Inulramiit Hanaqidjutikhangit Maniktaqvikhangit

Inulirijikkut Havagvia tadja piliqtut tukhirutikhanik ukununga nunallaani-tunnganiqaqtunun piniarhimadjutikhanik turaangajun piliurnikkut qajangnaittunik, inulrammiinnun nuutirnikkut iglukhanik hiniktarvikhaniklu qimaavikhanik inulrammiinnunluunniit pinahuarutinik Nunavunmi. Hanaqidjutikhangit aulaniaqtun talvuuna 2024-25mi maniit atuqtauyukharnik ukiungani, aulaniaqtun ikaakninik Qitiqqautiyuq 1, 2024mi.

Ilihautikhat Tikinnahuarutingit 

Pidjutikhaa inulramiit Hanaqidjutikhangit Maniktaqvikhangit ikayuutiginiaqtun nunalaani aulayukharnik hanaqidjutikharnik havagvingitlu ihumagiyauniaqtun aulatitiyaangat qayangnairutikharnik, inulramiit auladjutikharnik iglukharnik hiniktaqvikharniklu qimaavikharnik. Maniktaqvikhangit atuqtaugiaqaqtun havaktinun aulahimayunik katimaviangit hiniktaqvikhangit ikayuutikhangit inulramiit unalu/unaluuniit ikayuutikharnik auladjutikharnik ihuaqhaidjutikharnik akikhangit ukuninga katimaviingit tuniyaangat ayungnautiqaqqan nayurvikharnik ikayuutikharnik inulramiinun piqaqtukharnik. Havaaqhangit naunairutiqaqtukhat:

Nunallaanun-pihimayut, maniliungitut katimayiit ukualu haamlat kuapaliisiit uuktuqtaaqtut hapkununga Inulramiit Pinahuarutit Maniliqtuiyut tunihiyaangini pinahuarutit tapkua pidjutiqaqtut:

 Inuusivut: (inuuhiringnaqtumik inmikkullu-ihuaqutikhainnut )kiudjutigiblugit ihariagiyait inulramiit Nunavunmi qayangnaitumik iglughanik uvalu amigaiqyuumiqlugit ikayuutit nunallaanun-pihimayut mamihainikkut pinahuarutit imaa havakhutik amigaiqyuumilugit qilamiurnikkut qimaaviit.

Pivaallirutivut:(pivallianiq aulapkaidjutikhanik ikayuutiginiaqtuq ihuaqtumik hivunikhanik inungnut nunallaanullu) tunihiplutik manikhanik nunallaanut ikayuutikhanik qayangnaittumik inikhanik inulramminut.

Piyaaqtut Uuktuqtut 

Piyaaqtut uuktuqtut ilauyut nunallaani maniliungitut katimayiit, ukualu haamlat kuapaliisiit tapkua turaaqhimayut tadjamin aghuurutit tunihiyaangini aulahimaaqtumik kivgaqtuutinik inulramirnun ihagiahuktut qimaavingnun uvaluuniin havaklugit nutaat pinahuarutit turaaqhimayut kitut iglutigut ihariagiyauyut inulramiit ayuqhautiqaqniq.

Piyaaqtut Havaaghat 

Piyaaqtut havaaghat ilauyut, kihimi kikliqangitut hapkununga:

1. Hakugikhiyuumiqlugit nunallaat aktilaangitigut imaa tunihilutik tamainun ikayuutinik ayuqhaqtunun inulramirnun imaa maniliqtuiblutik hiniktaqtunun inulramiit qimaaviit attautini Nunavunmi aviktungniini.
2. Havaklugit mikiyumik ayuqhautinik uvalu qayangnaitumik unuami nayugahainik inulgamiqnun kitut ayuqhautiqaqtut;
3. Amigaiqyuumilugit aktilaangitigut nunallaat ikayuriangini inmi inulramiit /qayangnaqtut nunallaani ilauyut;
4. Hakugihiyuumiqlugit tamaat kiudjutit ikayuutikhat Nunavunmiunun mamitirnirmun inuuhiqattiarnirmunlu, kivgaqtuutikkut ikayuutillu tuniyauyut qimaavingni (imaa ihivriurutit, katimapkainirmun kiudjutinun uvalu uqaudjinikkut kivgaqtuutit; mamitingniq uvalu uqaudjinikkut; taimaalu.); unalu
5. Ikikliyumirutikharnik ayungnautikharnik aulahimayunik inuuhirinikkut hanaqidjutikharnik ikayuutikharniklu, taimaitutun Inuliriyikkut, Ihumaliqiyitkut, Maligaliqiyitkutlu, tunihimaarluni hanalrutikharnik uqaqtiuyaangatlu tautuktauyukharnik uqaqtiuyukharnik ikayuutikharnik ikikliyumiqtitiyaangatlu ikayuktikhailiuqtunik ilauyukharnik/pidjutikharniklu talvani ihuinaaqtunik maligaliqidjutikharnik, inuuhirinikkut hanaqidjutikharnik, hunavalungniklu.
6. Tamna maniktaqvikhaq havaktitiyaangat hiniktagianganik inulramiit ihaarutikharnik inulramiitlu ikayuutikharnik havaktinun.

Takulugu una Inulrammiit Piniarhimadjutikkut Maniktaqvikhangit Malikhautikhangit hivutunirmik atuqtakharnik iniqtigianganik uminga uuktuutikhaq titiraq .

Uuktuqtun tuniyukhat naunairutingnik aulahimayunik tapkuninga Nunavut Maligarnik Titiqiqidjutiliqiyunik, pigiaqagumik. 

Hivayadjavutit qaritauyakkut titiqitluguluuniit uuktuutikhat piyauyangani.

Qaritauyakkut: @email hivayaqluguluuniit 867-975-5399