ᐊᐃᑦᑑᑕᐅᕙᑦᑐᓄᑦ ᐋᓐᓂᐊᕆᔭᐅᓕᖅᐸᑦᑐᓄᑦ ᖃᐅᔨᒪᔨᑕᖅ
ᐅᓇ ᐃᖅᑲᓇᐃᔮᒃᓴᖅ ᐃᖃᓗᖕᒥᐅᑕᑐᐊᓄᑦ ᐅᒃᑯᐃᖓᔪᖅ.
ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ ᒪᒃᑯᒃᑐᓂᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓚᐅᖅᑐᓂᒃ 2024-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᑦᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᑦ ᐆᒻᒪᕆᒃᑐᖅ, ᐱᔪᒪᓂᖃᑦᑎᐊᖅᑐᖅ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ. ᒐᕙᒪᐅᑎᓪᓗᒋᑦ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᓴᖅᑭᔮᖅᑎᑦᑎᓂᕐᒧᑦ ᐃᓄᒃᑐᑦ ᐅᖃᐅᓯᖓᓐᓂᑦ, ᑭᒡᒐᖅᑐᐃᑦᑎᐊᕐᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓂᑦ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᑲᔪᓯᑎᑦᑎᓂᕐᒧᑦ ᐊᖏᖅᓯᒪᓂᕆᔭᖓᓂᑦ ᓄᓇᕗᒻᒧᑦ. ᑲᔪᓯᓂᖃᑦᓯᐊᖅᑐᑦ ᐃᖅᑲᓇᐃᔮᖅᑖᖅᑐᑦ ᖁᕕᐊᒋᔭᖃᕐᓂᐊᖅᑐᑦ ᐊᑭᓕᖅᑐᖅᑕᐅᑦᓯᐊᕐᓂᕐᒧᑦ, ᐋᓐᓂᐊᕐᕕᓕᐊᕐᓂᕐᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᓂᑦ, ᓇᓗᓇᐃᖅᔭᖅᑕᐅᓯᒪᔪᓂᑦ ᐃᓐᓇᑐᖃᐅᔪᓯᐊᑦᓴᓄᑦ ᐸᕐᓇᐅᑎᓂᑦ, ᓅᑕᐅᓂᕐᒧᑦ ᐱᕕᖃᕐᓂᕐᒧᑦ ᐱᕕᖃᕐᓂᕐᒧᓪᓗ ᐱᓕᒻᒪᑦᓴᕐᓂᕐᒧᑦ ᐃᖅᑲᓇᐃᔮᒥᓪᓗ ᖁᕝᕙᖅᐸᓪᓕᐊᓂᕐᒧᑦ.
ᐅᖃᕐᕕᖃᖅᐸᒡᓗᓂ ᐃᖢᐊᖅᓴᐃᔩᑦ ᐊᖓᔪᖅᑳᖓᑕ ᑐᒡᓕᐊᓄᑦ, ᐊᐃᑦᑑᑕᐅᕙᑦᑐᓄᑦ ᐋᓐᓂᐊᕆᔭᐅᓕᖅᐸᑦᑐᓄᑦ ᖃᐅᔨᒪᔨᑕᖅ ᑲᒪᒋᔭᖃᑎᖃᖃᑦᑕᕐᓂᐊᖅᑐᖅ ᐊᔪᕆᖅᓯᐅᔾᔨᓂᕐᒥᒃ ᐊᒻᒪ ᖃᓄᐃᖁᔨᓂᒃᑯᑦ ᐅᖃᐅᔾᔨᒋᐊᕐᓂᕐᒥᒃ ᑲᓇᑕᓕᒫᒥᑦ ᓯᓚᕐᔪᐊᓕᒫᒥᓪᓗ ᒪᓕᒃᑕᐅᕙᒃᑐᑦ ᒪᓕᒡᓗᒋᑦ, ᓇᐅᑦᑎᓱᖅᐸᓪᓕᐊᓂᕐᒧᑦ, ᓄᖅᑲᖅᑎᑦᑎᓇᓱᖕᓂᕐᒧᑦ, ᑲᒪᒋᔭᖃᕐᓂᕐᒧᑦ ᐊᐅᓚᑦᑎᓂᕐᒧᓪᓗ ᐊᐃᑦᑑᑕᐅᕙᒃᑐᑦ ᐃᓚᒋᓗᒋᑦ ᑲᐱᔭᐅᓂᒃᑯᑦ ᐋᓐᓂᐊᕆᔭᐅᕙᒃᑐᓂ ᐱᑕᖃᖅᑎᑦᑎᑦᑕᐃᓕᒪᔾᔪᑎᓂᒃ ᓄᓇᕗᒻᒥ. ᖁᑦᑎᒃᑐᒦᓐᓂᖅᓴᐅᓗᑎᑦ ᐅᖃᐅᔾᔪᐃᔨᐅᓗᑎᑦ, ᐱᑎᑦᑎᖃᑦᑕᕐᓂᐊᖅᐳᑎᑦ ᐊᕕᒃᓯᒪᓂᕆᔭᐅᔪᒥ ᓯᕗᓕᖅᑎᐅᓂᕐᒥᒃ ᖃᓄᐃᓕᐅᖅᓯᓂᕐᒧᑦ ᐱᕙᒌᔭᕐᓂᕐᒧᑦ, ᐱᕙᓪᓕᐊᑎᑦᑎᓂᕐᒧᑦ ᑲᔪᓯᑎᑦᑎᕙᖕᓂᕐᒧᓪᓗ ᐊᐃᑦᑐᕐᓘᑕᐅᔪᓐᓇᖅᑐᓄᑦ ᐋᓐᓂᐊᕆᔭᐅᓕᖅᐸᒃᑐᓄᑦ ᐱᓕᕆᐊᒃᓴᓄᑦ ᓄᓇᕗᒻᒥ, ᐅᑯᓇᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓴᐳᔾᔨᓯᒪᓂᕐᒧᑦ ᐱᓕᕆᐊᖑᕙᒃᑐᒥ. ᐊᐃᑦᑑᑕᐅᕙᑦᑐᓄᑦ ᐋᓐᓂᐊᕆᔭᐅᓕᖅᐸᑦᑐᓄᑦ ᖃᐅᔨᒪᔨᑕᖅ ᑕᑎᒋᔭᐅᔪᖅ ᓄᖅᑲᖓᑎᑦᓯᓂᕐᒧᑦ, ᐊᐅᓚᑦᓯᓂᕐᒧᓪᓗ ᖃᑦᓯᐅᓂᖏᓐᓂᑦ ᐊᐃᑦᑑᑕᐅᕙᑦᑐᓄᑦ ᐋᓐᓂᐊᕆᔭᐅᓕᖅᐸᑦᑐᓄᑦ ᓄᓇᕗᒻᒥ.
ᐃᖅᑲᓇᐃᔭᖅᑎ ᐊᑐᐃᓐᓇᐅᑎᑦᓯᓂᐊᖅᑐᖅ ᖃᐅᔨᒪᔾᔪᑎᑦᓴᓂᑦ ᐅᖃᐅᔾᔨᒋᐊᕆᓂᕐᒧᓪᓗ ᐃᓗᐊᖅᓴᖅᑕᐅᔪᓄᑦ, ᓄᖅᑲᖓᑎᑦᓯᓂᕐᒧᑦ, ᐊᐅᓚᑦᓯᓂᕐᒧᓪᓗ ᑖᒃᑯᓇᖓᑦ ᑐᖅᑯᖅᑕᐅᓯᒪᔪᓂᑦ. ᐊᐃᑦᑑᑕᐅᕙᑦᑐᓄᑦ ᐋᓐᓂᐊᕆᔭᐅᓕᖅᐸᑦᑐᓄᑦ ᖃᐅᔨᒪᔨᑕᖅ ᑲᒪᒋᔭᖃᕐᓂᐊᖅᑐᖅ ᐱᕙᓪᓕᐊᑎᑦᓯᓂᕐᒧᑦ, ᕿᒥᕐᕈᓂᕐᒧᑦ, ᐋᖅᑭᐅᒪᑎᑦᓯᓂᕐᒧᑦ, ᑐᓴᐅᒪᑎᑦᓯᓂᕐᒥᓪᓗ ᐅᓪᓗᒥᒨᖓᔪᓂᑦ ᒪᓕᑦᑕᐅᔭᕆᐊᓕᓐᓂᑦ, ᒪᓕᑦᑕᐅᔭᕆᐊᖃᓪᓚᕆᑦᑐᓄᑦ ᖃᓄᐃᓕᐅᕈᑕᐅᔪᒪᔪᓄᓪᓗ ᐱᔾᔪᑎᖃᖅᑐᓂᑦ ᐊᐃᑦᑑᑕᐅᕙᑦᑐᓄᑦ ᐋᓐᓂᐊᕆᔭᐅᓕᖅᐸᑦᑐᓄᑦ ᐊᐅᓚᑦᓯᓂᕐᒧᑦ. ᐱᓕᕆᖃᑎᖃᕐᓂᕐᒧᑦ ᐊᓪᓚᕝᕕᖓᓂᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᐅᑉ (CPHO), ᐱᓗᐊᖅᑐᒥ ᐊᐃᑦᑐᐃᓇᖅᑐᓂᑦ ᖃᐅᔨᓴᕐᓂᕐᒧᑦ ᐱᓕᕆᖃᑎᒌᓂᑦ, ᐊᐃᑦᑑᑕᐅᕙᑦᑐᓄᑦ ᐋᓐᓂᐊᕆᔭᐅᓕᖅᐸᑦᑐᓄᑦ ᖃᐅᔨᒪᔨᑕᖅ ᖃᐅᔨᓴᕐᓂᐊᖅᑐᖅ ᖃᓂᒪᓇᕐᒧᑦ ᑲᒪᒋᔭᐅᔪᓂᑦ ᐊᐃᑦᑐᕐᓗᐃᖃᑦᑕᕐᓂᕐᒧᓪᓗ ᖃᐅᔨᓴᕐᓂᕐᒧᓪᓗ ᖃᓂᒪᓇᕐᒥ ᓄᖅᑲᖓᑎᑦᓯᓂᕐᒧᑦ ᐊᐅᓚᑦᓯᓂᕐᒧᓪᓗ ᐱᓕᕆᐊᓂᑦ. ᐊᐃᑦᑑᑕᐅᕙᑦᑐᓄᑦ ᐋᓐᓂᐊᕆᔭᐅᓕᖅᐸᑦᑐᓄᑦ ᖃᐅᔨᒪᔨᑕᖅ ᓯᕗᓕᖅᑎᐅᓂᐊᕐᒥᔪᖅ ᐱᕙᓪᓕᐊᑎᑦᓯᓂᕐᒥᑦ ᑐᓂᐅᖅᑲᐃᓂᕐᒥᓪᓗ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᓴᖅᑭᔮᖅᑎᑦᓯᓂᕐᒥᑦ ᐃᓕᓐᓂᐊᑎᑦᓯᓂᕐᒥᓪᓗ ᐱᖁᑎᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐃᖅᑲᓇᐃᔭᖅᑎᓄᑦ ᑭᒃᑯᑐᐃᓐᓇᕐᓂᓪᓗ ᐱᔾᔪᑎᓕᓐᓂᑦ ᐊᐃᑦᑑᑕᐅᒍᓐᓇᖅᑐᓂᑦ ᑲᐱᔭᐅᓂᕐᒧᓪᓗ ᓄᖅᑲᖓᑎᑦᓯᓂᕐᒥᑦ ᐋᓐᓂᐊᓂᑦ. ᓄᓇᓕᖕᓂ ᐱᕙᓪᓕᐊᔪᓕᕆᔨ ᑐᓴᖅᑎᑦᑎᖃᑦᑕᕐᓂᐊᖅᐳᖅ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᐊᒡᓚᕝᕕᐊᓂ ᐊᓯᖏᓐᓂᒡᓗ ᐃᓚᒋᔭᐅᔪᓂᒃ ᐱᓕᕆᕝᕕᖕᒥ ᐊᒻᒪ ᐱᓕᕆᕝᕕᖕᒥ ᐃᕐᖐᓐᓇᖅ ᐊᐃᑦᑐᕐᓗᐃᓐᓇᖅᑐᒥᒃ. ᐊᐅᓪᓚᖃᑦᑕᕐᓂᕐᒧᑦ ᐊᓯᖏᓐᓄᑦ ᓄᓇᓕᓐᓄᑦ ᐱᔭᕆᐊᖃᕋᔭᖅᑐᖅ ᐊᑐᐃᓐᓇᐅᑎᑦᓯᓂᕐᒧᑦ ᐃᓕᓐᓂᐊᕐᓂᕐᒧᑦ, ᐱᓕᒻᒪᑦᓴᕐᓂᕐᒧᑦ ᐃᑲᔪᖅᑐᐃᓂᕐᒧᓪᓗ.
ᖃᐅᔨᒪᓂᖏᑦ, ᐊᔪᓐᖏᓐᓂᖏᓐᓂᖏᓪᓗ ᐱᔭᐅᓯᒪᔪᓐᓇᖅᑐᑦ ᐆᒧᖓ ᐃᖅᑲᓇᐃᔮᒧᑦ ᐃᓕᓴᕆᔭᐅᓯᒪᔪᒥᑦ ᐱᔭᕇᕈᓯᐊᖃᕐᓗᓂ ᐋᓐᓂᐊᓯᐅᖅᑎᐅᓂᕐᒧᑦ, ᐱᖃᓯᐅᑎᓗᒋᑦ ᐱᖓᓱᓄᑦ (3) ᐊᕐᕌᒍᓐᓄᑦ ᐊᑦᑐᐊᓂᖃᖅᑐᓂᑦ ᐱᓕᕆᖃᑦᑕᖅᓯᒪᓂᖅ ᖃᐅᔨᒋᐊᑲᓐᓂᖃᑦᑕᕐᓂᕐᒧᓪᓗ ᐱᓕᕆᕝᕕᒋᓯᒪᔭᒥᓂᒃ ᖃᐅᔨᒋᐊᕐᕕᒋᕙᑦᑕᒥᓂᓪᓗ; ᐊᐅᓚᑦᑎᕝᕕᖃᖅᐸᓪᓗᓂ ᐊᐃᑦᑐᕐᓘᑕᐅᔪᓐᓇᖅᑐᓂᒃ ᐋᓐᓂᐊᕆᔭᐅᕙᒃᑐᓂᒃ ᓯᐊᒻᒪᒃᑎᖅᑐᖃᕌᖓᑦ ᑲᐱᓯᕙᓪᓗᓂᓗ. ᐱᔪᓐᓇᕐᓂᕐᒧᑦ ᐃᓚᐅᖃᑕᐅᔾᔪᑎᖃᖅᑐᓄᑦ ᐋᓐᓂᐊᓯᐅᖅᑎᒃᑯᑦ ᑲᑐᔾᔨᖃᑎᒌᖏᑦ ᓄᓇᑦᓯᐊᕐᒥᑦ ᓄᓇᕗᒻᒥᓪᓗ (RNANT/NU) ᑎᑎᕋᖅᑕᐅᒍᓐᓇᕐᓗᓂᓘᓐᓃᑦ ᓯᕗᕐᖓᓂ ᐅᓪᓗᖅ ᐱᒋᐊᕐᕕᑦᓴᖓᑕ ᐱᔭᕆᐊᖃᕐᒥᔪᖅ. ᓯᓚᑦᑐᖅᓴᕐᕕᒡᔪᐊᕐᒥ ᐃᓕᓐᓂᐊᖅᓯᒪᔾᔪᓯᐊᕐᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐅᕝᕙᓘᓐᓃᑦ ᐊᐃᑦᑑᑕᐅᕙᒃᑐᓕᕆᓂᕐᒥᑦ ᐃᑲᔪᕐᓂᖃᕋᔭᕐᒥᔪᖅ. ᐃᖅᑲᓇᐃᔭᖃᑦᑕᕐᓂᑰᒍᓂᑦ ᓄᓇᖃᕐᓂᕐᒧᑦ ᓄᓇᕗᒻᒥᓪᓗ ᐅᑭᐅᖅᑕᖅᑐᒥᒡᓘᓐᓃᑦ ᐊᑲᐅᓇᔭᖅᐳᖅ. ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.
ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᓂᑦ ᐃᑲᔫᑎᖃᑦᑎᐊᕋᔭᖅᑐᖅ. ᖃᐅᔨᒪᒃᐸᑦ ᐃᓄᐃᑦ ᓄᓇᓕᓐᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓪᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.
ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᑦ ᑖᑦᓱᒧᖓ ᐃᖅᑲᓇᐃᔮᖅᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᓱᐊᖁᔨᑦᓱᑕ ᐃᓕᓐᓂᑦ ᓇᓕᒧᓱᑦᑐᓂᑦ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᓂᕐᒧᑦ ᐃᓕᓐᓂᐊᖅᓯᒪᓂᕐᒧᑦ ᐱᓕᕆᖃᑦᑕᖅᓯᒪᓂᕐᒧᓪᓗ ᐱᔭᕆᐊᖃᖅᑐᓂᑦ ᖁᓛᓂᑦ ᑎᑎᕋᖅᓯᒪᔪᓂᑦ.
ᐃᖅᑲᓇᐃᔮᖅᑖᕋᓱᒃᑐᓄᑦ ᐊᑏᑦ ᐃᓚᔭᐅᑐᐃᓐᓇᕆᐊᓕᒃ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᐃᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᖃᑕᐅᓛᕐᒪᑦ.
ᑕᔅᓱᒥᖓ ᐃᖅᑲᓇᐃᔮᒃᓴᒧᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.
- ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
- ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ.
- ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ.
- ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
- ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
- ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ. ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᕈᑏᑦ ᐋᒡᒑᖅᑕᐅᑐᐃᓐᓇᕆᐊᓕᒃ.