ᓄᓇᕗᒻᒥ ᒐᕙᒪᒃᑯᑦ ᑐᓂᓯᒪᑦᑎᐊᖅᑐᑦ ᓴᐳᔾᔩᓯᒪᓂᕐᒥᒃ ᓇᖕᒥᓂᕐᒧᑦ ᑐᓴᖅᑕᐅᔭᕆᐊᖃᙱᑦᑐᓂ. ᑎᑎᖅᑲᐅᑏᑦ ᐱᔭᐅᓲᑦ, ᐊᑐᖅᑕᐅᓲᖑᔪᑦ ᐊᒻᒪ ᓴᖅᑭᑕᐅᔪᓐᓇᖅᓯᓲᖑᓪᓗᑎᒃ ᒪᓕᒃᑕᐅᓪᓗᑎᒃ ᐊᑐᕈᓐᓇᕐᓂᖅ ᑐᓴᖅᑕᐅᔪᒃᓴᓂᒃ ᓴᐳᔾᔨᓯᒪᓂᕐᓗ ᖃᐅᔨᔭᐅᔭᕆᐊᖃᙱᑦᑐᓂᒃ ᐱᖁᔭᖅ.
ᑐᑭᓯᒋᐊᕈᑏᑦ ᐱᓯᒪᔭᐅᔪᑦ ᐅᕝᕙᓘᓐᓃᑦ ᐊᐅᓚᑕᐅᔪᑦ ᓄᓇᕗᑦ ᒐᕙᒪᒃᑯᓐᓄᑦ ᐊᑐᐃᓐᓇᐅᕗᑦ ᒪᓕᑦᑐᑎ ᐃᓚᒍᑕᖏᓐᓂ ᑐᑭᓯᒋᐊᕈᓐᓇᓂᕐᒧᑦ ᐊᒻᒪ ᓴᐳᑎᔭᐅᓯᒪᓂᖏᓐᓄᑦ ᑲᙳᓇᖅᑐᓕᕆᓂᕐᒧᑦ ᐱᖁᔭᖅ.
ᓄᓇᕗᑦ ᒐᕙᒪᒃᑯᑦ ᐊᑐᓲᖑᕗᑦ ᖃᕋᓴᐅᔭᓕᕆᔾᔪᑎᓂᒃ ᖃᐅᔨᓴᕈᑎᒃᓴᓂᒃ ᖃᕆᑕᐅᔭᑦ ᐃᖏᕐᕋᓂᖏᓐᓂᒃ ᓇᓗᓇᐃᖅᓯᕙᒃᖢᑎᒡᓗ ᐱᔪᓐᓇᐅᑎᖃᙱᑦᑐᓂᒃ ᐱᓇᔪᒍᑕᐅᓲᓂᒃ ᐃᓯᕈᓐᓇᕐᓂᕐᒧᑦ, ᐅᕝᕙᓘᓐᓃᑦ ᓱᕋᒃᑐᓄᑦ, ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ ᐅᕝᕙᓘᓐᓃᑦ ᑐᑭᓯᒋᐊᒐᒃᓴᓂᒃ ᑐᖅᑯᖅᑕᐅᓯᒪᔪᓂᒃ ᖃᕆᑕᐅᔭᓕᕆᔾᔪᑎᓂᒃ. ᑲᓱᖅᑎᑦᑎᓇᓱᖃᑦᑕᙱᑦᑐᒍᑦ IP ᑐᕌᕈᑎᒥᒃ ᐅᕝᕙᓘᓐᓃᑦ ᐃᑭᐊᖅᑭᕕᒃᑯᑦ ᒪᒃᐱᖅᑐᒐᕐᒧᑦ ᐳᓛᖅᑕᐅᔪᓄᑦ ᐃᓄᖕᓄᑦ ᐊᑐᖅᑐᓄᑦ ᐃᑭᐊᖅᑭᕕᑦᑎᓐᓂ ᑭᓯᐊᓂ ᓱᕋᒃᑎᖅᑕᐅᓇᓱᒃᐸᑦ ᐃᑭᐊᖅᑭᕕᒃ ᖃᐅᔨᔭᐅᒃᐸᑦ.
ᑐᓴᖅᑕᐅᔪᒃᓴᐃᑦ ᑲᑎᑕᐅᔪᑦ ᐃᓛᒃᑰᖅᑐᓂᑦ ᐳᓛᖅᑎᓂᑦ ᐊᑐᖅᑕᐅᕙᒃᐳᑦ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᖅᑎᖏᓐᓄᑦ ᑭᐅᓯᓂᐊᕐᓗᑎᒃ ᑐᒃᓯᕋᖅᑕᓂᑦ ᖃᐅᔨᒪᒋᐊᕐᓗᑎᒃᓗ ᓴᐳᒻᒥᔭᐅᖕᒪᖔᑕ ᑖᒃᑯᓇᓂ ᐊᑐᖅᑕᐅᕙᒃᑐᓂ. ᑐᓴᖅᑎᑦᑎᑐᐃᓐᓇᖃᑦᑕᖅᑐᒍᑦ ᒐᕙᒪᒃᑯᑦ ᐱᓕᕆᕝᕕᖏᓐᓄᑦ ᐃᑭᐊᖅᑭᕕᒃᑯᑦ ᖃᐅᔨᒋᐊᕈᑏᑦ ᐊᒃᑐᐊᓂᖃᖅᐸᑦ ᐱᓕᕆᕝᕕᖕᒧᑦ. ᐊᑐᖃᑦᑕᙱᑦᑐᒍᑦ ᑐᓴᐅᒪᔾᔪᑎᒃᓴᓂᑦ ᓴᖅᑭᑦᑎᓇᓱᒃᓗᑕ ᐃᓅᑉ ᒥᒃᓵᓅᖓᔪᓂᑦ ᓴᖅᑭᑎᙱᖦᖢᑎᒍᓪᓗ ᑖᒃᑯᐊ ᑐᓴᐅᒪᔭᒃᓴᑦ ᓄᓇᕗᑦ ᒐᕙᒪᒃᑯᖏᑦᑕ ᓯᓚᑖᓂᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᕈᓐᓇᕐᓂᕐᒧᑦ ᐊᒻᒪ ᑲᙳᓇᖅᑐᓕᕆᓂᕐᒧᑦ ᑕᑯᒋᐊᕈᓐᓇᖅᐳᑎᑦ ᑐᑭᓯᒋᐊᕈᓐᓇᕐᓂᕐᒧᑦ ᓴᐳᔾᔨᓯᒪᓂᕐᒧᓪᓗ ᑐᓴᖅᑕᐅᒋᐊᖃᖏᑦᑐᓂ ᒪᒃᐱᒐᖓᓂ ᖃᐅᔨᒋᐊᕐᓗᑎᓪᓘᓐᓃᑦ:
ᐊᐅᓚᑦᑎᔨ, ᑐᑭᓯᒋᐊᕈᓐᓇᕐᓂᕐᒧᑦ ᓴᐳᔾᔨᓯᒪᓂᕐᒧᓪᓗ ᑐᓴᖅᑕᐅᒋᐊᖃᙱᑦᑐᓂ.
ᓄᓇᕗᒻᒥ ᒐᕙᒪᖓᑦ
ᒐᕙᒪᓕᕆᔨᒃᑯᑦ
P.O. Box 1000, Station 200
Iqaluit, NU X0A 0H0
ᐅᖄᓚᐅᑎᖓ: 867 975-6044
ᓱᒃᑲᔪᒃᑯᑦ: 867 975-6091
[LS1]More info to come here based on PPIA.