Nunavunmi Ikaulaaqtuliqijit Ataniata Havagvia
Hunanik havaktaaktugut
Nunavunmi Qaptirijilirijit Atan'ngujarjuangata Havagvia munaqhijukhat ikualaaqtuqaqqat imaalu igluqpangmik qajangnaitkutikhanik. Havagviup havaktait atugakhat, maliguagakhat havaktaujanullu akhuurutigivlugillu hivunikhaliurutikhat atuqhugillu ikualaarnikkut qajangnautit. Uqaudjivaktugullu tamainnik hanaqidjutikhanik ukuallu ihumagijaujun mikhaanun igluqpanun ikualaaqtailinirmullu qajangnautit.
Munarijavut hapkua:
- Atuqtitpaalirlugu havaarivlugillu igluqpanun ikulaaqtuqaqqallu qajangnautin.
- Uqautiblugit aallatkiit aktilaangit kavamatkut igluqpait uvalu ikualaaqtuliqinikkut-ilauyut pidjutauyut, ilauyut ikualaaqtailinirmun.
- Havaqatigiplugit ikualaaqtuqaliqqat kivgaqtuidjutikhat havaqatigiiktut tamainni avikturnianni.
- Hivuliqhurluni, tutqikhailuni ikajurlugillu kavamatkut havagviinik, haamlatkut inungniklu ihuaqtumik pijakhanun igluqpanun uvalu ikualaarnikkut qajangnautikkut.
Qajangnaittumik ikajuutikhat
Kangiqhimalugit hunat havagiami ikualaaqtilugit atugakhat ikualaaqtailinirmun qajangnautit. Atuqniqatiaqtuq iniqhiyaagani aaniriipkutinik upalugaiyaunmik qanuriliuriaqtinagu; pittailiniq ihuaqtuq qayangnairutikharnik ilagiyangnik.
Havaklugit ikualaaqtailinirmut qajangnaitkutikhat upalungaijautikhamik
Tamaita ilagiit piqaqtukhat ikualaaqtailinikkut qayangnautikkut upalungaiyautinik ikualaaliqqat qilamiurutiqaqqatluuniin. Una ilauyuq ilihimaluni huliyaangani ikualaaqtilugu, kina hivayaqluni uvalu piumablutik katimadjutinik ilagiit ahinungaulutik.
Atuqhimaarlugu qimaagiangani hukuuriami ilihimalutit anivikhangnik tamainun igluanin iglumingni. Ilihimalutin qanuq nutqarianganik, akparlutin, akhalurlutin qamittijaami.
Puiguktailutin qanuq ikualaaqtittinnainirmun. Ilihimalutin qanuriliugianganik - aulatitiyaangat ikualaaqtunik qimaarvikharnik upalungairutikharnik taima aniyaangat igluangani aihimavingni qiniqhimaanginaqtan kinguliuyunik ilaqatigiiktuni qimaajuq iglumin. Tamaita igadjutit qamitiqhimavat? Taluqujat titiqqallu allarutin ungahikpan ingnirvingmin uunaqutainin? Upalungaiyarniq ilatit ikualaaqtailinirmun qayangnautit naunaiyautaa ilihimalugit hunat ikualaaqtaaqtun qanurlu pittailiyaangani.
Qinirlugit puyunun ququurutin qamitirutikhallu
Pujunun ququurutin ikualaaqtumullu qaptirutit ihariagijaujut ikualaaqtailinirmun. Pipkarlugit tamangnik iglungni uvalu havagvingni munagidjutikhanik uvalu ihivriuqtillugu ikualaaqtailinikkut ayuittiaqtumin.
Ilihimavin? Uuktuqtakharaluat puyunun ququurutit atauhirmik tatqirhiunmi himmirlugu baatuliit ukiuq tamaat. Ikulaaqtuqaqat qaptirutit ihivriuqtauyariaqaqtut atauhirmik ukiungani ajuittiaqhimajumin.
Pihimalugit tamaita inirniit nutaqqallu ilitagilugit nipiit pujumun ququarutimik ilihimalutillu qanuriliuriami pidjutiqarniarungnaqhikpan ikualaaqtumun qilamiurutinulluuniin. Una ilauyuq ilihimalugu nayugaa qanitqiamik ikualaaqtup qimaaviit uvalu qilamiungnikkut nampait hivayagiangini ikayuqtikhamingnik.
Qakugu apiqhijaami ikajuqhiriami
Ilihimalugu ikualaaqtuliqiyit nampait ikualaaqtuqarniarungnaqhikpan qilamiurutiqaqqalluuniin. Ihumaalukhimaitumik, hivayarlugit tunilugillu nayugat nunamilu naunaitkutit. Una nampanga haililugu taimaa tamaita ilauyut ilagiiktuni paqittaanginnik aturumagumikku qilamiurutiqaqqan. Pipkarlugit tamaita ilagiit uukturlugu hivayautit nampaa qaptirijitkunun havagvianun ilihimalutik hivayariami talvunga tamaita ikualaaqtuliqinikkut pidjutainun qilamiurutinun.
Apiqqutikhaqaqpaklutik talvuuna inungnun ikualaaqtunik ilihairutikharnik, ikualaaqtuliqijit havagviata ajuiqhaidjutikhainun ikualaaqtailinikkullu? Hivayaqlugit Nunavunmi Qaptirijilirijit Atan'ngujarjuangata Havagivangat tuhaqtitaujaanginni uvani 1-844-975-5493.
Ikualaaqtuqaqtailinirmun Havainiq
Tikitkaangat tuglia havainiq Tattiarnaqhilirviani, Ikualaaqtailinirmut Havainiq pipkaivaktuq ikualaaqtailinirmut qajangnaitkutikhanik qaujimajakhainnik imaalu ikajuutikhainnik aimavingni ilangnillu qajagidjutikhainun. Atuqtilugu una havainiq ilituriyaaqtatin nunangni ikualaaqtuliqiyit havagvianin mikhaagun ikualaaqtailinikkut qayangnautikkut ilituqhaidjutit.
Atuqtilugu Ikualaaqtuqaqtailinirmut Havainiq, havaqatigiiktut ilatit iniqhilutit ikualaaqtuqaqtailinirmut qajangnaitkutikhanik ihivriuqhilutit aimavingni, naunairlugin qajangnautiginiarungnaqhijainun,piliurlugu iliharlugillu ikualaaqtuqaliqqat qimaavikhanik upalungaijautikhanik. Ikayuqlugit ilatit hapingitumik ikualaaliqqat qilamiurutiqaqqatlu ayuiqharlugit qanuq qanuriliuriami pidjutiqaliqqan.
Akiitumik ikayuinaqhuni qaptigiya
Ikayuinaqtunik qaptigiyiuniq huna pivaktanin, taimailiurutigijan pigaangavin. Akiitumik qaptigiyiit Nunavunmi pihimablugit nunallaat qayangnaitumik ikualaaqtunin qilamiurnikkullu, ikayuriamilu iliharnikkut, maniliurahuarnikkut havaktakhainullu. Qitqaniittut nunallaaptingni.
Akiitumik Qaptirijit:
- Ikajuqtun nunallaamingnun ihuaqtumik nakuuqpiaqtumiklu.
- Ikajuqtun aghuungnaqtunik qilamiurnikkut kivgaqtuutinik ikayuutikhat inungnun ajuqhautiqaqtunun ihumaaluktunullu.
- Inuuhirmun ilanatik havaqatimingnun.
- Ayuiqharlutin qayangnairutikharnik ayuittiagiikhimayunik ikayugianganik allanik inungmun ayuittiagiikhimayunikluuniit atuqtainni.
Akiitumik qaptigiyiit piniaqtutit:
- Kiulutit amigaqhuutiqaqqan hivayaqtukharnik taima ilauyut ikualaaqtuqarnikkut, anaktuiyukharnik, munarhiliqidjutikharniklu amigaqhuutiqaqqan.
- Ilaulutik ayuiqhaqattaqhutik munaqhiyullu havaaghalgit qaptigiyiit havagvianun ingilrutainiklu.
- Ilaulutik inungnun ilihaidjutit uvalu ikayuqlugit nunamingni hulidjutinik.
Upalungaiqqit akiitumik qaptigiyiujaami? Pulaarlugit nunangni qaptirijiit havagvianun ublumi.
Ikajuutit
Ayuiqharlutin qanuq ilagiyangnik ikualaarnaitumik qanurlu qimagianganik ikualaaqtunin amigaqhuutiqaqqanluuniit ukuninga ikajuutikhanun.
- Nunavunmi Ikualaaqtailinirmut Qajangnaitkutikhanullu Maligaq
- Nunavunmi Qaptirijilirijit Atan'ngujaata Ukiunganun Unniudjutaa
- QAJANGNAIRUTIKHAT HIVULLIUJUQ, ATUGUIRLUGIT NAKUUTQIJAUNGITTUN
- IKUALAAQTAILINIRMUT QANUQTUT QAJANGNAITKUTIKHAT