ᐃᒻᒥᒃᑰᖅᑐᖅ ᖃᐅᔨᓴᖅᑎᐅᓂᕐᒧᑦ ᐱᓕᕆᐊᒃᓴᑦ ᒪᒃᑯᒃᑐᓄᑦ (I SPY)
ᐃᒻᒥᒃᑰᖅᑐᖅ ᖃᐅᔨᓴᖅᑎᐅᓂᕐᒧᑦ ᐱᓕᕆᐊᔅᓴᑦ ᒪᒃᑯᑦᑐᓄᑦ (I-SPY) ᑮᓇᐅᔭᖁᑏᑦ ᑮᓇᐅᔭᖃᖅᑎᑦᑎᒍᑕᐅᔪᑦ ᐃᑲᔪᕈᑕᐅᓂᐊᕐᓗᑎᑦ ᐊᒻᒪ ᐱᕙᓪᓕᐊᑎᑦᑎᒍᑕᐅᓗᑎᑦ ᑖᒃᑯᐊ ᖃᐅᔨᓴᑦᑎᐅᓂᕐᒧᑦ ᑐᙵᕕᓕᓐᓂᑦ ᐃᓕᓐᓂᐊᖅᑎᑦᑎᒍᑎᓂᑦ ᐃᓕᓐᓂᐊᕈᑎᖏᑕ ᖄᒃᑲᓐᓂᐊᒍᑦ ᐃᓕᓐᓂᐊᕋᔅᓴᓂᑦ ᓄᓇᕗᒻᒥᐅᓄᑦ ᒪᒃᑯᑦᑐᓄᑦ.
ᑐᕌᒐᖏᑦ ᐱᓕᕆᐊᒃᓴᐃᑦ
ᐃᓛᒃᑰᖅᑐᑦ ᖃᐅᔨᓴᖅᑐᓕᕆᓂᕐᒧᑦ ᒪᒃᑯᒃᑐᓄᑦ ᑮᓇᐅᔭᖃᖅᑎᑦᑎᔨᑦ ᐱᒋᐊᖅᑎᑦᑎᓲᖑᕗᑦ ᐅᑯᓄᖓ:
- ᑐᑭᓯᒃᑲᓐᓂᕈᒪᓂᕐᒥᒃ ᐱᔪᒪᓂᖅᑖᖅᑎᑦᑎᓲᑦ ᖃᐅᔨᓴᖅᑐᓕᕆᓂᕐᒥᒃ
- ᖁᕝᕙᖅᓴᕐᓗᒋᑦ ᐃᖅᑲᓇᐃᔮᖃᓪᓚᕆᖕᓂᖅ ᖃᐅᔨᓴᖅᑐᓕᕆᓂᕐᒥᒃ ᖃᕆᓴᐅᔭᓕᕆᓂᕐᒥᒡᓗ
- ᐃᓚᐅᑎᑉᐸᒡᓗᒋᑦ ᐃᓕᓐᓂᐊᖃᑕᐅᔪᑦ ᐊᒡᒐᒥᖕᓄᑦ−ᐱᓕᕆᓂᒃᑯᑦ ᖃᐅᔨᓴᕈᓐᓇᖅᓯᕙᓪᓕᐊᓂᕐᒥᒃ ᐱᕕᖃᖅᑎᓪᓗᒋᑦ
- ᓇᓗᓇᐃᕐᓗᒋᑦ ᐱᐅᔫᓂᖏᑦ ᓴᖅᑭᓪᓗᒋᓪᓗ ᖃᐅᔨᓴᖅᑐᓕᕆᓂᕐᒥᒃ ᐱᓕᕆᐊᖑᔪᑦ ᓄᓇᕗᒻᒧᑦ ᐊᑑᑎᖃᖅᑐᑦ
ᑭᓇ ᐱᓇᔪᒍᓐᓇᖅᐸ
ᐊᐃᑦᑑᑎᑦ ᐱᓇᔪᒃᑕᐅᔪᓐᓇᖅᑐᑦ ᑮᓐᓇᐅᔾᔭᒃᓴᓇᓱᐊᙱᑦᑐᓄᑦ ᑎᒥᐅᔪᓄᑦ ᐃᖏᕐᕋᑎᑦᑎᓲᖑᔪᓄᑦ ᖃᐅᔨᓴᖅᑐᓕᕆᓂᕐᒥᒃ ᐃᓕᓐᓂᐊᒐᕐᓂᒃ ᓄᓇᕗᒻᒥᐅᑦ ᒪᒃᑯᒃᑐᖁᑎᖏᓐᓄᑦ.
ᖃᓄᖅ ᐱᓇᔪᒍᓐᓇᕐᒪᖔᖅᐱᑦ
ᐱᓇᔪᖃᑕᐅᓗᓂ, ᐅᑯᐊ ᑐᓂᔭᕆᐊᖃᖅᑐᑦ:
- ᑎᑎᕌᓂᒃᓯᒪᔪᒥᒃ ᖃᐅᔨᓴᖅᑎᐅᓂᕐᒧᑦ ᐱᓕᕆᐊᒃᓴᑦ ᒪᒃᑯᒃᑐᓄᑦ ᑕᑕᑎᕆᐊᓕᒃ
- ᑐᔅᓯᕋᐅᑎ ᓴᖅᑭᔮᖅᑎᑦᑎᔪᖅ ᐱᓕᕆᐊᔅᓴᖅ ᖃᓄᖅ ᐱᓕᕆᐊᖑᒐᔭᕐᒪᖔᖅ ᐊᒻᒪ ᐃᓕᓐᓂᐊᖅᑎᓂᑦ ᐃᓚᓕᐅᔾᔨᓯᒪᓂᕆᔭᖓᓐᓂᑦ ᖃᐅᔨᓴᕐᓂᕐᒥᑦ ᖃᓄᐃᓕᕈᑕᐅᖃᑦᑕᖅᑐᑦ, ᐱᔪᒥᓇᖅᓯᑎᒃᑲᓐᓂᕐᓗᒍ ᖃᐅᔨᓴᖅᑎᐅᓂᕐᒥᑦ ᐃᓕᓐᓂᐊᖅᑎᓂᑦ, ᐊᒻᒪ ᐃᖅᑲᓇᐃᔮᖏᑦ ᖃᓄᐃᑦᑑᓂᖏᓐᓂᑦ ᖃᐅᔨᓴᖅᑏᑦ ᓴᖅᑭᔮᖅᑎᑦᑎᓗᑎᑦ.
ᐊᐃᑦᑑᑎᓂᒃ ᑮᓇᐅᔭᖅᑖᖅᑎᑕᐅᓂᖅ
ᑎᑭᑦᑐᓐᓇᖅᑐᑦ $50,000−ᒧᑦ ᐊᐃᑦᑑᑎᑦ ᐊᑐᐃᓐᓇᐅᕙᒃᑐᑦ ᐅᑭᐅᑕᒫᖅ.
ᐱᓇᔪᖃᑕᐅᔪᒪᔪᑦ ᑮᓇᐅᔭᖅᑑᑎᒃᓴᓂᒃ ᐅᖃᓕᒫᓪᓗᐊᖅᑐᑦ ᕿᒥᕐᕈᓗᒋᓪᓘᓃᑦᑮᓇᐅᔭᑦ ᑐᓂᕈᐊᓯᓪᓗ ᐊᑐᐊᒐᖅ ᐃᓗᓕᖏᓐᓂᒃ ᖃᓄᐃᓕᐅᕆᐊᖃᕐᒪᖔᖅ ᑐᑭᓯᐅᒪᓂᐊᕋᔅᓯ ᐱᓇᔪᓚᐅᙱᓐᓂᔅᓯᓐᓂ.
ᖃᐅᔨᒋᐊᕐᕕᒃᓴᖅ
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᓂᕐᕈᓯᐊᑉ ᒥᒃᓵᓄᑦ, ᖃᐅᔨᒋᐊᕐᕕᒋᓗᒍ ᐅᔭᕋᖕᓂᐊᕐᓂᕐᒧᑦ ᐅᔾᔨᕈᓱᓕᖅᑎᑦᑎᔨᐅᓪᓗᓂ ᐊᐅᓚᑦᑎᔨ.
ᐅᔭᕋᖕᓂᐊᕐᓂᕐᒧᑦ ᐅᔾᔨᕈᓱᓕᖅᑎᑦᑎᔨᐅᓪᓗᓂ ᐊᐅᓚᑦᑎᔨ
ᐅᖄᓚᐅᑎᖓ: 867-857-3164
ᓱᒃᑲᔪᒃᑯᑦ: 867-857-380
ᐃᕐᖐᓐᓈᖅᑕᐅᑦ: @email