ᐃᓚᓕᐅᔾᔨᓯᒪᓂᒃᑯᑦ ᐃᓕᓐᓂᐊᖅᑎᑦᓯᓂᖅ
ᐃᓄᒡᓗᒋᔭᐃᑦᑐᖅ ᑐᙵᕕᖏᑦ ᐃᓚᓕᐅᔾᔨᓯᒪᓂᕐᒧᑦ ᐃᓕᓐᓂᐊᕐᓂᕐᒥᑦ ᓄᓇᕗᒻᒥ ᐃᓕᓐᓂᐊᕕᖕᓂᑦ (ᖃᕆᓴᐅᔭᒃᑯᑦ ᓇᕿᑦᑕᕆᐊᓕᒃ ᐃᑭᐊᕿᕕᒃᑯᑦ ᐃᓚᓕᐅᔾᔭᐅᔭᕆᐊᓕᒃ)
ᐃᓕᓴᐃᔩᑦ ᐅᖃᓕᒫᕆᐊᖃᓪᓚᕆᒃᑐᑦ ᑖᓱᒥᖓ ᑐᙵᕕᐅᔪᒥᒃ ᑎᑎᖅᑲᐅᑎᒥᒃ ᑐᑭᓯᕚᓪᓕᕈᓐᓇᕐᓂᐊᕐᒪᑕ ᖃᓄᐃᒻᒪᓪᓗ ᐃᓚᓕᐅᑎᓯᒪᕙᖕᒪᖔᑕ ᐃᑲᔫᑎᒋᔭᐅᓪᓗᑎᒃ ᓄᓇᕗᒻᒥ ᐃᓕᓐᓂᐊᕐᕕᖁᑎᖏᓐᓂᒃ. ᐃᓄᐃᑦ ᖃᐅᔨᒪᔭᑐᖃᖏᑕ ᑕᐅᑐᒃᑕᖏᑦ − ᐃᓄᐃᑦ ᐱᖁᔭᑐᖃᖏᑦ, ᑐᙵᕕᒋᔭᖏᑦ, ᐊᓐᓂᕆᔭᖏᑦ, ᓯᓚᖅᔪᐊᒥᒡᓗ ᑕᐅᑐᒍᓯᖓᑦ ᐃᓕᖅᑯᓯᕆᔭᐅᓲᖑᔪᑦ ᓄᓇᕗᒻᒥ ᐃᓚᓕᐅᑎᑦᑎᓂᕐᒧᑦ ᑭᑭᑦᑎᙱᓐᓂᕐᒧᓪᓗ. ᐱᕈᖅᑎᑕᐅᓂᖏᑦ ᐊᑐᓕᖅᑎᑕᐅᓂᖏᓪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᐱᓕᕆᔾᔪᓯᐅᔪᖅ ᐃᓚᐅᑎᑦᑎᓂᕐᒥᒃ, ᐃᓚᖃᖅᖢᓂ ᓄᑖᓂᒃ ᐱᓕᕆᔾᔪᓯᕐᓂᒃ ᐃᓚᓕᐅᑎᓯᒪᓂᕐᒧᑦ, ᑕᒪᒃᑯᐊ ᑕᒪᒃᑭᖅᖢᒋᑦ ᐃᓕᓴᐃᕙᖕᓂᕐᒥᒃ ᐊᓯᔾᔩᕙᓪᓕᐊᖕᒪᑕ ᓄᓇᕗᒻᒥ.
ᐃᓕᓐᓂᐊᕐᓂᓕᕆᔨᒃᑯᑦ ᓂᕆᐅᒃᑐᑦ ᐃᓕᓴᐃᔨᙳᓵᖅᑐᓂᒃ ᑐᑭᓯᐅᒪᓂᖃᖅᑐᓂᒃ ᒪᑯᓂᖓ:
- ᐃᓄᐃᑦ ᖃᐅᔨᒪᔭᑐᖃᖏᑦ.
- ᖃᓄᖅ ᐅᒃᐱᕈᓱᖕᓂᖅ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒃᑐᐃᓂᖃᖅᐸᖕᒪᖔᖅ ᐱᓕᕆᓂᕐᒧᑦ ᐃᓚᓕᐅᑎᓯᒪᓂᕐᒧᓪᓗ ᓄᓇᕗᒻᒥ.
- ᖃᓄᖅ ᐅᒃᐱᕈᓱᖕᓂᖅ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒃᑐᐃᓂᖃᖅᐸᖕᒪᖔᖅ ᐱᓕᕆᓂᕐᒧᑦ ᐃᓚᓕᐅᑎᓯᒪᓂᕐᒧᓪᓗ ᓄᓇᕗᒻᒥ.
ᓄᓇᕗᒻᒥᐅᑦ ᐃᓕᓴᐃᔨᐅᖃᑕᐅᔪᓕᒫᑦ ᖃᐅᔨᒪᓂᖃᕆᐊᖃᖅᖢᑎᒃ ᐃᓄᒡᓗᒋᔭᐃᑦᑐᖅ ᐅᒃᐱᕈᓱᒍᓯᖓᓂᒃ ᐊᒻᒪᓗ ᐊᑐᓕᖅᑐᐃᓐᓇᐅᓗᑎᒃ ᐃᓕᓴᐃᔾᔪᓰᑦ ᐃᓚᐅᑎᑦᑎᓂᕐᒧᑦ ᐊᒻᒪ ᐃᓕᓐᓂᐊᖅᑏᑦ ᐃᑲᔪᖅᓯᖅᑕᐅᔭᕆᐊᖃᕐᓂᖏᓐᓄᑦ ᐃᓕᓐᓂᐊᕐᕕᐊᕈᓯᖏᓐᓂᒃ.
ᐃᓕᓐᓂᐊᖅᑎᓂᒃ ᐊᓂᒍᐃᕙᓪᓕᐊᔪᓕᕆᒧᑦ ᐱᓕᕆᐊᒃᓴᖃᖅᑎᑕᐅᒋᕗᑦ ᐃᓕᓐᓂᐊᕐᓂᕐᒧᑦ ᐃᑲᔪᖅᓱᐃᔨᓂᒃ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᓕᓐᓂᐊᕈᑎᒃᓴᓄᑦ ᐱᖃᑕᐅᔪᓐᓇᕈᑎᒃᓴᐅᓂᐊᖅᑐᓂᒃ. ᐃᑲᔪᖅᓱᐃᔪᑎᑦ ᐊᔾᔨᒌᙱᑦᑑᔪᓐᓇᖅᐳᑦ ᖃᕋᓴᐅᔭᓕᕆᔾᔪᑎᖃᕆᐊᖃᑐᐃᓐᓇᕆᐊᖃᖅᖢᑎᒃ ᐃᓕᓐᓂᐊᕐᕕᖕᓂ ᐊᑐᖅᑕᐅᔪᒃᓴᓂᒃ, ᖃᓄᐃᓐᓂᐅᔪᓄᓪᓗ ᖃᐅᔨᓴᕈᑎᒃᓴᐅᔪᓐᓇᖅᖢᑎᒃ, ᐊᔾᔨᐅᙱᑦᑐᓂᒡᓗ ᐱᔨᑦᑎᕈᓐᓇᕐᓗᑎᒃ ᐃᑲᔪᑎᖅᓱᐃᔪᓐᓇᕐᓗᑎᒡᓗ.