ᐊᐅᓚᑦᑎᔨ, ᐊᑐᐊᒐᓕᕆᓂᕐᒧᑦ ᐸᕐᓇᐃᓂᕐᒧᓪᓗ

ᐅᓇ ᐃᖅᑲᓇᐃᔮᒃᓴᖅ ᐃᖃᓗᖕᒥᐅᑕᑐᐊᓄᑐᑦ ᒪᑐᐃᖓᔪᖅ.

ᐅᖃᕐᕕᖃᕐᓂᐊᖅᑐᖅ ᐊᑐᐊᒐᓕᕆᔨᒃᑯᑦ, ᐸᕐᓇᐃᔨᒃᑯᑦ ᑐᓴᐅᒪᔪᓕᕆᔨᒃᑯᓪᓗ ᑐᑭᒧᐊᒃᑎᑦᑎᔨᐊᓄᑦ, ᐊᐅᓚᑦᑎᔨ, ᐊᑐᐊᒐᓕᕆᓂᕐᒧᑦ ᐸᕐᓇᐃᓂᕐᒧᓪᓗ (ᐊᐅᓚᑦᑎᔨ) ᓯᕗᓕᖅᑎᐅᕙᒡᓗᓂ ᐊᐅᓚᑦᑎᓂᕐᒧᑦ ᐊᒻᒪᓗ ᐱᕙᓪᓕᐊᑎᑦᑎᕙᒡᓗᓂ ᐱᓕᕆᕝᕕᖕᒥ ᐊᑐᐊᒐᓕᕆᓂᕐᒧᑦ ᐊᒻᒪᓗ ᐱᕙᒌᔭᖅᐸᒡᓗᓂ ᓄᓇᕗᒻᒥᑦ ᒪᓕᒐᓕᕆᕝᕕᖕᒧᑦ.  ᐊᒻᒪ ᓱᓕ, ᐊᐅᓚᑦᑎᔨ ᐱᓕᕆᖃᑦᑕᕐᓂᐊᖅᑐᖅ ᐱᓕᕆᐊᖑᕙᓪᓕᐊᔪᒪᔪᓂᑦ ᐊᑐᓕᖁᔭᐅᔪᓂᑦ ᓴᖅᑭᑦᑎᖁᔨᕙᒡᓗᓂ ᐋᖅᑭᒋᐊᕆᕙᒡᓗᓂᓘᓐᓃᑦ ᒪᓕᒐᕐᓂᑦ ᐊᒻᒪᓗ/ᐅᕝᕙᓘᓐᓃᑦ ᐊᑐᐊᒐᕐᓂᑦ, ᑲᒪᒋᕙᒡᓗᓂᒋᑦ ᑐᑭᓯᒋᐊᕈᓐᓇᕐᓂᕐᒧᑦ ᓴᐳᔾᔨᓯᒪᓂᕐᒧᓪᓗ ᑐᓴᖅᑕᐅᒋᐊᖃᙱᑦᑐᓄᑦ ᐱᓕᕆᐊᓄᑦ, ᐱᓕᕆᕝᕕᖕᒥᓪᓗ ᖃᓄᖅᑑᕈᑎᒃᓴᓄᑦ ᐸᕐᓇᐃᕙᒡᓗᓂ.

ᐊᐅᓚᑦᑎᔨ ᑐᑦᑕᕐᕕᐅᒐᔪᖃᑦᑕᕐᓂᐊᖅᑐᖅ ᐱᓕᕆᕝᕕᖕᓂᑦ, ᐊᐅᓚᑦᑎᔨᒻᒪᕆᖕᓂᒃ, ᐊᑐᐊᒐᕐᓂᒃ ᓇᓗᓇᐃᔭᐃᔨᒻᒪᕆᖕᓂᑦ, ᑐᑭᒧᐊᒃᑎᑦᑎᔨᓗ, ᐊᑐᐊᒐᓕᕆᓂᕐᒧᑦ ᐸᕐᓇᐃᓂᕐᒧᓪᓗ ᐱᓕᕆᕝᕕᖕᒥ ᖃᐅᔨᒪᔭᐅᖁᓪᓗᒋᑦ ᑐᓴᒐᒃᓴᑦ ᑐᓴᖅᑕᐅᒐᓗᐊᕐᒪᖔᑕ ᐊᑐᐊᒐᓕᕆᓂᕐᒧᑦ ᐸᕐᓇᐃᓂᕐᒧᓪᓗ ᐱᓕᕆᕝᕕᖕᒥᙶᖅᑐᑦ ᑖᒃᑯᓇᙶᖅᑐᓪᓗ ᐃᑲᔪᖅᐸᒡᓗᓂᓗ ᐊᓂᒍᖅᑕᐅᕙᓪᓕᐊᔪᓄᑦ ᐊᕕᒃᑐᖅᓯᒪᔪᓂᒃ ᐊᒻᒪ ᐱᓕᕆᕝᕕᒃᑎᒍᑦ ᑐᕌᒐᕆᔭᐅᔪᓂᒃ. ᐊᒻᒪᓗᑦᑕᐅᖅ, ᐊᐅᓚᑦᑎᔨ ᓯᕗᓕᖅᑎᐅᓂᐊᖅᐳᖅ ᐱᕙᓪᓕᐊᑎᑕᐅᔪᓂᑦ ᖃᐅᔨᓴᖅᑕᐅᖏᓐᓇᖅᑐᓂᒡᓗ ᐱᓕᕆᕝᕕᐅᑉ ᐊᑐᐊᒐᖏᓐᓂᑦ, ᐱᓕᕆᔾᔪᓯᖏᓐᓂᑦ, ᒪᓕᒋᐊᓕᖏᓐᓂᒡᓗ, ᑐᑦᑕᕕᖕᒧᑦ ᐃᑲᔪᖅᑐᐃᕙᒡᓗᓂ ᒥᓂᔅᑕᒧᑦ, ᒥᓂᔅᑕᐅᑉ ᑐᒡᓕᐊᓄᑦ, ᑐᑭᒧᐊᒃᑎᑦᑎᔨ ᐊᑐᐊᒐᓕᕆᓂᕐᒧᑦ ᐸᕐᓇᐃᓂᕐᒧᓪᓗ, ᐊᐅᓚᑦᑎᔨᒻᒪᕆᖕᓄᓪᓗ, ᐊᐅᓚᑦᑎᕙᒡᓗᓂᓗ ᑲᔪᖏᖅᓴᐃᕙᒡᓗᓂᒡᓗ ᐃᖅᑲᓇᐃᔭᖅᑎᓂᑦ.

ᖃᐅᔨᒪᓂᖏᑦ, ᐊᔪᖏᓐᓂᖏᑦ, ᐊᒻᒪ ᐱᔪᓐᓇᕐᓂᖏᑦ ᐱᑕᖃᕆᐊᖃᖅᑎᑕᐅᔪᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᑦ ᐅᑯᑎᒎᓇᖅ ᓇᓗᓇᐃᒃᑯᑕᖃᕐᓂᖅ ᐃᓄᖕᓂᑦ ᐊᑐᐊᒐᕐᓂ/ᐊᐅᓚᑦᑎᓂᕐᒧᑦ, ᐃᓅᖃᑎᒌᖕᓂᕐᒧᑦ ᖃᐅᔨᓴᕐᓂᕐᒧᑦ, ᓇᖕᒥᓂᕆᔭᐅᔪᒥᑦ ᐊᐅᓚᑦᑎᓂᕐᒧᑦ, ᒪᓕᒐᐃᑦ ᐊᒃᑐᐊᓂᓕᖕᓂᓪᓘᓐᓃᑦ ᑕᓪᓕᒪᓄᑦ (5) ᐅᑭᐅᓄᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᓴᖅᑭᑦᑎᓯᒪᓂᑰᓗᓂ ᐊᑐᐊᒐᕐᓂᑦ ᐊᒻᒪ ᐱᓕᕆᐊᓂᒃ, ᐊᒻᒪ ᐊᑐᖅᑕᐅᕙᒃᑐᑦ ᐊᖏᔪᓂᑦ ᑲᑐᔾᔨᖃᑎᒌᓂᑦ ᒐᕙᒪᒃᑯᓐᓂᓪᓘᓐᓃᑦ. ᐅᑭᐅᖕᓄᑦ ᒪᕐᕉᖕᓄᑦ ᐊᖓᔪᖅᑳᖑᓂᑰᔭᕆᐊᖃᕆᕗᖅ. ᐱᔭᕇᕈᓯᐊᖅᓯᒪᓗᓂ ᐱᖃᑖᓂᒃ ᐃᓕᓐᓂᐊᕈᑎᑖᖅᓯᒪᓗᓂ ᐊᔾᔨᑲᓴᖓᓂᒃ ᐱᓕᕆᕝᕕᖕᓂᒃ ᓂᕈᐊᕆᔭᐅᓂᐊᖅᑐᖅ. ᐃᖅᑲᓇᐃᔮᓕᒃ ᐅᒃᐱᕆᔭᐅᔪᓐᓇᕆᐊᖃᕐᒪᑦ ᐱᕋᔭᒃᓯᒪᓂᑰᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᓕᒃ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᑦ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᐊᑐᕐᓗᑎᒃ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᐸᑎᑦ ᑎᑎᕋᖅᑕᕕᑦ ᖄᖓ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᐅᕗᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑕᖓᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᔨᓂᒃ ᐃᖅᑲᓇᐃᔭᖅᑎᓂᒃ; ᑕᐃᒪᐃᒻᒪᑦ, ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔮᖅᑖᕐᓂᕐᒧᑦ ᐊᑐᐊᒐᖅ ᒪᓕᒡᓗᒍ.
• ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔪᑦ ᐱᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᖅᑎᑕᐅᓂᕐᒧᑦ ᑎᑎᖅᑲᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᒥᒃ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐃᓚᓕᐅᑎᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐊᑐᕆᐊᖃᖅᐳᖅ ᑭᓯᐊᓂ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᓴᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᖅᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.