Ihumaliurutikharnik Ihumagiyunik talvuuna Tikkuaqtauyukharnik Havaktuliqinirmut Atuqtakhainut Katimayiit
Kavamatkunnin Tuhaqtitaudjuti
Ihumaliurutikharnik Ihumagiyunik talvuuna Tikkuaqtauyukharnik Havaktuliqinirmut Atuqtakhainut Katimayiit
Havagviat Maligaliqiyikkut qiniqhimaaqtun havadjagiktumik inungnik ihumagiyut ikayugumayunik talvani Havaamut Maligangit Katimayiitni.
Katimayiuyut titiqqiqidjutiliqivaktun ihuaqhaiyit, piliuqtauhimayuq atani Havaktuliqinirmut Atuqtakhainut Maligaq ihuiguhutauyunut havagvingmit havaktimitluuniit, ihumaliurutainik Havaktuliqinirmut Atuqtakhainut Maliktipkainikkut Havakti.
Uuktuqtun havagiikhimayukhat unalu/unaluuniit ilihimayukhat havaktuliqinikkut nanminiqaqtunikluunit ihuaqhaidjutikharnik maligaliqinikkut. Uqagianganik titiragianganiklu Qablunaatun piqaqtukhauyut, ilauyukharnik piqaqtukhat anginirmik taigugianganik, anginirmik maligaliqinikkut hanaqidjutikharnik pigiaqaqtunik ihivriugianganik/titiragianganiklu naunaitumik ihuaqtumik ihumaliurutikharnik. Uqagianganik titiragianganik Inuktitut, Inuinnaqtun Uiviititun piqaqtukhaq.
Uuktuqtun upalungaikhimayukhat havaktukharnik 5nik 15niklu ikaakninik nampanganik tatqikhiutingnik (3nik tatqikhiutingnik tamaat) ilauqatigiyakhait Katimayiyiuyut hulilukaarniaqtunik taima ihivriuqhimaarniaqtun ihuagiyaungitunik talvani ataani Havaktuliqinirmut Atuqtakhainut Maligaq, ihivriuqtun/titiraqtukharnik ihumagiyainik unalu nallakhimaaqtukharnik tuhaqtitauyukharnik. Amigaituq una havaaqhaq iniqtiqtauyukhaq avaliqangitumik talvuuna qaritauyaliqinikkut titiraqhimayunik. Ayuiqhaudjihunguyut katimayiuyunik Katimayiit akiliqtauvakhunguyutlu ubluini katimadjutaini ikayuutainiklu pitquyauhimayut.
Hadjaminun, tamna Havaamut Maligangit Katimayiit ihumagiliqtait aulahimayuq inungnun inuuhirinikkut amigaqhuutikharnik taima aulatitiplunik tamainik nanmniqaqtunik.
Ilaugumaguvit, tunidjavat havaatigut naunaitkutangit uuminngalu ihuinaarutihimaittumik naunaitkutaqarlutit uumunnga Jacob Blackburnmun uvani 975-6565 uvaniluuniit @email.
###
Tuhaqtipkainikkut Uqarvigijakhaq:
Karlee Kendall
Atugakhanut Tuhagakhanullu Naunaijaiji
Maligaliqijikkut Havagvia
867-975-6174
@email