Nutaqqavut Havagiaqtuqatigilugit Ublua 2020
Tapkununga tuhaayukhaq Nunavunmi Puqtiniqaqtunik 9mi ilihaqtun, angajuqqaaq, havaktitiuhimaaqtunik Nutaqqavut Havagiaqtuqatigilugit Ublua aulaniaqtuq Pingattiut, Tarium Hikutirvia 4, 2020!
Ubluani ilauvaktut ilihaqtut Puqtunia 9 uvluraaluk havagviani ittutik angayuqqamik, ilaruhirmik, ilannarmik, imaaluuniit ikayuinaqtunik iningnikharnik, ilihaqhutik takuplutik qanuritaakhanik havagiaqturiami. Una aulatiluni COVID-19 Qalagjuarniq aanniaqtailiqinikkut uuktutikhangit, uvani ukium hulilukaaktunik aulagiaqaqtun hivayautikkut, piksasuuliurnikkut uqaqqatigiiklutik, allanikluuniit qaritauyakkut aturlutik.
Ilinniaqtuliqiyikkut ikayukhimaaqtun uminga pinahuarutikharnik nigiukhutik ilauyukharnik Puqtuniqaqtunik 9mi ilihaqtun imailiurniaqtun:
• Qiniqhimaarniaqtun havaagumayainik pidjutikharnik naunairutikharnik auladjutikharnik talvani Aulajaaqtut iliharviani;
• Ilituqhainahuarlutiklu akhuurutigiyauyut ilihaqhimaaqtukhauyut iliharvingmi; unalu
• Piyaangat ihuaqtumik kangikhidjutikharnik amigaitunik havaagumayainik pidjutikharnik angmaumayut tamainun inungnun.
Ilangit Nunavunmi iliharviit qunngiagiaqaqtun una hulilukaarniq allatqiinik ubluanganik malikhautiyaangat iliharvingit ilihaidjutihimaagiyainik piqaqtukharnik.
Qaritauyakkut hanaqidjutikhangit ilihaqtun, angayuqaangit, havagvingmilu unalu ilihaiyiingitlu nalvaagiaqaqtun uvani https://www.thelearningpartnership.ca/take-our-kids-to-work.