ᐊᖓᔪᖅᑳᑉ ᑎᑎᕋᖅᑎᖓ

ᐅᓇ ᐃᖅᑲᓇᐃᔮᒃᓴᖅ ᐃᖃᓗᒻᒥᐅᑕᑐᐊᓄᑦ ᒪᑐᐃᖓᔪᖅ.

ᐅᖃᕐᕕᖃᖅᐸᒡᓗᓂ ᒥᓂᔅᑕᐅᑉ ᑐᒡᓕᒃᑲᓐᓂᖓᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᐅᓚᑦᑎᓂᖅ (ADM)−ᒧᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ, ᐊᖓᔪᖅᑳᑉ ᑎᑎᕋᖅᑎᖓ (ᑎᑎᕋᖅᑎ) ᐃᑲᔪᖅᐸᒃᐳᖅ ᐊᑕᖐᔪᒥᒃ ᑲᔪᓯᓂᖃᑦᑎᐊᖅᑐᒥᒃ ᑲᔪᓯᓂᖃᑦᑎᐊᖅᑐᒥᒡᓗ ᐊᐅᓚᓂᕆᔭᖓᓂᒃ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᖓᑕ ᑎᑎᕋᕐᕕᖓᓂ ᖃᐅᔨᒪᑦᑎᐊᕋᓱᒃᐸᒡᓗᓂ ᑕᒪᒃᑯᓂᖓ ᐱᓕᕆᐊᒃᓴᓂᑦ ᐱᔭᕇᖅᑕᐅᒐᓗᐊᕐᒪᖔᑕ ᐃᓛᒃᑰᕐᓗᑎᒃ, ᑎᓕᔭᐅᓯᒪᓪᓗᑎᒃ, ᑐᓐᓂᖅᑯᑕᐅᓯᒪᒐᓗᐊᕐᒪᖔᑕᓘᓐᓃᑦ ᑕᐃᒪᐃᑦᑕᕆᐊᖃᖅᑎᑕᐅᓂᕐᒥᓄᑦ. ᐊᒥᓱᑦ ᐃᓱᒪᓕᐅᕈᑕᐅᔪᑦ ᑲᔪᓯᓂᐊᖅᑐᑦ ᐅᖃᖃᑎᖃᕐᓂᒃᑯᑦ ᒥᓂᔅᑕᐅᑉ ᑐᖏᓕᖓᑕ ᐃᑲᔪᖅᑎᖓᓂᑦ ᐊᒻᒪᓗ ᒪᓕᓪᓗᑎᒃ ᐊᑐᐊᒐᕐᓂᑦ/ᑐᑭᒧᐊᕈᑎᓂᑦ ᐱᓕᕆᕝᕕᒻᒥᑦ, ᓄᓇᕗᑦ ᒐᕙᒪᖓᓂ, ᐃᖅᑲᓇᐃᔭᖅᑎᓄᑦ ᐊᖏᖃᑎᒌᒍᑎᓂᑦ, ᐊᓯᖏᓐᓂᓪᓗ ᐊᑐᖅᑐᓂᑦ ᒪᓕᒐᕐᓂᑦ.

ᑎᑎᕋᖅᑎ ᐱᓕᕆᖃᑎᖃᑦᑎᐊᓲᖅ ᐃᓚᒋᔭᐅᔪᓕᒫᓂᒃ ᐱᓕᕆᖃᑎᒌᓂᒃ, ᐊᒻᒪᓗᑦᑕᐅᖅ ᐊᓯᖏᓐᓂᒃ ᐃᓗᐊᓂ ᓯᓚᑖᓂᓗ ᑎᒍᒥᐊᖅᑎᐅᖃᑕᐅᔪᓂᒃ, ᑭᒃᑯᑐᐃᓐᓇᕐᓄᑦ ᑳᓐᑐᐊᒃᓯᔨᓄᓪᓗ. ᑎᑎᕋᖅᑎ ᑲᑎᒪᓂᐅᓂᐊᖅᑐᓂᒡᓗ ᐋᖅᑭᒃᓯᕙᒡᓗᑎᑦ ᖃᐅᔨᒪᒋᐊᖅᐸᒡᓗᒋᑦ ᐃᖅᑲᓇᐃᔭᖅᑎᑦ ᑲᑎᒪᖃᑕᐅᒋᐊᓕᑦ ᑲᑎᒪᖃᑕᐅᔪᓐᓇᕐᒪᖔᑕ, ᑲᑎᒪᒋᐊᓕᑦ ᓈᒻᒪᒃᐸᒡᓗᑎᒃ, ᐊᒻᒪ ᑲᑎᒪᔾᔪᑎᒃᓴᑦ ᑎᑎᖅᑲᐃᓪᓗ ᐋᖅᑭᑦᑎᐊᖅᓯᒪᔪᒥᒃ ᐱᕙᒌᔭᖅᐸᒡᓗᒋᑦ. ᑎᑎᕋᖅᑎ ᓇᓗᓇᐃᔭᐃᕙᒡᓗᓂ ᑲᔪᓯᓂᖃᑦᑎᐊᖅᑐᓂᒃ ᐊᐅᓚᓂᕆᔭᐅᔪᓂᒃ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᖓᑕ ᑎᑎᕋᕐᕕᖓᓂ ᐊᑐᐃᓐᓇᐅᑎᑦᑎᕙᒡᓗᓂ ᓯᕗᓕᖅᑎᓄᑦ ᐊᐅᓚᑦᑎᓂᕐᒥᒃ ᐃᑲᔪᖅᑐᐃᓂᕐᒥᒡᓗ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᖓᓄᑦ ᑲᔪᓯᑎᑦᑎᕙᒡᓗᓂ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᖓᑕ ᑲᑎᒪᔾᔪᑎᒃᓴᖏᓐᓂᒃ ᐃᑲᔪᖅᐸᒡᓗᓂᓗ ᐱᕙᒌᔭᐅᑎᓂᒃ ᑎᒃᑯᐊᓯᓂᕐᒧᑦ, ᑲᑎᒪᑎᑦᑎᓂᖅ, ᐅᖄᓚᐅᑎᒃᑯᑦ ᑲᑎᒪᓂᖅ ᑲᑎᒪᕐᔪᐊᕐᓂᕆᔭᐅᔪᓂᒡᓗ. ᐃᑲᔪᖅᑎ ᑲᒪᒋᔭᖃᕐᓂᐊᕐᒥᔪᖅ ᑐᑭᓯᒋᐊᕈᑕᐅᕙᓪᓕᐊᔪᓂᑦ ᐃᖅᑲᓇᐃᔭᖅᑎᓂᑦ ᑭᒃᑯᑐᐃᓐᓇᕐᓂᓪᓗ ᑐᕌᖅᑎᑦᓯᐊᕐᓂᕐᒧᓪᓗ ᐃᓄᒻᒧ ᐊᒻᒪ ᑐᙵᓱᑦᑎᑦᓯᓂᕐᒧᑦ ᐳᓛᖅᑎᓂᑦ ᖃᐅᔨᒃᑲᐃᖃᑦᑕᕐᓂᕐᒧᓪᓗ ᐃᖅᑲᓇᐃᔭᖅᑎᓂᑦ ᐃᑎᖅᐸᓪᓕᐊᔪᓄᑦ.

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ, ᐱᓕᕆᔪᓐᓇᕆᐊᓕᖏᓪᓗ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᑐᑦ ᐃᓱᓕᑦᑎᓯᒪᓂᒃᑯᑦ ᐃᓕᓐᓂᐊᕐᕕᐊᓗᖕᒥ ᐱᔭᕇᕈᓯᐊᖅᓯᒪᓗᓂ, ᐊᔾᔨᑲᓴᖓᓂᒡᓘᓐᓃᑦ ᐊᒻᒪ ᐃᓕᓴᕆᔭᐅᔾᔪᑎᑖᖅᓯᒪᓗᓂ ᐃᓕᓴᕆᔭᐅᓯᒪᔪᒥ ᑎᑎᕋᕐᕕᓕᕆᓂᕐᒧᑦ ᐱᓕᕆᐊᒃᓴᒥ, ᐃᓚᖃᕐᓗᓂ ᐊᕐᕌᒍᓂ ᒪᕐᕉᖕᓂ ᐱᓕᕆᖃᑦᑕᖅᓯᒪᓂᑰᓗᓂ ᐊᔾᔨᑲᓴᖏᓐᓂᒃ ᐱᓕᕆᐊᓂᒃ ᑎᑎᕋᕐᕕᖕᒥ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᓂᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᐸᑎᑦ ᑎᑎᕋᖅᑕᕕᑦ ᖄᖓ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᐅᕗᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᒃᑯᑦ ᑎᑎᕋᖅᑕᕐᓄᑦ.

• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᒻᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒃᖢᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᖅ.
• ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔭᕆᐊᓖᑦ ᐱᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᐅᑎᑖᕈᑎᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓄᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᔪᒃᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.