Ubluqtuhivia 28 Bellkut Uqaqta Ublua
Kavamatkunnin Tuhaqtitaujukhat
Ubluqtuhivia 28 Bellkut Uqaqta Ublua
Ukiuq tamaat Ubluqtuhivia, ‘Bellkut Uqaqta Ublua’ aghuurutauyuq kanatap-tamaanun uqautigilugu ikayuutighaq Kanatamiunun aghuurutigilugu ihumakkut aanniaqtailinirmun ilihaidjutit, ilituridjutit, maniliqtuidjutillu.
Tikinahuarutaa hapkua ‘Bell kut Uqaqta Ublua’ tautuktitaangani tapkua ubluq tamaat piyaghaqaqtuq uqautigilugu ihumakkut inuuhiq, ikayuqlugit ilannat ilallu, havaklugillu nayugahainik humi inuit qanurunaanailrumi, pittiaqtaulutik, tuhaayaulutiklu.
Una qalagyurniq COVID-19 nunaqyuami, kingulirmi ukiumi pidjutauyut ayuqhautit qanuriniinun, tamainun ilihaqtitibluni aghuurutinun atadjutikku. Uqaqatgiyaaqtaqqut inuit hilatiini iglupta imaa uqaqatigilugit hivayautikku, qaritauyakkut, pihuqatigilugilu. Aghuungnaqtuq atuqhimaaqlugu iqaiyangnikkut ungahiktilaaqarniq inungnun uqaqatiqaruvin.
Avaliingaangittutit. Ikayuqtiqaqtuq nunallaarni. Ilvit, kinaliqaaluuniin ilihiayat ihariahuktuq ikayuqtighamingnik, ihaaklutit ukpiriyangnun ilanarnun, ilangnun, ilihaiyinun, uqaudjinun Inirnighamunluuniin. Pulaaqlugit munaqhitkut hiamitirnailrumi ihumakkut aanniaqtailinirmun ipiralainimunlu ikayuqtighamik.
Atqit uqaqhimaitumik ikayuqtut, hivayaqlugit:
- Nunavunmi Kamatsiaqtut Hivayautikkut Ikayuqtit (Inuktitut, Qablunaatut) hailiyut 24ni ikarnirni ubluq tamaat, saivani ubluni havainirmi) hivayaqlugit 867-979-3333 uvaluuniit akiittuq 1-800-265-3333.
- Niriugutit Inuuhiqattiarnirmun Ikayuqtiit (piinarialgit tamainun Nunavunmiunun ilitariyauyukkut Uqauhiitigut) –piinarialgit 24ni ikaangnirni ubluni, saivani ubluni havainirni) – akiitukkut uvani 1-855-242-3310.
- Ayurhaqpiaqtunun Kivgaqtuqtit Kanatami (Qablunaatut, Uivitut) – titiraqvigilugu www.crisisservicescanada.ca, hivayaqlugit akiitukkut uvaluuniin naqitautikkut 1-833-456-4566.
- Nutaqqat Ikayuqtikhailiuqtut Hivayautaa (Qablunaatut, Uivitut)– hivayaqlugu 1-800-668-6868, atuqlugu uqaqatigiingnikkut uvani www.kidshelpphone.ca, naqitaqluguluuniin ‘TALK’ hamunga 686868.
Ihumakkut aaniarutit atuqtauvaktuq tamatingnun. Iliturittiariangni haffumuuna Bellkut Uqaqta uvalu qanuq ilauyaarni, pulaaqlugu letstalk.bell.ca.
###
Tuhaqtipkainikkut Uqarvigijakhaq:
Danarae Sommerville
Tuhaqtipkainikkut Ayuittiaqhimayuq
Havagviat Aanniaqtailinikkut
867-975-5712
@email