Tuqhiqtut uuktuffaagutiqhanut, Ikajuuhiarnikkut

Ikajuuhiarnikkut Ihumaliutqiktauffaaqujaunirmun Havagutain:

Taamna IIkajuuhiarutitigut Maligaa hapkuatlu Ikajuuhiarnirmun Maliguagutait piliurhimajut uuktuffaagutiqhanut havauhiqhainnik uuktuqtunut piinnakpagainlu ikajuuhiarnirmik naammaginggiplugu ihumaliuqhimajumik ikajuuhiagutiqhainnut. 

Uuktuqtuq/piinnakpaktuqlu naammaginggigumikkiq Akiliuhiarnikkut Havaktip ihumaliuqtaanik piinnaktaangnitigut ikajuuhiaqhamik akialuunniititigut ikajuuhiarnirmin, uuktuinnariaqaqtut hivuliumut uuktuutijunut timiqutiit, taapkua Ikajuuhiarnirmun Uuktuffaaqtunut Katimajalaangga (IAAC).

Uuktuqtuq/piinnakpaktuqlu 7 ni ubluni talvamin ubluata ihivriungningganut pijuqhat uuktuutiminut.

Ikajuuhiarnitigut Uuktuqtunut Katimajalanga pidjutilgit 30 ni ublunik naalariami uuktuutimut.

Uqaqvigilugu Ikajuuhialiqiijit piyaarni Uuktuutiqhamik Titiraqmik.   Iniktiqlugu Uuktuutip Titiraa utiqtiffaaqlugu Ikajuuhialiqiijimun.  Ikajuuhialiqinirmun Havaktia tujurniaqtaa uuktuutip titiraa piqaqtuqhainniklu aadlanik titiqqidjutinik ihivriuriagannik tahapkunanit Ikajuuhialiqinirmun Uuktuffaaqtunut Katimajalaanggita.

Uuktuqtuq/piinnakpaktuqluunniit ilauginnariaqaqtut uuktuutigut naalaklutik.  Ikajuuhialiqiijini Havakti tunihiniaqtait uuktuqtunut/piinnakpaktunutlu tamaitanik ihariagijaujut naunaijautiqhat ilaujaami naalaklutik.

Uuktuqtut/piinnakpaktutlu uqaqvigijauniaqtut ihumaliuqtaujumut aadjiliuqhimajumik titiqqamik tutquqtauniaqtuq tutquumaviangginni kangiqhidmadjutiqhatlu ilaliutiniaqtait.  Uuktuqtuq/ piinnakpaktuqlu tunijauniaqtut aadjiliuqhimajumik piumakpata.

Uuktuqtuq/piinnakpaktuqlu naammaginggitkumikkiq IAAC ihumaliuqtaannik pittaangnikkut ikajuutiqhamik akitigutluunniit akiliqtaudjutaitanik, uuktuinnariaqaqtut tugliuluni uuktuutaa timiqutaanut, Ikajuuhialiqiijutigut Uuktuffaaqtunut Katimajiita (IAAB).

 7 ni ubluni tunihijaami pijuqhat tuglinganut uuktuffaatitigut titiraa taapkununga Ikajuuhialiqiijimun.

Ikajuuhiarnitigut Uuktuqtunut Katimajalanga pidjutilgit 30 ni ublunik naalariami uuktuutimut.   IHumaliuqhimajuq Ikajuuhiarnikkut Uuktuffaaqtunut Katimajiita iniktigutaujuq aadlamiklu piviqhaittuqlu.