Nunallaani Munaqhi
Una havaaqhaq angmaumajuq tamainnut uukturumajunut.
Nunavut Kavamanga tikkuaqtauhimajut talvanga amigaittunit Kanatamin Nakuutqijaujut Aadlatkiingnik Havagviuqarmata, Quliuplutik Havagviujut Inuulraammiinnut iniktiliqhaaqtunutlu ilihagutainnut talvani 2023 mi. Qilaminnuaq amigaiqpaktut inuulrammiit nukaqhiuplutiklu inuqarnirit Kanatami, Nunavut pivaktut ihumaliurhutik nutaanik aadlatkiingnik piumakpiaqpaqhutiklu, alianakpiaqhuni avikturviujuq, aqhuuqpaqhutiklu nakuutqianiqhakkut hivuniqhanut. Kavamaupluta, hakugiqhijuummikpaktavut aadlanggunia atuqpaktaptingnik kavamaliqidjutinut - talvali ilaudjutigiplugit Inuit inuutqatiriittiarniagut, aqhuuqhaiplutik aturniatigun Inuktut, tikiutivaqhutiklu kivraqtuinirmun inungnut, havaqatigiplugitlu paatnait tikiutijaami itquumania Nunavut. Havaniktitaujut uuktuqtut quviaginiaqtait aqhuungnaktuq akiliuhiaqhaq, aanniarnikkut kiguhiliqinirmunlu ikajuutiqhat, naunaiqhimajumiklu ikajuutiqhaq havaguiqpiagumi, nuutirnikkut ikajuutiqhat piviqhaqaqtitaulunilu ilihainirmun havaamilu hivumuugutiqhamik.
Nunallaani Munaqhi (PHN) uumani havaakhami tunivaktuq inungnun aanniaqtailinikkut havagutinik inungnun kitkunnulu nunallaani malikhugit inungnun aanniaqtailiniikkut pinahuarutikkut aturutikhat pitqujauhimayut uumannga Atanilluaq Aanniaqtailiniqmun Munaqhiliqiyikkut (CMOH). Havaakhaujuq pidjutigijaanginni munarijaagani, utiqtitaagani atuqpaaliriaganilu aaniaqnaitut ikikligiarlugilu aaniarutaujut ajuqhautaujulu timimi aaniaqtailinik atuqpaaliriaqnigagut, aaniagitaaganilu munarijutini aaniarut/aanirut atugitaagani hulijutinik.
Tamna PHN munagidjutikhaqaqtuq nunallaani inungnun ilihairutikharnik naunaijaijaangat pidjutikharnik nunallaani ihumagilugit maamaujullu nutaqanik inuuhirinikkut, ilihaqtun inuuhirikharnik, aaniarutingniklu aulahimajut unalu kapukhimaarnikkullu. Tamna PHN havaqatiginiaqtait allat nunallaaptingni talvani kituliqaak nunallaani inuuhirinikkut hanaqidjutikhangit naunaijaijaangat talvuuna nunallaani piumaluaqtainik ikajuqlugit Nunavunmiut inuujaanginni aanniarnaittumik inuulutik..
Kangiqhihimajait, pittaaqtangillu havaakhamut pivaktaraluangit pivaktait ilitarijauhimajumut Naunaitkutiqaqtunut Munaqhiujunut piqarlutik Naunaitkutikhamik Munaqhiliqivingni, Munaqhiunirmut naunaitkutaanut (Bachelor Degree of Nursing) unalu ikinnikhanik malrungni ukiuni havakhimajukhaq inungnut aanniaqtailinikkut munaqhiuhimajukhaq. Uuktuqtut pillahijukhat atiliurnirmik ukunani CANNN. Ataaniittut ajuiqhimajakhait titiqqamik naunaitkutiqaqlutiklu ihuangniaqtuq ikajuutikhanut: Havakpakhimagumik unngahiktuni tingminikkut tikitauvaktunik nunallaani; Nunallaani Munaqhi Havagviangit Kanatami (PHAC) qaritaujakkut ilihaqtakhanik; Kanatami Munaqhit Katimajiit (CAN) unalu Kanadamiut Aanniaqtailinikkut Munaqhit Kanadaup (CHNC) naunaitkutait.
Hamna Amirnaqpiaqtuq Havaaqhaq, piqaqtuqhaqlu naammagiyaujumik Ihuinnaaqpariaqhaanik Titiqqamik taffumamiklu piqanggilluni Ihuinaarpariaqhaanik Nuliarnikkut Titiqqamik piqaqtuqhaq.
Ilihimalugu QALAGJUARNIRMUN-19 kappuqhirnikkut piqaqtuqhaq qanurinniagut havaami. Tujuqlugit itquumajumik QALAGJUARNIRMUN-19 kapuqhirnirmin ilaliutilugit uuktuutirnut. Tingmijunut munarijaqaqtut ihumaliuqlutik kitut pidjutijut ilingnut naunaijautigilugit Ukiuqtaqtumi Avikturvihimavingni / Kanatap Avikturviit pitqujauhimajaidjutaitanut.
Ilitarijauhimajun Uqauhiit Nunavunmi ukuat Inuktut, Qablunaatun Uiviivitigunlu. Uuktuqtut tunihiinnariaqaqtait havaqpaqhimayainnik titiraannik kituni atugumayaminut ilitariyauhimayuni uqauhiinni Nunavunmut. Uqaqtaaqluni amigaitqijainnik atauhirmit Nunavunmi ilitarijauhimajuni uqauhiinni ihumagijauniaqtuq ikajuutaudjutaujuq. Qaujihimaniq Inuit nunallaanginnik, pitquhiinnik, nunanik, Inuit Qaujimajatuqanginni, Inuktut havakpakhimanirmilu ukiuqtaqtumi aallatkiingnilu-pitquhiqaqtuni innirmi ihumagijaujullu ikajuutaujun.
Naammagijauniaqtut atauttiujun iliharnikkut havakpaqhimajainniklu ihumagijauniagungnaqhijut havaakhamun. Akhuurhaijugun ilingnun uuktuquplutin piqaruvin aajjikkiingniqaqtunik ukiunik iliharnikkut imaalu/imaaluunniit havakpangnikkut aajjikkiiktunik iliharnirnun ajuirhimanirnullu pitqujauhimajunik titiraqhimajun qulaani.
Havaaqaqhimmaaqtunut, munakhinut, Havaktikhaqhiuktut Ilatjutikhaa Akiliuhianganut uvaujut: $5,000 havalirviani upluani, $5,000 18 naatpata tatqiqhiutit unalu $10,000 naatpata 30 tatqiqhiutit. Aallallu ilaliutihimajun ilaqaqtun $9,000 Ukiuq tamaat Hivuliqpaangujuni-havaktinun Manikhaq unalu $375 Tatqiqhiutini Pihimanikkut Aittuuti tamatqiutilik uvunga $4,500 atauhirmi ukiumi.
Aadlamik ikayuut $10/atauhiq ikaarnimik qullangnaijautit piinarialik hapkununnga ubluq tamaat, havagaanginaqtuq, havaamullu aadlanut piyuq havaktunut: Atan'ngujaq Aanniaqtulirijitkunni Pinahuarutit, Nunallaani Munaqhi, Munaqhiunikkut Munaqhi, Munaqhi, Munaqhiujuq, Munaqhinut Munaqhi, Ihumaliqinikkut Munaqhi, Ihumaliqinikkut Tutqiqhaiji imaalu Irninahuaqtunut Ikajuqti. Inikhat ilaulaaqtut uvani qullangnaijautimi iniqaqtut nunagiyauyuni Sallirmi, Naujaat-mi, Iqaluktuutiami, Kugaaruk-mi, Taloyoak-mi, Ikpiaryukmi, Kangiqturaapingmi, Sanirajarmi, Iqaluit, Kimmirut, Qikiqtarjuaq, Qausuittuq.
Aalamik malruuk manikhaakhaq 15-dalamik ikaaqniqmi qullangnaijautit qahaktuq hapkununnga havagaanginnaqtukhaujunun, havagaanginnaqpaktunun, havaakkullu tuniqatigiiknikkut havaktinun: Atan'ngujaq Aanniaqtulirijitkunni Pinahuarutit, Nunallaani Munaqhi, Munaqhiunikkut Munaqhi, Munaqhi, Munaqhiujuq, Munaqhinut Munaqhi, Ihumaliqinikkut Munaqhi, Ihumaliqinikkut Tutqiqhaiji imaalu Irninahuaqtunut Ikajuqti. Inikhat piyaaqtut haffumunga qullangnaijautinun nayugaqaqtut nunallaani Arviani, Qamanittuami, Igluligaaryuk, Uqhuqtuumi, Ausuittuq, Igloolik, Kinngait, Kugluktumi, Pangnirtungmi, Mittimatalik, Kangiqliniq, Sanikiluaq, Tikiraryuaq.
Pittaaqtunik titiraqhimajunik atiinnik piliurniagungnaqhijut hivuni havaakhaqaqqat havaaniktitaujaami
Uuktugumaguvit haffuma havaaqhaanut, qaritauyaqvigidjavatit tuyuutilugu ikayuutiqhat titiqqamik naunaiyautimik havaarivaktarniklu hamunga @email. Ilaliutilugu havaap NAUNAITKUTA nampanga talvani qaritaujakkuugutaanni qaritaujaqviginahuaqtarnit.
- Nunavut Kavamanga aqhuuqtut piqariami inuinnarnik havaqtiqhaqariami, taimaatun, hivulliupkaqtauniaqtun Nunavunmiutat Inuit inmingnik-naunaijautihimajun atiliurhimaplutik ataani Nunavut Angirutimi maliqhugu Hivulliutijuqhanik Havaktiqhanik Atugaqhami.
- Nunavut Kavamangani havaktiit uuktuqtaujut qaffini tatqiqhiutini piqaqtuqhat tunihilutiklu titiraqhimajumik angirutimik uumannga tuklimin ministamin havagvigiliqtaminin. Angirutaa tukliup ministamin ilaliutihimajuqhaq uuktuutingni uuktuutit ihumagijaujaangani.
- Piqarumik ihiunaaqpaqhimanikkut ihivriurutimik taimaaqtitaulimaittungnaqhijuq uuktuqtunik ihumagijaunirmit. Naunaijautiginiaqtait ihivriungninga ihuinaagutaanit taapkunanga havaagijaujuqhanut havaami. Unainnaq pitquidjutaujuq havaanut piqaqtuqhanut naammagijaujumik ihuinaaqpariaqhainnik titirainnik ihuinaaqpariaqhainnikluunniit nuliarnirmun titiqqamik.
- Uuktuqtut tunihiinnariaqaqtait titiraqhimajunik havagpaqhimajainnik kituni ilitarijaujuni uqauhiinnik Nunavunmi.
- Tapkuan’nginait tikuaqtaujut apirhuqtaujuqhat hivajaqtauniaqtut.
- Inmingnik uuktuqtut pihimajun ahinin nunarjuarmin iliharvigjuanin naunaitkutinik pijuqhat taapkuat ahinin nunarjuamin naunaitkutit ihivriuqtaujuqhat talvannga ilitarijauhimajumin Kanadami iliharvigjuarmin. Pingitkumik taimaatun ihumagijaulimaittungnarhijuq uuktuutaa.