Iliharniq Nunavunmi
Iliharniq Nunavunmi
Nunavut Kanataup nakuuqpiaqtumik tuhaqtitauyualluittaa quvianakpiangmat nunagiyaami havagiamilu ilihaiyinut.
Ilihaiyiuplutin, havaqatiginiaqtatit quvianakpiaqtunik ilihaqtunik, atuqpaqhimayuni aadlanggayumik pitquhirmik, qiningniaqtutinlu pinnikpiaqtumik ukiuqtaqtumi avataa.
Atautit iliharviit Nunavunmi avaliqangitut aalatqiillu, ilihaiyitlu ilaudjutauplutiklu nunallaami nunagiyainni. Ilauqatiginiaqtatit havaqatitit mihigiyainnik Inuit uqauhiatigut pitquhikkutlu, nutaanik uuktuqhimmaaqhutik, ikayuutivaqhutik aqhuuqhutiklu iliharnirmun nakuuyumik pidjutinahuaqhimmaaqhutik.
Ilihainiq Nunavunmi pipkaivaktuq pivikhaqaqtittipluni ilaunirmun ilihaqtunut, talvuuna pidjutiplutik ilinniaqviinni ilihaqtittiplutik sikuungnaiqqatluunniit hulipkaivaqhutik, Ilihaqtavut ayuigumayuktut, aadlanutlu takupkaqtittiyumayuqtait avatigiyainnik ilingnut. Ilihaiyiupluni Nunavunmi, ubluq tamaat nutaamik qanurinniangninga naunaktuq talvuuna pidjutivaktuq inmik aktungnakniit nakuuqpiaqhutiklu.
Nunavunmi ilihaiyit, ilaudjutaa havaamitigut kantraanggit pivaktut akitunnakmik akiliuhiaqhamik ikayuutiniklu. Ilaudjutiqaqhuni ukiuqtaqtumi nunaqangmat akiliuhiaqhamiklu, nuutirnia ikayuutiqhainnik (piviqhaqaqqat), havaktinut igluqhainnik (pivikhaqaqqat) pittaaqlutiklu amigaittunik ilihaiyit ilihaidjutiqhainnik.
Ilihaqvikyuami iniktiguvit Hitamani Ilihaqhutin iniktigutiqaqhutinlu, pulaaqlugu EducationCanada.com, https://www.csfn.ca/emplois ayuiqhariami hadjamin ilihaiyiqhaqhiuqtuni.
Havaaqhaqhiugumaguvit aadlani Ilinniarnikkut, pulaaqlugit Havaaqhat Nunavut Kavamainni.
Uuktuutit Havauhiit
Havaktiqhaqhiuguvit ilihaiyiqhanik Nunavunmi, havakpagait tamaita avikturviit sikuuqviinnut aulaviat havagviatait (Qikiqtani, Kivalliq Kitikmeonilu, taamnalu Commission scolaire francophone du Nunavut ).
Paqiniaqtatit tamaita Nunavunmi havaaqhait uvani EducationCanada.com, https://www.csfn.ca/emplois
Uuktuutinut Ikayuutiqhat
Uuktuliguvit havaaqhamik Nunavunmi, ihumagiyaqhatit hapkua ikayuutiqhatit.
Ihuangnirit
Ihivriuqlutin naammagiyaaqhainniklu naunaiqlugit havaaqhaq nunallaaqlu, pivikhaqaqqat, ilangnutlu.
Uuktuqhimmaaqlugit ilikkuuqhimayut havaaqhat
Ilihaiyiqhanut atan’nguyait havaaqhait Nunavunmi, ilvit talvainnakmi uuktuqtuqhauyutin havaamut kitumun sikuuqvingmut, taimaanggunggittumik atiit iliuraqlugu aadlanitlu uuktuqtuni. Una kangiqhidjut tamaita havaaqhat uuktuqtarni piqaqtuqhaq ilikkut uuktuutimik. Puiguqtailugu ilaliutilugu havaap nampaanga tamainnut uuktuutigiyarnut.
Paqiniaqtatit tamaita Nunavunmi havaaqhat uvani EducationCanada.com, https://www.csfn.ca/emplois.
Aadjikkiingnahuaqlugu titiraqtat ikayuutiqhat havaaqhamut
Titiraqtat ikayuutiqhat piqariaqhaanik pilugu ihumagiplugu havaktiuyuq kitunik qiniqhiayainnik. Naunaiyautit takuinnariaqaqtatin havaaqhap naunaiyautaanni, titiraqhimayut piqaqtuqhainni havaaqhatigut ilangginni.
Ilihaqtittiyut Aipariiq
Naunaiyattiaqlugit uqautigilugit titiraqhimayarni ilvit aippatlu uuktuliguffi Nunavunmi ilihaiyit havaaqhainnik.
Tunilugit tamaita titiqqat
Taiguaqtiaqlugit havaaqhat naunaiyautait uuktuutit aadjikkiiyaami havaap naunaiyautait titiraqhimayut piqaqtuqhainni havaaqhatigut ilangginni.
Iliturittiarahuaqlugit quyaginaq titiqqanik ihariaginiaqtarnik tunihimayaami taapkuatut nutaanguqhimayut ihuinaariaqhainnik naunaitkutait / ihuinaaqpagiaqhainnik nutaqqanut ihivriungniq naunaiyautimikluunniit iniktiqtarniq piqaqviqhatigut ilihainirmun ilihagutit ilihaidjutaatanik.
Tikiutilugit kiqliviqhaqaqtut
Naunaiyaqhimalugit umikviqhait atautit havaaqhanun nuitiqhimayut, tuyuqlugitlu uuktuutitit tuuliiqtihimaitumik.
Kiqliqhaqaqtut
Hivituni pidjutiqaqtut malrungni pinggahunut havainiitnik qiniqhiariami havaaniktitauluni naammagiyauyuq uuktuqtuq talvanga havaaqhap umiktirnianit. Taapkuangginnait uuktuqtut apiqhuqtauniaqtut hivayaqtauniaqtut.
Apikkuutiqaguvit, apiqhuqlugu inungmut titiraqhimayuq havaap naunaiyautaanni.
Upalungaiyaqlugit apirhuutiqhatit havaktiqhaqhiuqtunik katimayiinnut
Apiqhuqtautinnatin, upalungaiyaqlugit apikkuutitit apirhugumayarniq havaktiqhaqhiuqtunik katimayiinnut. Uuktuutigilugu, iniqqat apikkuutit ilvit apirumaniagungnaqhiyatit ilihaqtunik, sikuuqviup ilihaidjutiqhaatigut, ikayuutiqhatigutluunniit piviqhaqarianggannik sikuuqvingmi ikayuutiqharnut ilihaqtiliguvit.