ᓄᓇᒧᑦ ᐱᕙᒌᔭᖅᓯᒪᓂᖅ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᐅᓚᑦᑎᔨᖏᑦ ᐃᖅᑲᐃᓯᔪᒪᕗᑦ ᓄᓇᕗᒥᐅᓂᒃ 3−ᓂᒃ ᒫᓃᑉᐳᖔᕈᑎᓂᒃ ᐊᑐᕐᓂᖏᓐᓂᒃ ᐊᑐᐃᓐᓇᐅᔪᓂᒡᓗ ᓄᓇᓕᓕᒫᓂᒃ.

ᐊᐅᓪᓚᕐᓂᐊᕈᕕᑦ, ᐅᓪᓗᐃᓐᓇᕐᒧᑦ ᐅᕝᕙᓘᓐᓃᑦ ᐊᑯᓂᐅᔪᒧᑦ, ᐊᑎᓕᐅᕆᐊᖃᖅᐳᑎᑦ ᐊᑭᖃᙱᑦᑐᒥᑦ ᐅᕙᓃᑉᐳᖔᕈᑎᒥᑦ ᓄᓇᔅᓯᓐᓂ ᕼᐋᒻᒪᓚᒃᑯᑦ ᑎᑎᕋᕐᕕᐊᓂᑦ, ᐆᒪᔪᓕᕆᔨᒃᑯᑦ ᑎᑎᕋᕐᕕᐊᓂᑦ, ᐊᖑᓇᓱᒃᑐᓕᕆᔨᒃᑯᓐᓂᓪᓘᓐᓃᑦ. ᐃᖅᑲᐅᒪᒋᑦ ᐅᑎᖅᑎᑦᑕᕆᐊᒃᓴᖅ ᒫᓃᑉᐳᖔᕈᑎᑦ ᐊᐅᓪᓚᓚᐅᖅᑎᓪᓗᑎᑦ ᐊᑐᐃᓐᓇᐅᓂᐊᕐᒪᑕ ᐊᓯᖏᓐᓄᑦ ᓄᓇᓕᖕᒥᐅᓄᑦ.

3 ᒫᓃᑉᐳᖔᕈᑎᑦ ᐊᑐᖅᑕᐅᕙᒃᐳᑦ ᐃᓅᓯᖕᒧᑦ, ᓇᒃᓯᐅᔾᔨᔪᓐᓇᖅᑎᑦᑎᓪᓗᓂ ᐊᒃᓱᕈᖅᑐᓂᑦ ᓇᓗᓇᐃᒃᑯᑕᓂᑦ ᐅᖃᓘᑎᕋᓛᖃᙱᒃᑲᓗᐊᕈᕕᑦ. ᑐᓴᐅᒪᔾᔪᑎᐅᕗᑦ ᓇᓃᓪᓚᑦᑖᕐᓂᕐᓂᒃ ᑕᐃᒃᑯᓄᖓ ᐃᑲᔪᕈᓐᓇᖅᑐᓄᑦ. ᖁᔭᓕᓗᒋᑦ ᓇᒡᓕᒋᔭᑎᑦ, ᐱᖃᓐᓇᕆᔭᑎᑦ, ᐊᒻᒪ ᓄᓇᓕᖕᓂ ᐱᖏᖕᓇᖅᑐᓕᕆᔨᑦ ᒫᓃᑉᐳᖔᕈᑎᖃᕐᓗᑎᒃ ᐱᕙᒌᔭᖅᓯᒪᓗᑎᒡᓗ.

ᐊᐅᓪᓚᕐᓂᕆᓂᐊᖅᑕᕐᓄᑦ ᐱᕙᒌᔭᓕᕈᕕᑦ, ᐅᖃᐅᑎᓗᒍ ᓇᒧᙵᐅᖕᒪᖔᖅᐱᑦ ᓯᓚᓗ ᖃᐅᔨᒋᐊᕐᓗᒍ.  ᓈᒻᒪᒃᑐᓂᒃ ᐱᖁᑎᓂᒃ ᓇᒃᓴᕐᓗᑎᑦ ᐅᑯᓂᖓᓗ ᓘᒃᑖᒥᙶᖅᑐᑦ ᐃᓅᓕᓴᐅᑎᑦ, ᐊᓐᓄᕌᒃᑲᓐᓂᑦ, ᓂᖀᑦ, ᐅᖅᓱᐊᓗᒃ, ᐃᒃᑭᑎᑦ ᐊᒻᒪ ᓱᕋᒃᓯᒪᔪᑦ ᓴᓇᔭᐅᔾᔪᑎᖏᑦ ᓯᑭᑑᓄᑦ. 

ᑐᑭᓯᒋᐊᒃᑲᓐᓂᕈᒪᒍᕕᑦ, ᓄᓇᕗᒻᒥ ᑐᐊᕕᕐᓇᖅᑐᓕᕆᔨᒃᑯᑦ ᑎᑎᕋᕐᕕᖓᓄᑦ ᐅᖃᓗᒍᓐᓇᖅᐳᑎᑦ ᐅᕗᖓ 867-975-5402 ᐅᕝᕙᓘᓐᓃᑦ ᐃᕐᖐᓐᓈᖅᑕᐅᒃᑯᑦ @email.