ᐃᓅᓴᖅᑐᖅᓯᐅᑎ ᓇᓗᓇᐃᒃᑯᑕᖅ
ᑎᑎᕋᖅᑕᐅᒃᑲᐃᓂᖅ ᐃᓅᔪᒥᓂᕐᒧᑦ
ᕿᑐᕐᖓᖅᑖᑦ ᐃᓅᕋᑖᑉ ᐃᓅᔪᒥᓂᐅᓂᖓᓂ ᑎᑎᕋᖅᑕᐅᑎᑦᑎᒋᐊᖃᖅᑐᑎᑦ ᐃᓅᔪᖅᓯᐅᑎᒥ ᓇᓗᓇᐃᒃᑯᑕᖅᑖᕈᓐᓇᓚᐅᖅᑎᓐᓇᑎᑦ. ᕿᑐᕐᖓᐃᑦ ᐃᓅᑉᐸᑦ, ᐋᓐᓂᐊᓯᐅᖅᑎᑉ ᐃᑲᔪᕋᔭᕌᑎᑦ ᓈᑎᕐᓗᒍ ᐱᐊᕋᖅᑖᕕᑦ ᑐᑭᓯᒋᐊᕈᑎᖏᑦ ᓈᑎᕆᐊᓕᒻᒧᑦ ᐱᖃᓯᐅᑎᔭᕆᐊᖃᖅᑐᒋᑦ ᐱᐊᕋᖅᐱᑦ ᐊᑎᖓ ᐊᒻᒪᓗ ᐊᖓᔪᖅᑳᖏᑕ ᐊᑎᖏᒃ.
ᑎᑎᕋᖅᑕᐅᒃᑲᓚᐅᕐᓗᒍ ᕿᑐᕐᖓᖅᑖᖅᐱᑦ ᐃᓅᔪᒥᓂᐅᓂᖓᑕ ᑐᑭᓯᒋᐊᕈᑎᖏᑦ, ᐱᓇᓱᐊᕈᓐᓇᖅᓯᒐᔭᖅᑐᑎᑦ ᐃᓅᔪᖅᓯᐅᑎᒥᒃ ᓇᓗᓇᐃᒃᑯᑕᕐᒥᒃ.ᐃᑲᔪᖅᑕᐅᔪᓐᓇᖅᑐᑎᑦ ᓄᓇᓕᑉᐱᑦ ᐋᓐᓂᐊᕕᖓᓂ ᓈᑎᕆᑎᓪᓗᑎᑦ ᐃᓅᔪᖅᓯᐅᑎᑖᕈᒪᔾᔪᑎᒥ.
ᐃᓅᔪᖅᓯᐅᑏᑦ ᓇᓗᓇᐃᒃᑯᑕᖏᑦ
ᐃᓅᔪᖅᓯᐅᑎ ᓇᓗᓇᐃᒃᑯᑕᖅ ᐱᒻᒪᕆᐅᕗᖅ ᐱᖁᑎᒋᔭᐅᓗᓂ ᐃᓄᒻᒧᑦ ᐊᑐᖅᑕᐅᒍᓐᓇᓲᖑᒻᒪᑦ ᐅᑯᓄᖓ:
- ᑭᓇᐅᒻᒪᖔᖅ ᐱᖁᔭᖅᑎᒍᑦ ᐃᓕᓴᕆᔭᐅᓯᒪᓗᓂ
- ᐅᑭᐅᖓ, ᐊᕐᓇᐅᒻᒪᖔᖅ ᐊᖑᑕᐅᒻᒪᖔᖅ ᐅᕝᕙᓘᓐᓃᑦ ᓇᒥᒥᐅᑕᐅᒻᒪᖔᖅ ᓇᓗᓇᐃᕈᑕᐅᓲᖑᓪᓗᓂ
- ᐊᐅᓪᓚᕐᓗᓂ ᐊᓯᐊᓄᑦ ᓄᓇᕐᔪᐊᒧᑦ ᐅᕝᕙᓘᓐᓃᑦ ᐊᓯᐊᓄᑦ ᓄᓇᓕᕐᔪᐊᕐᒧᑦ ᐃᓯᕈᓐᓇᐅᑎᐅᒍᓐᓇᖅᑐᓂ
- ᐱᓇᓱᐊᕐᓗᓂ ᓄᓇᕘᒥ ᐋᓐᓂᐊᕕᓕᐊᖅᑐᖅᓯᐅᒻᒥᑦ, ᐃᖅᑲᓇᐃᔭᖅᑐᖅᓯᐅᒻᒥᑦ, ᐊᖁᑦᑐᖅᓯᐅᑎᒥᓪᓘᓐᓃᑦ
- ᐃᓕᓐᓂᐊᕆᐊᖅᑎᓪᓗᒍ
- ᕿᒪᒃᑲᑯᒥᓂᐅᔪᓂᑦ ᑲᒪᒋᔭᐅᒋᐊᓕᓐᓂᑦ ᐱᔭᕇᖅᓯᓗᓂ
- ᐃᓐᓇᑐᖃᖅᓯᐅᑎᑖᕐᓂᐊᕐᓗᓂ ᑮᓇᐅᔭᓂᒃ ᐃᑲᔫᑎᓂᑦ ᐱᓇᓱᐊᕐᓗᓂ ᐊᑐᕆᐊᖃᕋᔭᖅᑐᖅ
ᐃᓅᔪᖅᓯᐅᑎᒥ ᓇᓗᓇᐃᒃᑯᑕᕐᒥᒃ ᐱᔪᓐᓇᖅᑐᑎᑦ ᐃᒪᐃᒃᑯᕕᑦ:
- ᐃᓄᒃ ᐊᑎᓕᒃ ᐃᓅᔪᖅᓯᐅᑎᑉ ᑎᑎᕋᖅᑕᐅᒃᑲᖅᓯᒪᔪᖅ
- ᐊᖓᔪᖅᑳᕆᔭᐅᒍᕕᑦ ᑎᑎᕋᖅᓯᒪᓪᓗᓂ ᐊᑏᑦ ᐃᓅᔪᒥᓂᐅᑎᓪᓗᒍ ᕿᑐᕐᖓᐃᑦ ᑎᑎᕋᖅᑕᐅᕕᒥᓂᖓᓂ
- ᐱᖁᔭᖅᑎᒍᑦ ᐃᓕᓴᕆᔭᐅᓯᒪᓗᑎᑦ ᐅᐊᑦᑎᔨᐅᒍᕕᑦ (ᓲᕐᓗ ᒥᐊᓂᖅᓯᔨ, ᒪᓕᒐᓕᕆᔨ, ᐅᕝᕙᓘᓐᓃᑦ ᐱᖁᔭᖅᑎᒍᑦ ᑭᒡᒐᖅᑐᐃᔨᒋᔭᐅᒍᕕᑦ) ᐃᓄᒻᒧᑦ ᐃᓅᔪᖅᓯᐅᑎᒥᓂᖓᑕ ᑎᑎᕋᖅᑕᐅᓯᒪᔪᒧᑦ
- ᐊᐃᑉᐸᕆᔭᐅᒍᕕᑦ ᐃᓄᑉ ᐊᑎᖓ ᑎᑎᕋᖅᓯᒪᔪᖅ ᐃᓅᔪᒥᓂᐅᑎᓪᓗᒍ ᑎᑎᕋᖅᑕᐅᔪᒥᓂᐅᔪᖁᑎᖏᓐᓂ
- ᑭᒡᒐᖅᑐᐃᔨᐅᒍᕕᑦ, ᐅᕝᕙᓘᓐᓃᑦ ᐊᓯᐊ ᐃᓄᒃ, ᑎᑎᕋᖅᓯᒪᔪᖅᑎᒍᑦ ᐱᔪᓐᓇᐅᑎᖃᖅᑐᑎᑦ ᑕᐃᔅᓱᒧᖓ ᐃᓄᒻᒧᑦ ᑲᒪᒋᔭᐅᔪᒧᑦ ᐊᖓᔪᖅᑳᖏᓐᓄᑦ
- ᐃᓄᒃ ᓇᓗᓇᐃᒃᑯᑕᖅᑖᕆᐊᓕᒃ ᐊᑐᖅᑕᐅᔭᕆᐊᖃᕐᓂᖓᓄᑦ ᐃᖅᑲᖅᑐᐃᕕᒻᒥ, ᑎᒍᐊᖅᑐᖃᖅᑎᓪᓗᒍ, ᐅᕝᕙᓘᓐᓃᑦ ᕿᒪᒃᑲᑯᒥᓂᐅᔪᑦ ᑲᒪᒋᔭᐅᓂᖏᓐᓂ
- ᐸᓯᑦᑎᔨᒃᑯᓐᓄᑦ ᐃᖅᑲᓇᐃᔭᖅᑎ ᐱᓕᕆᐊᖏᓐᓂ ᑲᒪᒋᔭᖃᕐᓂᐊᕐᓗᓂ ᐱᔭᕆᐊᖃᖅᑐᒥᓂᐅᒍᕕᑦ
- ᒐᕙᒪᒃᑯᓐᓄᑦ ᐱᓕᕆᕝᕕᖓᓂ ᐃᖅᑲᓇᐃᔭᕐᓗᑎᑦ ᐊᖏᖅᑕᐅᓯᒪᓪᓗᑎᑦ ᑎᑎᖅᑭᕆᔨᖓᓄᑦ ᑭᓪᓕᓯᓂᐊᖅᑎᑉ, ᐱᔭᐅᔭᕆᐊᖃᕐᓂᕈᓂ ᐱᖁᔭᖅ ᒪᓕᓪᓗᒍ ᐅᕝᕙᓘᓐᓃᑦ ᐊᓯᐊᒍᑦ ᐱᔾᔪᑎᖃᕐᓗᓂ ᓈᒻᒪᑦᑐᒥᒃ
ᐃᓅᔪᖅᓯᐅᑎᒥ ᓇᓗᓇᐃᒃᑯᑕᖅᑖᕐᓗᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᖅᑎᖏᑦ ᑐᓂᓯᒍᓐᓇᕐᒪᑕ ᐃᓅᔪᖅᓯᐅᑎᑉ ᓇᓗᓇᐃᒃᑯᑕᖏᓐᓂ ᓄᓇᕗᙳᓚᐅᖅᓯᒪᓂᖓ ᐅᓪᓗᖅ ᐱᒋᐊᕐᓗᒍ ᐃᓅᔪᒥᓂᐅᔪᓄᑦ ᐄᐳᕈᓪ 1, 1999 ᑭᖑᓂᐊᒍᓪᓗ. ᐃᓅᔪᖅᓯᐅᑎᑖᕈᒪᓗᓂ, ᑕᑕᑎᕐᓗᒍ ᐊᑖᓃᑦᑐᖅ ᑎᑎᕋᕐᕕᒃᓴᖅ. ᖃᐅᔨᒪᑦᑎᐊᕆᑦ ᑕᒪᐃᓐᓂ ᑐᑭᓯᒋᐊᕈᑎᑎᑦ ᑕᒻᒪᖅᓯᒪᙱᒃᑲᓗᐊᕐᒪᖔᑕ.
ᑐᒃᓯᕋᐅᑎ ᑎᑎᕋᕐᕕᒃᓴᖅ
ᐊᑭᓕᒐᒃᓵᕐᔪᑦ
ᐊᑭᖓ ᐃᓅᔪᖅᓯᐅᑎᒥ ᓇᓗᓇᐃᒃᑯᑕᖅᑖᕐᓗᓂ $10.00-ᕌᖅᑐᖅ ᐊᑕᐅᓯᖅ ᓇᓗᓇᐃᒃᑯᑕᖅ ᐊᒻᒪᓗ ᐊᑭᓕᖅᑕᐅᒍᓐᓇᖅᑐᖅ ᓯᒃᑭᓕᐅᖅᑐᖃᕐᓗᓂ ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑎᒍᑦ ᓯᒃᑭᒃᓴᔭᒥ ᐊᐅᓪᓚᖅᑎᑦᑎᔪᖃᕐᓗᓂ ᐊᑭᓕᖅᑕᐅᓗᓂ ᓄᓇᕗᑦ ᒐᕙᒪᖏᑦ.
ᖃᐅᔨᒪᒋᐊᕈᑎ: ᓄᓇᑉ ᐊᓯᐊᓄᑦ ᐃᓯᕈᓐᓇᐅᑎᑖᕋᓱᐊᕈᕕᑦ ᐊᖏᔪᒥ ᐃᓅᔪᖅᓯᐅᑎᒥ ᓇᓗᓇᐃᒃᑯᑕᕐᒥ ᐱᔭᕆᐊᖃᖅᑐᑎᑦ.
ᑎᑎᖅᑲᒃᑯᕕᐊᑕ ᑐᕌᕈᑖ
ᐊᐅᓪᓚᖅᑎᓪᓗᒍ ᑎᑎᕋᕐᕕᒋᓯᒪᔪᖅ ᓈᑎᖅᑕᐅᓂᑯ ᐅᕗᖓ ᑐᕌᖅᑎᓪᓗᒍ:
ᓄᓇᕗᑦ ᑭᓪᓕᓯᓂᐊᖅᑎᒃᑯᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
ᑎᑎᖅᑲᒃᑯᕕᖓ 889
ᑲᖏᖅᖠᓂᖅ, ᓄᓇᕗᑦ
X0C 0G0
ᖃᐅᔨᒋᐊᕐᕕᒃᓴᖅ
ᐅᖄᓚᐅᑖ: 867-645-8001
ᓱᒃᑲᔪᒃᑯᑦ: 867-645-8092
ᐊᑭᖃᙱᑦᑐᖅ: 1-800-661-0833
ᐃᕐᖐᓈᖅᑕᐅᑦ: @email