ᒪᒃᑯᓐᓂᖅᓴᐃᑦ ᕿᑐᕐᖓᖃᖅᑐᑦ ᐃᓕᓐᓂᐊᒃᑲᓐᓂᕈᒪᔪᑦ
ᒪᒃᑯᓐᓂᖅᓴᐃᑦ ᕿᑐᕐᖓᖃᖅᑐᓄᑦ ᐃᓕᓐᓂᐊᒃᑲᓐᓂᕈᒪᔪᓄᑦ ᐱᓕᕆᐊᖅ ᐸᐃᕆᕕᒃᑯᑦ ᐃᑲᔪᖅᓲᑕᐅᕗᖅ ᒪᒃᑯᓐᓂᖅᓴᓄᑦ ᐃᓕᓐᓂᐊᖅᑎᓄᑦ ᑮᓇᐅᔭᑎᒍᑦ ᐃᑲᔪᖅᐸᑦᑐᑎᒃ ᐸᐃᕆᕕᓐᓄᑦ ᕿᑐᕐᖓᖃᖅᑐᑦ ᐃᓕᓐᓂᐊᖅᑎᓪᓗᖏᑦ.
ᑭᒃᑯᑦ ᐃᓚᐅᖃᑕᐅᔪᓐᓇᖅᐸᑦ?
ᑭᓇᑐᐃᓐᓇᖅ ᐃᓕᓐᓂᐊᖅᑎᐅᔪᖅ ᕿᑐᕐᖓᖃᖅᑐᖅ ᒥᑭᔫᑕᐅᓂᖅᓴᓄᑦ, ᐊᑯᓐᓈᕿᔪᓄᑦ ᐅᕝᕙᓘᓐᓃᑦ ᖁᑦᑎᓂᖅᓴᒥᑦ ᐃᓕᓐᓂᐊᖅᑐᓄᑦ (ᐅᕝᕙᓘᓐᓂᑦ ᐃᓕᓐᓂᐊᖅᑎᓄᑦ 18-ᓂᑦ ᑐᖔᓂᑦ ᐅᑭᐅᖃᖅᑐᓄᑦ ᐃᓕᓐᓂᐊᒃᑲᓐᓂᖅᑐᓄᑦ) ᓄᓇᕗᒻᒥ ᕿᑐᕐᖓᖃᖅᑐᓄᑦ.
ᐊᔪᙱᑎᑕᐅᔪᑦ:
- ᐱᖃᑦᑕᙱᑐᐊᖅᑲᑦ ᑕᐃᒃᑯᓂᖓ ᑐᓂᔭᐅᖃᑦᑕᖅᑐᓂᑦ ᐃᑲᔫᑎᓂᒃ ᐸᐃᕆᕕᓐᓄᑦ ᐃᓕᓐᓂᐊᕐᓂᓕᕆᔨᒃᑯᓐᓂᑦ
- ᕿᑐᕐᖓᖃᕆᐊᖃᖅᐳᑎᑦ ᐅᕝᕙᓘᓐᓃᑦ ᐱᓯᒪᑦᑎᓗᑎᑦ ᓱᕈᓯᕐᒥᑦ ᓱᕈᓯᕐᓂᓪᓘᓐᓃᑦ ᐸᖅᑭᔭᐅᔭᕆᐊᓕᓐᓂᑦ
- ᐃᓕᓐᓂᐊᖅᑎᐅᖃᑕᐅᓗᑎᑦ ᐃᓕᓐᓂᐊᖏᓐᓇᖅᑐᓄᑦ ᐊᑯᓐᓈᕿᔪᒃᑯᑦ ᐅᕝᕙᓘᓐᓃᑦ ᖁᑦᑎᓂᖅᓴᒃᑯᑦ ᓄᓇᕘᒥᑦ ᐅᕝᕙᓘᓐᓂᑦ 18 ᑐᖔᓂ ᐅᑭᐅᖃᕈᕕᑦ ᐃᓕᓐᓂᐊᒃᑲᓐᓂᕈᒪᓗᑎᑦ ᓄᓇᕘᒥᑦ
- ᐃᓕᓐᓂᐊᖅᑎᒧᑦ ᑎᑎᕋᖅᑕᐅᓯᒪᔪᖅ ᑎᑎᖅᑲᖅ ᓱᒻᒪᑦ ᐱᒻᒪᕆᐅᒻᒪᖔᖅ ᐃᑲᔫᓯᐊᕆᐊᖃᕐᓂᖓ
- ᑕᑕᑎᒐᖅ ᑐᒃᓯᕋᐅᑦ ᐊᑎᓕᐅᖅᑕᐅᓯᒪᓗᓂ ᐃᓕᓐᓂᐊᕐᕕᒻᒥ ᐃᑲᔪᖅᑎᒧᑦ ᐅᕝᕙᓘᓐᓃᑦ ᐃᓕᓴᐃᔩᑦ ᐊᖓᔪᖅᑳᖓᓄᑦ
- ᐊᑎᓕᐅᕆᓗᑎᑦ ᐊᖏᕈᒻᒥᑦ ᐅᓪᓗᓕᒫᖅ ᐃᓕᓐᓂᐊᖅᑎᐅᓂᐊᕐᓂᕋᕐᓗᓂᑦ ᑲᔪᓯᑦᑎᐊᕈᒪᓂᖃᕐᓗᑎᓪᓗ ᐃᓕᓐᓂᐊᖅᑕᕐᓂᑦ
- ᑮᓇᐅᔭᖅᑖᕈᓯᐊᖃᑦᑕᖏᒃᑯᕕᑦ ᓄᓇᕗᒻᒥ ᐊᕕᑦᑐᖅᓯᒪᔪᑎᒍᑦ ᐃᓄᐃᑦ ᑲᑐᔾᔨᖃᑎᒌᖏᑎᒍᑦ
- ᐊᑐᐃᓐᓇᖅᑕᖃᖅᐸᑦ ᐱᔪᓐᓇᐅᑎᖃᖅᑐᓂᑦ ᐸᐃᕆᕕᓐᓂᑦ ᐅᕝᕙᓘᓐᓃᑦ ᓇᒻᒥᓂᖅ ᐱᔪᓐᓇᐅᑎᖃᙱᑐᒧᑦ ᐸᐃᕆᔨᖃᕈᕕᑦ (ᐊᖏᕈᑕᐅᔪᓐᓇᖅᐳᖅ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᑭᓯᐊᓂ ᐱᔪᓐᓇᐅᑎᖃᖅᑐᓄᑦ ᐸᐃᕆᕕᓐᓂᑦ ᐊᑐᐃᓐᓇᖅᑕᖃᓐᖏᑉᐸᑦ)
- ᓇᓗᓇᐃᖅᓯᓯᒪᓗᑎᑦ ᐃᓕᓐᓂᐊᕆᐊᖏᓐᓇᖃᑦᑕᕐᓂᓐᓂᑦ ᐅᐸᐃᓐᓇᖃᑦᑕᕐᓗᑎᑦ
- ᓇᓗᓇᐃᖅᓯᓯᒪᔪᒥᒃ ᐃᓕᓐᓂᐊᕐᓂᕐᓂᑦ ᖁᕝᕙᐸᓪᓕᐊᑦᑎᐊᕐᓂᕐᓂᑦ
ᖃᓄᖅ ᑐᒃᓯᕋᐅᑎᓕᐅᕈᓐᓇᖅᐱᑦ: ᑐᒃᓯᕋᐅᑎᓕᐅᕐᓂᖅ, ᐃᓕᓐᓂᐊᖅᑎ ᑕᑕᑎᕆᒋᐊᖃᖅᐸᖅ ᑕᑕᑎᒐᕐᒥᑦ ᑐᒃᓯᕋᐅᒻᒥᑦ.