Nuliarnikkut Ingilrutikkullu Aanniaqtailinirmun Qauyihimanikkut Havainiq
Inungnut Tuhaqtitauyuqhaq
Nuliarnikkut Ingilrutikkullu Aanniaqtailinirmun Qauyihimanikkut Havainiq
Uvani havainirmi, Havagviat Aanniaqtailinikkut itqakhaiyumayaat Nunavunmiutat akhurutigiyauyuq tamna nuliqiinikkut ingilrutikkullu aanniaqtailiqinikkut inuuhitiarnikkut. Itqaumadjutinga uumani ukiugani Nuliarnikkut Ingilrutikkutlu Aanniaqtailinirmun Qauyihimanikkut Havainirmi unauyuq “Inuulrammik-ilaranaittuq munaqhiyuq: ilvit pilaarutigiyat”.
Tamaita inuulrammiit piyariaqaqtut nuliarnikkut aanniaqtailiquqpiaqtuqhat. Inuulrammik-ilaranatittuq munaqhiyuq kangiqhidjutaa nibligumagumik nibliinnariaqaqtut, ihumaliuqhimaittumik, ayuqhautinut-kangiqhidjutiqaqtut, nuliarnikkutlu-nakuuyunik uqaqviqattaqlutik nuliarnikkut, nuliarnikkut ihumadjutit, nuliarnikkutlu aanniaqtailidjutit.
Kangiqhidjutaalu nuliarnikkutlu aanniaqtailidjutit ilaudjutiqaqpiaqtuq aanniaqtailidjutiptingnut. Kangiqhidjutaa imaa takudjutilugit qanuqtun pilaqutit ukiutigut, arnaq/angut, inuinnaumanggaat qablunaaq qanuqlu, ilihaqtitaugumiklu nuliarnikkut ihuaqutihungguyuq nuliarnikkut qayagittiagumaniaqtut. Tamaita inuulrammiit hakugingniqhaqaqtuqhatun ittuqhat, naammagiqpiaqlutik, ikayuqtaulutiklu munarhiliagumik.
Uqaqatigilugu aanniaqtailinirmun havaktimun nunaffingni hin’ngaiyaqtailidjutikkut, amirnaqtukkut hin’ngaittailidjutinik ukunaniklu nuliarnikkut aanniaqtailinikkut ihivriurutinik. Ihuarhaittaaqtutin akiittumik hiamitiqtaulimaittumiklu ihivriuqhidjutingnik nunagiyaffingni munaqhitkut.
Takulugu una www.irespectmyself.ca ukununga nuliarnikkut aanniaqtailinirmun ikayuutiqhat pidjutihimayainnik Havagviata Anniaqtailiqiiyitkut. Takuyaaqtatitlu CheckUpProject Facebook mi titiraqtauhimayunik, naunaiyautit, ikayuutiqhaniklu nuliarnikkut Aanniaqtailinikkut ihivriuqvikhatigunlu.
###
Tuhaqtipkainikkut Uqaqvigiyaqhaq:
Danarae Sommerville
Tuhaqtipkainikkut Ayuittuq
Havagviat Aanniaqtailinirmut
867-975-5712
@email