Nunavunmi Tanngaliqinirmut Higaarlungniklu Katimajiit
Maniliqinirmut Munaridjutit
Maniliqinirmut Munaridjutini havagvia ikajuqhugit munariblugillu inuit maniit tutqighainikkut atulirnikulu maniliqinirmun upalungaijautit ihumaliurutaillu, ikajuqhugillu ubluni-ublunun auladjutait Havagvia Kiinaujaliqijit. Havagvik ihuaqhaqtauhimajuq avatiini pingahuni havagviinni: Maniliqinirmut Atugakhat, Akiliqtuinirmun Munaridjutit ukualu Maniliqinirmun Kivgaqtuutit. Maniliqinirmut Munaridjutini hHvagvia munariblugillu ukua Nunavunmi Taanngaliqinirmut Higaarlungniklu Katimajiit.
Maniliqinirmut Atugakhat
Malruk titiraqhimajuk pidjutigijait Maniliqinirmut Atugakhat Havagvia: Maniliqinirmut Piangaijarnikkut Atugakhat ukuallu Taaksiijautit Nalliutikhallu. Maniliqinirmut Piangaijarnikkut Atugakhat havaqatigiit itqungniaqtait maniliurutit, munariblugit ukua GNkut naunaijautainun naunaitkutait, munariblugillu Nunavunmi tamainun ukiutigut maniliurutit maniliurutillu qanuriniit. Havaqatigiiktun havakhimaaqtun nanmnikkut havagviangit anginirmik auladjutikharnik hanaqidjutikharnik ilaujukharniklu GN-kut allanik Kanadam kavamangit qaffiujunik ukiumi, maniliqidjutikharnik, maniliurnirmunlu pinahuarutait.
Taaksiijautit Nalliutikkullu havaqatigiit munarijait nunaptikni taaksiijautit auladjutait imaa aghuurutigiblugit taaksiijautikkut maligahat, ihivriuqhugit havakhugillu taaksiijautikkut atugakhaq akiillu, tunihiblutiklu ilaujunun pinahuarutinun. Titiraqhimajumilu munarijaqaqtut maliganguqlugit aviktuqhimajumi nalliutikkut havagvikjuanun imaa laisiliqtuqhugit nalliutikkut ajuittiaqhimajut ukuallu nalliutikkut havagviit.
Akiliqtuqtaujunun Munaridjutit
Akiliqtuqtaujunun Munaridjutit aulapkaivik tutqikhaivakhimajut, aulatitivakhimajut, tunijaanga atugakharnik maniliqidjutikharnik atuqtakharnik talvani GN-kuni maniit akitujut atuqtakharnik pivalliadjutikharnik hanaqidjutingit. Tamna havagviangit tunihimaaqtun uqaudjijukharnik titiqidjutikharnik ikajuutikharnik Kiinaujaliqijunik Munaqtiujut Katimajiit ministanun, havagvingnun inungnunlu havakviinun. Akiliqtuqtaujunun Munaridjutit havaktait malikhautighait aghuurutaillu havaanun pidjutigiblugit havagviitigut manikhait, hivuliqhungnikullu havaaqaqtut Kavamatkut akitujunun upalungaijautit havauhiinik. Maniliqinikkut auladjutaitigut, havagviup munarijait itqungniarutaillu Kavamatkut Nunavunmi maniit auladjutait pijariaqaqtut, ihuaqtumik hivunighait maniliurutit ilakuillu mangit.
Maniliqinikkut Havagvia
Maniliqijingit Ikajuktiujut tunihimaaqtun allatqiinik maniliqidjutikharnik, titiqiqidjutikharnik havaktuliqijiniklu kivgaqtuutait. Havagviup munaridjutigijait havaklugit, naunaijaqlugit havaklugillu havagviup maniit, tutqighaqhugit havakviup Maniliqinikkut Ajuiqhaqtut Pinahuarutainun, munariblugillu Qitqani Munarijaujut Manikngnik Havagvia. Maniliqijit Kivgaqtuutait naunaijaqhugillu Kavamatkut qajangnautinun munaridjutit auladjutinun.