ATIPP Maligaq
Pigiaqatut Naunaiyariiqhimayut Hiamitauyukhaunngittut
Hunaukmat Tuhaagakhanik Tiguhinirmut Hapummiyaarniq hiamitiqtailinirmullu?
Inuit pittaaqtut piumagumik naunaitkutinik pihimayut Nunavut Kavamanganit (GN). Taimaatut piyuq una Tuhaagakhanik Tiguhinirmut Hapummiyaarniq hiamitiqtailinirmullu (ATIPP) Maliganga tunigiami tamaita inuit uuminnga pilaarutimik. Naunaitkutakhaq naunaiqtaalu GN-kut hapummiyaa hiamitiqtakhaunngittaanik inuup naunaitkutinganik pihimayut havakviuyunit, timiqutigiyauyunit, hivuliqtiuyunit, kuapuriisinit havakviinitluuniit, naunaittuq kavamaliqiinik.
Kitkunnut Tuhaagakhanik Tiguhinirmut Hapummiyaarniq hiamitiqtailinirmullu Maliganga piva?
Tamna Tuhaagakhanik Tiguhinirmut Hapummiyaarniq hiamitiqtailinirmullu Maliganga piyuq tamainnut kavamatkunni havakviinginnut, timiqutigiyauyunut, hivuliqtiuyunut kuapuriisinullu aatlatlu katimayiuyunut titiraqhimayut kavamatkuni uumani Tuhaagakhanik Tiguhinirmut Hapummiyaarniq hiamitiqtailinirmullu maligait. Naqitlutit HAMUNGA takugumaguvit atiliurhimayut tamaita kavamatkunni katimayiingit piyut uumunnga Tuhaagakhanik Tiguhinirmut Hapummiyaarniq hiamitiqtailinirmullu Maliganga.