ᓄᓇᕗᒻᒥ ᓇᓗᓇᐃᒃᑯᑕᕐᓄᑦ ᑐᒃᓯᕋᐅᑎ
ᓄᓇᕗᑦ ᒐᕙᒪᒃᑯᑦ ᓄᓇᕗᒻᒥᐅᓂᒃ ᐱᖁᔨᓪᓚᕆᒃᐳᑦ ᑭᓇᐅᓂᕐᒧᑦ ᓇᓗᓇᐃᒃᑯᑕᒥᒃ ᐱᖁᔨᓪᓗᑎᒃ. ᑖᓐᓇ ᐊᐅᒃᑕᔫᖅ ᐱᑎᑦᑎᕙᒃᐳᖅ ᒐᕙᒪᒃᑯᓐᓂᑦ−ᑐᓂᔭᐅᓯᒪᔪᓂᒃ ᑭᓇᐅᓂᕐᒧᑦ ᓇᓗᓇᐃᒃᑯᑕᕐᓂᒃ ᐃᓄᖕᓄᑦ ᐊᑐᖅᑕᐅᔪᓐᓴᖅᑐᓄᑦ ᖃᐅᑕᒫᑦ ᓇᖕᒥᓂᕆᔭᐅᔪᒧᑦ ᑮᓇᐅᔭᖅᑐᕈᑕᐅᔪᓄᑦ. ᑭᒃᑯᑐᐃᓐᓇᓄᑦ ᓇᓗᓇᐃᒃᑯᑕᐃᑦ ᐊᐅᒃᑕᔫᑦ ᐊᑐᖅᑕᐅᔪᓐᓇᖅᐳᑦ ᓄᒃᑕᕐᓂᕐᒧᑦ ᑎᑎᖅᑲᖁᑎᒋᔭᐅᓗᑎᒃ ᐱᔭᐅᔭᕆᐊᓖᑦ ᖃᖓᑕᓂᐊᕐᓗᓂ ᓄᒃᑕᕐᓂᐊᕐᓗᓂ ᐋᓐᓂᐊᕕᓕᐊᕐᓗᓂᓗ ᓄᒃᑕᕐᓂᐊᕐᓗᓂ. ᐊᑭᖃᙱᑦᑐᖅ ᐱᓇᔪᒋᐊᒃᓴᖅ ᑭᒃᑯᑐᐃᓐᓇᓄᑦ ᑭᓇᐅᓂᕐᒧᑦ ᐊᐅᒃᑕᔫᒥᒃ.
ᑭᓱᖃᕆᐊᖃᖅᐳᖓ ᖃᓅᔭᕆᐊᖃᖅᐳᖓᓘᓃᑦ ᓇᓗᓇᐃᒃᑯᑕᖅᑖᕋᓱᖕᓂᐊᕐᓗᖓ?
ᑭᓇᐅᒻᒪᖔᖅᐱᑦ ᓇᓗᓇᐃᒃᑯᑕᖅᑖᕈᒪᒍᕕᑦ, ᐃᒪᐃᑦᑕᕆᐊᖃᖅᐳᑎᑦ:
- ᓄᓇᕗᒻᒥᐅᑕᐅᓗᑎᑦ
- ᐅᑭᐅᖃᕆᐊᖃᖅᐳᑎᑦ 12
- ᒪᕐᕉᖕᓂᑦ ᓇᓗᓇᐃᒃᑯᑕᖃᕆᐊᖃᖅᐳᑎᑦ ᒐᕙᒪᒃᑯᓐᓂᖔᖅᑐᒥᑦ ᓇᓗᓇᐃᒃᑯᑕᕐᓂᑦ, ᐃᓚᖓᓪᓗ ᐊᑕᐅᓯᓪᓗᐊᒥᑦ ᐊᔾᔨᙳᐊᖃᕆᐊᓕᒃ ᐃᓅᕕᒃᓯᐅᑎᓐᓂ. ᐆᒃᑑᑎᑦ ᒐᕙᒪᒃᑯᓐᓂᙶᖅᓯᒪᔪᑦ ᓇᓗᓇᐃᒃᑯᑕᑦ ᐅᑯᐊᖑᕗᑦ ᐃᓅᔪᖅᓯᐅᑎ, ᓄᓇᕗᒻᒥ ᓇᓗᓇᐃᒃᑯᑕᖅ ᐅᑭᐅᖓ ᐊᐅᒃᑕᔫᖅ, ᑲᓇᑕᐅᑉ ᓯᓚᑖᓅᕈᓐᓇᐅᑖ, ᓄᓇᖃᖃᑕᐅᓂᕐᒧᑦ ᓇᓗᓇᐃᒃᑯᑕᖅ, ᓄᓇᒥᐅᑕᙳᖅᑎᑕᐅᓂᕐᒧᑦ ᓇᓗᓇᐃᒃᑯᑕᖅ, ᑲᓇᑕᐅᑉ ᓯᓚᑖᓂᙶᖅᓯᒪᔪᑦ ᐊᖏᖅᑕᐅᓯᒪᓂᖏᑦ, ᑲᑎᑎᑕᐅᓂᕐᒧᑦ ᓇᓗᓇᐃᒃᑯᑕᖅ, ᐋᓐᓂᐊᕕᓕᐊᕈᓐᓇᐅᑎᑦ ᐊᐅᒃᑕᔫᑦ, ᐊᐅᒃᑕᔫᑦ ᐊᒻᒪ ᓄᓇᕗᑦ ᒐᕙᒪᒃᑯᑦ ᓇᓗᓇᐃᒃᑯᑕᖏᑦ.
ᐃᓄᐃᑦ 18 ᑐᖔᓂ ᐅᑭᐅᖃᖅᑐᑦ ᐊᖓᔪᖅᑳᒥᓄᑦ ᐊᑎᓕᐅᕈᔾᔭᐅᔭᕆᐊᓖᑦ ᐅᕝᕙᓘᓃᑦ ᐸᖅᑭᔨᖏᓐᓄᑦ. ᐅᑭᐅᑭᑦᑐᒧᑦ ᓇᓗᓇᐃᒃᑯᑕᖅᑖᖅᑎᑦᑎᓇᓱᐊᖅᑐᖅ ᒪᕐᕈᖕᓂᒃ ᓇᓗᓇᐃᒃᑯᑖᖕᓂᒃ ᒐᕙᒪᒃᑯᓐᓂ ᖃᐃᑕᐅᓂᑰᓗᑎᒃ ᑕᑯᑎᑦᑎᔭᕆᐊᖃᓲᖑᔪᑦ.
ᓇᑭ ᓄᓇᕗᒻᒥ ᓇᓗᓇᐃᒃᑯᑕᖅᑖᕈᓐᓇᕋᒪ?
ᐱᓇᔪᒍᑎᒃᑯᑦ ᑐᒃᓯᕋᕈᓐᓇᖅᐳᑎᑦ ᐊᖁᑎᐅᓪᓗᑎᑦ ᐅᓂᒃᑲᐅᓯᕐᓂᒃ ᓄᓇᓯᐅᑎᓄᑦ ᐱᔨᑦᑎᕋᖅᑕᐅᕝᕕᖕᒥ ᓇᓕᐊᖕᓂᑐᐃᓐᓇᖅ ᑎᑎᕋᕐᕕᖁᑖᓂ:
- ᐃᖃᓗᐃᑦ
- ᑲᖏᖅᖠᓂᖅ
- ᐃᖃᓗᒃᑑᑦᑎᐊᖅ
- ᐅᖅᓱᖅᑑᖅ
ᐊᓯᖏᓐᓂ ᓄᓇᓕᓕᒫᓂ ᐅᐸᒍᓐᓇᖅᑐᐃᑦ ᕼᐋᒻᒪᓚᒃᑯᑦ ᓄᓇᓯᐅᑎᓕᕆᕝᕕᖓᓄᑦ ᐅᕝᕙᓘᓃᑦ ᒐᕙᒪᒃᑯᑦ ᑐᓴᒐᒃᓴᓕᕆᔨᖓᓐᓄᑦ ᑐᑭᓯᒋᐊᕈᓐᓇᕆᕗᑎᑦ.
ᑐᒃᓯᕋᐅᑎ ᑎᑎᕋᕐᕕᒃᓴᖅ
ᐊᑭᓕᒐᒃᓵᕐᔪᑦ
ᐊᑭᖃᙱᑦᑐᖅ ᐱᓇᔪᒋᐊᒃᓴᖅ ᑭᒃᑯᑐᐃᓐᓇᓄᑦ ᑭᓇᐅᓂᕐᒧᑦ ᐊᐅᒃᑕᔫᒥᒃ.
ᐊᑐᑦᑎᐊᕐᓂᖓ
ᑭᓇᐅᓂᕐᒧᑦ ᓇᓗᓇᐃᒃᑯᑕᐃᑦ ᐊᑑᑎᖃᓲᑦ ᐅᑭᐅᓄᑦ ᑕᓪᓕᒪᓄᑦ, ᐃᓱᓕᑉᐸᑦ ᓄᑖᙳᕆᐊᕆᐊᖃᓲᖑᓪᓗᑎᒃ.
ᖃᐅᔨᒋᐊᕐᕕᒃᓴᖅ
ᐃᕐᖐᓈᖅᑕᐅᑦ: @email
ᐅᖄᓚᐅᑎᖓ: 1-888-975-5999
ᑐᑭᓯᒋᐊᒃᑲᓐᓂᕈᒪᒍᕕᑦ, ᐊᕕᒃᑐᖅᓯᒪᔪᓂ ᐱᕙᓪᓕᐊᔪᓕᕆᔨᑦ ᐃᖏᕐᕋᔪᓕᕆᔨᒃᑯᓪᓗ ᑎᑎᕋᕐᕕᖓᓄᑦ ᖃᐅᔨᒋᐊᕈᓐᓇᖅᐳᑎᑦ.