Maniqqanirmijaangat upalungaijarniq
Nunalingni Kavamatkunillu Pivikhaqautikkut Qilamiungnikkut Munagidjutikkut Havagvia itqaumatqublugit Nunavunmiun tapkua Generation 3 SPOTsngit nanijautit aulahimaaqtut piinarialgit tamaini nunallaani.
Upalungaijaliruvit aullagiangani maniqanirmun, ubluniaqhimaguvitluuniit hivutunirmikluuniit aulaarniaqhimaguvit, itqaumalutin atugumajangnik atiliurlugit akiitut SPOTsnik ingilrutimik talvanga hamilatkut havagvianit, uumajuliqijikkutlu havagviani, uvaniluuniit Anguniaqtuliqijitkutnin. Itqaumalutin utiqtitjavan SPOTnik ingilrut aulaguiguvit taima allanun atugiangini nunalaaningni.
Generation 3 SPOTnik ingilrut auladjutiqaqhimajuq ikajuutikharnik inuuhirnun inungnun, taima ajungnautiqaqqan atugianganik talvani maniqarnirmi piqangitumik naunaitkutimik tigumiaqtauhimaanginaqtun hivajautinuat. Tunihimaaqtun ikajuktikhailiuqtunun tuhaqtitijaangat humiitaakhaanik najugaingit tapkununga ikajuktikhailiuqtunun. Naunaijaijaangat quviahuutikharnik piqpagijarnin, ilannatit, nunalaani qiniqhiajiit anaktuihijutlu havaqatigiiktun piqagianganik SPOTsnik ingilrutingnik upalungaikhimajununlu.
Upalungaijailiguvit aulaarniaqhimaguvit, uqallautilugit inuit kituliqaak humungauniaqtutin munagitquplugulu hilahiutit qanuritaakhaanik. Nakharlugit ihuaqtut ingilrutit atuqtakhat ilaugitlu havautikhat, aannuraakharnik, niqivalungnik, ikitingit ihuaqhaidjutikharnik ingilrutmik ihuaqhaijaangat sikiituutit.
Aallanik ilitturipkaidjutikhanik, uqaqatigilugu Nunavunmi Amigarnaqtunut Munarinikkut havagvia uvani 867-975-5402 qaritaujakkut titirarvigilugiluuniit @email.