ᐊᐅᓚᑦᑎᔨ, ᐅᖃᐅᓯᓕᕆᓂᕐᒧᑦ ᐃᓕᓐᓂᐊᒐᒃᓴᓄᑦ
ᐅᓇ ᐃᖅᑲᓇᐃᔮᒃᓴᖅ ᐃᖃᓗᖕᒥᐅᑕᑐᐊᓄᑦ ᐅᒃᑯᐃᖓᔪᖅ.
ᐊᖓᔪᖅᑳᓕᒃ ᑐᑭᒧᐊᒃᑎᑦᑎᔨᒥᑦ, ᐅᖃᐅᓯᕐᓄᑦ ᐃᓕᓴᕆᔭᐅᓯᒪᔪᓄᑦ, ᐊᐅᓚᑦᑎᔨ, ᐅᖃᐅᓯᓕᕆᓂᕐᒧᑦ ᐃᓕᓐᓂᐊᒐᒃᓴᓄᑦ (ᐊᐅᓚᑦᑎᔨ) ᑲᒪᒋᔭᒃᓴᖃᖅᐳᖅ ᑕᒪᐃᓐᓂ ᐊᐅᓚᑦᑎᓂᕐᒥᑦ, ᐃᖏᕐᕋᓂᕆᔭᖓᓂᑦ, ᓇᐅᑦᑎᖅᓱᕐᓂᕐᒥᒡᓗ ᓄᓇᕗᑦ ᒐᕙᒪᐅᑉ ᐅᖃᐅᓯᓕᕆᓂᕐᒧᑦ ᐃᓕᓐᓂᐊᒐᒃᓴᖁᑎᖏᓐᓂᑦ. ᐅᖃᐅᓯᓕᕆᓂᕐᒧᑦ ᐱᓕᒻᒪᒃᓴᐃᔩᑦ ᐱᒻᒪᕆᐅᕗᖅ ᓄᓇᕗᑦ ᒐᕙᒪᐅᑉ ᐱᓇᓱᐊᕐᓂᕆᔭᖓᓄᑦ ᐱᓕᕆᐊᒃᓴᖏᓐᓂᑦ ᐃᓄᐃᑦ ᐅᖃᐅᓯᖓᑕ ᓴᐳᒻᒥᔭᐅᓂᖓᓄᑦ ᐱᖁᔭᖅᑎᒍᑦ ᐃᓄᒃᑑᖃᑦᑕᕐᓂᖅ ᐊᑐᖅᑕᐅᓕᖁᓪᓗᒍᑦ ᐃᖅᑲᓇᐃᔭᖅᑎᓂᒃ ᒐᕙᒪᒥ.
ᐊᐅᓚᑦᑎᔨ, ᐅᖃᐅᓯᓕᕆᕐᒧᑦ ᐃᓕᓐᓂᐊᒐᒃᓴᓄᑦ ᑕᑎᒋᔭᐅᔪᖅ ᐃᖏᕐᕋᑦᑎᐊᕐᓂᖓᓂᑦ ᐊᑑᑎᑦᑎᐊᕐᓂᖓᓂᓪᓗ ᓄᓇᕗᑦ ᒐᕙᒪᐅᑉ ᐅᖃᐅᓯᓕᕆᓂᕐᒧᑦ ᐃᓕᓐᓂᐊᒐᒃᓴᖏᓐᓄᑦ ᐊᑐᖅᑕᐅᔭᕆᐊᓖᑦ. ᐊᐅᓚᑦᑎᔨ ᓯᕗᒃᑲᖅᑕᐃᔪᖅ ᓄᓇᕗᑦ ᒐᕙᒪᐅᑉ ᐅᖃᐅᓯᓕᕆᓂᕐᒧᑦ ᐱᓕᒻᒪᒃᓴᐅᑎᒋᔭᕆᐊᓕᖏᓐᓂᑦ ᐋᖅᑭᒃᓯᒪᓪᓗᓂᑦ ᐃᓄᐃᑦ ᐅᖃᐅᓯᖓᑦᑕ ᓴᐳᒻᒥᔭᐅᓂᖓᓄᑦ ᐱᖁᔭᕐᒥᑦ ᐊᒻᒪᓗ ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᐱᖁᔭᕐᒥᑦ ᐃᑲᔪᖅᐸᒃᖢᓂᓗ ᑎᑭᐅᑎᓇᓱᐊᕆᐊ ᑎᑭᑕᐅᓇᓱᐊᖅᑐᓄᑦ ᐅᖃᐅᓯᕗᒻᒥ ᐊᒻᒪ ᓄᓇᕗᑦ ᒐᕙᒪᐅᑉ ᐱᓕᕆᐊᒃᓴᖏᓐᓂᑦ ᐱᓕᕆᓂᖅᑎᒍᑦ ᐃᓄᒃᑑᖃᑦᑕᓕᖅᐸᓪᓕᐊᓂᕐᒥᑦ ᐃᖅᑲᓇᐃᔭᕐᕕᖕᒥᑦ ᐱᔪᓐᓇᖅᓯᑎᑦᑎᕙᓪᓕᐊᓕᕐᓂᕐᒥᒡᓗ ᐱᔨᑦᑎᕋᐅᑎᑎᒍᑦ ᑭᒃᑯᑐᐃᓐᓇᕐᓄᑦ ᐃᓕᓴᕆᔭᐅᓯᒪᔪᖅ ᐅᖃᐅᓯᒃᑯᑦ ᓂᕈᐊᖅᓯᒪᔭᒥᒍᑦ. ᐊᐅᓚᑦᑎᔨ ᑲᒪᒋᔭᒃᓴᖃᖅᐳᖅ ᑕᐅᑐᖅᑰᖅᑕᓕᐅᕐᓂᕐᒥᑦ ᐊᑐᓕᖅᑕᐅᔪᒃᓴᓂᑦ ᐅᖃᐅᓯᓕᕆᓂᕐᒧᑦ ᐱᓕᒻᒪᒃᓴᐅᑎᓄᑦ ᑲᑐᔾᔨᖃᑎᖃᕐᓗᓂᑦ ᐊᓯᖏᓐᓂᑦ ᐱᓕᕆᕝᕕᖕᓂᑦ ᐃᓕᖅᑯᓯᓕᕆᔨᒃᑯᓐᓂᑦ, ᐃᖅᑲᓇᐃᔭᕐᕕᖕᒥᓗ ᓯᓚᑖᓂᓪᓗ ᐱᖃᖅᑎᐅᖃᑕᐅᔪᓂᑦ ᐊᒻᒪᓗ ᐅᖃᐅᓯᓕᕆᓂᕐᒧᑦ ᐱᓕᒻᒪᒃᓴᐃᔨᓂᒃ.
ᐃᖅᑲᓇᐃᔮᓕᒃ ᑲᒪᒋᔭᖃᕐᓂᐊᖅᑐᖅ ᐃᖅᑲᓇᐃᔭᖃᑎᒌᓂᒃ ᐊᐅᓚᑦᑎᕙᒃᑐᓂᑦ ᐃᖏᕐᕋᑎᑦᑎᔪᓂᒡᓗ ᖃᓄᑯᓘᔭᖅ ᐅᖃᐅᓯᓕᕆᖃᑦᑕᕐᓂᕐᒥᑦ ᓄᓇᕗᑦ ᒐᕙᒪᖓᓂ ᓄᓇᕗᒻᒥᓗ. ᐊᐅᓚᑦᑎᔨ ᑲᒪᒋᔭᒃᓴᖃᖅᐳᖅ ᐱᓕᕆᖃᑎᖃᖃᑦᑕᕐᓂᕐᒥᑦ ᒐᕙᒪᐅᑉ ᐱᓕᕆᕝᕕᖏᓐᓂᑦ, ᑐᑦᑕᕐᕕᖏᓐᓂᑦ ᐊᒻᒪᓗ ᐅᖃᐅᓯᓕᕆᔨᓂᑦ ᓇᓗᓇᐃᖁᓪᓗᒋᑦ ᐅᖃᐅᓯᓕᕆᔾᔪᑕᐅᔪᑦ ᑎᑭᐅᒪᒐᓗᐊᕐᒪᖔᑦ ᓄᓇᕗᑦ ᒐᕙᒪᐅᑉ ᐃᖅᑲᓇᐃᔭᖅᑎᖁᑎᖏᑦᑕ ᐱᔭᕆᐊᓕᖏᓐᓄᑦ.
ᐊᐅᓚᑦᑎᔨ ᑲᒪᒋᔭᖃᕐᓂᐊᖅᑐᖅ ᑕᑎᒋᔭᐅᒐᔭᖅᑐᕐᓗ:
- ᐊᐅᓚᑦᑎᓂᖅ ᐃᓄᒃᑐᑦ ᐅᖃᐅᓯᓕᕆᓂᕐᒧᑦ ᐃᓕᓐᓂᐊᒐᒃᓴᓂᑦ
- ᐊᐅᓚᑦᑎᓂᖅ ᑲᑐᔾᔨᖃᑎᒌᖕᓂᐅᔪᒥᑦ ᒐᕙᒪᐅᑉ ᐱᓕᕆᕝᕕᖏᓐᓂᑦ ᐅᖃᐅᓯᓕᕆᔨᓂᒡᓗ
- ᐊᐅᓚᑦᑎᓂᖅ ᐅᖃᐅᓯᓕᕆᓂᕐᒧᑦ ᐱᓕᒻᒪᒃᓴᐃᓂᕐᒧᑦ ᐃᖏᕐᕋᓂᕆᔭᖏᓐᓂᑦ ᐊᐅᓚᓂᕆᔭᖏᓐᓂᒡᓗ
- ᐊᐅᓚᑦᑎᓂᖅ ᐃᓄᒃᑐᑦ ᐅᖃᐅᓯᓕᕆᓂᕐᒥᑦ ᐱᓕᒻᒪᒃᓴᐃᓂᕐᒧᑦ ᑐᓴᐅᒪᑎᑦᑎᔾᔪᑕᐅᔪᓂᒃ
- ᐊᐅᓚᑦᑎᓂᖅ ᐅᖃᐅᓯᕐᒥᑦ ᓴᖅᑭᑎᑦᑎᑲᓐᓂᕋᓱᐊᖅᑎᓂᒃ
- ᐃᑲᔪᖅᑐᐃᕙᒡᓗᓂᑦ ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᔨᒃᑯᓐᓂᑦ
ᖃᐅᔨᒪᓂᕆᔭᕆᐊᓕᖏᑦ, ᐊᔪᙱᓐᓂᕆᔭᕆᐊᓕᖏᑦ, ᐱᔪᓐᓇᕐᓂᕆᔭᕆᐊᓕᖏᓪᓗ ᐃᖅᑲᓇᐃᔮᒧᑦ ᐱᔭᐅᒐᔪᒃᐳᑦ ᐃᓕᓴᕆᔭᐅᓯᒪᔪᒥᑦ ᐊᓂᒍᐃᔾᔪᑎᖃᕐᓂᖅᑎᒍᑦ ᑭᒃᑯᑐᐃᓐᓇᕐᓄᑦ ᓇᖕᒥᓂᕐᓘᓐᓃᑦ ᐊᐅᓚᑦᑎᔨᐅᓂᕐᒥᑦ, ᐃᖅᑲᓇᐃᔭᖅᑐᓕᕆᓂᕐᒥᑦ, ᐃᓕᓐᓂᐊᕐᓂᓕᕆᓂᕐᒥᑦ ᐃᓅᖃᑎᒌᓄᓪᓘᓐᓃᑦ ᖃᐅᔨᓴᖅᑐᓕᕆᓂᕐᒥᑦ ᐊᔾᔨᐸᓗᖓᓂᓘᓐᓃᑦ; ᕿᓚᒻᒥᐅᓛᒃᑯᑦ ᐅᑭᐅᕐᓄᑦ ᐱᖓᓱᓄᑦ ᐊᐅᓚᑦᑎᔨᐅᓂᑰᓗᓂᑦ ᐱᖃᓯᐅᑎᓪᓗᓂᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᔨᐅᓂᖅ ᑮᓇᐅᔭᓕᕆᓂᕐᒧᓪᓗ ᐊᐅᓚᑦᑎᔨᐅᓂᖅ ᐊᒻᒪᓗ ᐊᑐᐊᒐᓕᕆᔨᐅᓂᑰᓗᓂᑦ, ᐊᐅᓚᑦᑎᔨᐅᓂᑰᓗᓂᑦ ᐱᓕᕆᐊᒃᓴᓂᓪᓘᓐᓃᑦ ᕿᒥᕐᕈᔨᐅᓂᑰᓗᓂᑦ ᐃᓚᖃᕐᓗᓂ ᕿᓚᒻᒥᐅᓛᒃᑯᑦ ᐅᑭᐅᕐᓄᑦ ᒪᕐᕉᖕᓄᑦ ᐊᖓᔪᖅᑳᖑᓂᑰᓗᓂᑦ ᐃᖅᑲᓇᐃᔭᖅᑎᓄᑦ. ᐃᓕᓴᐃᖃᑦᑕᕐᓂᑰᒍᓂᑦ ᐃᓄᒃᑐᓪᓘᓐᓃᑦ ᐅᖃᐅᓯᓕᕆᓂᕐᒧᑦ ᐱᓕᒻᒪᒃᓴᐃᖃᑦᑕᕐᓂᑰᒍᓂᑦ ᐊᓯᖏᓐᓂᒡᓘᓐᓃᑦ ᐃᓐᓇᕐᓂᑦ ᐱᓕᒻᒪᒃᓴᐃᖃᑦᑕᕐᓂᑰᒍᓂᑦ ᐊᑲᐅᓇᔭᖅᐳᖅ.
ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐃᖅᑲᓇᐃᔭᖅᑖᕋᓱᐊᖅᑐᑦ ᐃᖅᑲᓇᐃᔭᖅᑖᕋᓱᐊᕈᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᒪᕐᕉᖕᓂᒃ ᓄᓇᕗᒻᒥ ᐃᓕᓴᕆᔭᐅᓯᒪᔪᑦ ᐅᖃᐅᓯᖅᑕᖏᓐᓂᒃ ᐅᖃᕈᓐᓇᑦᑎᐊᕆᐊᓕᒃ. ᖃᐅᔨᒪᒃᐸᑦ ᐃᓄᐃᑦ ᓄᓇᓕᓐᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓪᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.
ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᑦ ᑖᔅᓱᒧᖓ ᐃᖅᑲᓇᐃᔮᕐᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᑕᐃᒫᓪᓗᐊ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᒍᕕᑦ ᐃᓕᓐᓂᐊᖅᓯᒪᔭᕕᑦ ᐱᓕᕆᐊᕆᖃᑦᑕᖅᓯᒪᔭᕆᐊᓕᖏᑕᓗ ᐊᔾᔨᓪᓗᐊᖓᓂ ᖁᓛᓂᑦ ᑎᑎᕋᖅᓯᒪᔪᓂᑦ.
ᑖᓐᓇ ᐃᓱᓕᕝᕕᒃᓴᖃᕐᓂᖓᓄᑦ ᐊᕐᕌᒍᓄᑦ ᐱᖓᓱᓄᑦ, ᒫᓐᓇ ᐃᖅᑲᓇᐃᔭᐃᓐᓇᖅᑐᑦ ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑏᑦ ᒪᓂᒪᑎᑕᐅᑐᐃᓐᓇᕆᐊᖃᖅᐳᑦ ᓅᕝᕕᐅᔪᓐᓇᕐᓗᑎᒃ ᒪᓕᓪᓗᒍ ᖃᓄᖅ ᐊᑯᓂᐅᑎᒋᓂᐊᖅᑕᖓ ᑖ ᓐᓇ ᐃᖅᑲᓇᐃᔮᖅ ᐃᓱᒪᒋᔭᐅᒍᑎᒃ ᓂᕈᐊᖅᑕᐅᓂᐊᕐᓂᖓᓂᒃ, ᑭᓯᐊᓂ ᑖᓐᓇ ᐱᔾᔪᑎᖃᖅᑐᖅ ᐊᐅᓚᑦᑎᔨᒧᑦ ᐊᖏᖅᑕᐅᓂᕐᒧᑦ.
ᐃᖅᑲᓇᐃᔮᖅᑖᕋᓱᒃᑐᓄᑦ ᐊᑏᑦ ᐃᓚᔭᐅᑐᐃᓐᓇᕆᐊᓕᒃ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ.
ᑕᔅᓱᒥᖓ ᐃᖅᑲᓇᐃᔮᒃᓴᒧᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.
• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
• ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ.
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ.
• ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ. ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᕈᑏᑦ ᐋᒡᒑᖅᑕᐅᑐᐃᓐᓇᕆᐊᓕᒃ.