Avatiinun Hapummiutit
Avatiinun Hapummiutit (EP) Havagiva havaarijaat munaridjutait inuit nunallu inigijaujut Nunavunmi. EP aviktuqhimajuq pingahunik ilqaqtuq: Avatiliqinirmun Malikhautit, Nunanik atungnirmun ukualu Avatiinun Ihivriurutit, Avatiliqinirmun Nalunaqtuliqutit. Hapkua ilaujut pidjutiqaqtut anginirhakkut aalakiit pinahuarutit ukualu pidjutiqaqtut havaqatigiingnirmun nakuunikkut qanurinighait ihuaqhaidjutighallu Avatiinun Munaridjutighatigut ajuqhautit.
EP aghuuqhajait Nunavunmi avatiliqinirmun maligat pitqujaujullu, hivuani Avatiliqinirmun Munaridjutinun Maligaq. EP havakhugit avatiliqinirmun maligahat ilihaqtilugillu inuit havagvikjuallu mighaanun inmi munarijaghait ataani maligap. EP havaarijaat havaklugit tamaita aviktuqhimajumi kavamatkut munarijaghait ilaujut nunamik atungnirinun upalungaijautit tutqighaiblutiklu havagviit ilaudjutighait avatiinun ihivriurutinun havauhighait malikhugit Nunavunmi Avatiliqinirmut Ihivriurnirnun Katimajiit. Havagviup havaarijaat ihivriurutit iglugijaujunun urhuqjuaqarviit kiudjutigiblugit kuvipkaidjutit. Havagviup munarijait halumaiqhimajut najugat naunaijautiat hapkua GNkut havakhugillu iqakkunun munaridjutit ukualu ahiagut aghuurutit havakhugillu turaaqhimajut avatiinun munaridjutit aviktuqhimajumi.. Ilangit havaarijauluaqtut Avatiliqinirmun Munaridjutinun Havagvia ilaujut hapkua:
- Pihimablugit maligahat pihimablugit maliktaujut ihivriurutikkut, ilihaqtitinikkut, aghuurutikullu.
- Ikiklijuumirahuaqhugit qaffiuniit urhuqjuat kuvipkaqtaujut Aviktuqhimajumi.
- Havaqatigilugit tigumidjutiqaqtut, havagvikjuat, inuit, kavamatkut, aalallu aviktuqhimajumi katimajiit mighijuumirahuaqhugu hulaqutit ikajuutinun pivallianirmun havaaghat avatiini.
- Hivuliqhuqhugit GNkut ilaudjutait katimadjutinun atulirnirmunlu nunamik atungnikkut upalungaijautit Nunavunmi tutqighainikkut aalanun GNkut havagviinun.
- Havaklugit ihivriurutit munaridjutillu halumaqhimajunun najugainun tamaini Nunavut.
- Naunaijaqhimalugit halumaqhimajut najugait akiligahat naunaijautait GNkunun.
- Havaklugit ikiangit qanuriniinun munaridjutit Aviktuqhimajumi havaqatigiblugit Avatiliqijit Kanadami.
- Havaqatigilugit tigumidjutiqaqtut urhuqjuat kuvipkainirmun ihivriurutit havaklugillu aghuuqhaidjutinun hulidjutit pijariaqaqata.
- Upalungaijaqlugit nanminiruhuutit imarmun munaridjutit havaaghallu hapkunanga Kavamatkunin Kanadami hapkununga GNkunun.
- Kivgaqtuqlugit GNkut uqautiginirmun katimadjutinunluuniin ilaujut kikliitigut imap aulaniit nuatqativut nunaini.
- Havaklugit havaqatigilugillu tigumidjutiqaqtut aghuuqhainirmun iqakunik munaridjutighanun pinahuarutit.