Auladjutikhamut Ihumatinirmik atuqtauhimaaqtukharnik hivunikhanut
Hilaup Aalannguqtirninga Havagviat, Nunavunmi Igluliqijiirjuat ukuallu Qulliq Alrujaqtuqtunik Ikumadjutiit quviahuktut havaqatigiiklutik ikajurumaplugit Nunavummiut Auladjutikhat Qaujimaniq.
Havaqatigiikniq pijuq atuliqtitaugiami amihunik pauwaqtuutimut-qaujimajuq nunallaani nakuujumik hivuniqmi. Hakugikhijuumiqlugit Nunavunmiun ilihimanikkut uvalu ikajuutit, aghuuqtugut havaklugit aviktuqhimajumi auladjutit-ihumattiangnikkut uvalu avatiinun munaqhijut.
Nunavummiut uqarvigittaaqtait Auladjutikhat Qaujimanikkut akhuuqhaidjutikhat Facebook-kut makpiraangani, humi pittaaqtatit ihuaqtunik atuqtakhanik naunaitkutikhaniklu ikiglinahuarutikhanik auladjutikhat atuqtakhanik, ikajurlutit maningnik ikajuutikhanik avatingnut tammaqtailinirmik.
Hamma ilangit inuit tammaqtailittaaqtait auladjutikhat mikhilaarutillu auladjutikhat akiit Nunavunmi:
- Pilugit auladjutit-ihuaqtut alrujaqtuqtut uvalu qamingaqlugit atuqtaungitkumik.
- Akiraqtuutit atuqtaungittut aularaanginnaqtun auladjutini atungnirmun.
- Atuqlutin alrujaqtuqtunik ubluqhiutinik akhaluutinun uunaqutinik.
- Qamitlugit qullit aniliraangat igluamit hiniligaiguvitluuniit.
- Atuqlugu microwave-mik uvaluniit muqpaujangit igadjutit atuluaqpalaaqtailugu igadjutit.
- Uqquuhautinik nipitirilutik hilalirnut ukkutjanut igalaarnullu uqqumaniq aninaitumik.
- Iliurailutik imarmik-avuutirlugit imaqarviit anarvikmut tammaqtaililugu imarmik.
Hila Aallannguqpallianianut Titiraqtit munaqtiujut parnaijaijaamik hanajaamiklu Nunavunmi huanngautinut havauhiqnik ihuaqhainahuariamik atuqpauhiqqut agjaqtaqhimajunik uqhughanik. Havagvik munarivaktait auladjutini-pidjutiqaqtun ihumagijaujun, pivallialiurnikkut tuninikkullu auladjutikhanik-pidjutiqaqtunik pinahuarutinik hulidjutiniklu, ihuarhainikkullu hulidjutikhanik auladjutikkut ihumaliurutinik.
Pulaarlugu https://www.climatechangenunavut.ca/ ajuirjuumiriaqni ilaugiamilu.