ᓈᓴᐅᓯᕆᓂᕐᒧᑦ ᖃᐅᔨᓴᕈᓐᓇᕐᓂᕐᒧᓪᓗ ᐃᓕᓴᕆᔭᐅᔾᔪᓯᐊᓄᑦ ᐱᓕᕆᐊᖅ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐃᓕᓴᖅᓯᕗᑦ ᑐᙵᕕᖃᑦᑎᐊᕐᓂᖓᓂᒃ ᓈᓴᐅᓯᕆᓂᖅ ᖃᐅᔨᓴᖅᑐᓕᕆᓂᕐᓗ ᐱᕕᒃᓴᖃᖅᑎᑦᑎᕗᑦ ᓄᓇᕗᒥᐅᓄᑦ ᐱᓇᔪᒍᓐᓇᕐᓂᕐᒥᒃ ᐱᔪᒪᓂᕆᔭᐅᔪᓂᒃ ᐃᖅᑲᓇᐃᔭᕐᓂᕐᒥᒡᓗ ᓈᓴᐅᓯᕆᓂᕐᒥ, ᖃᐅᔨᓴᖅᑐᓕᕆᓂᕐᒥᒃ ᐱᓕᕆᔾᔪᑎᓂᒡᓗ.
ᐱᔪᓐᓇᖅᑎᑕᐅᔪᑦ
ᑎᓕᐅᕐᓗᒋᑦ ᐃᑲᔪᖅᓱᕐᓗᒋᓪᓗ ᐃᓕᓐᓂᐊᖅᑎᑦ ᐱᓕᕆᐊᒃᑯᒥᒋᔭᖏᓐᓂᒃ ᐱᓕᕆᔪᒪᔪᑦ, ᓈᓴᐅᓯᕆᓂᕐᒧᑦ ᐊᒻᒪ ᖃᐅᔨᓴᖅᑐᓕᕆᓂᕐᒧᑦ ᐃᓕᑕᕆᔭᐅᔾᔪᑎᑖᖅᑎᑦᑎᓲᑦ ᐃᓕᑕᕆᔭᐅᔾᔪᑎᓂᒃ ᐊᔪᖅᑎᑕᐅᙱᑦᑐᓄᑦ ᐃᓕᓐᓂᐊᖅᑎᓄᑦ. ᐱᔪᓐᓇᖅᑎᑕᐅᔪᑦ ᐃᓕᓐᓂᐊᖅᑏᑦ ᖃᓂᒌᑦᑎᐊᖅᖢᑎᒃ ᐱᓕᕆᖃᑦᑕᖅᑐᑦ ᓈᓴᐅᓯᕆᓂᕐᒥᑦ ᐊᒻᒪᓗ/ᐅᕝᕙᓘᓐᓃᑦ ᖃᐅᔨᓴᕐᓂᕐᒥᑦ. ᑕᑯᒃᓴᐅᑎᑦᑎᔭᕆᐊᖃᖅᐳᑦ ᐃᒻᒪᖄ ᐊᑕᐅᓯᕐᒥᒃ ᐅᑯᓂᖓ ᐱᐅᓂᖏᓐᓂᒃ:
- ᑐᑭᓯᓯᒪᓂᖃᑦᑎᐊᕐᓗᓂ ᓈᓴᐅᓯᕆᓂᕐᒥᑦ ᐊᒻᒪ/ᐅᕝᕙᓘᓐᓃᑦ ᖃᐅᔨᓴᖅᑐᓕᕆᓂᕐᒥᑦ,
- ᐱᓕᕆᔪᓐᓇᑦᑎᐊᕐᓗᓂ ᐊᒻᒪ ᐃᓕᓐᓂᐊᕆᐊᖏᓐᓇᖃᑦᑕᕐᓗᓂ,
- ᐱᔪᒪᓂᖃᓪᓚᑦᑖᕐᓗᓂ, ᑲᔪᖏᖅᓴᖅᓯᒪᑦᑎᐊᕐᓗᓂ ᐊᒻᒪ ᐃᓕᓐᓂᐊᖃᑕᐅᔪᒪᑦᑎᐊᕐᓗᓂ ᓈᓴᐅᓯᕆᓂᕐᒥᑦ ᐊᒻᒪ/ᐅᕝᕙᓘᓐᓃᑦ ᖃᐅᔨᓴᖅᑐᓕᕆᓂᕐᒥᑦ, ᐊᒻᒪ/ᐅᕝᕙᓘᓐᓃᑦ
- ᐅᔾᔨᕐᓇᖅᑐᒥᒃ ᐱᕚᓪᓕᖅᓯᒪᓗᓂ ᐱᐅᓯᕚᓪᓕᖅᓯᒪᓘᓐᓃᑦ ᓈᓴᐅᓯᕆᓂᕐᒥᑦ ᐊᒻᒪ/ᐅᕝᕙᓘᓐᓃᑦ ᖃᐅᔨᓴᖅᑐᓕᕆᓂᕐᒥᑦ.
ᖁᕝᕙᓯᖕᓂᓖᑦ 8−ᒥ ᑐᓂᔭᐅᓲᑦ $175−ᓂᒃ, ᖁᕝᕙᓯᖕᓂᓖᑦ 10−ᒥ ᑐᓂᔭᐅᓲᑦ $275−ᓂᒃ, ᐊᒻᒪ ᖁᕝᕙᓯᖕᓂᓖᑦ 12−ᒥᑦ ᑐᓂᔭᐅᓲᑦ $350−ᓂᒃ.
ᐊᑐᖅᑎᑕᐅᓂᖓ
ᐱᔪᓐᓇᕐᓂᐊᕐᓗᓂ ᐃᓕᑕᕆᔭᐅᔾᔪᓯᐊᕐᒥ, ᑕᒪᕐᒥᒃ ᐃᓕᓐᓂᐊᕐᕖᑦ ᓇᓗᓇᐃᖅᓯᒋᐊᖃᖅᐳᑦ ᑐᓂᔭᐅᔪᒃᓴᓂᒃ(ᔪᓂᑦ) ᑐᓂᓗᒋᓪᓗ ᐱᔭᕇᖅᓯᒪᔪᑦ ᐱᓇᓱᐊᖅᑐᑦ. ᑕᒪᕐᒥᒃ ᑐᓐᓂᕐᕈᓯᐊᑦ ᑎᑎᖅᑲᓂᐊᕐᕕᒃᑯᑦ ᐊᐅᓪᓚᖅᑎᑕᐅᓂᐊᖅᑐᑦ ᐃᓕᓐᓂᐊᕐᕕᖕᒧᑦ ᓯᒃᑭᐅᓗᑎᑦ ᐊᒻᒪ ᐃᓕᓴᕆᔭᐅᔾᔪᑎᑖᖅᓯᒪᓗᑎᑦ. ᑐᓐᓂᖅᑯᓯᐊᑦ ᑐᕌᖓᑎᑕᐅᕗᑦ ᑕᒪᐃᓐᓄᑦ ᐃᓕᓐᓂᐊᕐᕕᖕᓂ ᐊᓂᒍᐃᔪᓄᑦ ᐅᕝᕙᓘᓐᓃᑦ ᑐᓐᓂᖅᑯᓯᐊᖅᑐᓄᑦ ᖁᕕᐊᓲᑎᖃᓕᖅᐸᑕ.
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᖁᔭᓕᕗᑦ ᐃᓚᐅᓂᖏᓐᓄᑦ ᑕᒪᐃᓐᓂ ᐃᓕᓐᓂᐊᕐᕖᑦ ᑕᕝᕙᓂ ᐱᓕᕆᐊᖑᔪᒥ.
ᑖᒃᑯᐊ ᓈᓴᐅᓯᕆᓂᕐᒧᑦ ᖃᐅᔨᓴᖅᑐᓕᕆᓂᕐᒧᓪᓗ ᑮᓇᐅᔭᑦ ᓇᓂᔭᒃᓴᐅᕗᑦ ᒪᒃᐱᖅᑐᒐᖅ 17-ᒥ ᐊᐃᑦᑑᑎᑦ ᐃᑲᔫᑎᓪᓗ ᐊᑐᐊᒐᕐᒥ.
ᖃᐅᔨᒋᐊᕐᕕᒃᓴᖅ
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᓂᕐᕈᓯᐊᑉ ᒥᒃᓵᓄᑦ, ᖃᐅᔨᒋᐊᕐᕕᒋᓗᒍ ᐅᔭᕋᖕᓂᐊᕐᓂᕐᒧᑦ ᐅᔾᔨᕈᓱᓕᖅᑎᑦᑎᔨᐅᓪᓗᓂ ᐊᐅᓚᑦᑎᔨ.
ᐅᔭᕋᖕᓂᐊᕐᓂᕐᒧᑦ ᐅᔾᔨᕈᓱᓕᖅᑎᑦᑎᔨᐅᓪᓗᓂ ᐊᐅᓚᑦᑎᔨ
ᐅᖄᓚᐅᑎᖓ: 867-857-3164
ᓱᒃᑲᔪᒃᑯᑦ: 867-857-380
ᐃᕐᖐᓐᓈᖅᑕᐅᑦ: @email