Min’nguiqhiviit Akhuurnaqtullu Maniqani
Minnguiqhirviit Akhuurnaqtullu Maniqani havagviangit munaqhiniaqtuq upalungaiyautinik, hanaqidjutikhainik, munaridjutikhat, auladjut uvalu atuqhimaaqniq uminga Mirnguiqsirviit – Nunavutim Nunaptingni Minnguiqhirviit Akhuurnaqtullu Maniqani.
Nunavutim Minnguiqhirviit Akhuurnaqtullu Maniqani upaktauyukhaq takujaujukhaq Nunavunmiunit pulaaqtunillu. Qungiaqtitugu piniqtuq idjuhiqlu pitquhikkut ingilraanitait nunani, aviktungniini, kanadami nunaqjuamilu; hakugikhijuumiqlugit ikajuutait nunamingni inuit nunallaallu aghuurutikkut pivaliiadjutikullu nunanun-pihimajut hulidjutit; aghuurutigiblugit atuliqlugit pitquhikkut hulidjutit haffumuuna Inuit Qaujimajatuqangit.
Minnguiqhirviit Akhuurnaqtullu Maniqani hivunikhaliuqtaujun munarijaujullu atauttikkut ukunani havaqatigiiktuni paannarijaujuni, talvuuna Tamainnut Inuit Aktuanit Ihuaqutitlu Anrigutit (IIBA) tapkununga Avikturhimajumi Minnguiqhiqvit uvanilu Nunavunmi Angirutimi, tunnganiqaqtullu nakuujuni angijunilu aturutikhani iliitturipkaidjutini, Inuit Inuuqatigiingnikkut Uppirjainni, nunallaani nalunaqtunilu qaujihimadjutini, atuqtaujunilu ingilrutinik uumanilu nunami-humi ilitturipkaidjutinik.