ᓄᓇᕗᑦ ᐱᓪᓚᑦᑖᖑᓂᖓ
ᓄᓇᕗᒻᒥᑦ ᓴᓇᐅᒐᓪᓚᑦᑖᑦ
ᑐᓴᖅᑎᑦᑎᔾᔪᑎ ᓱᓕᑦᑎᐊᕐᓂᕐᒥᒃ ᑖᓐᓇᓪᓚᑦᑖᖑᓂᖓᓂ ᓱᓕᓂᕋᕈᑎ
ᓄᓇᕗᒻᒥᑦ ᓴᓇᐅᒐᓪᓚᑦᑖᑦ ᓇᓗᓇᐃᒃᑯᑕᖓ ᐊᖏᕈᑎᖃᖅᑎᑦᑎᕗᖅ ᑭᓇᑐᐃᓐᓇᑦᑎᐊᖅ ᑖᔅᓱᒥᖓ ᐊᑐᖅᑐᖅ ᐅᒃᐱᕆᔭᐅᔪᓐᓇᕐᓂᖓᓂᒃ. ᑖᔅᓱᒪ ᓇᓗᓇᐃᒃᑯᑕᐅᑉ ᐅᓇ ᐊᖏᕈᑎᒋᔭᖓ ᓴᓇᐅᒐᕆᔭᐅᔪᖅ ᑕᑯᒃᓴᐅᑎᑦᑎᓗᓂ ᓄᓇᕗᒻᒥᑦ ᓴᓇᐅᒐᓪᓚᑦᑖᑦ ᓇᓗᓇᐃᒃᑯᑕᖓᓂ ᑕᐃᒪ ᓄᓇᕘᒥ ᓴᓇᙳᐊᖅᑎᒥᒃ ᓴᓇᔭᐅᓪᓚᑦᑖᖅᓯᒪᕗᖅ ᐊᒡᒐᖏᓐᓄᓪᓗ ᓴᓇᐅᒐᐅᓪᓗᓂ.
ᐱᕙᓪᓕᐊᑎᑕᐅᓂᖓ ᓄᓇᕗᒻᒥᑦ ᓴᓇᐅᒐᓪᓚᑦᑖᑦ – ᓄᓇᕐᔪᐊᓕᒫᒥ ᓇᓗᓇᐃᒃᑯᑕᐅᓪᓗᓂ ᓄᓇᕘᒥ ᓴᓇᙳᐊᒐᕐᓄᑦ ᒥᖅᓱᒐᕐᓄᓪᓗ ᑐᕌᖓᓪᓗᓂ - ᑐᙵᕕᒋᔭᐅᓪᓗᓂ ᐊᑐᓕᖅᑎᑕᐅᔪᒧᑦ ᐃᓕᓴᕆᔭᐅᔪᓐᓇᕐᓗᓂ ᑲᓇᑕᓕᒫᒥ ᓄᓇᕐᔪᐊᓕᒫᒥᓗ ᓴᓇᐅᒐᕐᓂᒃ ᓂᐅᕐᕈᑎᖃᖅᐸᒃᑐᓂᒃ. ᑖᓐᓇ ᓇᓗᓇᐃᒃᑯᑕᖅ ᓱᓕᓂᕋᐃᔾᔪᑕᐅᓂᐊᖅᐳᖅ ᓄᓇᕘᒥ ᓴᓇᙳᐊᖅᑎᒧᑦ ᓴᓇᐅᒐᓪᓚᑦᑖᖑᓂᖓᓂ ᐱᓕᕆᐊᕆᔭᖏᓐᓄᓪᓗ ᓄᓇᓕᖕᓂ ᓄᓇᕐᔪᐊᓕᒫᒥᓗ.
ᓄᓇᕗᒻᒥᑦ ᓴᓇᐅᒐᓪᓚᑦᑖᑦ ᓇᓗᓇᐃᒃᑯᑕᖓ ᑎᑎᕋᖅᑕᐅᓯᒪᓪᓗᓂ ᓇᓗᓇᐃᒃᑯᑕᕆᔭᐅᕗᖅ ᓄᓇᕗᑦ ᒐᕙᒪᖓᓂ ᓇᖕᒥᓂᕆᔭᐅᓪᓗᓂ ᓴᓇᙳᐊᖅᑎᓂᒃ ᑭᒡᒐᖅᑐᐃᓪᓗᑎᒃ.
ᓇᓗᓇᐃᒃᑯᑕᐅᑉ ᒥᒃᓵᓄᑦ
ᓄᓇᕗᒻᒥᑦ ᓴᓇᐅᒐᓪᓚᑦᑖᑦ ᓇᓗᓇᐃᒃᑯᑕᖓ ᐊᑐᖅᑕᐅᖁᔭᐅᓕᓚᐅᖅᐳᖅ 50-ᓂᒃ ᓄᓇᕗᒻᒥ ᓴᓇᙳᐊᖅᑎᓂᒃ ᑐᓴᖅᑎᑦᑎᓪᓗᑎᒃ ᖃᐅᔨᖃᑦᑕᖅᓯᒪᔭᖏᓐᓂᒃ, ᐃᓱᒪᒋᔭᖏᓐᓂᒃ ᐃᒃᐱᒋᓯᒪᔭᖏᓐᓂᒡᓗ ᓄᓇᕘᒥ ᐃᓅᓯᕆᔭᒥᓂᒃ, ᓄᓇᒥ ᖁᕕᐊᒋᖃᑦᑕᖅᓯᒪᔭᖏᓐᓂᒃ, ᐊᒻᒪ ᖃᓄᖅ ᓄᓇᒥ ᑲᔪᓯᑎᑕᐅᖃᑦᑕᖅᓯᒪᓂᖏᓐᓂᒃ. ᓄᓇ ᐃᓄᖕᓂᒃ ᐱᔾᔪᑎᖃᖅᐳᖅ ᓄᓇᕗᒻᒥᐅᓂᒃ, ᖃᓂᒌᖕᓂᕐᒥᒃ ᓄᓇᓕᖕᓂᓪᓗ. ᑖᓐᓇ ᑕᐅᑐᖅᑰᖅᑕᐅᔪᖅ ᑕᑯᒃᓴᐅᔪᓐᓇᖅᑎᑦᑎᕗᖅ ᐃᒃᐱᒋᔭᐅᓯᒪᔪᓂᒃ.
ᑎᑎᕋᐅᔭᖅᓯᒪᓂᖓ ᓄᓇᙳᐊᖃᖅᐳᖅ ᐃᒪᖅ ᐊᒻᒪ ᓯᕿᓂᖅ. ᑖᓐᓇ ᐊᔾᔨᙳᐊᖅ ᓴᓇᙳᐊᖅᑎᓄᑦ ᐱᐅᒋᔭᐅᒻᒪᕆᓚᐅᖅᐳᖅ, ᐊᖏᕈᑎᖃᖅᖢᑎᒃ: “ᑖᓐᓇ ᓄᓇᕘᖑᓂᖓ. ᑕᒪᐃᓐᓄᑦ ᓇᓗᓇᐃᖅᑕᐅᖕᒪᑦ.”
-
ᓯᕿᓂᖅ ᐅᑭᐅᖅᑕᖅᑐᒥ ᓯᕿᓂᐅᕗᖅ, ᓄᓇᐅᑉ ᑭᒡᓕᖓᓃᖦᖢᓂ. ᖁᖅᓱᑦᑎᐊᖅᖢᓂ ᓯᕿᓂᐅᓪᓗ ᐊᕙᓗᐊᓃᑉᐸᒃᑐᑦ ᑲᑕᐅᔭᐅᖅᑰᔨᔪᑦ ᖃᐅᔨᔾᔪᑕᐅᕙᒃᐳᑦ ᓯᕿᓂᖅ ᖁᑦᑎᒃᓯᕙᓪᓕᐊᓕᕐᓂᖓᓂ ᖃᐅᒪᑦᑎᐊᓕᖅᖢᓂ ᓯᓚᒃᑯᑦ ᓂᒡᓚᓱᒃᑐᒥ — ᑐᑭᖃᖅᑎᑕᐅᕗᖅ ᖁᕕᐊᓇᕐᓂᖓᓂᒃ ᓂᕆᐅᒋᔭᖃᑦᑎᐊᕐᓂᕐᒥᓪᓗ.
-
ᐃᒪᖅ ᑐᖑᔪᑦᑎᐊᖅᑐᖅ ᐊᕙᓗᔭᐅᓯᒪᓪᓗᓂ ᖃᑯᖅᑐᒥᒃ ᓇᓗᓇᐃᖅᓯᔾᔪᑕᐅᕙᒃᖢᓂ ᐅᐱᕐᙶᒃᑯᑦ ᐅᑭᐊᒃᓵᒃᑯᓪᓘᓐᓃᑦ ᓯᑯᖓᓂᒃ.
-
ᓄᓇ ᑐᖑᔪᕈᔪᒃᖢᓂ ᑕᐅᑦᑐᖓ ᓄᓇᕗᑦ ᓄᓇᖓᓂ ᓇᓗᓇᐃᖅᓯᕗᖅ — ᐱᕕᑐᓂᖃᖅᖢᓂ, ᐱᖑᐃᑦ ᐅᖓᓯᒃᖢᑎᒃ, ᓄᓇ ᐳᖅᑐᔪᖃᐅᖅᖢᓂ, ᓯᒡᔭᖃᖅᖢᓂᓗ ᑕᕆᐅᕐᒥ ᐃᒪᑦᑎᐊᕙᖕᒥᓘᓐᓃᑦ.
ᓄᓇᕗᑦᒥᑦ ᓴᓇᐅᒐᓪᓚᑦᑖᑦ ᓇᓗᓇᐃᒃᑯᑕᖓ ᐋᖅᑭᒋᐊᕈᑕᐅᓂᐊᖅᐳᖅ, ᐊᓯᔾᔩᙱᓪᓗᓂ, ᓂᕕᙵᑖᕆᔭᐅᔪᓂᒃ ᑕᖅᓴᕆᔭᐅᔪᓂᓪᓗ. ᓇᓗᓇᐃᒃᑯᑦᑎᖅᓯᓂᖅ ᓴᖅᑭᑎᑕᐅᓯᒪᕗᖅ ᐊᑐᖅᑕᐅᖃᑦᑕᖁᔭᐅᓪᓗᓂ ᐃᓛᒃᑰᕐᓗᓂ ᐅᕝᕙᓘᓐᓃᑦ ᐊᓯᖏᓐᓂᒃ ᓇᓗᓇᐃᒃᑯᑕᓂᒃ ᐃᓚᖃᕐᓗᓂ, ᓴᓇᙳᐊᖅᑎᓄᑦ ᓂᐅᕕᖅᑎᑦᑎᔪᒧᓪᓘᓐᓃᑦ ᐋᖅᑭᒃᑕᐅᓗᓂ. ᐱᒻᒪᕆᐊᔪᓂᒃ ᓂᕕᙵᑖᑕᖃᖅᐳᖅ ᓇᓗᓇᐃᒃᑯᑕᓂᒡᓗ ᓄᓇᕗᒻᒥ ᓴᓇᐅᒐᑦᑎᐊᕙᖕᓄᑦ ᒥᖅᓱᒐᕐᓄᓪᓗ ᐃᓚᒋᔭᐅᔪᓂᒃ: ᐃᒡᓗ ᓂᕕᙵᑖᖅ; ᑭᙵᕐᒥᐅᑦ ᑕᖅᓴᖓ; ᐸᓐᓂᖅᑑᑉ ᑕᖅᓴᖓ; ᖃᒪᓂ’ᑐᐊᑉ ᑕᖅᓴᖓ. ᑖᒃᑯᐊ ᓇᓗᓇᐃᒃᑯᑕᕆᔭᐅᔪᑦ ᐋᖅᑭᒃᓯᒪᑦᑎᐊᖅᐳᑦ ᑲᑎᑦᑎᕙᒃᑐᓄᑦ ᓇᑭᑐᐃᓐᓇᑦᑎᐊᖅ ᖃᐅᔨᒪᔭᐅᓪᓗᓂ ᐅᒃᐱᕆᔭᐅᔪᓐᓇᖅᖢᓂᓗ. ᑐᙵᕕᖃᑦᑎᐊᕈᑕᐅᕗᖅ ᓄᓇᕘᒥ ᓄᓇᕐᔪᐊᓕᒫᒥ ᓇᓗᓇᐃᒃᑯᑦᑎᖅᓯᔾᔪᑕᐅᕙᒃᑐᒧᑦ ᓄᓇᕐᔪᐊᓕᒫᒥ ᓂᐅᕐᕈᑎᖃᖅᐸᒃᑐᓄᑦ.
ᓄᓇᕗᒻᒥᑦ ᓴᓇᐅᒐᓪᓚᑦᑖᓄᑦ ᓇᓗᓇᐃᒃᑯᑕᖅ ᑎᑎᕋᖅᑕᐅᓯᒪᓪᓗᓂ ᓇᓗᓇᐃᒃᑯᑕᐅᕗᖅ ᓄᓇᕗᑦ ᒐᕙᒪᖓᓂ ᓇᖕᒥᓂᕆᔭᐅᓪᓗᓂ ᓴᓇᙳᐊᖅᑎᓂᒃ ᑭᒡᒐᖅᑐᐃᓪᓗᑎᒃ.
ᓄᓇᕘᒥ ᓴᓇᙳᐊᖅᑕᐅᕙᒃᑐᓄᑦ ᓴᓇᓗᒃᑕᐅᕙᒃᑐᓄᓪᓗ
1999-ᒥ ᓄᓇᕘᑖᓚᐅᖅᑎᓪᓗᒋᑦ, ᓴᓇᐅᒐᓕᕆᔩᑦ ᐊᕐᕌᒍᑕᒫ ᐃᑲᔪᖃᑦᑕᖅᓯᒪᒻᒪᕆᒃᐳᑦ ᓄᓇᕗᑦ ᑮᓇᐅᔭᓕᐅᕈᑎᒃᓴᖏᓐᓄᑦ ᑐᕌᖓᔪᓂᒃ. ᖃᐅᔨᓴᕈᑕᐅᓵᓚᐅᖅᑐᓄᑦ ᖃᐅᔨᑎᑕᐅᕗᒍᑦ 4,000 ᐃᓄᐃᑦ – ᓄᓇᕘᒥ ᓴᕙᓐᖑᒍᑎᒃ ᐊᑕᐅᓯᐅᓗᓂ – “ᓴᓇᙳᐊᖅᑎᐅᓂᖏᓐᓂᒃ” ᓇᓗᓇᐃᖅᓯᖃᑦᑕᖅᐳᑦ. ᐅᓄᕐᓂᖅᓴᐃᑦ ᐃᓅᕗᑦ ᑲᓇᑕᒥᐅᑕᐅᓪᓗᑎᒃ, ᓴᓇᙳᐊᖅᐸᒃᑕᖏᑦ ᓄᓇᕘᒧᑦ ᐃᑲᔫᑎᒋᕙᒃᑕᖏᑦ ᐃᓕᖅᑯᓯᑐᖃᖅᑎᒍᑦ ᑮᓇᐅᔭᓕᐅᕐᓂᕐᒧᓪᓗ. ᐊᕐᕌᒍᑦ 50 ᑐᖔᓂ, ᓴᓇᔭᐅᔪᓂᒃ ᓴᖅᑭᑎᑦᑎᓂᕐᒧᑦ ᓂᐅᕐᕈᑎᖃᕐᓂᕐᒧᓪᓗ, ᑲᓇᑕᒥ ᐃᓄᐃᑦ ᓴᓇᙳᐊᖅᑏᑦ ᓴᖅᑭᑎᑦᑎᓯᒪᕗᑦ ᑲᓇᑕᓕᒫᒥ ᐃᓱᒪᒋᔭᐅᔪᓐᓇᖅᓯᓪᓗᑎᒃ ᐊᔾᔨᒋᔭᐅᙱᓐᓂᖏᓐᓂᒃ ᐱᐅᑦᑎᐊᖅᑐᓂᒡᓗ ᓴᓇᕙᖕᓂᖏᓐᓂᒃ ᓄᓇᕐᔪᐊᓕᒫᒥᓪᓗ ᑕᐅᑐᖅᑰᖅᑕᒥᓂᒡᓗ ᖃᐅᔨᑎᑦᑎᓪᓗᑎᒃ ᓯᓚᕐᔪᐊᕐᒥ ᓈᓚᒃᑎᓂᒃ.
ᐅᓪᓗᒥ, ᐊᔾᔨᒌᙱᑦᑐᓂᒃ ᐱᑕᖃᑦᑎᐊᓕᖅᐳᖅ ᐊᒡᒐᒧᑦ ᓴᓇᐅᒐᕐᓂᒃ ᓄᓇᕘᒥᙶᖅᑐᓂᒃ ᒪᑯᓂᖓ ᑭᓯᐊᓂ ᑖᒃᑯᐊᑐᐊᖑᙱᖦᖢᑎᒃ: ᐅᔭᖅᑲᓂᒃ, ᑑᒑᕐᓂᒃ, ᓇᒡᔪᖕᓂᒡᓗ ᓴᓇᙳᐊᖅᓯᒪᔪᑦ; ᑎᑎᖅᑐᒐᖅᓯᒪᔪᑦ, ᑎᑎᕋᐅᔭᖅᓯᒪᔪᑦ ᐊᒻᒪ ᒥᖑᐊᖅᓯᒪᔪᑦ; ᔭᕐᕋᓂᒃ; ᓄᕕᖅᓵᒃᓴᓂᒃ ᓴᓇᓯᒪᔪᓂᒃ; ᐴᓕᐊᕆᓯᒪᔪᓂᒃ; ᒫᓐᓇᓕᓴᕐᓂᒃ ᐊᓐᓄᕌᑦᑎᐊᕙᖕᓂᒃ ᐊᒻᒪ ᐃᓄᐃᑦ ᐊᓐᓄᕌᑐᖃᖏᓐᓂᒃ; ᐊᒻᒪ ᑕᑯᒥᓇᕈᑎᓂᒃ ᓴᕕᕋᔭᖕᓂᒡᓗ ᓴᓇᓯᒪᔪᓂᒃ. ᑖᒃᑯᐊ ᓴᖅᑭᑎᑕᐅᖃᑦᑕᖅᓯᒪᔪᓕᒫᑦ ᓇᓗᓇᐃᖅᑕᐅᓯᒪᕗᑦ ᐃᓄᒃᑎᑐᑦ ᐅᖃᐅᓯᕐᒧᑦ ᓴᓇᐅᒐᐃᑦ - ᐊᒡᒐᒧᑦ ᓴᓇᓯᒪᔪᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᓄᓇᕘᒥ ᐅᕝᕙᓘᓐᓃᑦ ᐊᔾᔨᒌᙱᑦᑐᓂᒃ ᓄᓇᕗᒻᒥ ᓴᓇᐅᒐᕐᓂᒃ, ᐅᓇ ᓇᕿᓪᓗᒍ.
ᖃᐅᔨᒋᐊᕐᕕᐅᔪᓐᓇᖅᑐᖅ
ᐃᕐᖐᓐᓈᖅᑕᐅᒃᑯᓪᓘᓐᓃᑦ ᓇᒃᓯᐅᑎᓗᒍ ᐅᕗᖓ @email
ᓴᓇᐅᒐᕐᓄᑦ ᐃᓕᖅᑯᓯᒃᑰᖓᔪᑎᒍᓪᓗ ᑮᓇᐅᔾᔭᒃᓴᐅᑎᓄᑦ ᖃᐅᔨᒪᔨᑕᖅ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
ᐸᖕᓂᖅᑑᖅ, ᓄᓇᕗᑦ
ᐅᖃᓘᑖ: (867) 473-2633
ᓱᒃᑲᔪᒃᑯᑦ: (867) 473-2672
ᐅᕝᕙᓘᓐᓃᑦ
ᓯᕗᒧᐊᖅᑎᑦᑎᔨ
ᓄᓇᕘᒥ ᓴᓇᙳᐊᖅᑏᑦ ᑲᑐᔾᔨᖃᑎᒌᖏᑦ (NACA)
ᐃᖃᓗᐃᑦ, ᓄᓇᕗᑦ
ᐅᖃᓘᑖ: (867) 979-7808 ᐊᑭᖃᙱᑦᑐᖅ ᓄᓇᕘᒥ: 866-979-7808
ᓱᒃᑲᔪᒃᑯᑦ: (867) 979-6880
ᑎᑎᕋᖅᑕᐅᓯᒪᓪᓗᓂ ᓇᓗᓇᐃᒃᑯᑕᖅ
ᓇᓗᓇᐃᒃᑯᑕᑦ
ᓄᓇᕗᒻᒥᑦ ᓴᓇᐅᒐᓪᓚᑦᑖᑦ ᑕᖅᓴᖓ ᐊᒻᒪ “ᓄᓇᕗᒻᒥᑦ ᓴᓇᐅᒐᓪᓚᑦᑖᑦ” ᐅᖃᐅᓯᖅᑕᖓ ᑎᑎᕋᖅᑕᐅᓯᒪᓪᓗᑎᒃ ᓇᓗᓇᐃᒃᑯᑕᐅᕗᑦ ᓄᓇᕗᑦ ᒐᕙᒪᖓᓂ ᓇᖕᒥᓂᕆᔭᐅᓪᓗᑎᒃ.
ᑎᑎᕋᖅᓯᒪᕝᕕᖕᒥ ᐊᑐᖅᐸᒃᑐᑦ ᓄᓇᕗᒻᒥᑦ ᓴᓇᐅᒐᓪᓚᑦᑖᑦ ᓇᓗᓇᐃᒃᑯᑦᑎᖅᓯᓂᕐᒥ, ᐊᑎᓕᐅᖅᓯᒪᓪᓗᓂ ᑲᒪᒋᔭᖃᕐᓂᕐᒧᑦ ᐊᖏᕈᑎᐅᑉ ᒪᓕᒋᐊᓕᖏᓐᓂᒃ, ᐊᑐᕈᓐᓇᖅᐳᑦ ᓄᓇᕗᒻᒥᑦ ᓴᓇᐅᒐᓪᓚᑦᑖᑦ ᑕᖅᓴᖓᓂ ᐅᖃᐅᓯᖅᑕᖓᓂᓪᓗ ᐊᔾᔨᙳᐊᑉ ᓇᓗᓇᐃᒃᑯᑕᖓᑕ ᐊᑐᐊᒐᖏᑦ ᒪᓕᒡᓗᒋᑦ.
ᐃᔾᔪᐊᖅᑕᐅᔭᕆᐊᖃᙱᓐᓂᖓᓄᑦ ᑐᓴᖅᑎᑦᑎᔾᔪᑎ
ᑕᕝᕙᓂ ᑐᑭᓯᒋᐊᕐᕕᖕᒥ ᑎᑎᕋᖅᓯᒪᔪᓕᒫᑦ, ᐊᔾᔨᙳᐊᓪᓗ, ᒪᓕᒋᐊᖃᖅᐳᑦ ᓴᓇᙳᐊᖅᑎᓄᑦ ᐱᖁᑎᒋᔭᐅᔪᑦ ᐱᔪᓐᓇᐅᑎᖏᓐᓄᑦ ᐃᔾᔪᐊᖅᑕᐅᔭᕆᐊᖃᙱᑦᑐᓄᓪᓗ ᑭᓯᐊᓂ ᐅᖃᐅᓯᐅᓯᒪᒃᐸᑦ. ᑎᑎᕋᖅᓯᒪᔪᒥᒃ ᐊᖏᕈᑎᒥᒃ ᐱᔭᕆᐊᖃᕐᓂᐊᖅᐳᑎᑦ ᓄᓇᕗᑦ ᒐᕙᒪᖓᓐᓃᙶᖅᑐᒥᒃ ᐅᕝᕙᓘᓐᓃᑦ ᓴᓇᙳᐊᖅᑎᒥᑦ ᐃᔾᔪᐊᖅᓯᔪᓐᓇᕐᓂᕋᐃᔪᒥᒃ ᓴᖅᑭᑎᑦᑎᔪᓐᓇᕐᓂᕋᐃᔪᒥᓪᓘᓐᓃᑦ ᐃᓗᐊᓂ ᑎᑎᕋᖅᓯᒪᔪᖃᕐᓗᓂ.
ᓄᓇᕗᒻᒥᑦ ᓴᓇᐅᒐᓪᓚᑦᑖᑦ ᐃᑭᐊᖅᑭᕕᖓᓃᑦᑐᑦ ᐊᔾᔨᙳᐊᑦ ᐊᖏᖅᑕᐅᓯᒪᓪᓗᓂ ᐊᑐᖅᑕᐅᖃᑦᑕᖅᐳᑦ ᐊᒻᒪ ᐃᔾᔪᐊᖅᑕᐅᔭᕆᐊᖃᙱᓐᓂᖓᓄᑦ ᐊᑭᓕᕆᐊᓕᖕᒥᒃ ᐊᑭᓖᓗᓂ ᓴᓇᙳᐊᖅᑎᒧᑦ.
ᐊᔾᔨᙳᐊᓕᒫᑦ ᐊᑐᖅᑕᐅᕙᒃᑐᑦ ᓄᓇᕘᒥ ᓴᓇᙳᐊᖅᑎᓄᑦ ᖃᕆᓴᐅᔭᒃᑯᑦ ᑲᑎᖅᓱᐃᕝᕕᖕᒥ ᓴᓇᙳᐊᖅᑎ ᐃᓅᓯᕐᒥᓂ ᐅᓂᒃᑲᐅᓯᖃᖅᓯᒪᓗᓂ ᓴᓇᙳᐊᖅᑎᒧᑦ ᓇᖕᒥᓂᕆᔭᐅᕗᖅ.
ᐱᔪᓐᓇᐅᑎᒋᔭᐅᔪᓕᒫᑦ ᑐᕌᖓᑎᑕᐅᕙᒃᐳᑦ, ᑎᑎᕋᖅᓯᒪᔪᒥᓪᓗ ᐊᖏᕈᑎᖃᕆᐊᖃᖅᖢᑎᒃ ᐊᑐᒃᑲᓐᓂᕐᓂᐊᕐᓗᓂ ᓴᖅᑭᑎᑕᐅᔾᔪᑎᒋᒃᑲᓐᓂᕐᓂᐊᕐᓗᒍᓘᓐᓃᑦ ᑭᓱᑐᐃᓐᓇᐃᑦ ᐱᕙᓪᓕᐊᔪᓃᑦᑐᑦ, ᓈᓴᐅᑎᓅᖅᑐᓂᒃ ᐊᓯᖏᓐᓂᓪᓗ.
ᓪᓕᐊᔪᑦ
ᐱᕙᓪᓕᐊᔪᓕᕆᔪᓄᑦ ᑐᙵᓱᒋᑦ ᓄᓇᕗᒻᒥᑦ ᓴᓇᐅᒐᓪᓚᑦᑖᓄᑦ ᓇᓗᓇᐃᒃᑯᑕᕐᒧᑦ.
ᐊᐱᕆᔪᒪᔪᖃᖅᐸᑦ ᑐᙵᓱᒃᑎᑦᑎᕗᒍᑦ ᐊᐱᖅᓱᖅᑕᐅᔪᒪᔪᖃᖅᐸᓪᓗ ᐱᕙᓪᓕᐊᔪᓕᕆᔨᒃᑯᓐᓂ ᐅᓂᒃᑲᐅᓯᖃᕈᒪᓇᔭᖅᑐᓂᒃ ᓄᓇᕘᒥ ᓴᓇᙳᐊᒐᐃᑦ ᒥᖅᓱᒐᐃᓪᓗ ᒥᒃᓵᓄᑦ, ᓄᓇᕘᒥ ᓴᓇᙳᐊᖅᑎᓂᒃ ᐊᒻᒪ ᓄᓇᕗᒻᒥᑦ ᓴᓇᐅᒐᓪᓚᑦᑖᑦ ᓇᓗᓇᐃᒃᑯᑕᖓᓂ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᓴᓇᐅᒐᕐᓄᑦ ᐃᓕᖅᑯᓯᒃᑰᖓᔪᑎᒍᓪᓗ ᑮᓇᐅᔾᔭᒃᓴᐅᑎᓄᑦ ᖃᐅᔨᒪᔨᑕᕐᒧᑦ ᐊᐱᕆᔪᓐᓇᖅᐳᑎᑦ, ᖃᕆᓴᐅᔭᒃᑯᑦ ᐅᕗᖓ @email ᐅᖃᓗᒡᕕᒋᓗᒍ ᐅᕗᖓ (867) 473-2672 ᐅᕝᕙᓘᓐᓃᑦ 1-888-975-5999.
ᐊᔾᔨᙳᐊᓕᒫᑦ ᓴᓇᙳᐊᖅᑕᐅᔪᓪᓗ ᑕᕝᕙᓂ ᑐᑭᓯᒋᐊᕐᕕᖕᒦᑦᑐᑦ ᓴᖅᑭᑎᑕᐅᓯᒪᕗᑦ ᐃᔾᔪᐊᖅᑕᐅᔭᕆᐊᖃᙱᓐᓂᕐᒧᑦ ᐊᖏᕈᑕᐅᓯᒪᓪᓗᑎᒃ ᓴᓇᙳᐊᖅᑎᒥ. ᓄᓇᕗᒻᒥ ᓴᓇᙳᐊᖅᑏᑦ ᑲᑐᔾᔨᖃᑎᒌᖏᑦ ᖃᐅᔨᒋᐊᕐᕕᒋᔪᓐᓇᖅᐸᑎᑦ ᐅᕝᕙᓘᓐᓃᑦ ᓴᓇᙳᐊᖅᑎ ᖃᐅᔨᒋᐊᕐᕕᒋᓪᓚᑦᑖᕐᓗᒍ. ᓇᓕᐊᖕᓂᑐᐃᓐᓇᖅ ᐊᔾᔨᙳᐊᕐᒥ ᐊᑐᕈᒪᓗᑎᑦ ᐊᖏᖅᑕᐅᓇᓱᒍᒪᒍᕕᑦ.
ᒪᓕᒐᖅᑎᒍᑦ
ᐱᓕᕆᐊᕆᔭᕆᐊᓖᑦ ᒪᓕᒋᐊᓖᓪᓗ
ᐅᑯᐊ ᐱᓕᕆᐊᕆᔭᕆᐊᓖᑦ ᒪᓕᒋᐊᓖᓪᓗ ᐅᖃᓕᒫᑦᑎᐊᕆᐊᓖᑦ ᐃᑭᐊᖅᑭᕕᒃᑯᑦ ᑐᑭᓯᒋᐊᕐᕕᖕᒥ ᐊᑐᕐᓂᐊᕐᓗᓂ authenticnunavut.com ᐃᑭᐊᖅᑭᕕᒃᑯᑦ ᑐᑭᓯᒋᐊᕐᕕᖕᒥ ᐊᑐᓯᒋᐊᓚᐅᙱᓐᓂᕐᓂ. authenticnunavut.com ᐃᑭᐊᖅᑭᕕᒃᑯᑦ ᑐᑭᓯᒋᐊᕐᕕᒃ ᐊᑐᐃᓐᓇᖃᑦᑕᕐᓂᐊᕐᓗᓂ, ᐊᖏᖅᐳᑎᑦ ᒪᓕᖕᓂᐊᕐᓂᕋᖅᖢᑎᑦ ᐊᑐᓪᓚᑦᑖᕐᓂᐊᕐᓂᕋᖅᖢᑎᒡᓗ ᐱᓕᕆᐊᕆᔭᕆᐊᓕᖕᓂᒃ ᒪᓕᒋᐊᓕᖕᓂᓪᓗ ᐊᑖᓃᑦᑐᓂᒃ. ᐱᔪᓐᓇᐅᑎᖃᖅᐳᒍᑦ, ᐃᓱᒪᖅᓱᕈᑎᒋᑦᑎᐊᖅᖢᑎᒍᑦ, ᖃᖓᑐᐃᓐᓇᑦᑎᐊᖅ ᐊᓯᔾᔩᔪᓐᓇᖅᖢᑕ ᑖᒃᑯᓂᖓ ᐱᓕᕆᐊᕆᔭᕆᐊᓕᖕᓂᒃ ᒪᓕᒋᐊᓕᖕᓂᓪᓗ, ᐊᓯᔾᔨᖅᑕᐅᔪᓪᓗ ᐊᑐᓯᑲᐅᑎᒋᔭᕆᐊᖃᖅᖢᑎᒃ ᓴᖅᑭᑎᑕᐅᑎᓪᓗᒋᑦ ᐊᓯᔾᔨᖅᑕᐅᔪᑦ ᐱᓕᕆᐊᕆᔭᕆᐊᓖᑦ ᒪᓕᒋᐊᓖᓪᓗ. ᐊᖏᖅᐳᑎᑦ ᑖᒃᑯᐊ ᕿᒥᕐᕈᖃᑦᑕᕐᓂᐊᕐᓂᕋᖅᖢᒋᑦ ᖃᑯᑎᒃᑯᑦ ᐊᓯᔾᔨᖅᑕᐅᔪᓂᒃ ᖃᐅᔨᒪᔪᓐᓇᑦᑎᐊᖁᓪᓗᑎᑦ ᐊᒻᒪ authenticnunavut.com ᐃᑭᐊᖅᑭᕕᒃᑯᑦ ᑐᑭᓯᒋᐊᕐᕕᖕᒥ ᐊᑐᐃᓐᓇᖃᑦᑕᕐᓃᑦ ᐃᓱᒪᒋᔭᐅᓂᐊᖅᐳᖅ ᐃᓕᖕᓄᑦ ᐊᖏᕈᑎᒋᔭᐅᓂᖏᓐᓂᒃ ᐊᓯᔾᔨᖅᑕᐅᔪᑦ ᐱᓕᕆᐊᕆᔭᕆᐊᓖᑦ ᒪᓕᒋᐊᓖᓪᓗ ᖃᑯᒍᙳᖅᑎᓪᓗᒍ.
ᐃᑲᔪᖅᑐᐃᓂᖅ
ᑐᓴᒐᒃᓴᐃᑦ ᓴᖅᑭᑎᑕᐅᓯᒪᔪᑦ authenticnunavut.com ᐃᑭᐊᖅᑭᕕᒃᑯᑦ ᑐᑭᓯᒋᐊᕐᕕᖕᒦᑦᑐᐃᓐᓇᐅᓪᓗᑎᒡᓗ ᐃᓚᒋᔭᐅᙱᖦᖢᑎᒡᓗ ᐅᖃᐅᓯᐅᔭᕆᐊᖃᙱᖦᖢᑎᒡᓗ ᐃᑲᔪᖅᑐᐃᔾᔪᑕᐅᓂᕋᖅᑕᐅᓗᑎᒃ ᐅᕝᕙᓘᓐᓃᑦ ᖃᓄᐃᓕᐅᖁᔨᔾᔪᑕᐅᓂᕋᖅᑕᐅᓗᑎᒃ ᑭᓇᑐᐃᓐᓇᕐᒥᒃ ᓴᓇᙳᐊᖅᑎᒥᒃ ᓴᓇᙳᐊᒐᐃᔭᕐᕕᖕᒥᓪᓘᓐᓃᑦ ᓄᓇᕘᒥ ᓇᓂᑐᐃᓐᓇᕐᓘᓐᓃᑦ ᓄᓇᕐᔪᐊᒥ. ᑐᓴᒐᒃᓴᓕᒫᑦ ᐊᓯᔾᔨᖅᑕᐅᔪᓐᓇᖅᐳᑦ ᑐᓴᖅᑎᑦᑎᔪᖃᙱᑦᑎᐊᕐᓗᓂ.
ᐊᓯᔾᔨᖅᑕᐅᔪᓐᓇᕈᑎᖃᙱᑦᑐᖅ ᑭᒡᒐᖅᑐᖅᑕᐅᔾᔪᑎᒥᒡᓘᓐᓃᑦ
ᓄᓇᕗᑦ ᒐᕙᒪᖓ, ᐱᓕᕆᖃᑎᒋᕙᒃᑕᖏᑦ, ᐱᖁᑎᑖᖅᑎᑦᑎᕙᒃᑐᑦ, ᐃᓚᒋᔭᐅᔪᑦ, ᐊᓯᖏᓪᓘᓐᓃᑦ ᐱᓕᕆᖃᑕᐅᔪᑦ ᐋᖅᑭᒃᓱᐃᖃᑕᐅᓗᑎᒃ, ᓴᖅᑭᑎᑦᑎᓂᐊᕐᓗᑎᒃ ᐅᕝᕙᓘᓐᓃᑦ ᑐᓴᒐᒃᓴᓂᒃ ᓇᒃᓯᐅᔾᔨᓂᐊᕐᓗᑎᒃ ᑕᕝᕙᓂ ᑐᑭᓯᒋᐊᕐᕕᖕᒥ ᐸᓯᔭᒃᓴᙳᖅᑎᑕᐅᔪᓐᓇᙱᓚᑦ ᑭᓱᑐᐃᓐᓇᕐᓂᒃ ᑐᕌᖓᓪᓚᑦᑖᖅᑐᓂᒃ, ᑐᕌᖓᓪᓚᑦᑖᙱᑦᑐᓂᒃ, ᐱᕐᔪᐊᖑᙱᑦᑐᓂᒃ, ᐊᔾᔨᒋᔭᐅᙱᑦᑐᓂᒃ, ᐱᒻᒪᕆᐅᔪᓂᒃ, ᐋᖅᑭᒋᐊᕈᑕᐅᓇᓱᒃᑐᓂᒃ ᐊᓯᖏᓐᓂᒡᓘᓐᓃᑦ ᓱᕋᒃᑕᐅᔪᓂᒃ ᖃᓄᑐᐃᓐᓇᑦᑎᐊᖅ, ᓴᖅᑭᑎᑕᐅᔪᓂᒃ ᑖᔅᓱᒥᖓ ᑐᑭᓯᒋᐊᕐᕕᖕᒥ ᐊᑐᖅᑎᓪᓗᒋᑦ ᐱᓕᕆᖃᑕᐅᑎᓪᓗᒋᓪᓘᓐᓃᑦ ᐅᑯᓂᖓ, ᑖᒃᑯᐊᑐᐊᖑᙱᖦᖢᑎᒡᓗ, ᐱᓕᕆᐊᖑᔪᓂᒃ ᓄᖅᑲᖅᑎᑦᑎᓂᖅ, ᐊᑐᕈᓐᓇᐃᓪᓕᓗᓂᓗ, ᑎᑎᕋᖅᓯᒪᔪᓂᒃ, ᑐᑭᓯᒋᐊᕈᑎᒃᓴᓂᒃ ᐃᑲᔫᑎᒃᓴᓂᒡᓗ (ᖃᓄᑐᐃᓐᓇᖅ ᐱᓕᕆᐊᖑᒐᓗᐊᖅᐸᑦ, ᒪᑯᓂᖓ ᑖᒃᑯᐊᑐᐊᖑᙱᖦᖢᑎᒡᓗ ᐊᖏᕈᑎᓂᒃ, ᐃᒃᓯᖕᓇᖅᓯᓯᒪᓂᖅ ᐊᓯᖏᓐᓂᒡᓘᓐᓃᑦ ᓱᕋᐃᔪᖃᕐᓗᓂ). ᑖᒃᑯᐊ ᑭᒡᓕᖃᖅᑎᑕᐅᔪᑦ ᐊᑐᕋᔭᖅᐳᑦ ᓄᓇᕗᑦ ᒐᕙᒪᒃᑯᑦ ᓇᓗᓇᐃᕐᕕᐅᓯᒪᒐᓗᐊᖅᐸᑕ ᐅᑯᓂᖓ, ᐅᕝᕙᓘᓐᓃᑦ ᓂᕆᐅᒋᔭᖃᕋᓗᐊᖅᐸᑕ, ᓱᕋᒃᑕᐅᔪᖃᑐᐃᓐᓇᕆᐊᖃᕐᓂᖓᓂ. ᐃᓱᓕᑦᑕᖅᑎᙱᓪᓗᒋᑦ ᐅᑯᐊ ᐅᖃᐅᓯᐅᓂᐊᖅᑐᑦ, ᑕᒪᕐᒥᑦᑎᐊᖅ ᑐᑭᓯᒋᐊᕐᕕᖕᒦᑦᑐᑦ ᐃᓕᔅᓯᓐᓄᑦ ᓴᖅᑭᑎᑕᐅᓯᒪᕗᑦ ᑭᒡᒐᖅᑐᖅᑕᐅᙱᑦᑎᐊᖅᖢᑎᒃ, ᐱᔪᓐᓇᐅᑎᖃᙱᖦᖢᑎᒃ ᐊᑐᕆᐊᖃᖅᑎᑕᐅᓪᓗᑎᒡᓘᓐᓃᑦ ᑭᓱᑐᐃᓐᓇᕐᒥᒃ, ᐅᖃᐅᓯᐅᓯᒪᔪᒥᒃ, ᓇᓗᓇᐃᖅᑕᐅᓯᒪᔪᒥᒃ, ᐅᕝᕙᓘᓐᓃᑦ ᒪᓕᒐᖅᑎᒍᑦ ᒪᑯᓂᖓ, ᑖᒃᑯᐊᑐᐊᖑᙱᖦᖢᑎᒡᓗ, ᑭᒡᒐᖅᑐᖅᑎᒋᑎᑕᐅᔪᑦ, ᐱᔪᓐᓇᐅᑎᒋᔭᐅᔪᑦ ᐊᑐᕆᐊᖃᖅᑎᑕᐅᔪᓪᓘᓐᓃᑦ ᓂᐅᕐᕈᑎᖃᕈᓐᓇᕐᓂᕐᒧᑦ, ᓈᒻᒪᑦᑎᐊᕐᓂᖅ ᐱᔾᔪᑎᖃᑦᑎᐊᕐᓗᑎᒃ, ᐊᑐᔅᓲᔭᕈᓐᓇᕐᓂᖅ, ᑕᐃᔭᐅᓂᖓ, ᓱᕋᐃᙱᓐᓂᖅ ᐱᖁᑎᒋᔭᐅᔪᑦ ᐱᔪᓐᓇᐅᑎᖏᓐᓂᒃ, ᐅᕝᕙᓘᓐᓃᑦ ᐊᐅᓚᑦᑎᖃᑎᒌᓂᖅ ᓴᖅᑭᑎᑕᐅᔪᓂᒃ ᐱᔨᑦᑎᕋᐅᑎᓂᒡᓗ.
ᐃᓗᓕᖏᑦ ᐋᖅᑭᒋᐊᖅᑕᐅᔪᓪᓗ
ᓄᓇᕗᑦ ᒐᕙᒪᖓ ᐱᓇᔪᒐᓱᖃᑦᑕᖅᑎᓪᓗᒋᑦ ᑐᓴᒐᒃᓴᓕᒫᑦ authenticnunavut.com ᐃᑭᖅᑭᕕᖕᒦᑦᑐᑦ ᑕᒻᒪᖅᓯᒪᙱᑦᑎᐊᖁᓪᓗᒋᑦ ᐅᓪᓗᒥᒧᓪᓗ ᑐᕌᖓᑦᑎᐊᖁᓪᓗᒋᑦ, ᑕᒻᒪᖅᓯᒪᙱᑦᑎᐊᓂᕋᐃᔪᓐᓇᙱᓚᑦ ᐅᓪᓗᒥᒧᓪᓗ ᑐᕌᖓᓪᓚᑦᑖᕐᓂᕋᐃᔪᓐᓇᙱᖦᖢᑎᒃ ᑕᐃᒪᐃᒻᒪᑦ ᓇᖕᒥᓂᖅ ᑕᑎᒋᔭᐅᔪᓐᓇᑦᑎᐊᕋᓱᒋᐊᖃᖅᐳᑎᑦ. ᓄᓇᕗᑦ ᒐᕙᒪᖓ ᐸᓯᔭᒃᓴᐅᔪᓐᓇᙱᓚᑦ ᐃᒃᓯᖕᓇᖅᓯᓯᒪᓂᕐᒥᒃ ᐊᓯᐊᒍᓪᓘᓐᓃᑦ ᐊᓯᐅᔨᔪᖃᖅᐸᑦ ᓱᕋᐃᔪᖃᖅᐸᓪᓘᓐᓃᑦ ᑕᐃᒪᐃᔾᔪᑎᖃᕐᓗᓂ ᑎᑎᕋᖅᓯᒪᔪᓂᒃ ᑕᑎᒋᔭᐅᔪᓐᓇᕐᓂᖏᑦ ᐱᔾᔪᑎᒋᓪᓗᒋᑦ. ᐃᓗᓕᓕᒫᖏᑦ, ᒪᓕᒃᑕᐅᔭᕆᐊᓖᑦ ᑲᒪᒋᔭᐅᔭᕆᐊᓖᓪᓗ ᐱᖃᓯᐅᑎᓪᓗᒋᑦ ᐊᓯᔾᔨᖅᑕᐅᔪᓐᓇᖅᐳᑦ ᑐᓴᖅᑎᑦᑎᔪᖃᙱᑦᑎᐊᕐᓗᓂ,
ᑐᑭᓯᒋᐊᕈᑎᒃᓴᓂᒃ ᐊᑐᕐᓂᐊᕐᓗᓂ
ᐊᖏᕈᑎᖃᖅᐳᑎᑦ ᑐᓴᒐᒃᓴᓂᒃ ᐊᑐᔾᔮᙱᓐᓂᕋᐃᓪᓗᑎᑦ ᑕᕝᕙᓂ ᑐᑭᓯᒋᐊᕐᕕᖕᒦᑦᑐᓂᒃ ᐊᒃᑐᐊᓂᓕᖕᓂᓪᓘᓐᓃᑦ ᑖᔅᓱᒧᖓᑐᑭᓯᒋᐊᕐᕕᖕᒧᑦ ᓇᓕᐊᖕᓂᑐᐃᓐᓇᖅ ᐱᓇᔪᒍᑕᐅᔪᓂᒃ, ᖃᓄᐃᓕᐅᖅᑕᐅᔪᓂᒃ, ᒪᓕᒐᖅᑎᒎᖅᑐᓂᒃ ᖃᓄᐃᓕᐅᖅᑕᐅᔪᓂᒡᓘᓐᓃᑦ ᓄᓇᕗᑦ ᒐᕙᒪᖓᓂ, ᑲᑐᔾᔨᖃᑎᒋᔭᖏᓐᓂ, ᐱᖁᑎᑖᖅᑎᑦᑎᕙᒃᑐᓂᒃ ᐃᓚᒋᔭᐅᔪᓂᒡᓘᓐᓃᑦ.
ᖃᕆᓴᐅᔭᒃᑯᑦ ᑲᑎᖅᓱᐃᕝᕕᐅᑉ ᑎᑎᕋᖅᓯᒪᓂᖏᑦ
ᓄᓇᕘᒥ ᓴᓇᙳᐊᖅᑎᑦ ᑲᑎᖅᓱᐃᕝᕕᖓᑕ ᑎᑎᕋᖅᓯᒪᓂᖏᑦ ᐃᓛᒃᑰᖅᑕᖅᖢᒋᑦ ᓇᓗᓇᐃᖅᑕᐅᓯᒪᙱᑦᑐᑦ ᓄᓇᕗᑦ ᒐᕙᒪᖓᓂ ᐊᒻᒪ ᓄᓇᕗᑦ ᒐᕙᒪᒃᑯᑦ ᐃᑲᔪᖅᑐᐃᖏᖦᖢᑎᒃ ᐅᕝᕙᓘᓐᓃᑦ ᐊᖏᕈᑎᖃᙱᖦᖢᑎᒃ ᑎᑎᕋᖅᓯᒪᓂᖏᓐᓂᒃ. ᑎᑎᖅᑲᐅᓯᐊᑎᑦ ᑲᒪᒋᔭᕆᐊᖃᖅᑕᑎᓪᓘᓐᓃᑦ, ᐱᓕᕆᖃᑕᐅᕝᕕᒋᔭᑎᓪᓘᓐᓃᑦ ᓴᖅᑭᔮᓕᖅᑎᑦᑎᒃᑲᓐᓂᕋᓱᒃᑎᓪᓗᒋᑦ ᐆᒥᖓ, ᓴᓇᙳᐊᖅᑎᑦ ᑐᑭᓯᒋᐊᕐᕕᖕᒦᑦᑐᑦ ᐃᒡᕕᑦ ᓴᓇᙳᐊᖅᑎᐅᓪᓗ ᑲᒪᒋᔭᕆᐊᖃᖅᐸᖏᑦ. ᐸᓯᔭᒃᓴᙳᖅᑎᑕᐅᔪᓐᓇᙱᓚᒍᑦ ᑲᒪᒋᔭᖃᕆᐊᖃᙱᖦᖢᑕᓗ ᐊᓯᐅᑎᑕᐅᔪᖃᖅᐸᑦ ᓱᕋᐃᔪᖃᖅᐸᓪᓘᓐᓃᑦ ᑭᓱᑐᐃᓐᓇᑦᑎᐊᓂᒃ ᓴᖅᑭᑎᑕᐅᔪᓂᒃ ᐱᓕᕆᔪᖃᖅᑎᓪᓗᒍ ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑲᑎᖅᓱᐃᕕᐅᑉ ᑎᑎᕋᖅᓯᒪᓂᖏᓐᓂᒃ ᓴᖅᑭᑎᑕᐅᔪᓂᒃ.
ᐊᖏᕈᑎᖃᕐᓂᖅ
ᓄᓇᕗᑦ ᒐᕙᒪᖓᓂ ᐱᔪᓐᓇᕐᓂᖅᑖᖅᑎᑦᑎᕗᑎᑦ ᑲᑎᖅᓱᐃᔪᓐᓇᖁᓪᓗᒋᑦ ᐊᑐᕈᓐᓇᖁᓪᓗᒋᓪᓗ ᐊᑑᑎᖃᖅᑐᓕᒫᓂᒃ ᖃᐅᔨᒋᐊᕈᑎᒃᓴᓂᒃ ᑐᑭᓯᒋᐊᕐᕕᖕᒥ ᐊᑐᖅᑎᓪᓗᑎᑦ. ᐱᔪᓐᓇᐅᑎᑖᖅᑎᑦᑎᒃᑲᓐᓂᖅᐳᑎᑦ ᐊᓯᖏᓐᓂᒃ ᐃᓚᐅᔪᓂᒃ ᓄᓇᕗᑦ ᒐᕙᒪᒃᑯᓐᓂᑦ ᑐᓴᖅᑎᑦᑎᔪᓐᓇᖁᓪᓗᒋᑦ.
ᖁᐱᕐᕆᓐᓇᖅᑐᑦ
ᓄᓇᕗᑦ ᒐᕙᒪᖓ ᐅᒃᐱᕈᓱᒃᐳᑦ ᑲᒪᒋᔭᒃᓴᖃᕆᐊᖃᙱᓐᓂᕐᒥᓂᒃ ᐸᓯᔭᒃᓴᐅᔭᕆᐊᖃᙱᓐᓂᕐᒥᒡᓗ ᐅᑯᓄᖓ ᓱᕋᒃᑕᐅᔪᓄᑦ, ᐅᕝᕙᓘᓐᓃᑦ ᖁᐱᕐᕆᓐᓇᖅᑐᓄᑦ ᖃᕆᓴᐅᔭᕐᓄᐊᑐᐃᓐᓇᕆᐊᓕᖕᓄᑦ ᐅᕝᕙᓘᓐᓃᑦ ᐊᓯᖏᓐᓄᑦ ᓇᖕᒥᓂᕆᔭᐅᔪᓄᑦ ᑐᑭᓯᒋᐊᕐᕕᖕᒥ ᐊᑐᖅᑎᓪᓗᑎᑦ ᐅᕝᕙᓘᓐᓃᑦ ᓅᑎᑦᑎᕙᓪᓕᐊᑎᓪᓗᑎᑦ ᑎᑎᖅᑲᓂᒃ, ᑎᑎᕋᖅᓯᒪᔪᓂᒃ, ᐊᔾᔨᙳᐊᓂᒃ, ᑐᖅᑯᖅᓯᒪᔪᓂᒃ ᐊᓯᖏᓐᓂᒡᓘᓐᓃᑦ ᑐᑭᓯᒋᐊᕐᕕᖕᒥᙶᖅᑐᓂᒃ.
ᐊᑭᓕᖅᑕᐅᔾᔪᑎᖃᕐᓂᕐᒧᑦ ᐱᔪᓐᓇᐅᑎ
ᐊᖏᖅᐳᑎᑦ ᓴᐳᔾᔨᔪᒪᓂᕐᒥᒃ, ᐊᑭᓕᖅᑕᐅᔾᔪᑎᖃᕐᓂᕐᒥᒃ ᐱᓯᒪᑎᑦᑎᓂᕐᒥᒡᓗ ᓄᓇᕗᑦ ᒐᕙᒪᖓᓂ, ᐱᓕᕆᖃᑎᒋᕙᒃᑕᖏᓐᓂᒃ, ᐱᖁᑎᑖᖅᑎᑦᑎᕙᒃᑐᓂᒃ, ᐃᓚᒋᔭᐅᔪᓂᒃ ᐊᒃᑐᐊᓂᓕᖕᓂᓪᓗ ᑲᑉᐸᓂᒋᔭᐅᔪᓂᒃ ᓱᕋᐃᓇᔭᙱᓐᓂᖏᓐᓂᒃ ᐸᓯᔭᒃᓴᐅᓕᕈᑕᐅᔪᓐᓇᖅᑐᓂᒃ, ᐊᑭᖏᓐᓂᒃ, ᐊᑭᓕᖅᓱᕆᐊᓕᖕᓂᒃ, ᒪᑯᓂᖓ ᒪᓕᒐᖅᑎᒍᑦ ᐊᑭᓕᖅᑕᐅᔭᕆᐊᓖᑦ, ᖃᓄᑐᐃᓐᓇᖅ ᓱᕋᐃᓐᓂᕈᕕᑦ ᐱᓕᕆᐊᕆᔭᕆᐊᓕᖕᓂᒃ ᒪᓕᒋᐊᓕᖕᓂᒡᓗ, ᐅᕝᕙᓘᓐᓃᑦ ᑐᑭᓯᒋᐊᕐᕕᖕᒥᑦ ᐊᑐᖅᑎᓪᓗᑎᑦ.
ᓴᒃᑯᑦᑎᓂᖅ
ᓄᓇᕗᑦ ᒐᕙᒪᖓ ᑲᔪᓯᑎᑦᑎᙱᑦᑐᑦ ᐅᕝᕙᓘᓐᓃᑦ ᐊᑐᖅᑎᑦᑎᙱᑦᑐᑦ ᐱᓕᕆᐊᖑᔭᕆᐊᖃᓪᓚᑦᑖᖅᑐᓂᒃ ᓇᓕᐊᖕᓂᑐᐃᓐᓇᖅ ᐊᑐᕆᐊᖃᖅᑐᓂᒃ ᐱᓕᕆᐊᕆᔭᕆᐊᓕᖕᓂᒃ ᒪᓕᒋᐊᓕᖕᓂᒡᓗ ᐃᓱᒪᒋᔭᐅᔭᕆᖃᙱᑉᐳᑦ ᓴᒃᑯᑦᑎᔾᔪᑕᐅᓂᖏᓐᓂᒃ ᖃᓄᑐᐃᓐᓇᖅ ᐊᑐᖅᑕᐅᔭᕆᐊᓕᖕᓂᒃ ᐱᔪᓐᓇᐅᑎᒋᔭᐅᔪᓂᒡᓘᓐᓃᑦ ᐱᓕᕆᐊᕆᔭᕆᐊᓖᑦ ᒪᓕᒋᐊᓖᓪᓗ ᐃᓗᐊᓃᑦᑐᓂᒃ.
ᒪᓕᒐᕐᓂᒃ ᐊᐅᓚᑦᑎᔾᔪᑎᑦ
ᓄᓇᑦᑎᐊᒥ ᒪᓕᒐᐃᑦ ᓄᓇᕘᒥ ᐊᒻᒪ ᑲᓇᑕᐅᑉ ᒪᓕᒐᖏᑦ ᑲᓇᑕᒥ ᓄᓇᕘᒥ ᐊᑐᖅᐸᒃᑐᑦ ᑖᒃᑯᓂᖓ ᐱᓕᕆᐊᕆᔭᕆᐊᓕᖕᓂᒃ ᒪᓕᒋᐊᓕᖕᓂᓪᓗ ᐊᐅᓚᑦᑎᔭᕆᐊᖃᖅᐳᑦ. ᑐᓂᓯᓯᒪᐃᓐᓇᕐᓂᐊᖅᐳᑎᑦ ᐱᔪᓐᓇᕐᓂᖃᕐᕕᒋᔭᐅᔪᓄᑦ ᐊᖏᖅᐳᑎᓪᓗ ᐊᑐᓪᓚᑦᑖᕐᓂᐊᕐᓂᕋᖅᖢᑎᑦ ᐱᔪᓐᓇᕐᓂᖃᕐᕕᒋᔭᐅᔪᑦ ᒪᓕᒐᖏᓐᓂᒃ. ᓇᓕᐊᖕᓂᑐᐃᓐᓇᖅ ᐊᖏᕈᑎᒦᑦᑐᒥᒃ ᐊᑐᖅᑎᑦᑎᓪᓚᑦᑖᕆᐊᒃᓴᖅ ᐊᔪᕐᓇᖅᐸᑦ, ᐊᑐᖅᑎᑕᐅᓪᓚᑦᑖᕈᓐᓇᙱᑦᑐᖅ ᐊᔪᕐᓇᙱᑦᑐᓐᓇᕐᓂᖅᐹᒃᑯᑦ ᐊᑐᖅᑎᑕᐅᔭᕆᐊᖃᖅᐳᖅ ᐊᑐᖅᑕᐅᙱᓐᓂᖓᓗ ᓴᙱᓂᖃᐃᓐᓇᕐᓂᐊᖅᖢᓂ ᐊᑐᕈᓐᓇᕐᓗᓂᓗ.
ᐃᓛᒃᑰᕐᓂᖅ
ᑖᔅᓱᒥᖓ ᖃᕆᓴᐅᔭᒃᑯᑦ ᑲᑎᖅᓱᐃᕝᕕᖕᒥ ᐊᑐᕐᓂᐊᕐᓗᑎᑦ, ᐊᖏᕈᑎᖃᖅᐳᑎᑦ ᐃᓛᒃᑰᕐᓂᕐᒧᑦ ᐊᑐᐊᒐᕐᒥᒃ ᐊᑖᓂ ᓇᓗᓇᐃᖅᑕᐅᓯᒪᔪᒥᒃ. ᓄᓇᕗᑦ ᒐᕙᒪᖓ ᖃᑯᒍᙳᕌᖓᑦ ᕿᒥᕐᕈᖃᑦᑕᖅᐳᑦ ᐃᓛᒃᑰᕐᓂᕐᒧᑦ ᐊᑐᐊᒐᕐᒥᒃ ᐱᔪᒪᒃᐸᑕᓗ ᐱᔪᓐᓇᐅᑎᖃᖅᐳᑦ, ᐊᑐᐊᒐᕐᒦᑦᑐᓂᒃ ᐋᖅᑭᒋᐊᖅᑎᑦᑎᔪᓐᓇᖅᖢᑎᒃ ᐲᖅᓯᔪᓐᓇᖅᖢᑎᒡᓗ ᖃᖓᑐᐃᓐᓇᑦᑎᐊᖅ.
ᓄᓇᕗᑦ ᒐᕙᒪᖓ ᐱᒻᒪᕆᐊᓘᓂᕋᐃᕗᑦ ᓇᖕᒥᓂᖅ ᑐᓴᒐᒃᓴᖁᑎᒋᔭᐅᔪᓂᒃ ᑲᒪᒋᔭᖃᑦᑎᐊᕐᓗᑎᒃ ᐊᑐᕆᐊᖃᕐᓂᕐᒥᒃ. ᓄᓇᕗᑦ ᒐᕙᒪᖓ ᐊᖏᖅᓯᒪᕗᑦ ᐃᓛᒃᑰᕆᐊᖃᕐᓂᕆᔭᕐᓂᒃ ᐃᒃᐱᒋᔭᖃᑦᑎᐊᕆᐊᖃᕐᓂᕐᒥᒃ.
ᑐᓴᒐᒃᓴᖁᑎᑎᑦ ᖃᕆᓴᐅᔭᕐᒧᑦ ᑐᑭᓯᒋᐊᕐᕕᖓᓄᐊᖅᑕᑎᑦ ᐅᑯᓂᖓ ᑎᑎᕋᖅᓯᒪᔪᓐᓇᖅᐳᑦ ᐊᑎᕐᓂᒃ, ᐊᖏᕐᕋᕕᑦ ᐱᓕᕆᕝᕕᒃᐱᓪᓘᓐᓃᑦ ᑐᕌᕈᑖᓂᒃ, ᐅᖃᓘᑎᕕᑦ ᓈᓴᐅᑖᓂᒃ ᐊᒻᒪ/ᐅᕝᕙᓘᓐᓃᑦ ᖃᕆᓴᐅᔭᒃᑰᕈᑎᕕᑦ ᑐᕌᕈᑖᓂᒃ ᓴᓇᙳᐊᖃᑦᑕᖅᑕᕕᓪᓗ ᐅᕝᕙᓘᓐᓃᑦ ᓴᓇᙳᐊᒐᐃᔭᕐᓂᕆᕙᒃᑕᕕᑦ ᒥᒃᓵᓄᑦ ᑎᑎᕋᖅᓯᒪᔪᓂᒃ. ᓇᖕᒥᓂᖅ ᑐᓴᒐᒃᓴᖁᑎᖕᓂᒃ ᑲᑎᑕᐅᓕᑕᐃᓐᓇᕋᔭᖅᐳᑦ ᐱᔾᔪᑎᖃᕐᓗᑎᒃ ᓇᖕᒥᓂᖅ ᑐᓐᓂᖅᑯᑎᒋᔭᐅᓗᑎᒃ. ᓄᓇᕗᑦ ᒐᕙᒪᖓ ᐱᑎᑕᐅᒃᐸᑕ ᐃᓕᓐᓂᐊᕐᓂᕆᔭᕕᑦ ᒥᒃᓵᓄᑦ ᐅᕝᕙᓘᓐᓃᑦ ᐃᓕᖕᓂᒃ ᐱᔾᔪᑎᖃᖅᑐᒥᒃ, ᖃᐅᔨᓴᕈᑎᒋᑐᐃᓐᓇᕆᐊᖃᕐᒥᔭᕗᑦ ᐅᕝᕙᓘᓐᓃᑦ ᑐᑭᓯᒋᐊᕐᕕᐅᕙᒃᑐᒥ ᐋᖅᑭᒋᐊᕈᑕᐅᓂᐊᕐᓗᓂ ᐃᓕᖕᓄᓪᓗ ᐱᔨᑦᑎᕋᕈᑎᒋᕙᒃᑕᑦᑎᓐᓄᑦ. ᖃᓄᑐᐃᓐᓇᖅ ᑐᓴᒐᒃᓴᐃᑦ ᑲᑎᑕᐅᔪᑦ ᑐᓂᔭᐅᔪᓪᓘᓐᓃᑦ ᖃᕆᓴᐅᔭᒃᑯᑦ ᑲᑎᖅᓱᐃᕝᕕᒃᑯᑦ ᑭᒃᑯᑐᐃᓐᓇᕐᓄᑦ ᑕᑯᔭᐅᔪᓐᓇᖅᑐᒥ.
ᓄᓇᕗᑦ ᒐᕙᒪᖓ ᐱᔪᓐᓇᐅᑎᖃᖅᐳᑦ ᐋᖅᑭᒋᐊᖅᑎᑦᑎᔪᓐᓇᕐᓂᕐᒥᒃ ᐃᓗᓕᖏᓐᓂᒃ ᓈᒻᒪᙱᓐᓇᓱᒋᔭᐅᔪᓂᒃ.
ᓇᓗᓇᐃᖅᓯᓇᓱᒃᑐᖃᔾᔮᙱᑦᑐᖅ ᐊᑐᖅᑎᓂᒃ ᐅᕝᕙᓘᓐᓃᑦ ᕿᓂᕐᕕᒋᕙᒃᑕᖏᓐᓂᒃ ᑭᓯᐊᓂ ᖃᐅᔨᓴᖅᑐᖃᕆᐊᖃᕐᓂᖅᐸᑦ, ᒪᓕᒐᕐᓂᒃ ᐊᑐᖅᑎᑦᑎᓂᕐᒧᑦ ᑎᒥᖁᑎᒋᔭᐅᔪᑦ ᐱᔪᓐᓇᐅᑎᑖᖅᑎᑦᑎᑐᐃᓐᓇᕆᐊᖃᖅᐳᑦ ᖃᐅᔨᓴᕐᓂᐊᕐᓗᑎᒃ ᐱᓕᕆᔩᑦ ᑎᑎᕋᖅᓯᒪᔪᖁᑎᖏᓐᓂᒃ. ᖃᐅᔨᓴᖅᑕᐅᔪᑦ ᑎᑎᕋᖅᓯᒪᔪᖁᑎᒋᔭᐅᔪᓪᓗ ᑐᖅᑯᖅᓯᒪᔪᑦ ᐱᓯᒪᔭᐅᑦᑎᐊᖏᓐᓇᓕᕈᓐᓇᖅᐳᑦ ᖃᖓᑐᐃᓐᓇᕐᓗ ᐊᑐᖅᑕᐅᔪᓐᓇᕐᓗᑎᒃ ᖃᓄᑐᐃᓐᓇᑦᑎᐊᖅ ᐱᔭᕆᐊᖃᕈᑎᒃ ᓴᐳᔾᔭᐅᓯᒪᖁᓪᓗᒋᑦ ᒪᓕᒍᓐᓃᑐᐃᓐᓇᕆᐊᓖᑦ ᖁᐊᖅᓵᕐᓇᖅᑐᒦᑎᑕᐅᖁᓇᒋᓪᓗ ᑐᓴᒐᒃᓴᖁᑎᒋᔭᐅᔪᑦ ᓄᓇᕗᑦ ᒐᕙᒪᖓᓄᑦ ᓴᖅᑭᑎᑕᐅᔪᑦ.
ᐊᒃᑐᐊᓂᓖᑦ
ᐊᒃᑐᐊᓂᓖᑦ ᐊᓯᖏᓐᓄᑦ ᑐᑭᓯᒋᐊᕐᕕᖕᓄᑦ
ᐊᒃᑐᐊᓂᓖᑦ ᐊᓯᖏᓐᓄᑦ ᑐᑭᓯᒋᐊᕐᕕᖕᓄᑦ ᐊᒃᑐᐊᓂᓖᑦ ᐊᓯᖏᓐᓄᑦ ᑐᑭᓯᒋᐊᕐᕕᖕᓄᑦ ᓴᖅᑭᑎᑕᐅᓲᖑᕗᑦ ᐃᓕᖕᓄᑦ ᐊᑐᖅᑕᐅᔪᓐᓇᖁᓪᓗᒋᑦ. ᑖᒃᑯᐊ ᑐᑭᓯᒋᐊᕐᕕᒃᓴᐃᑦ ᐃᓛᒃᑰᖅᐳᑦ ᓄᓇᕗᑦ ᒐᕙᒪᖓᓐᓃᙶᖅᖢᑎᒃ ᓄᓇᕗᑦ ᒐᕙᒪᖓᓗ ᐃᑲᔪᖅᑐᐃᕙᙱᖦᖢᑎᒃ, ᐊᐅᓚᑦᑎᕙᙱᖦᖢᑎᒃ ᐅᕝᕙᓘᓐᓃᑦ ᑭᓱᑐᐃᓐᓇᕐᒥᒡᓗ ᓇᓗᓇᐃᒃᑯᑕᓕᐅᖅᐸᙱᖦᖢᑎᒃ, ᐱᔪᓐᓇᐅᑎᒋᔭᐅᔪᓂᒃ ᑐᕌᖓᔪᓂᒡᓘᓐᓃᑦ ᑎᑎᕋᖅᓯᓂᖏᑦ ᐊᒃᑐᐊᓂᓖᓪᓗ ᐱᔾᔪᑎᒋᓪᓗᒋᑦ. ᓄᓇᕗᑦ ᒐᕙᒪᖓ ᑕᒪᐃᓐᓂᒃ ᐅᐸᒃᑕᐅᔪᓐᓇᖅᑐᓂᒃ, ᓅᑎᑕᐅᔪᓂᒃ, ᐃᓚᓕᐅᑎᔭᐅᕙᒃᑐᓂᒃ, ᐅᔾᔨᕐᓇᕐᓂᖏᓐᓂᒃ ᒪᓂᓴᐅᑎᓂᒡᓘᓐᓃᑦ ᑖᔅᓱᒧᖓ ᑐᑭᓯᒋᐊᕐᕕᖕᒧᑦ ᐊᒃᑐᐊᓂᓕᖕᓂᒃ ᕿᒥᕐᕈᔪᐃᓐᓇᐅᓯᒪᙱᑉᐳᑦ (ᐱᖃᓯᐅᑎᓪᓗᒋᑦ ᑭᒡᓕᖃᖅᑎᑕᐅᙱᑦᑐᑦ ᑐᑭᓯᒋᐊᕐᕖᑦ ᑲᑎᙵᓂᓖᑦ ᒪᓂᓴᐅᑎᑎᒍᑦ ᐊᓯᖏᓐᓄᓪᓘᓐᓃᑦ ᕿᓂᕈᑕᐅᕙᒃᑐᓄᑦ). ᑐᑭᓯᒋᐊᕈᑎᒃᓴᐃᑦ ᐊᒃᑐᐊᓂᓕᖕᒦᑦᑐᑦ ᐊᓯᔾᔨᖅᑕᐅᑐᐃᓐᓇᕆᐊᖃᖅᐳᑦ ᓄᑖᙳᕆᐊᖅᑕᐅᓗᑎᒡᓘᓐᓃᑦ ᖃᖓᑐᐃᓐᓇᑦᑎᐊᖅ ᑐᓴᖅᑎᑦᑎᔪᖃᙱᑦᑎᐊᕐᓗᓂ. ᐊᒃᑐᐊᓂᓖᑦ ᑐᑭᓯᒋᐊᕐᕕᖕᒥ ᓇᖕᒥᓂᖅ ᒪᓕᒃᑕᐅᔭᕆᐊᓕᖕᓂ ᑲᒪᒋᔭᐅᔭᕆᐊᓕᖕᓂᓗ ᐱᖃᑐᐃᓐᓇᕆᐊᖃᖅᐳᑦ ᕿᓂᖅᑕᐅᔭᕆᐊᖃᖅᖢᑎᒃ ᕿᒥᕐᕈᔭᐅᓗᑎᒡᓗ.
ᓄᓇᕗᑦ ᒐᕙᒪᖓ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
ᐃᓕᖅᑯᓯᓕᕆᔨᒃᑯᑦ
ᓄᓇᕘᒥ ᓴᓇᙳᐊᖅᑏᑦ ᑲᑐᔾᔨᖃᑎᒌᖏᑦ
Nunavut Tourism
NDC
Inuit Art Foundation
© Department of Economic Development and Transportation | Government of Nunavut