ᓄᓇᓕᖕᓂᑦ ᐱᓕᕆᐊᒃᓴᓄᑦ ᑮᓇᐅᔭᑦ

ᐃᓕᖅᑯᓯᓕᕆᔨᒃᑯᑦ ᑮᓇᐅᔭᖅᑑᑎᒃᓴᓂᒃ ᐊᑐᐃᓐᓇᐅᑎᑦᑎᕙᒃᑐᑦ ᑮᓐᓇᐅᔾᔭᒃᓵᓇᓱᐊᙱᑦᑐᓄᑦ ᑎᒥᐅᔪᓄᑦ ᓄᓇᓕᖕᓄᑦ−ᑐᕌᖓᔪᓄᑦ, ᐃᓄᖕᓄᑦ, ᕼᐋᒻᒪᓚᒃᑯᓪᓗ ᑎᒥᖁᑎᖏᓐᓄᑦ ᐱᓕᕆᐊᖃᖅᐸᒃᑯᑎᒃ ᖁᕝᕙᖅᓴᐃᓂᕐᒥᒃ, ᓴᐳᔾᔨᓂᕐᒥᒃ, ᒪᑭᑕᑎᑦᑎᑦᑎᐊᖏᓐᓇᕐᓂᕐᒥᒃ, ᐊᓯᐅᑎᑦᑎᑕᐃᓕᒪᓂᕐᒥᒡᓗ ᓄᓇᕗᒻᒥ ᐃᓕᖅᑯᓯᑐᖃᕆᔭᐅᔪᓂᒃ, ᐃᑦᑕᕐᓂᓴᓂᕐ ᐊᒻᒪᓗ ᐅᖃᐅᓯᖏᓐᓄᑦ ᐊᒃᓱᕉᑎᖃᕐᓂᕐᒥᒃ.

ᐊᐃᑦᑑᑎᑦ ᐃᑲᔫᑎᓪᓗ ᐊᑐᐊᒐᖁᑖ ᑐᙵᕕᖃᖅᑐᖅ ᐅᑯᓂᖓ:

1. ᐱᓕᕆᐊᒃᓴᑦ ᐃᑲᔫᑎᐅᕗᑦ ᓄᓇᓕᖕᓂᑦ ᐱᔪᓐᓇᖅᑕᖏᓐᓂ ᐊᒻᒪ ᓇᖕᒥᓂᖅ ᑲᒪᒋᔭᐅᔪᓐᓇᖅᓯᓗᑎᑦ; 
2. ᐱᓕᕆᐊᒃᓴᐃᑦ ᐱᔨᑦᑎᕋᐅᑏᓪᓗ ᐃᑲᔪᖅᓯᔪᑦ ᐱᒻᒪᕆᐅᒋᔭᐅᔪᓂᑦ, ᖃᐅᔨᒪᔭᐅᔪᓂᒃ, ᐅᒃᐱᕆᔭᐅᔪᓂᒃ, ᐱᖅᑯᓯᑦ ᐊᔾᔨᒌᙱᓐᓂᖏᓐᓂᒃ ᐃᓄᖕᓂ ᓄᓇᕗᒻᒥ;
3. ᐱᓕᕆᖃᑎᒌᖕᓂᖅ ᐃᒃᐱᒋᔭᖃᑦᑎᐊᕐᓂᐊᖅᐳᑦ ᐃᓄᐃᑦ ᖃᐅᔨᒪᔭᑐᖃᖏᑕ ᑐᙵᕕᖏᓐᓂᒃ ᒪᑯᓂᖓ:
   • ᐱᔨᑦᓯᕐᓂᖅ (ᐱᔨᑦᑎᕐᓂᐊᕐᓗᓂ ᐃᑲᔪᕐᓗᓂᓗ ᓄᓇᓕᖕᓄᑦ);
   • ᐋᔩᖃᑎᒌᓐᓂᖅ (ᐃᓱᒪᓕᐅᖃᑎᒌᒡᓗᓂ, ᐅᖃᖃᑎᒌᖕᓂᒃᑯᑦ ᐊᒻᒪᓗ ᐊᖏᖃᑎᒌᖕᓂᒃᑯᑦ);
   • ᐱᓕᕆᖃᑎᒌᖕᓂᖅ  (ᐃᓅᑐᔾᔨᖏᓪᓗᓂ ᐱᓕᕆᔭᐅᒋᐊᓕᖕᓂᑦ ᐃᖅᑲᓇᐃᔭᖃᑎᖃᕐᓗᓂ); ᐊᒻᒪᓗ,
   • ᖃᓄᖅᑑᕐᓂᖅ (ᐃᓱᒪᒃᓴᖅᓯᐅᕐᓂᖅ ᓴᓇᑐᓗᓂ ᐋᖅᑭᒋᐊᓕᖕᒥᑦ ᐋᖅᑭᒃᓯᓇᓱᒡᓗᓂ).

4. ᑲᒪᒋᔭᐅᔪᓕᒫᑦ ᑎᒍᒥᐊᖅᑕᐅᔪᓕᒫᓪᓗ ᑐᑭᓯᓇᑦᑎᐊᖅᑐᒥᒃ ᓇᓗᓇᐃᔭᖅᑕᐅᓯᒪᔪᑦ, ᐊᐅᓚᓂᐅᔪᕐᓗ ᒪᑐᐃᖔᖅᖢᓂ ᑕᑯᒃᓴᐅᓪᓗᓂᓗ ᐃᓄᖕᓄᑦ.