂᖓ ᑎᑎᖅᑲᓂᒃ ᓇᒃᓴᕆᐊᖃᖅᖢᑎᑦ:

  • ᑎᑎᕌᓂᒃᓯᒪᔪᒥᒃ ᐱᓇᔪᒍᑎ ᐊᖁᑦᑐᓐᓇᐅᑎᒥᒃᑕᑕᑎᕆᐊᓕᒃ
  • ᓇᓗᓇᐃᖅᓯᔾᔪᑕᐅᔪᓐᓇᖅᑐᒥᒃ ᒪᓕᒐᑎᒍᑦ ᐃᓕᓴᕆᔭᐅᓯᒪᓗᓂ ᑎᑎᖅᑲᓕᐊᖑᔪᕕᓂᖅ ᐊᓯᔾᔨᖅᑐᖅ, ᓲᕐᓗ ᑲᑎᑎᑕᐅᒍᕕᑦ ᑲᑎᑎᑕᐅᓂᕐᒧᑦ ᓇᓗᓇᐃᒃᑯᑕᐃᑦ ᑕᑯᔭᐅᑎᓪᓗᒍ.

ᐃᑲᔪᖅᑕᐅᔪᒪᒍᕕᑦ, ᐊᐱᖅᑯᑎᒃᓴᖃᕈᕕᓪᓘᓃᑦ, ᑐᑭᓯᒋᐊᕈᓐᓇᖅᐳᑎᑦ ᓄᓇᓯᐅᑎᓕᕆᓂᕐᒧᑦ ᐱᔨᑦᑎᕋᖅᑎᓄᑦ:
ᐅᖄᓚᐅᑖ: 1-888-975-5999 ᐃᕐᖐᓐᓈᖅᑕᐅᑦ:@email

ᐅᓇ ᒪᒃᐱᖅᑐᒐᖅ ᐊᑑᑎᕚ?
ᐃᑲᔪᖅᑎᒍᑦ ᐱᐅᓯᕚᓪᓕᖅᑎᑦᑎᓂᕐᒥᒃ ᑖᔅᓱᒥᖓ ᐃᑭᐊᖅᑭᕕᖕᒥ ᑎᑎᕋᕐᓂᒃᑯᑦ ᐅᖃᐅᓯᒃᓴᓂ ᑐᓐᓂᖅᑯᑕᐅᔪᑎᒍᑦ ᐊᑖᓂ.