ᐃᓄᒃᓯᐅᑎᓂᒃ ᓂᕿᓂᒃ ᑐᓂᐅᖃᐃᓂᕐᒧᑦ ᐱᓕᕆᐊᒃᓴᐅᔪᒧᑦ

ᐃᓄᐃᑦ ᓂᕿᖏᓐᓂᒃ ᑐᓂᐅᖅᑲᐃᖃᑦᑕᕐᓂᕐᒧᑦ ᐱᓕᕆᐊᖅ ᐃᑲᔪᖅᓱᐃᕗᖅ ᐱᓕᕆᐊᓂᒃ ᐱᐅᓯᒋᐊᖅᑎᑦᑎᔪᓂᒃ ᐊᔪᕐᓇᙱᑐᐃᓐᓇᕆᐊᓕᖕᓂᒃ ᐊᖑᓇᓱᖕᓂᕐᒧᑦ ᒪᑭᒪᔾᔪᑎᓂᒃ ᐊᒻᒪ ᐱᕚᓪᓕᖅᑎᓪᓗᒋᑦ ᐱᔭᐅᔪᓐᓇᕐᓂᖏᑦ ᐊᑭᑐᓗᐊᙱᑦᑐᑦ ᐊᒻᒪ ᖃᓄᐃᙱᑦᑎᐊᖅᑐᑦ ᓂᕿᓪᓚᑦᑖᑦ. ᑖᓐᓇ ᐱᓕᕆᐊᖑᔪᖅ ᐃᑲᔪᖅᐸᒃᐳᖅ ᓄᓇᓕᖕᓂᒃ ᐋᖅᑭᒃᓱᐃᕙᓪᓕᐊᓂᕐᒥᒃ ᑲᔪᓯᑎᑦᑎᓂᕐᒥᒡᓗ ᐆᒻᒪᖅᑯᒻᒧᑦ ᐊᑐᙱᓐᓂᖅᓴᐅᔪᓂᒃ ᓄᓇᓕᖕᓂ ᖁᐊᖅᓰᕕᖕᓂᒃ ᐃᑲᔪᖅᑐᐃᓪᓗᑎᒡᓗ ᐊᖑᓇᓱᒃᐸᖕᓂᕐᒧᑦ ᓇᑉᐸᖅᑎᖅᑕᐅᓯᒪᔪᓂᒃ.

ᒪᕐᕉᖕᓂᒃ ᐋᖅᑭᒃᓯᒪᔪᖃᖅᑐᖅ ᐱᓕᕆᐊᖑᔪᒥᑦ:

• ᓄᓇᓕᖕᓂ ᐊᖑᔭᐅᕙᓪᓕᐊᔪᓂᒃ ᓅᑎᑦᑎᓂᕐᒧᑦ ᑮᓇᐅᔭᖁᑎᖏᑦ (ᐅᐃᒍᖓ A)
• ᓄᓇᓕᖕᓂ ᐊᖑᔭᐅᕙᓪᓕᐊᔪᑦ ᐊᐅᓚᔪᓐᓇᐅᑎᖏᑕ ᑮᓇᐅᔭᖁᑎᖏᑦ (ᐅᐃᒍᖓ B)

ᐱᓕᕆᐊᖑᔪᓐᓇᖅᑐᑦ

ᓄᓇᓕᖕᓂ ᐊᖑᔭᐅᕙᓪᓕᐊᔪᓂᒃ ᓅᑎᑦᑎᓂᕐᒧᑦ ᑮᓇᐅᔭᖁᑎᖏᑦ ᐃᑲᔫᑕᐅᖃᑦᑕᖅᐳᑦ ᐱᓕᕆᐊᖑᑎᑕᐅᔪᓂᑦ ᓄᓇᓕᖕᓂ ᐊᖑᔭᐅᕙᓪᓕᐊᔪᑦ ᑮᓇᐅᔭᓕᐅᕈᑎᒃᓴᖏᓐᓂᒃ ᐱᐅᓯᒋᐊᕈᑕᐅᔪᓐᓇᖅᑐᓂᒃ.

ᓄᓇᓕᖕᓂ ᓄᓇᓖᑦ ᐊᐅᓚᔪᓐᓇᐅᑎᖏᓐᓂᒃ ᓇᖕᒥᓂᖃᖅᑐᑦ ᐊᐅᓚᑦᑎᔪᓪᓗ, 10,000-ᑖᓚᒧᑦ ᑎᑭᓪᓗᒍ ᐊᑭᓕᖅᑕᐅᔪᓐᓇᖅᐳᑦ ᓄᓇᓖᑦ ᖁᐊᒃᑯᕕᖏᑕ ᐅᕝᕙᓘᓐᓃᑦ ᐃᓄᒃᓯᐅᑎᑦ ᓂᕿᒃᑯᕕᖏᑕ ᐆᒻᒪᖅᑯᑎᖏᓐᓄᑦ ᐊᒻᒪ ᑲᒪᒋᔭᐅᔾᔪᑎᖏᓐᓄᑦ ᐊᑭᓕᖅᓱᐃᔾᔪᑎᒃᓴᖏᓐᓄᑦ.

ᓄᓇᓕᖕᓂ ᐊᖑᔭᐅᕙᓪᓕᐊᔪᑦ ᐊᐅᓚᔪᓐᓇᐅᑎᖏᑕ ᑮᓇᐅᔭᖁᑎᖏᑦ ᓴᖅᑭᑎᑕᐅᓚᐅᖅᐳᑦ ᓄᓇᓕᖕᓂ ᓄᑖᖑᓂᖅᓴᓂᒃ ᐊᒻᒪ ᐆᒻᒪᖅᑯᑎᑐᙱᓐᓂᖅᓴᓂᒃ ᖁᐊᒃᑯᕕᓕᐅᕈᑎᒃᓴᖏᓐᓄᑦ ᐃᑲᔫᑎᒃᓴᓂᒃ, ᐅᕝᕙᓘᓐᓃᑦ ᐃᑲᔫᑕᐅᓗᑎᒃ ᐊᓯᖏᓐᓄᑦ ᐊᖑᔭᐅᕙᓪᓕᐊᔪᑦ ᐊᐅᓚᔪᓐᓇᐅᑎᖏᓐᓄᑦ. ᑮᓇᐅᔭᑦ ᐃᑲᔫᑕᐅᔪᓐᓇᖅᐳᑦ ᐅᑯᓄᖓ ᐱᓕᕆᐊᒃᓴᓄᑦ:

• ᓄᓇᓖᑦ ᖁᐊᒃᑯᕕᖏᓐᓂᒃ ᓱᕋᒃᓯᒪᔪᑦ ᓴᓇᔭᐅᓗᑎᒃ ᐊᒻᒪ ᓄᑖᙳᕆᐊᖅᑕᐅᓗᑎᒃ, ᓄᓇᓕᖕᓂ ᓂᐅᕐᕈᑎᖃᕈᓐᓇᖅᓯᓗᑎᒃ ᐅᕝᕙᓘᓐᓃᑦ ᓂᕿᓕᕆᕝᕕᖕᒥ ᐊᕕᒃᑐᐃᕝᕕᖃᕐᓗᑎᒃ ᐴᖅᑲᐃᕝᕕᖕᒥᓪᓗ: ᐊᒻᒪ
• ᑎᑎᕋᐅᔭᖅᓯᒪᔪᖅᑖᕐᓗᑎᒃ, ᓂᐅᕕᕐᓗᑎᒃ, ᐊᒻᒪᓗ ᐃᓕᐅᖅᑲᐃᓗᑎᒃ ᓄᑖᒥᒃ ᓄᓇᓖᑦ ᖁᐊᒃᑯᕕᒃᓴᖓᓂ, ᓄᓇᓕᖕᓂ ᓂᐅᕐᕈᑎᖃᕈᓐᓇᖅᓯᓗᑎᒃ ᐅᕝᕙᓘᓐᓃᑦ ᓂᕿᓕᕆᕝᕕᖕᒥ ᐊᕕᒃᑐᐃᕝᕕᖃᕐᓗᑎᒃ ᐴᖅᑲᐃᕝᕕᖕᒥᓪᓗ ᐊᒻᒪ ᓂᕿᓕᕆᕝᕕᖕᒥ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖃᓕᒫᕐᓗᒍ ᐃᓄᐃᑦ ᓂᕿᖏᓐᓂᑦ ᑐᓂᐅᖅᑲᐃᖃᑦᑕᕐᓂᕐᒧᑦ ᐱᓕᕆᐊᒧᑦ ᐊᑐᐊᒐᖅ.

ᑭᓇ ᐱᓇᔪᒍᓐᓇᖅᐸ

ᐱᔪᓐᓇᖅᑐᑦ ᑐᕌᖓᔪᑦ ᓄᓇᓖᑦ ᒐᕙᒪᖏᓐᓄᑦ ᑖᒃᑯᓇᓂ ᓄᓇᕗᒻᒥ ᐱᖁᔭᑎᒍᑦ ᑎᒥᙳᖅᑎᑕᐅᓯᒪᔪᑦ ᑖᒃᑯᓇᓂ ᓰᑎᑦ, ᑕᐅᓐᑯᑦᐊᒻᒪᓗᓄᓇᓖᑦ ᐱᖁᔭᖏᑦ ᐅᕙᓗ ᑖᒃᑯᓇᓂ ᕼᐋᒻᓚᒃᑯᑦ ᐱᖁᔭᖓᑦ. ᐊᖑᓇᓱᒃᑐᓕᕆᔨᒃᑯᑦ ᐊᓯᖏᓪᓘᓐᓃᑦ ᑲᑐᔾᔨᖃᑎᒌᖑᔪᑦ ᐱᓇᔪᒍᓐᓇᑐᐃᓐᓇᕆᐊᓖᑦ ᑎᑎᕋᓯᒪᓗᑎᒃ ᐃᑲᔪᖅᑐᐃᔾᔪᑎᒥᒃ ᕼᐋᒻᓚᑦᑯᓐᓂᙶᖅᑐᒥᑦ

ᑐᒃᓯᕋᐅᑎ ᑎᑎᕋᕐᕕᒃᓴᖅ

ᐊᐅᓪᓚᖅᑎᓪᓗᒍ ᐱᔪᒪᓂᕐᒧᑦ ᐱᕙᓪᓕᐊᔪᓕᕆᔨᑦ ᐃᖏᕐᕋᔪᓕᕆᔨᒃᑯᓪᓗ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᑎᑎᕋᕐᕕᖓᓄᑦ ᑕᑕᑎᕐᓗᒍᓗ ᐊᑖᓃᑦᑐᖅ ᐱᓇᔫᑎ.

Country Food Distribution Program Application 

ᖃᐅᔨᒋᐊᕐᕕᒃᓴᖅ 

ᐃᕐᖐᓈᖅᑕᐅᑦ: @email
ᐅᖄᓚᐅᑎᖓ: 1-888-975-5999

ᑐᑭᓯᒋᐊᒃᑲᓐᓂᕈᒪᒍᕕᑦ, ᐊᕕᒃᑐᖅᓯᒪᔪᓂ ᐱᕙᓪᓕᐊᔪᓕᕆᔨᑦ ᐃᖏᕐᕋᔪᓕᕆᔨᒃᑯᓪᓗ ᑎᑎᕋᕐᕕᖓᓄᑦ ᖃᐅᔨᒋᐊᕈᓐᓇᖅᐳᑎᑦ.