Qukiutiliritsiarniq Nunavummi - Firearm Safety Nunavut
Qukiutiliritsiarniq Nunavunmi – Hiqquutinun Qajangnaitkutikhaq Nunavunmi
Hiqquutit akhuuqnaqtut ilaujut Nunavunmi anguniaqnikkut pitquhiinun. Kihimi hiqquutin atuqtaugaangamik ningarnikkut, pigijaqqun tamaat nunallaaqqun hulaqutaudjutigijaa.
Una Qukiutiliritsiarniq Nunavummi - Hiqquutinun Qajangnaitkutikhaq Nunavunmi akhuurutikhaq pihimajuq ihuaqhijuumijaami hiqquutinun qajangnaitkutikhamun kangiqhipkainirmun pilugulu ihuaqtuq aallan’nguqtirutikhaq nunallaaptingni. Akhuuqhaidjutikhaq pivaktain pivikhanin. ikajuutikhat kangiqhipkainirmullu ikajuutigilugu piliurutikhamun pitquhirmi qajangnaitkutikhanun hiqquutinik nanminiqarianginnun, aturnirmun tutquqhimanikkullu taimaa akhut ikajuutikhaptingnun tamaptingnun.
Qilamiurutin ikajuutikhat kangiqhipkainirmun hiqquutinun qajangnaitkutikhanun nunallaarijaffingni:
Atuliruvit hiqquutimik:
- Pihimmaarlugu hiqquutingnun turaangalugu ahinun qajangnaittumun.
- Ihumagihuirlugu pilimaittutun hiqquutip qajangnautaa hiqulimaittutun ihumgilugu.
- Ihumagiinnarlugu hiqquutin qarjuqaqtutun pivaklugu.
- Aturuirlugin hiqquutinik angajaaruvin taangaqturuvilluuniin.
Taimaa hiqquutin aturuiqhimakpan:
- Aturlugu pakiniktautainun kiluuttarmik.
- Tutqurlugin hiqquutin qajangnaittumi kiluuttaqhimajumi hiqquutiqarvingmi tigunnaittumiklu nutaqqanin.
- Tutquqhimalugit qarjuit ahini.
- Qimaguirlugu qarjuqaqqan.
- Pilugu hiqquutinun qajangnaitkutikhamun ilihautikhamun hailihimakpata.
Hiqquutinun Qajangnaitkutikhaq Nunavunmi havaktun paanaqatigivlugin ukuat Hiqquutinun Qajangnaitkhanun Havagvia, Iqittiaqhimalugu Inuuhiq Katimajiit, Nunallaani Maligaliqijitkuni Ikajuqtikhat Havaktit, Munaqhiliqijitkut Ilinniaqtuliqijitkullu unalu Pirurvik Havagvia, pijaanginni qajangnaitkutikhanun kangiqhipkaidjutikhat hulilukaarutin tamaat iluani ukiungani.
Hulilukaarutinun ilagijain:
- tunihilutik ilihautikhanik kangiqhipkaidjutikhaniklu hunavalungnik tamainni Nunavunmi;
- nunallaami hulilukaarutin uqaqatigiigutikhanullu, paanarilugin Paliihiman nunallaamilu maligaliqinikkut tigumiqatigiiktun;
- pihimaniq niuvirnikkullu laisikhaq (PAL) ilihautikhat piqatigilugin kangiqhipkaidjutin ikajuutikhat hulilukaarutin Nunavun nunallaanginni;
- hiqquutinun Qajangnaitkutikhanun Qaujihimajakhanun akitaqutautin ukununga nukaghinun angajukhinullu ilihaqtunun;
- hiqquutimun hiqurnaittumik kiluutaqaqtunik tuniuqhailutik, paanarilugin ukuat Hiqquutinun Qajangnaitkhanun Havagvia, tamainni Nunavunmi.
KANGIQHITTIARUMAGUVIN:
Qaritaujakkut: @email
Hivajautaa: 867-975-6563