ᑮᓇᐅᔭᑎᒍᑦ ᐃᑲᔪᖅᑕᐅᕙᖕᓂᖏᑦ ᓄᓇᕗᒻᒥᐅᑦ ᐃᓕᓐᓂᐊᖅᑏᑦ – FANS-ᖑᓂᕋᖅᑕᐅᕙᒃᖢᓂ

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐋᖅᑭᒃᓯᒪᔪᑦ ᑮᓇᐅᔭᖃᙱᓐᓂᖅ ᑐᓗᖅᑕᕈᑕᐅᖁᓇᒍ ᖁᕝᕙᓯᒃᑲᓐᓂᖅᑐᒥᒃ ᐃᓕᓐᓂᐊᕈᓐᓇᕐᓂᕐᒧᑦ. ᐃᓕᓐᓂᐊᕐᑎᓅᖓᔪᑦ ᐃᓐᓇᐃᑦ ᐃᓕᓐᓂᐊᕐᕕᖏᓐᓂᒃ ᐃᓕᓐᓂᐊᖃᑕᐅᔪᓄᑦ ᐃᓕᓐᓂᐊᑦᑎᐊᖅᑕᐅᔪᓪᓗ ᑮᓇᐅᔭᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐊᒥᓱᓂᑦ ᐊᑑᑎᖃᖅᐳᑦ ᐃᑲᔫᑕᐅᓇᓱᒃᑐᑦ ᐊᑭᓕᐅᑎᒃᓴᓄᑦ ᐃᓕᓐᓂᐊᒃᑲᓐᓂᕈᒪᔪᓄᑦ. ᐳᐃᒍᖅᑕᐃᓕᓗᓯ ᑖᓐᓇ ᐱᓕᕆᔾᔪᓯᖅ ᑕᒪᐃᓐᓄᐊᓗᒃ ᐊᑭᓕᕆᐊᓕᖕᓄᑦ ᐊᑭᓕᐅᑕᐅᔪᓐᓇᔾᔮᙱᒻᒪᑦ ᐃᓕᓐᓂᐊᕈᑎᒋᓂᐊᖅᑕᕐᓄᑦ.

ᐃᑲᔪᖅᑕᐅᒋᐊᖃᕈᕕᑦ ᖃᐅᔨᒋᐊᕈᓐᓇᖅᐳᑎᑦ ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᑎᑎᕋᕐᕕᖕᒧᑦ ᐅᕗᙵᕐᓗᓯ @email ᐅᕝᕙᓘᓐᓃᑦ ᐅᕗᖓ ᐅᖄᓚᓗᓯ 1-877-860-0680 ᐅᖃᖃᑎᖃᕈᒪᓗᓯᓗ ᐃᓕᓐᓂᐊᖅᑎᓄᑦ ᐃᑲᔫᓯᐊᖅᑐᓕᕆᔨᒧᑦ.

ᐱᓇᔪᖃᑕᐅᓗᓯ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓂᒃ ᐱᓇᔪᒍᓐᓇᖅᓯᑐᐊᕈᔅᓯ. ᐱᓇᔪᒃᑐᓄᑦ ᐃᓱᓕᕝᕕᒃᓴᖃᖅᑐᖅ ᒫᑦᓯ 1, ᔪᓚᐃ 15 ᐊᒻᒪ ᓄᕕᐱᕆ 15 ᐊᕐᕌᒍᑕᒫᑦ.

ᐅᑕᖅᑭᔭᕆᐊᖃᙱᑦᑐᑎᑦ ᑭᓯᐊᓂ ᐊᖏᖅᑕᐅᒍᕕᑦ ᓯᓚᑦᑐᖅᓴᕐᕕᖕᒥ ᐱᒋᐊᖅᑎᑦᑎᓂᐊᕐᓗᑎᑦ ᐱᓇᔫᑎᒋᔭᕐᓂᒃ. ᓯᓚᑦᑐᖅᓴᕐᕕᖕᒥ ᓯᓚᑦᑐᖅᓴᕐᕕᒡᔪᐊᕐᒥᓪᓘᓐᓃᑦ ᐃᓕᓐᓂᐊᖃᑕᐅᔪᒪᒍᕕᑦ ᐱᓇᔫᑎᑦ ᓇᒃᓯᐅᑎᔪᓐᓇᖅᑕᑦ ᐃᓱᓕᕝᕕᒃᓴᖓ ᑎᑭᓚᐅᙱᓐᓂᖓᓂ.

ᑐᓐᓂᖅᑯᑎᒋᔪᓐᓇᖅᑕᑎᑦ ᐊᓯᖏᑦ ᑎᑎᖅᑲᑦ ᐱᔭᐅᔪᒪᓇᔭᖅᑐᑦ − ᐃᓚᓕᐅᑎᓗᒋᑦ ᐊᖏᖅᑕᐅᓂᕐᒧᑦ ᑎᑎᖅᑲᓄᑦ ᓯᓚᑦᑐᖅᓴᕐᕕᖕᒥᙶᖅᑐᓂᒃ ᓯᓚᑦᑐᖅᓴᕐᕕᒡᔪᐊᕐᒥᙶᖅᑐᓂᒡᓘᓐᓃᑦ − ᐱᓕᕆᐊᖑᔅᓯᐊᕆᓗᒍ ᐱᓇᔫᑎᒋᓚᐅᖅᑕᑦ.

ᐱᓇᓱᐊᕈᑏᑦ

ᑮᓇᐅᔭᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᑕᑕᑎᕆᐊᓕᑦ
ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᒥᒃ ᐃᓕᓐᓂᐊᖅᑎᑦ ᐊᑎᓕᐅᖅᑕᐅᖃᑕᐅᓂᐊᖅᑎᓪᓗᒋᑦ
ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐊᑐᖅᑐᐊᖅᑐᓄᑦ ᐃᓚᒋᐊᕈᑎᓄᑦ ᑕᑕᑎᕆᐊᓕᑦ ᑕᑕᑎᕆᐊᓕᑦᑮᓇᐅᔭᖅᑎᒍᑦ ᐃᑲᔫᑎᑦ
ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᑎᒥᒥᒍᑦ ᐱᒡᒐᕈᑎᓕᖕᓄᑦ ᑕᑕᑎᕆᐊᓕᑦ
ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᓄᓇᖓᑕ ᐅᖓᓯᒋᔭᖓᓂ ᐃᓕᓐᓂᐊᖅᑎᓄᑦ ᐅᑎᖅᑎᑕᐅᔾᔪᑎᑦ
ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᑭᙴᒪᓇᖅᑐᓄᑦ ᖃᐅᔨᓴᖅᑕᐅᓯᒪᔪᒃᑯᑦ ᐊᑐᖅᑐᐊᕐᓂᖅ
ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐱᓇᔫᑎᑦ ᓄᓇᕗᒥᐅᑕᐅᙱᑦᑐᓄᑦ ᓇᓗᓇᐃᖅᓯᕕᐅᔪᒪᔪᓄᑦ ᐊᔪᖅᑎᑕᐅᓂᖏᓐᓂᒃ ᓴᐳᔾᔭᐅᔾᔪᑎᓄᑦ ᑕᑕᑎᕆᐊᓕᖕᓄᑦ 
ᐱᓇᔫᑦ ᑐᒡᓕᐊᓄᑦ ᐃᓕᐅᖅᑲᖅᑕᐅᓂᐊᖅᑎᓪᓗᒋᑦ ᐱᔭᐅᒋᐊᓕᖕᓄᑦ ᖃᐅᔨᓴᕈᑎᑦ ᐊᑐᖅᑐᐊᖅᑕᐅᔪᒃᓴᑦ
ᐊᔪᐃᓐᓇᕆᐊᒃᑲᓐᓂᕐᓂᕐᒧᑦ ᑕᑕᑎᕆᐊᓕᒃ

ᖃᖓᑦᑕᐅᑎᑦ

ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᖃᖓᑦᑕᐅᑎᓄᑦ ᐅᑎᖅᑎᕝᕕᐅᔾᔪᑎᒃᓴᓄᑦ ᑕᑕᑎᕆᐊᓕᑦ
ᐱᒋᐊᖅᓴᕋᐃᓪᓗᓂ ᑭᖑᕙᕐᓗᓂᓘᓐᓃᑦ ᐊᐅᓪᓚᕐᓂᕐᒧᑦ ᑐᒃᓯᕋᐅᑦ ᑕᑕᑎᕆᐊᓕᒃ
ᐊᐅᓪᓚᕐᓂᕐᒧᑦ ᐅᑎᖅᑎᑕᐅᔪᒃᓴᑦ ᑐᒃᓯᕋᐅᑎ ᑎᑎᕋᕐᕕᒃᓴᖅ

 ᑕᑕᑎᕆᐊᓖᑦ 

ᓇᓗᓇᐃᖅᓯᓪᓚᕆᖕᓂᖅ ᐊᑐᕈᓐᓃᕐᓂᕐᒧᑦ ᑎᑎᕋᕆᐊᓕᒃ
ᐊᖏᕈᑎ ᑕᑕᑎᕆᐊᓕᒃ
ᓱᓕᓂᕋᕈᑎ ᑕᑕᑎᕆᐊᓕᒃ

ᒪᓕᒐᒃᓴᐃᑦ

ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐊᐅᓪᓚᕐᓂᕐᒧᑦ ᐊᐱᖅᑯᑕᐅᒐᔪᒃᑐᑦ, ᐊᐅᓪᓚᕐᓂᐊᖅᑐᓄᑦ ᐊᑐᐊᒐᑦ

ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐊᑎᓕᐅᖅᑕᐅᖃᑕᐅᓂᕐᒧᑦ ᑕᑕᑎᕆᐊᓕᖕᒧᑦ ᐱᓕᕆᔾᔪᓯᑦ

ᓄᓇᕗᒻᒥ ᐃᓕᓐᓂᐊᖅᑎᑦ ᐃᑲᔫᑎᖏᓐᓂᒃ ᐱᓇᔫᑎᓄᑦ ᑲᒪᒋᔭᐅᔾᔪᑎᑦ

ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᓕᓐᓂᐊᕈᑎᒃᓴᓄᑦ ᑮᓇᐅᔭᑦ

ᐊᓂᒋᐊᕐᕕᑦ/ᐃᓯᕆᐊᕐᕕᑦ ᓄᓇᓕᐸᐅᔭᕐᓄᑦ ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐱᓕᕆᐊᑦ

ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᑎᓄᑦ ᐅᖃᓕᒫᒐᑦ

ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᑮᓇᐅᔭᖃᖅᑎᑕᓄᑦ ᐃᓕᓐᓂᐊᖅᑎᓄᑦ ᐅᖃᓕᒫᒐᑦ

ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐊᑭᓖᓂᕐᒧᑦ ᐊᑐᖅᑕᐅᔪᓐᓇᖅᑐᑦ

ᖃᓄᐃᓕᐅᕐᓗᒍ ᑕᑕᑎᕆᐊᖃᕐᒪᖔᑦ ᐃᓕᓐᓂᐊᖅᑎᓄᑦ ᐊᑎᓕᐅᖅᑕᐅᖃᑕᐅᓂᐊᖅᑐᓄᑦ ᑕᑕᑎᕆᐊᓕᖕᒧᑦ

ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᓇᐃᓈᖅᓯᒪᔪᑦ ᐊᑐᐊᒐᕐᒧᑦ ᐅᖃᓕᒫᒐᑦ

ᓄᓇᕗᒻᒥ ᐊᑯᓪᓕᕐᒥ ᐃᓕᓐᓂᐊᖅᑎᓄᑦ ᑎᓕᔭᐅᔪᓄᑦ ᑎᑎᕋᖅᓯᒪᔪᑦ (ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ−ᐊᔪᙱᑦᑐᓄᑦ ᑎᓕᔭᐅᓯᒪᔪᓄᑦ ᐱᓕᕆᐊᒃᓴᓄᑦ)

ᐊᔪᖅᑎᑕᐅᙱᑦᑐᑦ

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓂᒃ ᐱᖃᑕᐅᔪᒪᒍᕕᑦ ᐃᒪᐃᑦᑑᒋᐊᖃᖅᐳᑎᑦ:

• ᑲᓇᑕᒥᐅᑕᐅᓗᑎᑦ ᐅᕝᕙᓘᓐᓃᑦ ᑲᓇᑕᒥᐅᑕᓪᓚᕆᐅᓗᑎᑦ;
• ᓄᓇᕗᒥᐅᑕᐅᓗᑎᑦ ᐃᒻᒪᖄ ᑕᖅᑭᓄᑦ 12−ᓄᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓂᒃ ᐱᓇᔪᓚᐅᙱᓐᓂᕐᓂᒃ;
• ᐊᑎᓕᐅᖅᑕᐅᖃᑕᐅᓗᑎᑦ ᐃᓕᓐᓂᐊᖅᑕᐅᔪᒃᓴᒥᒃ ᐊᑯᓂᐅᑎᒋᔪᒥᒃ 12−ᓄᑦ ᑕᖅᑭᓄᑦ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐅᕝᕙᓘᓐᓃᑦ ᐊᓯᐊᓄᑦ ᑎᒃᑯᐊᖅᑕᐅᒪᔪᒧᑦ ᐃᓐᓇᕐᓄᑦ ᐃᓕᓐᓂᐊᕐᕕᖕᒧᑦ;
• ᐅᓪᓗᓕᒫᒧᑦ ᐃᓕᓐᓂᐊᖅᑎᐅᖃᑕᐅᓗᑎᑦ (ᐱᓕᕆᐊᒃᓴᖃᖅᑎᒋᓗᑎᑦ ᐃᒻᒪᖄ 60% ᐊᑕᖏᕐᓗᒍ ᐃᓕᓐᓂᐊᖅᑕᐅᔪᒃᓴᒧᑦ) ᓯᓚᑦᑐᖅᓴᕐᕕᖕᒥ ᓇᓗᓇᐃᖅᑕᐅᓯᒪᔪᑦ ᒪᓕᒡᓗᒋᑦ;
• ᐃᓕᓐᓂᐊᖃᑕᐅᓗᑎᑦ ᐃᓕᑕᕆᔭᐅᔾᔪᑎᑖᕋᓱᒡᓗᑎᑦ, ᐱᔭᕇᕈᓯᐊᖅᑖᕋᓱᒡᓗᑎᑦ ᐅᕝᕙᓘᓐᓃᑦ ᐃᓕᓐᓂᐊᕇᕈᓯᐊᖅᑖᕋᓱᒃᑯᕕᑦ;
• ᑕᑯᒃᓴᐅᑎᑦᑎᓗᑎᑦ ᓈᒻᒪᒋᔭᐅᔪᓂᒃ ᐱᓕᕆᖃᑕᐅᔪᓐᓇᕐᓂᕐᒥᒃ ᐃᓕᓐᓂᐊᖃᑕᐅᑦᑎᐊᕈᓐᓇᕐᓂᕐᒥᒡᓗ.

ᐃᓕᓐᓂᐊᖅᑎᑦ ᖃᓄᐃᑦᑑᓂᖏᑦ

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᐱᓕᕆᐊᑦ ᐃᓕᑕᖅᓯᓗᑎᒃ ᐱᖓᓱᓂᒃ ᖃᓄᐃᑦᑑᓂᕆᔭᖏᓐᓂᒃ ᐃᓕᓐᓂᐊᖅᑎᑦ.  ᐅᑯᐊᖑᔪᑦ:

• ᓄᓇᕗᒻᒥ ᐱᔪᓐᓇᕐᓂᖅᑖᖃᑕᐅᓯᒪᓗᑎᒃ: ᓄᓇᕗᒻᒥ ᐱᔪᓐᓇᕐᓂᖅᑖᖃᑕᐅᓯᒪᒍᕕᑦ ᓄᓇᕗᒻᒥ ᐊᖏᖃᑎᒌᒍᑎ ᒪᓕᒡᓗᒍ, ᐊᔪᙱᓚᑎᑦ ᑕᐃᒪ ᐊᖏᕈᑕᐅᓯᒪᔪᓄᑦ ᐊᒻᒪ ᐃᓚᒋᐊᕈᑎᓄᑦ ᐊᐃᑦᑑᑎᓄᑦ, ᐅᑎᖅᑎᑦᑕᕆᐊᖃᙱᖦᖢᑎᒡᓗ.  ᐱᓇᔪᖃᑕᐅᔪᓐᓇᕆᕗᑎᑦ ᐱᔭᕆᐊᖃᖅᑕᑎᑦ ᖃᐅᔨᓴᖅᑕᐅᓗᑎᑦ ᐊᑐᖅᑐᐊᕈᑎᓄᑦ.
   
• ᓄᓇᕗᒥᐅᑕᑦ ᓄᓇᕗᒻᒥ ᐃᓕᓐᓂᐊᖅᓯᒪᔪᑦ: ᓄᓇᕗᒥᐅᑕᐅᒍᕕᑦ ᐃᓚᖏᓐᓂᒡᓗ ᐊᑕᖏᕐᓗᒋᓪᓘᓐᓃᑦ ᓄᑲᖅᖠᕐᓂ ᐃᓕᓐᓂᐊᖃᑕᐅᓯᒪᒍᕕᑦ ᓄᓇᕗᒻᒥ, ᐊᔪᙱᓚᑎᑦ ᑕᐃᒪ ᐅᑭᐅᕐᒧᑦ ᐊᑕᐅᓯᕐᒧᑦ ᐊᐃᑦᑑᑎᓄᑦ ᑕᒪᐃᓐᓄᑦ ᐅᑭᐅᓄᑦ ᐱᖓᓱᓄᑦ ᓄᓇᕗᒻᒥ ᐃᓕᓐᓂᐊᖅᑕᕐᓂᒃ ᐊᓂᒍᖅᑕᕐᓄᑦ, ᐅᑎᖅᑎᑦᑕᕆᐊᖃᙱᖦᖢᑎᒡᓗ.  ᐱᓇᔪᖃᑕᐅᔪᓐᓇᕆᕗᑎᑦ ᐱᔭᕆᐊᖃᖅᑕᑎᑦ ᖃᐅᔨᓴᖅᑕᐅᓗᑎᑦ ᐊᑐᖅᑐᐊᕈᑎᓄᑦ.
   
• ᓄᓇᕗᒥᐅᑕᑦ ᓄᓇᕗᒻᒥ ᐃᓕᓐᓂᐊᖃᑕᐅᓯᒪᙱᑦᑐᓄᑦ: ᓄᓇᕗᒥᐅᑕᐅᓗᑎᑦ ᓄᓇᕗᒻᒥᓗ ᐃᓕᓐᓂᐊᖃᑕᐅᓯᒪᙱᓪᓗᑎᑦ ᐅᕝᕙᓘᓐᓃᑦ ᐅᑭᐅᑦ ᐱᖓᓱᑦ ᑐᖔᓂ ᐃᓕᓐᓂᐊᖃᑕᐅᓯᒪᒍᕕᑦ ᐊᑐᖅᑐᐊᕈᑎᓄᑐᐊᖅ ᐊᔪᙱᑕᑐᐊᕆᓇᔭᖅᑕᑎᑦ.  ᐊᔪᙱᓚᑎᑦ ᐊᑐᖅᑐᐊᖅᑕᐅᔪᒃᓴᓪᓗᐊᑕᒧᑦ ᐊᑭᓕᖅᑕᐅᓗᑎᒃ ᐊᑕᐅᓯᕐᒧᑦ ᐅᑭᐅᕐᒧᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖃᑕᐅᔭᑎᑦ ᑕᒪᐃᓐᓄᑦ ᐅᑭᐅᓄᑦ ᐱᖓᓱᓄᑦ ᓄᓇᕗᒥᐅᑕᐅᓕᖅᑎᓪᓗᑎᑦ.  ᐅᑎᕆᐊᖃᖅᐳᑎᑦ ᐃᖅᑲᓇᐃᔭᕆᐊᖃᖅᐳᑎᓪᓗ ᓄᓇᕗᒻᒥ ᑖᒃᑯᓂᖓ ᐊᑐᖅᑐᐊᕈᑎᓄᑦ ᐃᓱᒪᒋᔭᐅᔪᒪᔪᓐᓃᕈᒪᓐᓂᕈᕕᑦ. ᑐᒡᓕᐊᓂ ᐊᑐᖅᑐᐊᖅᑕᑦ ᐊᑕᖏᕐᓗᑎᒃ ᐅᑎᖅᑎᑦᑕᕆᐊᖃᓲᑦ.

ᖃᓄᐃᑦᑑᓂᖏᑦ ᐃᑲᔫᑕᐅᓲᑦ ᐊᑐᐃᓐᓇᐅᔪᑦ

ᐊᐃᑦᑑᑎᑦ:

ᐊᐃᑦᑑᑎᑦ ᐃᑲᔫᑕᐅᕗᑦ ᐃᓕᓐᓂᐊᖅᑎᓄᑦ ᐊᑭᓕᖅᓱᕆᐊᓕᖕᓄᑦ ᐊᒃᑐᐊᓂᓕᖕᓄᑦ ᐃᓕᓐᓂᐊᕈᑎᓄᑦ, ᐃᓕᓐᓂᐊᕐᕕᖕᒧᑦ ᐊᑭᓕᖅᓱᕆᐊᓕᖕᓄᑦ ᐊᒻᒪ ᖃᖓᑦᑕᐅᑎᓄᑦ ᐊᑭᖏᓐᓄᑦ.  ᐊᐃᑦᑑᑎᑦ ᐊᖏᓛᖃᖅᑐᖅ $3428 ᑕᒪᐃᓐᓄᑦ ᐃᓕᓐᓂᐊᖅᑕᐅᔪᒃᓴᓄᑦ ᐊᒻᒪᓗ ᖃᖓᑦᑕᐅᑎᓄᑦ ᐊᑭᖏᓐᓄᑦ ᓄᓇᒥᓂᙶᕐᓗᑎᒃ ᐅᖓᒻᒧᓪᓗ ᖃᓂᓛᕐᓗ ᐃᓯᕆᐊᕐᕕᒃ ᓄᓇᓕᐸᐅᔭᖅ ᓯᓚᑦᑐᖅᓴᕐᕕᖕᒧᑦ ᐃᓕᓐᓂᐊᕐᕕᒋᔭᕐᓄᑦ ᐅᕝᕙᓘᓐᓃᑦ ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ ᐃᓕᓐᓂᐊᖃᑕᐅᕝᕕᒋᓂᐊᖅᑕᕐᓄᑦ.   ᐅᑯᐊ ᐃᓚᓕᐅᔾᔭᐅᔪᑦ ᐊᐃᑉᐸᐃᑦ ᕿᑐᕐᖓᑎᓪᓗ.

ᐃᓚᒋᐊᕈᑎᑦ ᐊᐃᑦᑑᑎᓄᑦ:

ᐃᓚᒋᐊᕈᑎᑦ ᐊᐃᑦᑑᑎᓄᑦ ᓄᓇᕗᒻᒥ ᓄᓇᑖᖃᑕᐅᓯᒪᔪᓄᑦ ᑐᕌᖓᔪᑦ ᐃᑲᔫᑎᒃᓴᐅᓪᓗᑎᒃ ᐊᑭᖏᓐᓄᑦ ᐊᒃᑐᐊᓂᓕᖕᓄᑦ ᐃᓕᓐᓂᐊᕈᑎᒃᓴᓄᑦ, ᖃᖓᑦᑕᐅᑎᓄᑦ ᐊᒻᒪ ᐊᓯᐊᓄᑦ ᓄᓇᒧᑦ ᐃᓂᓪᓚᒍᑎᓄᑦ.  ᐊᐃᑦᑑᑎᑦ ᓈᓴᐅᑎᖃᖅᑎᑕᒦᒻᒪᑕ ᐅᓄᖅᓯᒋᐊᖅᐸᒃᖢᑎᒃ ᐃᒡᓗᒥᐅᖃᑎᒌᑦ ᐅᓄᕐᓂᖏᑦ ᒪᓕᒃᑕᐅᓪᓗᑎᒃ.

*ᐃᓚᒋᔭᐅᔪᑦ ᐅᑯᐊᖑᓪᓗᑎᒃ ᕿᑐᕐᖓᕆᔭᐅᔪᑦ, ᕿᑐᕐᖓᙳᐊᕆᔭᐅᔪᑦ ᐅᕝᕙᓘᓐᓃᑦ ᑎᒍᐊᕆᔭᐅᔪᑦ ᓄᑕᖅᑲᑦ 18−ᓂᒃ ᑐᖔᓂ ᐅᑭᐅᓖᑦ ᐅᕝᕙᓘᓐᓃᑦ ᐅᑭᐅᖃᖅᐸᑕ 21−ᓂᒃ ᓯᓚᑦᑐᖅᓴᕐᕕᖕᒥᓪᓗ ᐃᓕᓐᓂᐊᖃᑕᐅᓗᑎᒃ ᐅᓪᓗᓕᒫᖅ ᐅᕝᕙᓘᓐᓃᑦ ᐃᓚᒌᑦ ᑎᑎᖅᑲᖁᑎᓕᔭᖅᑐᑦ ᑕᐅᕗᖓᓕᒫᖅ ᑎᒥᒥᒍᑦ ᐱᒡᒐᕈᑎᖃᕐᓂᕋᖅᖢᑎᒃ. 

ᐊᑐᖅᑐᐊᒐᒃᓴᑦ:

ᐅᑯᐊ ᐊᑐᖅᑐᐊᒐᒃᓴᑦ ᐊᑐᐃᓐᓇᕈᖅᑎᑕᐅᓲᑦ ᐃᓕᓐᓂᐊᖅᑎᓄᑦ ᐃᑲᔫᑎᒃᓴᐅᓪᓗᑎᒃ ᐊᑭᓕᖅᓱᕆᐊᓕᖕᓄᑦ ᐊᒃᑐᐊᓂᓕᖕᓄᑦ ᐃᒡᓗᒧᑦ ᐊᑐᖅᑐᐊᕈᑎᓄᑦ, ᓂᕆᔭᒃᓴᓄᑦ ᐊᒻᒪ ᐊᓐᓄᕌᖅᑖᕈᑎᒃᓴᓄᑦ.  ᓴᖅᑭᑕᐅᓲᑦ ᐊᕐᕌᒍᑕᒫᑦ ᐊᔪᖅᑎᑕᐅᙱᑦᑐᓄᑦ ᐃᓕᓐᓂᐊᖅᑎᓄᑦ.  ᐅᑯᐊ ᐊᑐᖅᑐᐊᕈᑎᑦ ᐊᑐᐃᓐᓇᐅᑎᑕᐅᔪᑦ ᐃᓕᓐᓂᐊᖅᑎᓄᑦ ᓄᓇᕗᒥᐅᑕᐅᓕᖅᑐᓄᑦ ᐅᑭᐅᓄᑦ ᐱᖓᓱᓄᑦ ᐅᖓᑖᓄᓪᓘᓐᓃᑦ.  ᐅᑎᕆᐊᖃᖅᐳᑎᑦ ᐃᖅᑲᓇᐃᔭᕆᐊᖃᖅᐳᑎᓪᓗ ᓄᓇᕗᒻᒥ ᑖᒃᑯᓂᖓ ᐊᑐᖅᑐᐊᕈᑎᓄᑦ ᐃᓱᒪᒋᔭᐅᔪᒪᔪᓐᓃᕈᒪᓐᓂᕈᕕᑦ.

ᑐᒡᓕᐊᓂ ᐊᑐᖅᑐᐊᖅᑕᐅᔪᒃᓴᑦ:

ᐅᑯᐊ ᐊᑐᖅᑐᐊᖅᑕᐅᔪᒃᓴᑦ ᐊᑐᐃᓐᓇᕈᖅᑎᑕᐅᓲᑦ ᓄᓇᕗᒥᐅᑕᐅᓕᓵᖅᑐᓄᑦ.  ᐃᑲᔫᑎᒃᓴᓕᐊᕆᓯᒪᔪᑦ ᐊᑭᓕᖅᓱᕆᐊᓕᖕᓄᑦ ᐃᓅᓇᓱᐊᕈᑎᓄᑦ ᐃᒡᓗᒧᑦ ᐊᑐᖅᑐᐊᕈᑎᒧᑦ, ᓂᕆᔭᒃᓴᓄᑦ ᐊᒻᒪ ᐊᓐᓄᕌᖅᑖᕈᑎᒃᓴᓄᑦ.  ᑐᒡᓕᐊᓂ ᐊᑐᖅᑐᐊᖅᑕᑦ ᐊᑕᖏᕐᓗᑎᒃ ᐅᑎᖅᑎᑦᑕᕆᐊᖃᓲᑦ.

ᐱᔭᕆᐊᓕᒃᑯᑦ ᖃᐅᔨᓴᑕᐅᖅᓯᒪᔪᓄᑦ ᐊᑐᖅᑐᐊᒐᒃᓴᑦ:

ᐅᑯᐊ ᐊᑐᖅᑐᐊᒐᒃᓴᑦ ᐃᑲᔫᓯᐊᖅᓯᒪᔪᑦ ᑐᙵᕕᒋᔭᐅᓪᓗᑎᒃ ᐱᓕᕆᔾᔪᑕᐅᓯᒪᔪᑦ ᑮᓇᐅᔭᑎᒍᑦ ᐊᑐᖅᑕᐅᒋᐊᓕᖕᓄᑦ.  ᐱᓇᔪᖃᑕᐅᔪᓐᓇᖅᐳᑎᑦ ᐱᔭᕆᐊᓕᒃᑯᑦ ᖃᐅᔨᓴᖅᑕᐅᓯᒪᔪᓄᑦ ᐊᑐᖅᑐᐊᒐᒃᓴᓄᑦ ᖃᖓᑐᐃᓐᓇᑦᑎᐊᖅ ᐃᓕᓐᓂᐊᕐᓇᐅᑎᓪᓗᒍ ᑭᓯᐊᓂ ᐊᑕᖏᕐᓗᒍ ᐱᔭᕆᐊᓕᒃᑯᑦ ᖃᐅᔨᓴᖅᑕᐅᓯᒪᔪᓄᑦ ᐊᑐᖅᑐᐊᒐᒃᓴᑦ ᐱᔪᓐᓇᕋᔭᙱᑕᑎᑦ ᑭᖑᓂᖔᑦᑎᓐᓂ ᐃᓕᓐᓂᐊᕐᓇᓂᒃ/ᐅᑭᐅᓂᒃ ᐃᓕᓐᓂᐊᖃᑕᐅᑎᓪᓗᑎᑦ.  ᐱᓇᔪᖃᑕᐅᒋᐊᖃᖅᐳᑎᑦ ᐃᓕᓐᓂᐊᖅᑕᓯ ᐃᓱᓕᓚᐅᙱᓐᓂᖓᓂ.  ᓄᑖᕐᒥ ᐱᓇᔫᑎᒥᒃ ᑕᑕᑎᕆᒃᑲᓐᓂᕆᐊᖃᖅᐳᓯ ᐱᔭᕆᐊᓕᒃᑯᑦ ᖃᐅᔨᓴᖅᑕᐅᓯᒪᔪᓄᑦ ᐊᑐᖅᑐᐊᒐᒃᓴᓄᑦ ᐱᓇᔪᒃᑲᓐᓂᕐᓂᐊᕌᖓᔅᓯ.

ᐊᐃᑦᑑᑎᑦ ᐃᓕᓐᓂᐊᖅᑎᓄᑦ ᑕᐅᕗᖓᓕᒫᖅ ᑎᒥᒥᒍᑦ ᐊᔪᕈᑎᓕᖕᓄᑦ:

ᐅᑯᐊ ᐊᐃᑦᑑᑎᑦ ᐃᑲᔫᑕᐅᓇᓱᒃᑐᑦ ᐊᑭᒋᑎᑕᓄᑦ ᐊᑭᓕᖅᓱᕆᐊᓕᖕᓄᑦ ᐊᒃᑐᐊᓂᓕᖕᓄᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖃᑕᐅᔪᓄᑦ ᑎᒥᒥᒍᑦ ᑕᐅᕗᖓᓕᒫᖅ ᐊᔪᕈᑎᓕᖕᓄᑦ.  ᐱᓇᔪᖃᑕᐅᔪᓐᓇᖅᑐᓯ ᑖᒃᑯᓄᖓ ᐊᐃᑦᑑᑎᓄᑦ ᐃᓕᓐᓂᐊᕐᓇᐅᑎᓪᓗᒍ.  ᐊᑐᐃᓐᓇᕈᖅᑎᑦᑎᒋᐊᖃᖅᑐᑎᑦ ᐋᓐᓂᐊᕕᖕᒥᙶᖅᑐᒥᒃ ᐅᕝᕙᓘᓐᓃᑦ ᐃᓕᑦᑐᐃᑦᑑᓂᕐᒧᑦ ᖃᐅᔨᔭᐅᓯᒪᒍᕕᑦ ᐃᓕᑕᕆᔭᐅᔾᔪᑎᑖᖅᓯᒪᔪᒥᒃ ᓘᒃᑖᒧᑦ ᐱᓕᕆᖃᑎᖃᖅᑐᒧᑦ ᑎᒥᒃᑯᑦ ᐊᔪᕈᑎᑎᑦ ᐊᒃᑐᐃᓂᖃᖅᐸᑕ ᐃᓚᐅᔪᓐᓇᙱᓐᓂᕈᕕᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑕᐅᔪᓂᒃ.  ᐅᑯᐊ ᐊᐃᑦᑑᑎᑦ ᐊᑐᖅᑕᐅᔪᓐᓇᖅᑐᑦ ᐊᑭᖃᖅᑎᒋᔪᓐᓇᖅᐳᑦ $8,000.00−ᒧᑦ ᑎᑭᓪᓗᒍ ᐱᖁᑎᓄᑦ ᐱᔨᑦᑎᕋᐅᑎᓄᓪᓗ ᐊᒃᑐᐊᓂᓕᖕᓄᑦ ᐱᓕᒻᒪᒃᓴᖃᑕᐅᔭᓄᑦ ᐅᕝᕙᓘᓐᓃᑦ $1,000.00−ᒧᑦ ᑎᑭᓪᓗᒍ ᑕᒪᐃᓐᓄᑦ ᐃᓕᓐᓂᐊᖅᑕᐅᓇᔭᖅᑐᓄᑦ/ ᑐᓴᐅᒪᖃᑎᒌᖕᓂᕐᒧᑦ ᐃᓕᓐᓂᐊᖅᑕᐅᔪᒃᓴᓄᑦ.

ᐅᖓᓯᒋᔭᒥ/ᐃᕐᖐᓐᓈᖅᑕᐅᒃᑯᑦ/ᑐᓴᐅᒪᖃᑎᒌᖕᓂᕐᒧᓪᓗ ᐃᓕᓐᓂᐊᖅᑕᐅᔪᒃᓴᓄᑦ ᐊᑭᓖᔾᔪᑕᐅᓂᑯᑦ ᐅᑎᖅᑎᑕᐅᒋᐊᓕᑦ: 

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐊᑭᓖᔾᔪᑕᐅᓂᑯᒥᒃ ᐅᑎᖅᑎᑕᐅᓲᖑᕗᑦ ᐃᓕᓐᓂᐊᖅᑎᓄᑦ ᐊᓂᒍᐃᓚᐅᖅᑐᓄᑦ ᐊᑕᖏᖅᖢᒋᑦ ᓯᓚᑦᑐᖅᓴᕐᕕᖕᓂ ᐃᓕᓐᓂᐊᖃᑕᐅᒋᐊᖃᓚᐅᖅᑕᖏᑦ ᐅᕝᕙᓘᓐᓃᑦ ᑐᓴᐅᒪᖃᑎᒌᖕᓂᕐᒧᑦ ᐃᓕᓐᓂᐊᑕᐅᔪᒃᓴᓂᒃ.  ᓄᓇᕗᒥᐅᑕᐅᒋᐊᖃᖅᐳᑎᑦ ᐅᑭᐅᓄᑦ ᐱᖓᓱᓄᑦ ᐃᓕᓐᓂᐊᖃᑕᐅᔪᒃᓴᒧᑦ ᐃᓕᓐᓂᐊᖃᑕᐅᓂᐊᕈᒪᒍᕕᑦ ᑐᓂᓯᒋᐊᖃᖅᐳᑎᓪᓗ ᓇᓕᖅᑲᓪᓚᑦᑖᓂᒃ, ᑎᑎᕋᖅᓯᒪᓪᓚᑦᑖᖅᑐᓂᒃ ᑕᑯᒃᓴᐅᑎᑦᑎᔪᓂᒃ ᐃᓕᓐᓂᐊᖅᑕᑦ ᐊᓂᒍᓚᐅᕐᓂᕐᓄᑦ ᒪᓕᒐᖅᑎᒍᑦ ᓱᓕᓂᕋᕈᑎᒥᒃ ᐃᒪᓐᓇ ᓇᓗᓇᐃᕈᑎᖃᕐᓗᓂ ᐅᑎᖅᑎᑦᑎᒋᐊᖃᙱᓐᓂᕐᓄᑦ ᐃᖅᑲᓇᐃᔭᕐᕕᒋᔭᕐᓄᑦ ᐊᓯᐊᓄᓪᓘᓐᓃᑦ ᐱᓕᕆᕝᕕᖕᒧᑦ.

ᖃᓄᖅ ᑮᓇᔭᐅᖅᑎᒍᑦ ᐃᑲᔫᑎᑦ ᐃᓕᓐᓂᐊᖅᑎᓄᑦ ᐱᓕᕆᐊᖑᓲᖑᖕᒪᖔᑕ

ᐱᓕᕆᔾᔪᓯᖅ ᐱᓇᔪᖕᓂᐊᕐᓗᓂ ᐱᑎᑕᐅᖃᑦᑕᕐᓂᐊᕐᓗᓂᓗ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓂᒃ ᐅᑯᓂᖓ ᒪᓕᒃᑕᐅᒋᐊᓕᖕᓂᑦ ᒪᓕᒋᐊᖃᓲᖑᕗᑦ:

ᐱᓇᔪᒡᓗᑎᒃ:

ᐃᓕᓐᓂᐊᖃᑕᐅᓕᓵᖅᑐᑦ: ᑐᓂᔭᕆᐊᖃᑦᑕᑦ ᐱᓇᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᑐᒃᓯᕋᐅᑎᒧᑦ ᐃᓱᓕᕝᕕᖓ ᑎᑭᓚᐅᙱᓐᓂᖓᓂ.

ᐃᓕᓐᓂᐊᖅᑎᐅᖃᑕᐅᖏᓐᓇᓕᖅᑐᓄᑦ:  ᑐᓐᓂᖅᑯᑎᒋᓗᒍ ᐱᓇᔫᑦ ᐃᓕᓐᓂᐊᖃᑕᐅᖏᓐᓇᕈᒪᔪᓄᑦ ᐃᓱᓕᕝᕕᒃᓴᖓ ᑎᑭᓚᐅᙱᓐᓂᖓᓂ ᐳᐃᒍᖅᑕᐃᓕᓗᒋᓪᓗ ᑎᑎᕋᖅᓯᒪᔪᖁᑎᑎᑦ ᐃᓚᓕᐅᑎᒐᓗᐊᕐᒪᖔᖅᐱᒋᑦ.

ᖃᐅᔨᓴᕐᓂᖅ:

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᓇᒃᓯᐅᔾᔨᓛᖅᑐᑦ ᐊᖏᖅᑕᐅᓂᕐᓄᖅ ᓇᓗᓇᐃᖅᓯᔾᔪᑎᒥᒃ ᑎᑎᖅᑲᒥᒃ − ᐅᑯᐊ ᓇᓗᓇᐃᕈᑕᐅᓂᐊᖅᑐᑦ ᐱᓇᔫᑎᑦ ᐱᔭᐅᓯᒪᓕᕐᓂᖓᓂᒃ ᐱᔭᐅᒋᐊᖃᒃᑲᓐᓂᖅᑐᓂᒃ ᐃᓕᖕᓂ. 

ᓇᒃᓯᐅᑎᓗᒋᑦ:

ᑭᙴᒪᔭᐅᔪᑦ ᑐᑭᓯᒋᐊᕈᑎᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᕿᓚᒻᒥᐅᓂᖅᐹᒃᑯᑦ.

ᓇᓗᓇᐃᖅᓯᔾᔪᑎᑦ:

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓂᒃ ᐊᖏᖅᑕᐅᔾᔪᑎ ᑎᑎᖅᑲᖅ − ᓇᓗᓇᐃᖅᓯᔾᔪᑎᓪᓚᑦᑖᖅ ᐊᖏᖅᑕᐅᓂᕐᓄᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐊᖏᖅᑕᐅᓂᕐᓄᑦ ᐃᑲᔫᓯᐊᕐᓂᐊᓕᕐᓗᑎᓪᓗ.

ᓄᒃᑕᕐᓂᖅ:

ᖃᖓᑕᓲᓕᕆᔨᒃᑯᓐᓄᑦ ᐅᖃᓗᒋᐊᖃᖅᐳᑎᑦ ᖃᖓᑦᑕᐅᓯᖅᑕᐅᔪᒪᓗᑎᑦ. ᑕᑯᒋᐊᕐᓗᒋᑦ ᓇᓗᓇᐃᖅᓯᒪᔪᑦ ᐊᖏᖅᑕᐅᔾᔪᑎᖕᓂ ᑲᑎᖅᓱᖅᓯᒪᔪᓂᒃ.

ᐃᓕᓐᓂᐊᖃᑕᐅᒋᑦ!

ᐃᓕᓐᓂᐊᖃᑕᐅᓕᕈᕕᑦ ᐃᓕᓐᓂᐊᖅᑎᑦᑎᔪᓪᓗ ᑎᑎᕋᕐᕕᖕᒥ ᑕᑕᑎᖅᑕᐅᓗᓂ ᐃᓕᓐᓂᐊᖃᑕᐅᓂᐊᖅᑎᓪᓗᑎᑦ ᐊᑎᓕᐅᖃᑕᐅᕝᕖᑦ ᑕᑕᑎᕆᐊᓕᒃ.

ᐊᑭᓕᐅᑎᑦ

ᑐᓐᓂᖅᑯᑎᒋᓗᒍ ᐃᓕᓐᓂᐊᖅᑎᓄᑦ ᐊᑎᓕᐅᖃᑕᐅᕝᕖᑦ ᑕᑕᑎᕆᐊᓕᒃ − ᐅᓇ ᓇᓗᓇᐃᖅᓯᔾᔪᑕᐅᓂᐊᖅᑐᖅ ᐃᓕᓐᓂᐊᖃᑕᐅᓂᕐᓄᑦ ᐊᑭᓖᑐᐃᓐᓇᕆᐊᖃᓕᕐᓂᕐᓄᓪᓗ.  ᐊᑐᖅᑐᐊᖅᓯᒪᒍᕕᑦ ᓇᒃᓯᐅᑎᒋᐊᖃᖅᐸᑦ ᐊᑎᓕᐅᖅᓯᒪᓪᓗᓂ ᐊᖏᖃᑎᒌᒍᑎᒋᓚᐅᖅᑕᑦ ᐃᓕᓐᓂᐊᖅᑎᓄᑦ ᐊᑎᓕᐅᖅᑕᐅᖃᑕᐅᔾᔪᑎᑦ.

ᐱᓕᕆᐊᕆᔪᓐᓇᖅᑕᑎᑦ

ᐳᐃᒍᖅᑕᐃᓕᒋᑦ, ᑲᒪᒋᔭᒃᓴᖃᕋᕕᑦ ᐃᓕᓐᓂᐊᖅᑎᐅᑎᓪᓗᑎᑦ ᐱᑎᑕᐅᓯᒪᑎᓪᓗᑎᑦ ᒐᕙᒪᒃᑯᑦ ᑮᓇᐅᔭᖁᑎᖏᓐᓂᒃ. ᐅᑯᐊ ᐃᓚᖃᖅᑐᑦ ᐃᓕᓐᓂᐊᖃᑕᐅᑦᑎᐊᖅᑐᓂᒃ, ᓈᒻᒪᒋᔭᐅᔪᓂᒃ ᐃᓕᓐᓂᐊᖃᑕᐅᑦᑎᐊᖅᑐᓂᒃ, ᐊᒻᒪᓗ ᖃᐅᔨᒪᓗᒋᑦ ᑮᓇᐅᔭᑦ ᐃᓕᔅᓯᓐᓄᑦ ᐊᑐᐃᓐᓇᕈᖅᑎᑕᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖃᑕᐅᓂᐊᖅᑎᓪᓗᑎᑦ ᐃᓕᖕᓄᑦ ᐊᑭᓕᖅᑕᐅᓗᑎᒃ ᓯᓚᑦᑐᖅᓴᕐᕕᒋᔭᕐᓄᑦ.

ᐱᓕᕆᔪᓐᓇᖅᑕᑎᑦ ᖃᐅᔨᒪᑦᑎᐊᕐᓂᐊᕐᓗᒋᑦ ᐱᓇᔫᑎᒋᔭᑦ ᐱᓕᕆᐊᖑᑲᐅᖅᑐᕈᓐᓇᕐᓗᓂ ᖃᐅᔨᒪᓗᑎᓪᓗ ᑮᓇᐅᔭᑎᒍᑦ ᐃᑲᔫᓯᐊᕐᓂᐊᕋᓗᐊᕐᒪᖔᖅᐱᑦ ᐃᓕᓐᓂᐊᕐᓇᖅ ᐱᒋᐊᓚᐅᙱᓐᓂᖓᓂ:

ᓇᒃᓯᐅᑎᓗᒍ ᐱᓇᔫᑎᑦ ᐃᑲᔪᖅᑐᐃᔪᓪᓗ ᑎᑎᖅᑲᑦ ᓇᒃᓯᐅᑎᔪᓐᓇᖅᓯᑐᐊᕈᕕᒋᑦ.  ᐃᓱᓕᕝᕕᒃᓴᖏᑦ ᐅᑕᖅᑭᕙᙱᓪᓗᒋᑦ ᐱᓕᕆᓗᐊᕐᓇᓲᖑᖕᒪᑦ ᐃᓱᓕᕝᕕᒃᓴᖏᑦ ᖃᒡᓕᓗᐊᖅᑎᓪᓗᒋᑦ.
ᐃᕐᖐᓐᓈᖅᑕᐅᒃᑯᑦ ᓱᒃᑲᔪᒃᑯᓪᓘᓐᓃᑦ ᐱᓇᔫᑎᑦ ᓇᓗᓇᐃᖅᑕᐅᖁᒋᐊᖃᖅᐸᑦ ᐱᔭᐅᒐᓗᐊᕐᒪᖔᑦ.  ᓱᒃᑲᔪᒃᑰᕈᑎᑦ ᓈᒻᒪᙱᓪᓕᐅᕈᑎᖃᕋᔪᖕᒪᑕ ᐊᐅᓪᓚᖅᑎᑕᐅᓇᓱᒃᑎᓪᓗᒋᑦ ᖃᐅᔨᒪᑦᑎᐊᕋᓱᒃᐸᒡᓗᒋᑦ ᑕᑕᑎᖅᓯᒪᔪᑦ ᐊᕐᕕᐊᕐᒧᑦ ᓯᕗᒧᒃᑲᓗᐊᕐᒪᖔᑕ.
ᐸᕐᓇᐃᓗᑎᑦ ᓇᖕᒥᓂᖅ ᑮᓇᐅᔭᒡᒋᐊᕆᔭᒃᓴᕐᓂᒃ ᐃᑲᔫᑎᒋᓂᐊᖅᑕᕐᓂᒃ ᐱᓗᐊᖅᑐᒥ ᓅᓵᓕᔪᒪᒍᕕᑦ ᓯᓚᑦᑐᖅᓴᕐᕕᖕᒧᑦ ᐃᒡᓗᑖᕆᓂᐊᖅᑕᕐᓂᒃ ᖃᐅᔨᕙᒌᕈᒪᑎᓪᓗᓯ ᐅᕝᕙᓘᓐᓃᑦ ᐸᐃᕆᕕᒃᓯᐅᕐᓂᐊᕈᒪᒍᕕᑦ.
ᓇᒃᓯᐅᑎᓗᒋᑦ ᐱᐊᓂᒃᓯᒪᔭᑎᑦ ᐱᓇᔫᑎᑎᑦ ᐊᒻᒪᓗ ᐊᖏᖅᑕᐅᔾᔪᓰᑦ ᑎᑎᖅᑲᐃᑦ ᐅᓪᓗᑦ 30 ᐃᓕᓐᓂᐊᕐᓇᖅᓯᓚᐅᙱᓐᓂᖓᓂ ᖃᐅᔨᒪᔪᒪᒍᕕᒋᑦ ᑮᓇᐅᔭᑦ ᐱᑐᐃᓐᓇᕆᐊᖃᕋᓗᐊᕐᒪᖔᑕ ᐃᓕᓐᓂᐊᕐᓂᐊᖅᑕᓯ ᐱᒋᐊᓚᐅᙱᓐᓂᖓᓂ.

ᓯᓚᑦᑐᖅᓴᕐᕕᖕᒧᑦ ᑎᓕᔭᐅᔪᑦ

ᒪᕐᕉᖕᓂᒃ ᐱᐅᓯᖅᑕᖃᖅᐳᖅ ᖃᐅᔨᒋᐊᕈᓐᓇᖅᑕᕐᓂᒃ ᓯᓚᑦᑐᖅᓴᕐᕕᒃ ᐃᓕᓐᓂᐊᕐᕕᒋᓂᐊᖅᑕᑦ ᐱᓕᕆᐊᕆᓂᐊᖅᑕᑎᓪᓗ ᓯᓚᑦᑐᖅᓴᕐᕕᖕᓂ ᐱᓕᕆᐊᖑᓂᐊᕋᓗᐊᕐᒪᖔᑕ.  ᖃᐅᔨᒋᐊᕈᓐᓇᖅᑕᓯ ᑲᓇᑕᓕᒫᒥ ᑎᑎᕋᖅᑕᐅᓯᒪᔪᑦ ᑎᒃᑯᐊᖅᑕᐅᓯᒪᔪᓂᒃ ᓯᓚᑦᑐᖅᓴᕐᕕᖕᓂ ᓄᓇᕘᒥ ᑲᓇᑕᒥᓘᓐᓃᑦ ᐊᕕᒃᑐᖅᓯᒪᔪᓂᒃ ᐊᐅᓚᑦᑎᕕᐅᔪᒥᒃ.  ᖃᐅᔨᒪᓕᕈᕕᑦ ᓯᓚᑦᑐᖅᓴᕐᕕᒃ ᐃᓕᓐᓂᐊᖃᑕᐅᕝᕕᒋᓂᐊᖅᑕᑦ ᑎᒃᑯᐊᖅᑕᐅᖃᑕᐅᓯᒪᖕᒪᖔᑦ ᓯᓚᑦᑐᖅᓴᕐᕕᐅᓗᓂ, ᖃᐅᔨᒪᒋᐊᕐᓂᐊᖅᐳᑎᑦ ᐱᓂᕆᐊᕆᓂᐊᖅᑕᑦ ᓯᓚᑦᑐᖅᓴᕐᕕᖕᓂ ᐱᓕᕆᐊᖑᖃᑕᐅᓂᐊᕋᓗᐊᕐᒪᖔᑦ.

ᐱᓕᕆᐊᕆᓂᐊᖅᑕᑦ ᓄᓇᕗᒥᐅᓂᐊᖅᐸᑦ ᖃᐅᔨᒋᐊᕈᓐᓇᖅᐳᑎᑦ ᑎᒃᑯᐊᖅᑕᐅᓯᒪᔪᑦ ᑎᑎᕋᖅᓯᒪᔪᓃᖃᑕᐅᖕᒪᖔᑦ ᑎᑎᖅᑲᙳᖅᑎᑕᐅᓲᖑᓪᓗᑎᒃ ᐊᕐᕌᒍᑕᒫᑦ ᑎᑎᕋᖅᓯᒪᔪᓪᓗ ᐱᓕᕆᐊᒃᓴᓪᓗ ᑎᒃᑯᐊᖅᑕᐅᓯᒪᔪᑦ ᓄᓇᕘᑉ ᐃᓗᐊᓂ ᑭᖑᓂᐊᒍᓪᓗ ᐊᔪᙱᓪᓗᑎᒃ ᑮᓇᐅᔭᑎᒍᑦ ᐃᑲᔪᖅᑕᐅᒋᐊᒃᓴᖅ ᑮᓇᐅᔭᑦ ᐃᑲᔫᓯᐊᕈᑕᐅᓲᖅᑎᒍᑦ.

"ᓯᓚᑦᑐᖅᓴᕐᕕᒃ" ᓇᓗᓇᐃᖅᑕᐅᓯᒪᕗᖅ ᓄᓇᕗᒻᒥ ᐃᒪᓐᓇ:

ᐃᓕᓐᓂᐊᖅᑕᐅᔪᒃᓴᑦ ᐃᓕᓐᓂᐊᖅᑕᐅᕙᒡᓗᑎᒃ ᐃᓕᑕᕆᔭᐅᓯᒪᔪᒃᑯᑦ ᓯᓚᑦᑐᖅᓴᕐᕕᖕᒥ;
ᐱᓕᕆᐊᒃᓴᑦ ᐱᓕᕆᐊᕆᔭᐅᑎᒋᔪᓐᓇᖅᑐᑦ ᐃᒻᒪᖄ ᐱᓇᓱᐊᕈᓯᕐᓄᑦ 12-ᓄᑦ ᐊᑯᓂᐅᑎᒋᓗᑎᒃ;
ᐅᓄᙱᓛᖃᕐᓗᓂ 60% ᐃᓕᓐᓂᐊᕐᓇᒥ ᐱᓕᕆᐊᑉ ᐃᓗᐊᓃᑦᑐᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑕᐅᔪᒃᓴᐅᑕᐅᓗᑎᒃ.
ᐱᓕᕆᐊᕆᓂᐊᖅᑕᑦ ᓯᓚᑦᑐᖅᓴᕐᕕᖕᒥ ᐱᓕᕆᐊᖑᓂᐊᖅᐸᑦ ᓄᓇᕘᑉ ᓯᓚᑖᓂ ᖃᐅᔨᓇᓱᒋᐊᖃᕐᓂᐊᖅᐳᑎᑦ ᒥᓂᔅᑕᐅᑎᖃᕐᕕᖕᒧᑦ ᐱᓕᕆᕝᕕᖕᒧᓪᓘᓐᓃᑦ ᑲᒪᒋᔭᒃᓴᓕᖕᒧᑦ ᑲᓇᑕᒥ ᓄᓇᕗᒥᓪᓘᓐᓃᑦ ᐊᕕᒃᑐᖅᓯᒪᔪᒥ ᑎᒃᑯᐊᖅᑕᐅᓂᐊᖅᑎᓪᓗᒋᑦ.  ᐅᓇ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᑲᒪᒋᔭᐅᒐᔪᒃᑐᑦ.

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᒃᓴᑦ:

ᖃᐅᔨᒋᐊᕐᓗᒋᑦ ᐊᓯᖏᑦ ᑮᓇᐅᔭᖅᑖᕐᕕᐅᔪᓐᓇᖅᑐᑦ ᐅᕗᙵᕐᓗᓯ www.canlearn.ca.
ᖃᐅᔨᓗᒋᑦ ᓇᓕᐊᒃ ᓄᓇᕗᒻᒥ ᑐᙵᕕᓖᑦ ᐊᔪᙱᒻᒪᖔᑕ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᑎᒃᑯᐊᖅᑕᐅᓯᒪᓪᓗᑎᒃ ᑎᑎᕋᖅᓯᒪᔪᓃᑦᑐᑦ.
ᐃᓕᓐᓂᐊᕐᕕᒋᔭᐃᑦ ᓄᓇᕘᑉ ᓯᓚᑖᓃᑉᐸᑦ, ᖃᐅᔨᒋᐊᕐᓗᑎᑦ ᐊᔪᖅᑎᑕᐅᙱᒃᑲᓗᐊᕐᒪᖔᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᑲᓇᑕᒥ ᑎᑎᕋᖅᑕᐅᓯᒪᔪᓂᒃ ᓯᓚᑦᑐᖅᓴᕐᕕᖕᓂ.
ᐃᓕᖕᓂᒃ ᑐᓴᐅᒪᑎᓪᓗᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐱᔾᔪᑎᒋᓗᒋᑦ ᐱᖃᓯᐅᑎᓗᒍ ᓇᐃᓐᓈᖅᓯᒪᔪᑦ ᐊᑐᐊᒐᐅᓪᓗᑎᒃ ᐅᖃᓕᒫᒐᐃᑦ.

ᑮᓇᔭᐅᖅᑎᒍᑦ ᐃᑲᔫᑎᑦ ᐃᓕᓐᓂᐊᖅᑎᓄᑦ ᐅᓐᓂᕐᓗᓂᕐᒧᑦ ᐱᓕᕆᔾᔪᓯᑦ

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᐱᓕᕆᐊᑦ ᐊᑲᐅᓛᒃᑯᑦ ᐱᓕᕆᐊᖑᓲᖑᕗᑦ ᖃᐅᔨᒪᔭᐅᖁᓪᓗᒋᑦ ᐱᓇᔫᑕᐅᔪᓕᒫᑦ ᕿᒥᕐᕈᔭᐅᑦᑎᐊᖃᑦᑕᕋᓗᐊᕐᒪᖔᑕ ᓈᒻᒪᒃᑐᒃᑯᑦ, ᐊᔾᔨᒌᒃᑎᑕᐅᔪᒃᑯᑦ ᒪᓕᒃᑐᒃᑯᓪᓗ ᐃᓕᓐᓂᐊᖅᑎᓄᑦ ᑮᓇᐅᔭᑎᒍᑦ ᐃᑲᔪᖅᑕᐅᒋᐊᓕᖕᓄᑦ ᐱᖁᔭᕐᒧᑦ ᒪᓕᒐᖏᓐᓄᓪᓗ.  ᑖᒃᑯᐊᖑᒐᓗᐊᖅᑎᓪᓗᒋᑦ ᐊᑲᐅᓛᒃᑯᑦ ᐱᓕᕆᐊᖑᓲᑦ ᐱᑕᖃᓚᐅᓲᖑᖕᒥᖕᒪᑦ ᑎᑎᕋᕐᕕᖕᒥ ᐱᓕᕆᐊᖑᔪᑦ ᑕᒻᒪᖅᑕᖅᓯᒪᓚᐅᖅᐸᖕᓂᖏᓐᓄᑦ.  ᐅᒃᐱᕈᓱᒃᑯᕕᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᐊᑐᐊᒐᐃᑦ ᐊᑐᕐᓂᕐᓗᒃᑕᐅᓇᓱᒋᓗᒋᑦ ᐱᓇᔫᑎᖕᓄᑦ ᐅᕝᕙᓘᓐᓃᑦ ᐃᓄᖕᒧᑦ ᑲᒪᒋᔭᐅᑦᑎᐊᕐᓂᙱᑉᐸᑕ ᑎᓕᐅᖅᑕᐅᕗᑎᓪᓕ ᑕᐃᒪ ᐅᓐᓂᕐᓗᖁᔭᐅᓪᓗᑎᑦ ᖁᑦᓯᓂᖅᓴᒧᑦ ᐋᖅᑭᒃᑕᐅᓯᒪᔪᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᐱᓕᕆᐊᓂᒃ ᒪᓕᒡᓗᒋᑦ ᖁᑦᑎᖕᓂᖅᓴᒧᑦ ᐅᓐᓂᕐᓗᓚᐅᖅᑎᓪᓗᑎᑦ ᒪᓕᒋᐊᓕᖕᓄᑦ.  ᐅᑯᐊ ᐱᓕᕆᔾᔪᓯᑦ ᐋᖅᑭᒃᑕᐅᓯᒪᖃᓯᐅᑎᔪᑦ ᖃᐅᔨᒪᔭᐅᖁᓪᓗᒋᑦ ᓈᒻᒪᖅᑰᑦᑎᒐᓗᐊᕐᒪᖔᑕ ᐊᔾᔨᒌᒃᑎᑕᐅᒐᓗᐊᕐᒪᖔᑕᓗ ᕿᒥᕐᕈᔭᐅᑎᓪᓗᒋᑦ ᐱᓇᔫᑎᑦ ᐊᒻᒪ ᑎᑎᖅᑲᖁᑎᑎᑦ.  ᐊᓂᒍᖅᑎᑕᐅᓇᓱᒃᑯᑦ ᑖᒃᑯᓇᓂ ᐱᓕᕆᔾᔪᓯᕐᓂᒃ ᐅᖓᕙᕆᐊᕈᑕᐅᑲᑕᑐᐃᓐᓇᕐᓂᐊᖅᑐᑦ.

ᖁᑦᑎᖕᓂᖅᓴᒧᑦ ᐅᓐᓂᕐᓗᒋᐊᖃᙱᑉᐳᓯ ᐅᑯᓂᖓ ᐱᔾᔪᑎᖃᕐᓗᓯ:

ᓯᓚᑦᑐᖅᓴᕐᕕᒃ ᐅᕝᕙᓘᓐᓃᑦ ᐱᓕᕆᐊᖑᓂᐊᖅᑐᖅ ᑎᒃᑯᐊᖅᑕᐅᓯᒪᒐᓗᐊᕐᒪᖔᑦ ᓯᓚᑦᑐᖅᓴᕐᕕᖕᒥ ᐱᓕᕆᐊᖑᔪᒃᓴᐅᓗᓂ;
ᐃᓱᓕᕝᕕᒃᓴᕆᑎᑕᒥᒃ ᖄᖏᕈᔾᔨᓐᓂᕈᕕᑦ ᑐᓂᓯᓂᐊᖅᑎᓪᓗᑎᑦ ᐱᓇᔫᑎᖕᓂᒃ ᐃᒪᐃᓕᐅᕈᓐᓇᖅᐳᑎᑦ;
ᐊᑭᓕᐅᑎᒃᑲᓐᓂᑦ/ᐊᑭᓕᐊᓂᒃᑎᓪᓗᒋᓪᓗ ᐱᔾᔪᑎᓅᖓᔪᑦ ᐅᕝᕙᓘᓐᓃᑦ ᐊᖅᑐᖅᑐᐊᕈᑎᓄᑦ ᕿᑐᕐᖏᐅᕈᑎᑦ.

ᖁᑦᓯᓂᖅᓴᒧᑦ ᐅᓐᓂᕐᓗᖕᓂᐊᕐᓗᓂ ᐱᕕᒃᓴᖅ

ᖃᐅᔨᒃᑲᖅᑕᐅᓚᐅᖅᑎᓪᓗᑎᑦ ᐅᓪᓗᕐᓂᒃ 30−ᓂᒃ ᓇᒃᓯᐅᔾᔨᒋᐊᖃᓕᕐᓂᕐᓂᒃ ᑎᑎᕋᕐᓗᒍ ᖁᑦᑎᖕᓂᖅᓴᒧᑦ ᐅᓂᕐᓗᒍᑎᒋᔭᑦ.  ᖃᐅᔨᒃᑲᖅᑕᐅᒍᕕᑦ ᑎᑎᖅᑲᑎᒍᑦ ᐅᓗᑦ 30 ᐱᒋᐊᕐᓂᐊᕐᓂᖏᓐᓂᒃ ᐅᓪᓗᑦ ᖁᓕᑦ ᑎᑎᖅᑲᖅ ᐊᐅᓪᓚᖅᑎᑕᐅᓚᐅᖅᑎᓪᓗᒍ.  ᐄᕐᖐᓐᓈᖅᑕᐅᒃᑯᑦ ᖃᐅᔨᒃᑲᖅᑕᐅᒍᕕᑦ, ᐅᓪᓗᑦ 30 ᐱᒋᐊᕋᔭᖅᐳᑦ ᐅᓪᓘᒃ ᒪᕐᕉᒃ ᐃᕐᖐᓐᓈᖅᑕᐅᑦ ᓇᒃᓯᐅᔾᔭᐅᓚᐅᖅᑎᓪᓗᒍ. ᐅᖃᓘᑎᒃᑯᑦ ᓇᓗᓇᐃᕐᕕᐅᒍᕕᑦ ᑐᓴᖅᑕᐅᔪᒃᓴᒥᒡᓗ ᕿᒪᐃᓗᑎᑦ, ᐅᓪᓗᑦ 30 ᐱᒋᐊᕋᔭᖅᖢᓂ ᐅᓪᓗᕐᒥ ᐅᖃᓗᓚᐅᖅᑎᓪᓗᑎᑦ.

ᐅᓐᓂᕐᓗᒍᑎᖃᕐᓃᑦ

ᐅᓂᕐᓗᒍᑎᖃᓚᐅᙱᓐᓂᕐᓂ, ᓄᓇᕗᒻᒥ ᐃᓕᓐᓂᐊᖅᑎᑦ ᐃᑲᔫᓯᐊᖏᓐᓄᑦ ᐱᓕᕆᔨᖓᓄᑦ ᖃᐅᔨᒋᐊᖅᑳᕐᓗᑎᑦ. ᖃᓄᑐᐃᓐᓇᖅ ᐊᑲᐅᙱᓕᐅᕈᑕᐅᔪᑦ ᐋᖅᑭᒃᑕᐅᔪᓐᓇᑐᐃᓐᓇᕆᐊᓖᑦ ᑕᒪᐃᓐᓂᒃ ᐱᓕᕆᔨᓂᑦ ᐅᖃᖃᑎᖃᕐᓗᑎᑦ ᑖᒃᑯᐊᒡᓗ ᑐᑭᓯᑎᑦᑎᐊᕐᓗᒋᑦ ᐊᑲᐅᙱᓕᐅᕈᑎᒥᒃ. ᐃᓚᒌᑦ ᖃᓄᐃᓕᖓᓂᖏᑦ ᐊᓯᔾᔨᖅᐸᑕ ᐅᕝᕙᓘᓐᓃᑦ ᐃᓕᓐᓂᐊᖅᑎᐅᑉ ᒥᒃᓵᓄᑦ ᑎᑎᕋᖅᓯᒪᔪᑦ ᐅᓂᕐᓗᒍᑕᐅᔭᕆᐊᖃᙱᓪᓗᑎᒃ, ᑲᒪᒋᔭᐅᔪᓐᓇᕐᓗᓂᓗ ᓄᓇᕗᒻᒥ ᐃᓕᓐᓂᐊᖅᑎᑦ ᐃᑲᔫᓯᐊᖅᑐᓕᕆᔨᒧᑦ.

ᐱᖃᑖ ᐊᑐᖅᑕᐅᔪᓐᓇᖅᑐᖅ ᐅᓐᓂᕐᓗᒍᑎᖃᕈᒪᓗᓂ ᑎᑎᕋᖅᑕᒥᓂᒃ ᐃᕐᖐᓐᓈᖅᑕᐅᒃᑯᑦ ᓇᒃᓯᐅᔾᔨᓗᑎᑦ ᐅᕝᕙᓘᓐᓃᑦ ᓴᖅᑭᑦᑎᓗᑎᑦ ᐱᔾᔪᑎᓂᒃ ᓇᓗᓇᐃᖅᓯᒪᔪᓂᒃ ᐅᑯᓄᖓ @email. ᑎᑎᕋᖅᓯᒪᔪᖅ ᐅᓂᕐᓗᒍᑕᐅᔪᖅ ᓄᓇᕗᒻᒥ ᐃᓕᓐᓂᐊᖅᑎᑦ ᐃᑲᔫᓯᐊᖏᓐᓄᑦ ᐊᐅᓚᑦᑎᔨᒧᑦ ᑲᒪᒋᔭᐅᓂᐊᖅᐳᖅ ᑎᑎᖅᑲᖁᑎᖕᓂ ᕿᒥᕐᕈᓂᐊᕐᓗᓂ ᐊᒻᒪ ᐃᓕᖕᓄᑦ ᖃᐅᔨᒋᐊᑐᐃᓐᓇᕆᐊᖃᓛᖅᖢᓂ ᑐᑭᓯᒋᐊᕐᕕᐅᒃᑲᓐᓂᕆᐊᖃᕈᕕᑦ. ᐊᐅᓚᑦᑎᔨ ᐅᕐᓂᕐᓗᒍᑎᖕᓂ ᐱᓯᒪᓕᖅᐸᑦ ᐅᓪᓗᓄᑦ ᑕᓪᓕᒪᓄᑦ ᐃᖅᑲᓇᐃᔭᕐᓇᓂ ᓴᖅᑭᑦᑎᓂᐊᖅᐳᖅ ᐱᓇᔪᒃᑐᒥᓪᓗ ᑐᓴᖅᑎᑦᑎᓗᓂ ᐅᓐᓂᕐᓗᒍᑎᒋᔭᖓᑕ ᖃᓄᐃᓕᖓᓂᖓᓂᒃ.

ᐱᖓᔪᖓᑦ ᐊᑐᖅᑕᐅᔪᓐᓇᖅᑐᖅ ᐅᓐᓂᕐᓗᒍᑎᖃᕐᓗᓂ ᐊᐅᓚᑦᑎᔨ ᐅᓐᓂᕐᓗᒍᑕᐅᔪᒥᒃ ᑐᓂᓯᓂᐊᖅᐳᖅ ᑎᑎᕋᖅᓯᒪᔪᖏᓐᓂᒡᓗ ᐃᓐᓇᕐᓄᑦ ᐃᓕᓐᓂᐊᒃᑲᓐᓂᕈᒪᔪᓄᑦ ᑐᑭᒧᐊᒃᑎᑦᑎᔨᖓᓄᑦ ᕿᒥᕐᕈᑎᑦᑎᓕᕐᓂᐊᕆᓪᓗᓂ. ᐃᓐᓇᕐᓄᑦ ᐃᓕᓐᓂᐊᒃᑲᓐᓂᕈᒪᔪᒧᑦ ᑐᑭᒧᐊᒃᑎᑦᑎᔨ ᐅᓪᓗᓂᒃ ᑕᓪᓕᒪᓂᒃ ᐃᖅᑲᓇᐃᔭᕐᓇᓂ ᕿᒥᕐᕈᔪᓐᓇᕐᓂᐊᖅᐳᖅ, ᓴᖅᑭᑦᑎᓗᓂ ᐅᓐᓂᕐᓗᒍᑎᒥᒃ ᐊᒻᒪ ᐱᓇᔪᒃᑐᒥᒃ ᑐᓴᖅᑎᑦᑎᓗᓂ.

ᑭᖑᓪᓕᖅᐹᖓᓂ ᐅᓐᓂᕐᓗᒍᑎᖃᕐᓗᓂ ᐱᓇᔪᒃᑐᖅ ᓱᓕ ᓈᒻᒪᒃᓴᙱᑉᐸᑦ ᑕᐃᑲᓂᓗ ᐃᓐᓇᕐᓄᑦ ᐃᓕᓐᓂᐊᒃᑲᓐᓂᕈᒪᔪᓄᑦ ᑐᑭᒧᐊᒃᑎᑦᑎᔨ ᐅᓐᓂᕐᓗᒍᑕᐅᔪᒥᑦ ᑐᓂᓯᓂᐊᖅᐳᖅ ᑎᑎᖅᑲᖁᑎᖏᓐᓂᒡᓗ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᒥᓂᔅᑕ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐱᑎᑕᐅᔪᓐᓇᕐᓂᐊᕐᒪᑦ ᑐᑭᓯᒋᐊᕈᑎᒋᔭᕆᐊᓕᖕᓂᒃ ᓴᖅᑭᑦᑎᓇᓱᓕᖅᐸᑕ.

ᑐᑭᓯᒋᐊᒃᑲᓐᓂᕈᒪᒍᔅᓯ ᖃᓄᐃᓕᐅᕆᐊᖃᕐᒪᖔᓪᓘᓐᓃᑦ ᖃᐅᔨᑎᑕᐅᔪᒪᒍᔅᓯ, ᐅᖃᓗᒋᐊᖃᖅᐳᓯ ᐃᑲᔫᓯᐊᖅᑐᓕᕆᔨᒃᑯᑦ ᐊᑭᖃᙱᑦᑐᒃᑯᑦ ᐅᖃᓗᒡᕕᖓᓐᓄᑦ:  1-877-860-0680.

ᐃᓕᓐᓂᐊᕆᐊᕐᓗᓂ ᑮᓇᐅᔭᑦ

ᓄᓇᕗᑦ ᒐᕙᒪᒃᑯᖏᑦ ᐃᓕᓴᖅᓯᓯᒪᖕᒪᑕ ᓄᓇᕗᒻᒥᐅᑦ ᐊᔪᙱᓐᓂᖃᑦᑎᐊᕆᐊᖃᕐᓂᖏᓐᓂᒃ. ᑕᒪᒃᑯᐊ ᐃᓕᓐᓂᐊᖅᑎᓄᑦ ᐃᑲᔫᑎᐅᔪᑦ ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᑐᕌᖓᔪᑦ ᖃᐅᑕᒫᑦ ᐃᓕᓐᓂᐊᕆᐊᖅᐸᒃᑐᓄᑦ. ᐃᓕᓐᓂᐊᕐᓂᐊᖅᑐᑦ ᑐᓂᓯᔭᕆᐊᖃᖅᑐᑦ ᐃᓕᓐᓂᐊᒐᒃᓴᖏᑕ ᓇᓗᓇᐃᒃᑯᑕᖏᓐᓂᒃ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᒥᒃ ᑎᑎᕋᖅᑎᖏᓐᓄᑦ ᕿᒥᕐᕈᔭᐅᔪᓐᓇᕐᓂᐊᕐᒪᑦ. ᐃᓕᓐᓂᐊᖅᑎᐅᔪᓄᑦ ᐃᑲᔫᑎᒃᓴᖅ ᑕᒪᓐᓇ ᑐᖅᑯᖅᑕᐅᖃᑦᑕᓲᖅ ᐃᓅᑉ ᑮᓇᐅᔭᒃᑯᕕᖓᓄᑦ.

ᐃᑲᔫᑎᒃᓴᐃᑦ ᐃᓄᖕᒧᑦ ᑐᓐᓂᖅᑯᑕᐅᑲᐅᑎᒋᕙᙱᑦᑐᑦ ᑭᓯᐊᓂ ᐅᑭᐅᓕᒫᖅ ᐃᓕᓐᓂᐊᓚᐅᖅᑕᖓ ᐱᐊᓂᒃᓯᒪᓕᖅᑎᓪᓗᒍ ᖃᐅᔨᓴᖅᑕᐅᓂᖓᒍᓪᓗ ᐱᔪᓐᓇᕐᓂᖓᓂᒃ ᓇᓗᓇᐃᖅᑕᐅᓯᒪᓕᖅᐸᑦ ᑭᓯᐊᓂ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᒥᒃ ᐱᑎᑕᐅᖃᑦᑕᕆᐊᖃᖅᑐᑎᑦ ᑕᒪᑐᒧᖓ ᐃᑲᔫᑎᒧᑦ ᐱᖃᑕᐅᔪᓐᓇᕐᓂᐊᕈᕕᑦ

ᖁᕝᕙᓯᖕᓂᓕᒃ 12−ᒥ ᐃᑲᔫᑎᒃᓴᖅ − $500

ᐃᓕᓐᓂᐊᕌᓂᖕᓂᕐᒧᑦ ᐊᓂᒍᐃᓚᐅᕐᓂᕈᕕᑦ ᖃᐅᔨᓴᖅᑕᐅᔾᔪᑎᒃᑯᓪᓗ 80%−ᒥᒃ ᐊᑯᓪᓕᖅᓱᐃᖃᑦᑕᓚᐅᕐᓂᕈᕕᑦ ᖃᐅᔨᕚᓪᓕᕈᑎᓄᑦ ᑕᐃᒪ ᐊᔪᙱᖃᑕᐅᕗᑎᑦ ᐱᓇᔪᒋᐊᒃᓴᖅ ᐃᑲᔫᑎᒥᒃ $500−ᑐᖅᑐᒥᒃ.

ᓯᓚᑦᑐᖅᓴᕐᕕᖕᒥ ᐃᓕᓴᕆᔭᐅᔾᔪᓯᐊᕋᓱᖕᓂᖅ - $750

ᖃᐅᔨᓴᖅᑕᐅᔾᔪᑎᒃᑯᑦ “A” ᐊᑯᓪᓕᐅᖃᑦᑕᓚᐅᕐᓂᖅᐸᑕ ᐃᓕᓐᓂᐊᕈᑎᒋᔭᑎᑦ ᓯᓚᑦᑐᖅᓴᕐᕕᖕᒥ, ᑕᐃᒪ ᐊᔪᙱᖃᑕᐅᕗᑎᑦ ᐃᑲᔫᓯᐊᕐᒥᒃ $750 ᐅᑭᐅᖅ ᓄᕐᖑᐊᒍᑦ ᐱᔭᐅᓲᖑᔪᒥᒃ. ᐃᓕᓐᓂᐊᕌᓂᒃᐸᓪᓕᐊᓕᖅᑎᓪᓗᑎᑦ ᐃᓕᓴᕆᔭᐅᔾᔪᓯᐊᕋᓱᖕᓂᕐᒧᑦ ᓯᓚᑦᑐᖅᓴᕐᕕᒡᔪᐊᒧᓪᓗ ᑲᔪᓯᒋᐊᕐᓂᐊᕈᕕᑦ ᐱᔭᕇᕈᓯᐊᕆᐊᖅᑐᕐᓂᐊᕐᓗᑎᑦ, ᑕᐃᒪ ᐊᔪᙱᖃᑕᐅᕗᑎᑦ $1000−ᒥᒃ $750−ᑐᐃᓐᓇᕐᒥᐅᙱᑦᑐᖅ. ᓄᓇᕗᒻᒥᐅᑕᐅᔭᕆᐊᖃᖅᑐᑎᑦ ᑕᒪᑐᒧᖓ ᑲᔪᓯᓂᖃᕈᓐᓇᕐᒪᖔᑦ ᖃᐅᔨᔭᐅᓇᓱᐊᖅᑐᒧᑦ ᐃᓕᓐᓂᐊᒃᑲᓐᓂᕈᓐᓇᕐᓂᕐᒧᑦ ᐃᑲᔫᓯᐊᖅᑖᖅᐸᒃᑐᓄᑦ ᐃᓚᒋᔭᐅᖃᑕᐅᓂᐊᕈᕕᑦ.

ᓯᓚᑦᑐᖅᓴᕐᕕᒡᔪᐊᒥ ᐱᔭᕇᕈᓯᐊᖅ − $1000

ᐃᓕᓐᓂᐊᕈᑎᖕᓄᑦ ᖃᐅᔨᓴᖅᑕᐅᔾᔪᑎᑎᑦ 80%−ᒥᒃ ᐊᑯᓐᓂᖅᓱᖃᑦᑕᓚᐅᕐᓂᖅᐸᑕ ᑎᓴᒪᒋᔭᖓᓂᒃ ᐅᑭᐅᒥ ᐃᓕᓐᓂᐊᕐᓗᑎᑦ ᑲᔪᓯᓂᐊᕐᓗᑎᓪᓗ ᐱᔭᕇᕈᓯᐊᖅᑖᕋᓱᖕᓂᕐᒧᑦ, ᑕᐃᒪ ᐊᔪᙱᖃᑕᐅᕗᑎᑦ $1000−ᒥᒃ ᐃᑲᔫᓯᐊᒃᓴᒥᒃ ᐃᓕᓐᓂᐊᕐᓂᕆᓂᐊᖅᑕᐃᑦ ᐅᑭᐅᖅ ᓄᑖᖅ ᐱᒋᐊᓕᓵᖅᐸᑦ ᐱᔭᕇᕈᓯᐊᕋᓱᓕᕐᓗᑎᑦ. ᐃᓕᓐᓂᐊᕐᓂᕆᔭᕐᓄᑦ ᐅᑭᐅᖓ ᐱᐊᓂᒃᐸᑦ ᓯᕗᓪᓕᖅ ᓱᓕ ᐃᓕᓐᓂᐊᒃᑲᓐᓂᕆᐊᖃᕐᓗᑎᑦ ᐱᔭᕇᕈᓯᐊᕋᓱᖕᓂᕐᒧᑦ ᖃᐅᔨᓴᖅᑕᐅᓂᒃᑯᓪᓗ ᐃᓕᓐᓂᐊᕈᑎᑎᑦ “A” ᐊᑯᓐᓂᖅᓱᖃᑦᑕᓚᐅᖅᐸᑕ ᑕᐃᒪ ᖄᒃᑲᓐᓂᐊᒍᑦ ᐊᔪᙱᑉᐳᑎᑦ $1000−ᑲᓐᓂᕐᒥᒃ ᐃᑲᔫᓯᐊᒃᑲᓐᓂᕈᓐᓇᖅᖢᑎᑦ.  ᐃᓕᓐᓂᐊᕌᓂᒃᐸᓪᓕᐊᓕᖅᑎᓪᓗᑎᑦ ᐃᓕᓴᕆᔭᐅᔾᔪᓯᐊᕋᓱᖕᓂᕐᒧᑦ ᓯᓚᑦᑐᖅᓴᕐᕕᒡᔪᐊᒧᓪᓗ ᑲᔪᓯᒋᐊᕐᓂᐊᕈᕕᑦ ᐱᔭᕇᕈᓯᐊᕆᐊᖅᑐᕐᓂᐊᕐᓗᑎᑦ, ᑕᐃᒪ ᐊᔪᙱᖃᑕᐅᕗᑎᑦ $1500−ᒥᒃ $1000−ᑐᐃᓐᓇᕐᒥᐅᙱᑦᑐᒥᒃ. ᐃᓕᓐᓂᐊᖃᑕᐅᔪᑦ ᐃᑲᔫᓯᐊᖃᑦᑕᖅᑐᑦ ᖃᐅᔨᓴᖅᑕᐅᔾᔪᑎᖏᑦᑎᒍᑦ “B” ᐊᑯᓐᓂᖅᓱᖃᑦᑕᖅᑐᑦ ᐃᓚᒋᐊᕈᑎᑖᕈᓐᓇᓲᑦ. ᓄᓇᕗᒻᒥᐅᑕᐅᔭᕆᐊᖃᖅᑐᑎᑦ ᑕᒪᑐᒧᖓ ᑲᔪᓯᓂᖃᕈᓐᓇᕐᒪᖔᑦ ᖃᐅᔨᔭᐅᓇᓱᐊᖅᑐᒧᑦ ᐃᓕᓐᓂᐊᒃᑲᓐᓂᕈᓐᓇᕐᓂᕐᒧᑦ ᐃᑲᔫᓯᐊᖅᑖᖅᐸᒃᑐᓄᑦ ᐃᓚᒋᔭᐅᖃᑕᐅᓂᐊᕈᕕᑦ.

ᓯᓚᑦᑐᖅᓴᕐᕕᒡᔪᐊᒥ ᐱᔭᕇᕐᓂᕐᒧᑦ ᐃᓕᓴᕆᔭᐅᔾᔪᓯᐊᑦ − $1500

ᐃᓕᓐᓂᐊᕈᑎᖕᓄᑦ ᖃᐅᔨᓴᖅᑕᐅᔾᔪᑎᑎᑦ 80%−ᒥᒃ ᐊᑯᓐᓂᖅᓱᖃᑦᑕᓚᐅᕐᓂᖅᐸᑕ ᑎᓴᒪᒋᔭᖓᓂᒃ ᐅᑭᐅᒥ ᐃᓕᓐᓂᐊᕐᓗᑎᑦ ᑲᔪᓯᓂᐊᕐᓗᑎᓪᓗ ᐱᔭᕇᕈᓯᐊᖅᑖᕋᓱᖕᓂᕐᒧᑦ, ᑕᐃᒪ ᐊᔪᙱᖃᑕᐅᕗᑎᑦ $1500−ᒥᒃ ᐃᑲᔫᓯᐊᒃᓴᒥᒃ ᐃᓕᓐᓂᐊᕐᓂᕆᓂᐊᖅᑕᑦ ᐅᑭᐅᖅ ᓄᑖᖅ ᐱᒋᐊᓕᓵᖅᐸᑦ ᐱᔭᕇᕈᓯᐊᕋᓱᓕᕐᓗᑎᑦ. ᐃᓕᓐᓂᐊᖃᑕᐅᔪᑦ ᐃᑲᔫᓯᐊᖃᑦᑕᖅᑐᑦ ᖃᐅᔨᓴᖅᑕᐅᔾᔪᑎᖏᑦᑎᒍᑦ “B” ᐊᑯᓐᓂᖅᓱᖃᑦᑕᖅᑐᑦ ᐃᓚᒋᐊᕈᑎᑖᕈᓐᓇᓲᑦ. ᐃᓕᓐᓂᐊᖃᑕᐅᔪᑦ ᐃᑲᔫᓯᐊᖃᑦᑕᖅᑐᑦ ᖃᐅᔨᓴᖅᑕᐅᔾᔪᑎᖏᑦᑎᒍᑦ “B” ᐊᑯᓐᓂᖅᓱᖃᑦᑕᖅᑐᑦ ᐃᓚᒋᐊᕈᑎᑖᕈᓐᓇᓲᑦ. ᓄᓇᕗᒻᒥᐅᑕᐅᔭᕆᐊᖃᖅᑐᑎᑦ ᑕᒪᑐᒧᖓ ᑲᔪᓯᓂᖃᕈᓐᓇᕐᒪᖔᑦ ᖃᐅᔨᔭᐅᓇᓱᐊᖅᑐᒧᑦ ᐃᓕᓐᓂᐊᒃᑲᓐᓂᕈᓐᓇᕐᓂᕐᒧᑦ ᐃᑲᔫᓯᐊᖅᑖᖅᐸᒃᑐᓄᑦ ᐃᓚᒋᔭᐅᖃᑕᐅᓂᐊᕈᕕᑦ.

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᓯᐊᖅᑐᓕᕆᔨᒃᑯᓐᓄᑦ ᖃᐅᔨᒋᐊᕐᕕᖃᕐᓂᖅ

ᐊᑲᐅᓛᖑᕗᖅ ᐃᕐᖐᓐᓈᖅᑕᐅᒃᑯᑦ ᖃᐅᔨᒋᐊᖅᐸᒡᓗᓂ ᐃᑲᔫᓯᐊᖅᑐᓕᕆᔨᒃᑯᓐᓄᑦ. ᑖᒃᑯᐊ ᖃᐅᔨᔾᔪᑕᐅᔪᓐᓇᕐᒪᑕ ᑎᑎᖅᑲᑎᒍᑦ ᐱᓕᕆᐊᒃᓴᖅᑕᖃᕐᓂᖓᓂᒃ ᑐᓴᐅᒪᔪᓕᕆᔨᓕᒫᓄᑦ ᐃᓕᖕᓂᙶᖅᑐᓂᒃ ᐃᑲᔫᓯᐊᖅᑐᓕᕆᔨᒃᑯᓐᓂᙶᖅᑐᓂᒡᓗ.  ᑎᑎᖅᑲᒥᒃ ᐊᐅᓪᓚᖅᑎᑦᑎᒋᐊᖃᕈᕕᑦ ᐃᑲᔫᓯᐊᖅᑐᓕᕆᔨᒃᑯᑦ ᑎᑎᕋᕐᕕᖓᓐᓄᑦ ᐊᔾᔨᓕᐅᕐᓗᒍ ᐃᕐᖐᓐᓈᖅᑕᐅᒃᑯᓪᓗ ᓇᒃᓯᐅᑎᓗᒋᑦ.  ᖃᕆᑕᐅᔭᒃᑯᑦ ᐊᔾᔨᓕᐅᕈᑎᖃᙱᒃᑯᕕᑦ, ᐊᔾᔨᓕᐅᕈᑎᓪᓚᑦᑖᒧᑦ ᐊᔾᔨᓕᐅᕆᔪᓐᓇᖅᐳᑎᑦ ᑎᑎᖅᑲᕐᓂᒃ ᐃᕐᖐᓐᓈᖅᑕᐅᒃᑯᓪᓗ ᐊᐅᓪᓚᖅᑎᓪᓗᒋᑦ ᑎᑎᕋᕐᕕᑦᑎᓐᓄᑦ.

ᐃᑲᔫᓯᐊᖅᑐᓕᕆᔨᒃᑯᑦ ᑎᑎᕋᕐᕕᖓᑦ ᒫᓐᓇ ᐊᑐᓲᖑᓕᖅᑐᑦ ᖃᕆᑕᐅᔭᒃᑯᑦ ᖃᐅᔨᒃᑲᐃᔾᔪᑎᒃᑯᑦ ᐱᓕᕆᔾᔪᓯᕐᓂᒃ:

• ᐃᑲᔫᓯᐊᖅᑐᓕᕆᔨᒃᑯᑦ ᐊᐅᓪᓚᖅᑎᑦᑎᖃᑦᑕᔾᔮᔪᓐᓃᖅᑐᑦ ᑎᑎᖅᑲᓂᒃ ᑎᑎᖅᑲᒃᑯᕕᒃᑎᒍᑦ
• ᖃᐅᔨᒪᖁᔭᐅᕗᓯ ᐃᕐᖐᓐᓈᖅᑕᐅᒃᑯᑦ ᑐᕌᕈᑎᓯ ᑕᒻᒪᖅᓯᒪᙱᒃᑲᓗᐊᕐᒪᖔᑕ ᐅᖓᕙᕆᐊᕈᑎᖃᑦᑕᔾᔮᙱᒻᒪᑕ ᑎᑎᖅᑲᑎᑦ ᐱᓕᕆᐊᖑᓂᐊᖅᑎᓪᓗᒋᑦ
• ᐃᕐᖐᓐᓈᖅᑕᐅᒃᑯᑦ ᑐᕌᕈᑏᑦ ᐊᓯᔾᔨᖅᐸᑦ, ᐃᑲᔫᓯᐊᖅᑐᓕᕆᔨᒃᑯᑦ ᖃᐅᔨᑎᖃᑦᑕᕆᐊᖃᖅᐸᓯᐅᒃ ᐃᕐᖐᓐᓇᖅ
• ᖃᐅᔨᒋᐊᕐᓗᒍ ”ᐃᕐᖐᓐᓈᖅᑕᐅᑎᕐᓘᑎᑦ ᑎᑭᑉᐸᓪᓕᐊᔪᑦ” ᑐᖅᑯᖅᓯᕕᖕᒧᑦ ᖃᐅᔨᔪᓐᓇᕐᓂᐊᕋᕕᑦ ᐃᕐᖐᓐᓈᖅᑕᐅᒃᑯᑦ ᑎᑎᕋᖅᑲᐅᔭᑦ ᑕᕝᕗᙵᙱᒃᑲᓗᐊᕐᒪᖔᑦ
• ᓱᒃᑲᔪᒃᑯᑦ ᐊᐅᓪᓚᖅᑎᑦᑐᒪᒍᕕᒋᑦ ᓇᓕᐊᑐᐃᓐᓇᖅ ᑎᑎᖅᑲᑦ ᐃᑲᔫᓯᐊᖅᑐᓕᕆᔨᒃᑯᑦ ᑎᑎᕋᕐᕕᖓᓐᓄᑦ ᖃᐅᔨᒪᖁᔭᐅᕗᓯ ᐱᓕᕆᒃᑲᓐᓂᕆᐊᖃᕋᔅᓯᐅᒃ ᓱᒃᑲᔪᒃᑯᑦ ᐊᐅᓪᓚᖅᑎᓚᐅᖅᑕᑎᑦ ᐱᔭᐅᒐᓗᐊᕐᒪᖔᑕ. ᓱᒃᑲᔪᒃᑰᕈᓐᓇᐅᑦ ᐊᑐᑐᐃᓐᓇᕆᐊᖃᕐᒪᑦ ᐊᒻᒪ ᐃᒪᓐᓇᐅᒐᔪᒃᖢᓂ ᓱᒃᑲᔪᒃᑯᑦ ᐊᐅᓪᓚᖅᑎᑕᐅᔫᒐᓗᐊᑦ ᐱᔭᐅᒐᔪᙱᓐᓂᖏᓐᓄᑦ.

@email
@email
@email
ᐅᖄᓚᑎᖓ: 1-877-860-0680
ᓱᒃᑲᔪᒃᑯᑦ: 1-877-860-0167