GN kut katimapkaijukhat inungni un'ngahiktukkutlu Ilihaqtunut Havakhanun Takupkaktipkailutik

Iqaluit, Nunavut (Qiqaijalirvia 15, 2024) – Nunavut Kavamangat (GN) Havagvia Havaktuliqijitkut aadlatigjut pidjutiliktut ilihaqtunut uvani ukiumi, havaaqhatigun takupkaqtilutik piumajaamingnik Nunavunmiunut ilihaqtut nunainni tamaanilu Kanatami.  Ilaujumajut ilihaqtut ilauginnariaqaqtait katimajuni katimaqatigilugitluunniit talvainnarmi un’ngahiktukkutluunniit.  

Ilihaqtunut Havaaqhanik Takupkaijit ukiuq tamaat pidjutaujuq aqhuuqhaigutigiplugu GN kut Aujami Ilihaqtunut Havaaqhait Tamainnut  (SSEEP), piviqhaqaqtittilugit an’ngajuqhiinnut ilihariaqjuummiktunutlu Nunavunmiut uuktuqtut qiniqhiariami havaami ilihainikkut. 2023 mi, 200 naattungnaqhijut ilihaqtut ilaujut talvani pinahuarutimi, ilaudjutiqaqhutik 175 nik Inuinnarnik Nunavunmiunik.  

"Piutivut Aujami Ilihaqtunut Havaaqhainnik Pivinga nakuuqpiaqtumik pidjutihimajuq amigaittunut ilihaqtunut qiniqhiajunik atuguminakpiaqtumik havaani ajuirhaqhutik”, uqaqtuq Minista Havaktuliriijitkunni David Akeeagok. "Uvani ukiumi hivumuugumajugut tikiutijaangat Nunavunmiunun ajuirhagumajunut havaaqhatigun, ilihailutik hivitujumik ikajuutigilugu havangnikkut Nunavut Kavamaini. Havaaqhanik takupkaidjutaita takupkaqtittiniaqtut ilihagutiqhanik piliurhimajuni aqhuuqhaigutiqhainnik Inuit havaktiliklugit talvuuna ilihangnikkut maniliqtuutigilugit, qun’ngiaqtlugit ajuirhalutik havaatigut amigaittutlu”.

Ilihaqtut Havaaqhatigun Qun’ngiaqtut pidjutiniaqtut talvani Aqsarniit Itiqtiqvianni Iqalungni Qiqailruq 22, 2024 mi, ammaumalunilu inungnut 10 ublaami 4 mut.  Un’ngahiktukkutlu halihimaniaqtut talvani GN qaritaujakkuugutaanni uvanilu GN Facebook makpirviannitalvanga 10:30 hivumut.