ᐃᖅᑲᓇᐃᔮᒧᑦ ᐱᕚᓪᓕᕈᑎᑦᓴᓄᑦ ᐱᕕᖃᕐᓇᕈᑎᒃᓴᑦ
ᐱᓕᕆᔨᒻᒪᕆᖕᓄᑦ ᐱᕚᓪᓕᕈᑎᑦ ᑕᒪᐃᓐᓂᒃ ᐱᓕᕆᐊᖑᓲᖑᕗᑦ ᐱᓕᒻᒪᒃᓴᖅᑐᓂᒃ ᐊᒻᒪ ᐱᓕᕆᔨᒻᒪᕆᖕᓄᑦ ᐱᕙᓪᓕᐊᑎᑦᑎᔾᔪᑎᓄᑦ. ᐃᖅᑲᓇᐃᔭᖅᑏᑦ ᐃᓱᒪᓲᖑᕗᑦ ᐊᔪᕈᓐᓃᖅᓴᖃᑦᑕᖅᑕᖏᑦ ᓂᕆᐅᒋᔭᐅᔪᓂᒃ ᐋᖅᑭᒃᑕᐅᓯᒪᔪᓂᒃ ᐃᓕᓴᐃᔨᓄᑦ ᐱᕚᓪᓕᕈᑎᒃᓴᓄᑦ ᐱᓕᕆᐊᒃᓴᖏᓐᓂᒃ ᐅᕝᕙᓘᓐᓃᑦ ᐱᓕᕆᐊᖏᓐᓄᑦ ᖃᐅᔨᓴᕈᑎᓄᑦ.
ᐱᓕᒻᒪᒃᓴᕐᓂᖅ
ᐱᓕᒻᒪᒃᓴᖅᑎᓪᓗᒋᑦ ᐱᓕᕆᑎᑕᐅᕈᓘᔭᖃᑦᑕᕆᕗᑦ ᐱᕙᓪᓕᐊᑎᑕᐅᓯᒪᔪᓂᒃ ᐊᒻᒪ ᐃᓕᓐᓂᐊᕈᑕᐅᖃᑦᑕᖅᓯᒪᔪᓂᒃ ᐃᓕᓴᐃᔨᓄᑦ ᐱᕙᓪᓕᐊᑎᑦᑎᔨᓄᑦ. ᐱᓕᒻᒪᒃᓴᕐᓂᐅᓇᔭᖅᑐᑦ ᐃᓚᖏᑦ ᐱᓕᕆᐊᒧᑦ−ᐊᑕᔪᑦ, ᑐᑭᓯᕚᓪᓕᕐᓂᕐᒧᑦ ᐱᓕᕆᐊᒃᓴᐃᑦ, ᑲᑎᒪᓃᑦ, ᓄᑖᓄᑦ ᓴᖅᑭᑦᑐᓄᑦ ᐃᓕᓐᓂᐊᕈᑏᑦ, ᑲᑎᑕᐅᔪᒃᓴᑦ ᖁᕝᕙᖅᐸᓪᓕᐊᓇᓱᐊᕐᓂᕐᒧᑦ ᐃᓚᖏᑦ ᐱᔭᕆᐊᓕᑦ ᐃᓚᖏᑦ ᐃᓕᓐᓂᐊᕐᓂᓕᕆᔨᒃᑯᑦ ᓯᓚᑖᒍᑦ ᐱᓕᕆᐊᖑᕙᒡᓗᑎᒃ ᑲᑐᔾᔨᖃᑎᒋᔭᐅᓗᑎᒃ.
ᐱᓕᒻᒪᒃᓴᕈᑕᐅᖃᑦᑕᖅᓯᒪᔪᑦ
- ᑐᑭᓯᑎᑕᐅᕚᓪᓕᕐᓂᖅ 2020
- ᐃᓄᒃᑐᑦ ᑎᑎᖅᑭᕆᓂᕐᒧᑦ ᑲᑎᒪᓂᖅ 2020
- ᐃᓕᓐᓂᐊᖅᑎᓄᑦ ᐃᑲᔪᖅᑎᑦ ᐃᓕᓴᐃᔩᑦ ᑲᑎᒪᓂᖓ 2019
- ᓄᓇᕗᒻᒥ ᐃᓕᓴᐃᔨᑦ ᐊᖓᔪᖅᑳᖏᓐᓄᑦ ᑲᑎᒪᓂᖅ 2019
- ᐃᓕᓐᓂᐊᖅᑎᓄᑦ ᐃᑲᔪᖅᑏᑦ ᐱᓕᕆᔨᒻᒪᕆᕈᖅᓴᓂᕐᒧᑦ ᐱᓇᓱᐊᕈᓯᖅ 2021
- ᖁᕝᕙᕋᓱᐊᕐᓂᒧᑦ ᐊᑕᖏᑦᑐᑦ ᐃᓕᓐᓂᐊᒐᒃᓴᐃᑦ (ᑐᑭᓯᕚᓪᓕᕈᑎᒃᓴᑦ ᐃᓄᐃᑦ ᐅᓂᒃᑳᖅᑐᐊᕈᓯᑐᖃᖏᓐᓂᒃ, ᓄᓇᕗᒻᒥ ᐃᓕᓴᐃᔨᐅᓂᕐᒥᒃ ᐃᓕᖅᑯᓯᕆᔭᐅᔪᒥᒃ ᖃᐅᔨᒪᓂᖃᓕᕐᓂᕐᒥᒃ ᐊᒻᒪ ᐋᓐᓂᕐᓇᖅᑐᓄᑦ−ᐊᒃᑐᖅᑕᐅᓯᒪᓂᖃᖅᑐᓂᒃ ᐃᓕᓴᐃᔨᐅᓂᕐᒥᒃ)
- ᐃᓕᑕᕆᔭᐅᔾᔪᑎᑦ ᐃᓕᓐᓂᐊᕐᓂᓕᕆᓂᕐᒧᑦ ᓯᕗᓕᖅᑎᓄᑦ ᓄᓇᕗᒻᒥ ᐃᓕᓐᐊᒐᒃᓴᑦ
ᐃᓕᓐᓂᐊᖅᑎᑦᑎᓂᕐᒧᑦ ᐱᐅᓯᒋᐊᕈᑎᑦ
ᐃᓕᓐᓂᐊᖅᑎᑦᑎᓂᕐᒧᑦ ᐱᐅᓯᒋᐊᕈᑎᓄᑦ ᐱᓕᕆᐊᑦ ᐃᓄᑑᒐᓗᐊᕐᓗᓂ ᐱᓕᕆᐊᕆᔭᒃᓴᑦ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᓄᑦ ᐃᓚᐅᕝᕕᐅᔪᒪᒑᖓᑕ. ᐆᒃᑑᑎᑦ ᒪᑯᐊᖑᓪᓗᑎᒃ ᐃᓕᓐᓂᐊᖅᑕᐅᔪᒃᓴᑦ, ᑲᑎᒪᓃᑦ, ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ, ᐊᒻᒪ ᖃᐅᔨᓴᖅᐸᒡᓗᑎᒃ, ᐊᒻᒪ ᑲᑎᙵᒐᓗᐊᕐᓗᑎᒃ ᐱᓕᕆᕈᓘᔭᕐᓇᙱᑦᑐᑦ ᓲᕐᓗ ᐅᖃᓕᒫᕐᓂᖅ ᐱᓕᕆᐊᒃᑯᒥᒋᔭᐅᔪᒥᒃ ᐃᑭᐊᖅᑭᕕᒃᑯᑦ, ᐃᓚᐅᕙᒡᓗᑎᒡᓗ ᓄᓇᓕᖕᓂ ᐱᓕᕆᑎᑕᐅᔪᓂᒃ, ᐅᕝᕙᓘᓐᓃᑦ ᐱᓕᕆᖃᑎᖃᖅᐸᒡᓗᑎᒃ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᐅᖃᑕᐅᒃᑲᓐᓂᖅᑐᒥᒃ ᓲᕐᓗ ᐃᓕᓐᓂᐊᖅᑎᓄᑦ ᐃᑲᔪᖅᑎᒥᒃ.
ᑮᓇᐅᔭᖅᑑᑎᒃᓴᑦ ᐱᓕᕆᔨᒻᒪᕆᕈᖅᓴᓂᕐᒧᑦ ᐃᓕᓐᓂᐊᕈᑎᓄᑦ ᐊᑐᐃᓐᓇᐅᑎᑕᐅᓲᑦ ᓄᓇᕗᒻᒥ ᐃᓕᓴᐃᔩᑦ ᑲᑐᔾᔨᖃᑎᒌᖓᓐᓄᑦ ᐃᓚᒋᔭᐅᖃᑕᐅᔪᐃᑦ ᑲᑎᒪᔨᖏᑎᒍᑦ ᐱᔭᒃᓴᐅᓲᖑᔪᑦ. ᐱᓕᕆᔨᒻᒪᕆᕈᖅᓴᓂᕐᒧᑦ ᑲᑎᒪᔩᑦ ᐃᓚᖃᖅᑐᖅ−ᑎᓴᒪᓂᒃ ᑲᑎᒪᔨᕋᓛᖑᔪᑦ (ᒪᕐᕈᒃ ᓄᓇᕗᒻᒥ ᐃᓕᓴᐃᔩᑦ ᑲᑐᔾᔨᖃᑎᒌᓂᖔᖅᑑᒃ ᐊᒻᒪ ᒪᕐᕉᒃ ᐃᓕᓐᓂᐊᕐᓂᓕᕆᔨᒃᑯᓐᓂᖔᖅᑑᒃ ᑭᒡᒐᖅᑐᐃᔨᐅᓪᓗᑎᒃ) ᑖᒃᑯᐊ ᐊᐅᓚᑦᑎᔨᐅᖃᑦᑕᖅᑐᑦ ᑮᓇᐅᔭᖅᑑᑎᓂᒃ ᐱᓕᕆᔨᒻᒪᕆᕈᖅᓴᓂᕐᒨᖓᔪᓂᒃ.
ᓄᓇᕘᒥ ᐃᓕᓴᐃᔨᑦ ᐱᕚᓪᓕᕈᑎᒃᓴᖏᑦ ᓄᓇᓕᖕᓂ
ᐃᓕᓐᓂᐊᑎᑦᓯᔨᓕᒫᑦ ᓄᓇᕗᒻᒥ ᖃᐃᖁᔭᐅᔪᑦ ᐃᓚᒋᔭᐅᖁᔭᐅᑦᓱᑎᒃ ᐱᓕᕆᖃᒌᖏᓪᓗ. ᑖᒃᑯᐊ ᓄᓇᓖᑦ ᓴᓇᒪᔪᑦ ᐱᔪᓐᓇᑎᑦᓯᓂᕐᒥᑦ ᐃᓕᓐᓂᑦ ᐃᓕᓐᓂᐊᑎᑦᓯᓂᕐᓄᑦ ᐱᓕᕆᔾᔪᓯᕐᓂᑦ ᐊᑭᓴᖅᑐᕐᓂᕐᒥᑦ ᐃᓘᓐᓇᖏᓐᓂᑦ ᒪᓕᒋᐊᓕᓐᓂᑦ, ᓯᕗᓪᓕᐅᔾᔨᓂᕐᒥᑦ ᐃᓕᓐᓂᐊᕐᓂᓕᕆᔨᒃᑯᓐᓂᑦ, ᒐᕙᒪᒃᑯᓐᓂᓪᓗ ᓄᓇᕗᒻᒥ.
ᐃᓚᒋᔭᐅᓕᕈᕕᑦ ᐱᓕᕆᖃᑎᒌᓄᑦ, ᑲᑎᒪᓂᐅᔪᓕᐊᖅᑐᑎᑦ ᐱᕕᖃᖅᑎᑦᓯᔪᒥᑦ ᐃᓕᓐᓂᑦ ᐃᓚᒋᔭᐅᓂᕐᒧᑦ ᐊᑦᑕᓇᖏᑦᑐᒥᑦ ᐃᒪᐃᒋᐊᒥᑦ:
- ᐅᖃᐅᓯᖃᕐᓂᕐᒥᑦ ᐊᔾᔨᒌᙱᑦᑐᓂᒃ ᐃᓱᒪᒋᔭᐅᔪᓂᒃ
- ᐃᓕᓴᐃᓂᕐᒧᑦ ᓯᕗᓕᖅᑎᙳᕆᐅᖅᓴᓂᕐᒧᓪᓗ ᐊᔪᕈᓐᓃᖅᓴᖅᐸᒡᓗᑎᑦ ᑕᐃᓐᓇ ᐱᓕᕆᔨᓪᓚᕆᐅᓂᕐᒧᑦ ᐊᑐᖅᑕᐅᕙᒃᑐᑦ ᓱᖏᐅᑎᓴᕐᓗᒋᑦ ᐱᓕᕆᔨᙳᕐᓂᕐᓄᑦ.
- ᐱᒋᐊᖅᑎᑦᓯᓗᓂ ᐱᓕᕆᖃᑎᒌᓐᓂᕐᒥᑦ ᐃᓅᖃᑎᒌᓐᓂᑦ
- ᐅᓄᖅᓯᑎᑦᓯᓂᕐᒥᑦ ᐱᓕᕆᔨᓪᓚᕆᐅᓂᕐᒧᑦ ᐃᓕᑦᑎᕙᓪᓕᐊᕙᓐᓂᕆᔭᐅᔪᓂᒃ
- ᖃᐅᔨᓴᖃᑕᐅᖃᑦᑕᕐᓗᑎᑦ ᑐᑭᓯᕚᓪᓕᕈᑎᒃᓴᓂᒃ.
- ᓇᓗᓇᐃᖅᓯᓂᕐᒥᑦ ᐱᐅᔪᓂᑦ ᐱᕕᖃᕐᓂᐅᔪᓂᑦ ᐱᓕᕆᖃᑎᓐᓄᑦ
ᐃᓕᓴᐃᔨᓂ ᐱᕙᓪᓕᐊᑎᑦᑎᓂᖅ ᐱᓕᕆᔨᐅᖃᑕᐅᔪᓂᒃ ᐃᓕᓴᐃᓂᕐᒥᒃ ᐊᒃᑐᐊᓂᖃᖅᑐᓕᒫᓄᑦ ᓇᓖᕌᖅᑎᑦᑎᓲᖅ ᐅᖃᓕᒫᒐᕐᒥᒃ ᐱᓕᕆᐊᖃᕈᒪᖕᒪᖔᑕ ᐅᕝᕙᓘᓃᑦ ᓇᓕᐊᒃ ᐊᑐᓕᖅᑎᑕᐅᔪᒪᖕᒪᖔᖅ ᐃᓕᓐᓂᐊᕈᑎᒃᓴᖅᑖᖑᔪᖅ ᐅᕝᕙᓘᓃᑦ ᐸᕐᓇᐅᑎᓕᐊᖑᔪᖅ.
ᐅᑯᐊ ᑕᕝᕙ ᐃᓚᖏᑦ ᐊᑐᓕᖅᑎᑕᐅᖃᑦᑕᖅᓯᒪᔪᑦ:
- ᐃᓄᒃᑐᑦ ᑎᑎᖅᑭᕆᓂᖅ ᐱᓕᕆᐊᖑᓯᒋᐊᖅᖢᓂ ᐅᖃᓕᒫᒐᖃᕐᕕᖕᓂ
- ᐃᓄᒃᑐᑦ ᑎᑎᖅᑭᕿᓕᕐᓂᖅ ᐱᓕᕆᐊᖑᓯᒋᐊᖅᖢᓂ ᐅᖃᓕᒫᒐᖃᕐᕕᖕᓂ
- ᐃᑲᔪᖅᑐᐃᓐᓂᖅ ᐃᓄᒃᑐᑦ ᑎᑎᖅᑭᕆᓂᖅ ᐱᓕᕆᐊᖑᓂᖓᓂᒃ
- ᐃᑲᔪᖅᑐᐃᓐᓂᖅ ᐃᓄᒃᑐᑦ ᑎᑎᖅᑭᕿᓕᕆᓂᖅ ᐱᓕᕆᐊᖑᓂᖓᓂᒃ
- ᑎᑎᖅᑲᓕᕆᓂᕐᒧ ᐅᖃᓕᒫᕈᓐᓇᕐᓂᕐᒧᓪᓗ ᓯᕗᓕᖅᑎᙳᕐᓂᖅ, ᔭᓂᕗ ᐋᓚᓐ
- ᐱᔾᔪᑕᐅᔪᑦ ᐋᖅᑭᒍᑎᓪᓗ ᐃᓕᓐᓂᐊᕐᕕᐊᕈᓯᕐᒥ, ᑐᑭᓯᐅᒪᖅᑖᕐᓂᖅ ᐱᔾᔪᑎᓪᓚᕆᐅᔪᓂᒃ ᖃᓄᐃᒻᒪᑦ ᐃᓕᓐᓂᐊᖅᑐᑦ ᐱᑦᑎᐊᕈᓐᓃᖅᐸᖕᒪᖔᑕ ᐃᓕᓴᐃᔪᓐᓇᕐᓂᒧᑦ ᐃᑲᔫᑎᑦ, ᒫᒡᒍᓖ ᓲᓕ
- ᖁᓚᓕᖅᓴᕋᐃᙱᓐᓂᕐᒧᑦ ᓴᙱᒃᑎᓴᕐᓂᖅ ᐃᓕᑦᑎᓴᕋᐃᙱᑦᑐᓂᒃ ᐃᓕᓴᐃᓂᕐᒧᑦ, ᑯᕆᔅᑕᓐ ᓱᐃᔅ ᐊᒻᒪᓗ ᐲᑦ ᕼᐋᓪ
ᖃᐅᔨᒋᐊᕐᕕᒋᓗᒍ ᐃᓕᓴᐃᔨᓄᑦ ᐱᕙᓪᓕᐊᑎᑦᑎᔨ ᐅᕗᖓ @email:
ᐃᓕᓴᐃᔨᙳᕆᐅᖅᑐᑦ ᓄᓇᑖᕆᔭᖓᑦ ᐃᓕᓴᐃᓂᕐᒧᑦ
ᐃᓕᓐᓂᐊᓂᕐᒧ ᐃᑲᔪᖅᑎᙳᕐᓂᖅ ᓄᓇᑖᕐᓗᓂ
ᐃᓕᓐᓂᐊᖅᑏᑦ ᐃᑲᔪᖅᑎᖓ ᐃᓕᓴᐃᔨᐅᑉ ᐱᓕᕆᕝᕕᒃᑖᖓ ᓄᓇ
ᐃᓕᓐᓂᐊᕐᕕᖕᒥ ᓯᕗᓕᖅᑎᑦ ᓄᓇᓕᖕᓂᑦ ᐱᐅᓯᑦ