Nunavunmi Iglunik Atuqtunik Havagvia
Iglunik Atuqtunik Havagvia pivaktait, ihivriuqhutik, ikajuqhutik ihuaqhailutik ihuiguhuutinun ataani Iglunik Atuqtunik Maligaq, pivaktait maliktakhat maliguagakhallu taapkunung inungnun iglukhanun iglunun atuqtainun akiliqhivlutik Nunavunmi.
Havagvik pivaktait naunaitkutikhat inungnun pilaarutinun pijakharijainullu iglunik nanminiqaqtun piqaqtunun iglunik atuqtunun angirutinik. Iglunik Atuqtunik Havakti pivaktait apiqqutaujanun, ihivriuqhugit ihuigijaujun, ikajuqhuni ihuaqhaijaami ihuiguhuutaujanik, piliuqhunilu maliktakhanik ihuirutaujuq akun’ngani iglumik atuqtumun iglumiklu nanminiqaqtumun ihuaqhilimaiqqan.
Iglunik Atuqtunik Havagvia pijuitait iglut nanminirijait kanadaup kavamanganin.
Havagvik tunihivaktuq naunaitkutinik tahapkuninga aallanik iglunun atuqtakhanun nanminirijanun Nunavunmi, iukuningalu:
- Qanuq una Iglunik Atuqtunik Maligaq havakpakpa
- Pijakharijait Iglunik Naminiqaqtut unalu Iglumik Atuqtunun
- Ilingaijainikkut ihuaqhainikkullu iglunik atuqtaujanun
- Nutaanguqtirniq taimaaqtirnirmulluuniin iglumik atuqtunun angirutinik
- Hivuagut Akiliqhijariirutit
- Aallatqiingutin havaktinun iglukhainun, nanminirijaujun aglumik atuqtakhanik unalu inungnun iglukhanun
Iglumik atuqtuq unaluuniin iglunik nanminiqaqtuq tunihikpan uuktuutinik ukununga Iglunik Atuqtunik Havagvia ihuiguhuutimun ihuirutaujamulluuniin pihimajumun iglunik atuqtakhanun angirutainik, una Iglunik Atuqtunik Havakti ihivriurniaqtuq pinahurillunilu ihuaqarlugu ihuaqutikhamun akun’ngani iglumik atuqtumun iglumikluuniin nanminiqaqtumun. Ihuaqhaqtaulimaiqqan, katimajunun tauhaatauniarungnaqhijuq. Una Iglunik Atuqtunik Havakti tuhaaniaqtait tamangmik uqaqtainik ihumaliurlunilu tunihiluni pitquidjutikhamik.
Pikpan Iglunik Atuqtunik Havakti pitquidjutiliuqqan akiliutikhamun, pitquidjut havaktauniaqtuq Apiqhuivirmin. Malingitpata pitquidjutimun aallanulluuniin ihuirutigijaujanun ataani uumani Iglunik Atuqtunik Maligaq pitjutauttaaqtuq akiligakhamun kikliqaqtumun $2,000-mun.
Iglumik nanminiqaqtuq unaluuniin iglumikatuqtuq pidjutiqaqtun pitquidjutimun ihumaliurutimulluuniin uumanga Iglunik Atuqtunik Havakti uuktuffaanginnarialgit iluani 14-ni ubluni ukununga Nunavunmi Apiqhuivik Maligaliqijitkunun.
NAUNAIQHITTIARUMAGUVIT:
Qaritaujakkut titiqqivikhat: [email protected]
Akiittuq: 1-844-975-6314
Hivajautaa: 867-975-6314
Iglunik Atuqtunun Havagviat
1106 Iqaluktuuttiak Drive, 4mi Natia
P.O. Box 1000, Station 590
Iqaluit, Nunavut
X0A 0H0