Ilauqpiaqtittinirmik Ilihangnikkut
Inuglugijaittuq Tun’ngavia taapkununga Ilauqpiaqtittinirmik Iliharnikkut Nunavut Sikuuqviinni (atajuq tuhaqtitaujuqhanut ilaliutijaqhaq nutaamin qaritaujakkuugutimin)
Aqhuungnaqtuq hapkununga ilihaiyinun taiguqlugu una titiraq kangiqhiyaami ihivriungnigit hivunighaliurutainniklu piliurnitigut tun’ngavia ilauqpiaqtittinirmik ilihaqtutlu ikayuutiqhainnik Nunavunmi sikuuqviinni. Inuit Qaujimajatuqangit ihumagiyaitigut - pitquhikkut Inuit maligait, hivunighaliurutit, ikpigiyait, nunaqyuakkutlu tautuqhimanikkut pidjutigilugit hapkununga Nunavunmi ilauqpiaqtittinirmik ihivriungnigitlu. Havaklugit atuliqtittiliqlugitlu Inuit Qaujimajatuqangitigut ilauqpiaqtittinirmik, atautimunlu hadjamin, ualinirmin qauyimayainnik atuqpagainniklu ihumagiplugu ilauqpiaqtittinirmik, aadlangguliqtaat ayuiqhanirmun ilihaqtittinirmunlu Nunavut sikuuqviinni.
Ilinniaqtuliqiiyit niriuqtait ilihaiyit havaklugit kangiqhimadjutikkut hapkuninga:
- Inuit Qaujimajatuqangit.
- Qanuq Inuit Qaujimajatuqangit hulaqutauvakpat ukpiriyainnut qanuqlu pidjutivakpat ilauqpiaqtittinirmik Nunavunmi.
- Qanuq Nunavut ukpirijainnut qanuqlu pidjutivakpat ilauqpiaqtittinirmik piumanipkainirmun iliharnirmun ilihaijinirmunlu.
Munariyaqaqtut tamaita ilihaiyinut Nunavunmi naunaiqhimanahuaquplugit Inuglugiyaittuq ihivriungnigit ilaliutilugitlu huuq pidjutauvaktut qanuqlu pivakpat ilauqpiaqtittinirmik ilihaqtumutlu ikayuutiqhainnik titirariiqhimayut uvani titiqqami ilinniaqviingginni.
Ilihaqtut Iniqtirutainnut munarijaqaqtut iluaniittunut iliharnikkut ikajuqtaunirmun kivraqtuijinit Nunavunmi ilihaqtunun pijariaqaqtunut pijaamingnik Iliharnirmun Pinahuarutimunmi. Ikajuutiqhat imaa pidjutiniagungnaqhijut iluaniittumin ikajurnikkut qaritaujanik piqaqtuqhani aturiami ilinniarviujumi, taapkunatutigut kangiqhimajaaqhainnik kiudjutinik apikkuutinut ihivriungninga, iluaniittunilu ajuqhautilginnut kivraqtuivinggit ikajuutiqhaitlu.