(ᐃᓄᓕᕆᔨᒃᑯᑦ) ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᓕᒻᒪᑦᓴᕐᓂᕐᒧᓪᓗ ᐃᑲᔪᖅᑐᐃᓂᖅ
ᐃᓄᒃᑎᑐᑦ
ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᓕᒻᒪᑦᓴᕐᓂᕐᒧᓪᓗ ᐃᑲᔪᖅᑐᐃᓂᖅ (ALTS)
ᑖᓐᓇ ᐱᓕᕆᐊᑦᓴᖅ ᐃᑲᔪᕐᓂᐊᖅᑐᖅ ᐃᓕᓐᓂᒃ ᐱᓕᒻᒪᑦᓴᕐᓂᖃᖅᑎᓪᓗᑎᑦ ᐃᓕᓐᓂᐊᑲᓐᓂᕐᓂᕐᒧᓪᓘᓐᓃᑦ. ᐅᓄᖅᓯᑎᑦᓯᓇᓱᐊᕐᓂᐅᔪᖅ ᐱᕕᖃᕐᓂᕆᔭᓐᓂᒃ ᓇᓂᓯᓂᕐᒥᒃ ᐃᖅᑲᓇᐃᔮᖃᖏᓐᓇᕐᓂᕐᒧᓪᓗ. ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᓕᒻᒪᑦᓴᕐᓂᕐᒧᓪᓗ ᐃᑲᔪᖅᑐᐃᓂᖅ ᑮᓇᐅᔭᖃᖅᑎᑦᓯᓲᖑᕗᑦ ᑭᓯᐊᓂ ᐊᕐᕌᒍᓕᒫᖅ ᑐᖔᓂᓘᓐᓃᑦ ᐃᓕᓐᓂᐊᖅᑐᓄᑦ ᐃᖅᑲᓇᐃᔮᖅᑖᕈᑕᐅᔪᓐᓇᕐᓂᐊᕐᓗᓂ. ᐃᒪᓐᓇᐅᒐᔪᑉᐸᒃᐳᖅ, ᐱᓕᒻᒪᑦᓴᕐᓂᕐᒧᑦ ᑮᓇᐅᔭᖃᖅᑎᑕᐅᔪᖅ ᑖᔅᓱᒪ ᐱᓕᕆᐊᖑᔫᑉ ᐊᑖᒍᑦ ᒪᕐᕈᐃᓕᖅᑲᖓᕗᖅ: ᐱᓕᒻᒪᑦᓴᕐᓂᖅ ᓴᖅᑭᑎᑦᓯᓴᐅᑎᒋᖃᑦᑕᖅᑐᖅ ᐃᖅᑲᓇᐃᔭᕐᓂᕐᒧᑦ ᑕᒪᓐᓇ ᐱᔭᕇᓚᐅᖅᓗᓂ ᐃᖅᑲᓇᐃᔭᑐᐃᓐᓇᕆᐊᖃᓕᕐᓂᕐᒧᓪᓗ ᐃᓕᓐᓂᐊᑲᓐᓂᕐᓂᕐᒧᓪᓘᓐᓃᑦ ᐱᓕᒻᒪᑦᓴᕐᓂᕐᒧᑦ.
ᐆᒃᑑᑏᑦ ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᓕᒻᒪᑦᓴᕐᓂᕐᒧᓪᓗ ᐃᑲᔪᖅᑐᐃᓂᖅ ᑮᓇᐅᔭᖃᖅᑎᑕᐅᓂᕐᒧᑦ ᐃᓚᒋᓗᒋᑦ:
ᓴᓇᔪᓕᕆᓂᕐᒧᑦ ᐃᓕᓐᓂᐊᕐᓂᖅ.
ᐃᖅᑲᓇᐃᔭᕐᕕᒻᒥ ᐱᓕᒻᒪᑦᓴᕐᓂᖅ.
ᓴᓇᔨᕈᓚᐅᕋᓂ ᐱᓕᒻᒪᒃᓴᕐᓂᖅ
ᓄᓇᕗᒻᒥ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᑲᓐᓂᕈᑎᑦᓴᐃᑦ.
ᐃᖅᑲᐅᒪᒋᑦ ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᓕᒻᒪᑦᓴᕐᓂᕐᒧᓪᓗ ᐃᑲᔪᖅᑐᐃᓂᖅ ᐱᒻᒪᕆᐅᒻᒪᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᓂᒃ ᑖᒃᑯᓇᓂ ᐱᓕᕆᐊᖑᔪᓐᓇᖅᑎᑕᐅᔪᑦ ᑭᓯᐊᓂ ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᓕᒻᒪᑦᓴᕐᓂᕐᒧᓪᓗ ᐃᑲᔪᖅᑐᐃᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᐱᔪᓐᓇᖅᑎᑕᐅᖏᑦᑐᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᓂᒃ ᐊᒻᒪ ᐃᓪᓗᖔᖓᓄᑦ.
ᐱᓇᓱᐊᕆᑦ ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᓪᓗ ᐃᑲᔫᓯᐊᑦ ᐱᓕᕆᐊᒃᓴᕐᒥ ᐱᔭᕇᓗᒋᒃ ᑕᒪᒃᑮᒃ ᐃᖅᑲᓇᐃᔭᕐᓂᕐᒧᑦ ᐃᑲᔪᖅᓯᖅᑕᐅᓂᕐᒥ ᐱᔨᑦᑎᕋᐅᑎᑦ ᐊᒻᒪᓗ ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᓪᓗ ᐃᑲᔫᓯᐊᑦ ᐱᓕᕆᐊᒃᓴᕐᒧᑦ ᐱᓇᓱᐊᕐᓂᕐᒧᑦ ᑕᑕᑎᕆᐊᓕᓐᓂᒃ ᐅᖄᓚᕕᒋᓗᒍᓪᓘᓐᓃᑦ ᐃᖅᑲᓇᐃᔮᕆᔭᐅᔪᒪᔪᓕᕆᔨ ᐅᕙᓂ:
ᕿᑭᖅᑕᓂ − 1.800.567.1514
ᑭᕙᓪᓕᖅ− 1.800.953.8516
ᕿᑎᕐᒥᐅᓂ - 1.800.661.0845
ᐱᔪᓐᓇᖅᑎᑕᐅᔪᑦ
ᑲᓇᑕᒥᐅᑕᓗᓂ ᐅᕝᕙᓘᓐᓃᑦ ᓄᓇᑖᓪᓚᕆᒃᓯᒪᓂᖕᒧᑦ ᓇᓗᓇᐃᒃᑯᑕᖃᕐᓗᓂ.
ᓄᓇᕗᒻᒥᐅᑕᐅᓗᑎᑦ ᓄᓇᕗᒻᒥ ᑮᓇᐅᔭᖅᑖᖃᑦᑕᕈᕕᑦ.
ᐱᓕᒻᒪᑦᓴᕆᐊᖃᕐᓗᑎᑦ ᐃᖅᑲᓇᐃᔮᖅᑖᕈᓐᓇᖁᓗᒋᑦ.
ᐅᑭᐅᖃᕆᐊᓕᒃ 18−ᓂᑦ ᐅᖓᑖᓄᓪᓘᓐᓃᑦ
ᐱᔪᓐᓇᖅᑎᑕᐅᔪᑦ
ᑲᓇᑕᒥᐅᑕᓗᓂ ᐅᕝᕙᓘᓐᓃᑦ ᓄᓇᑖᓪᓚᕆᒃᓯᒪᓂᖕᒧᑦ ᓇᓗᓇᐃᒃᑯᑕᖃᕐᓗᓂ.
ᓄᓇᕗᒻᒥᐅᑕᐅᓗᑎᑦ ᓄᓇᕗᒻᒥ ᑮᓇᐅᔭᖅᑖᖃᑦᑕᕈᕕᑦ.
ᐱᓕᒻᒪᑦᓴᕆᐊᖃᕐᓗᑎᑦ ᐃᖅᑲᓇᐃᔮᖅᑖᕈᓐᓇᖁᓗᒋᑦ.
ᐅᑭᐅᖃᕆᐊᓕᒃ 18−ᓂᑦ ᐅᖓᑖᓄᓪᓘᓐᓃᑦ
ᐃᓱᓕᕝᕕᖓ
ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᓪᓗ ᐃᑲᔫᓯᐊᓄᑦ ᐱᓇᓱᐊᕈᑏᑦ ᑐᓂᔭᐅᔭᕆᐊᓖᑦ ᐅᓪᓗᐃᑦ 30 ᓯᕗᓂᖓᒍᑦ ᐃᓕᓐᓂᐊᕐᓂᖅ ᐱᒋᐊᕐᕕᖓᑕ ᐅᓪᓗᖓ.
ᐃᑲᔪᖅᑐᐃᓂᕐᒧᑦ ᐊᑐᐃᓐᓇᐅᔪᖅ
ᐊᒥᓱᐃᑦ ᐃᑲᔪᖅᑐᐃᓂᕐᒧᑦ ᐊᑐᐃᓐᓇᐃᑦ ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᓪᓗ ᐃᑲᔫᓯᐊᑦ ᐱᔨᑦᓯᖅᑕᐅᔪᓄᑦ:
ᐃᓕᓐᓂᐊᕈᑎᓄᑦ - ᐅᓄᓛᖃᕐᓗᒍ $3,700.00 ᐊᕐᕌᒍᒧᑦ ᐊᑕᐅᓯᕐᒧᑦ - ᓇᓕᖅᑲᖃᕆᐊᓕᒃ.
ᐅᖃᓕᒫᒐᐃᑦ ᓱᓇᒃᑯᑖᓪᓗ − ᐊᒥᓲᓛᖑᔪᓐᓇᖅᑐᖅ $500.00 - ᓇᓕᖅᑲᖃᕆᐊᓕᒃ.
ᐊᔾᔨᐅᖏᑦᑐᐃᑦ ᐱᖁᑏᑦ − ᐊᒥᓲᓛᖑᔪᓐᓇᖅᑐᖅ $5,000.00 - ᓇᓕᖅᑲᖃᕆᐊᓕᒃ.
ᐱᔭᕆᐅᖅᓴᑎᑦᓯᓂᖅ − ᐊᒥᓲᓛᖑᔪᓐᓇᖅᑐᖅ $5,000.00 - ᓇᓕᖅᑲᖃᕆᐊᓕᒃ.
ᐱᓕᒻᒪᑦᓴᓂᕐᒧᑦ ᐃᑲᔫᓯᐊᑦ
ᐱᔭᕆᐊᑐᔪᓄᑦ ᐱᓕᒻᒪᑦᓴᕐᓂᖅ ᐊᔪᙱᑕᖃᕐᓂᕐᒧᓪᓗ ᐱᕙᓪᓕᐊᓂᖅ
$400.00/ᐱᓇᓱᐊᕈᓯᖅ
ᐅᖃᓕᒫᕆᐅᖅᓴᓂᖅ ᐃᖅᑲᓇᐃᔭᕐᕕᒻᒥᓪᓗ ᐱᓕᒻᒪᑦᓴᕐᓂᖅ
$300.00/ᐱᓇᓱᐊᕈᓯᖅ
ᓄᓇᒋᖏᑦᑕᕐᓂ ᐊᖏᕐᕋᒧᑦ ᐃᑲᔫᓯᐊᑦ
$350.00-ᒧᑦ ᑎᑭᓪᓗᒍ ᐱᓇᓱᐊᕈᓰᒃ ᒪᕐᕉᒃ ᐊᓂᒍᕌᖓᑕ (ᐃᓗᖁᑎᑖᕋᓱᓐᓂᕐᒧᑦ ᓄᓇᖁᑎᑖᕋᓱᕐᓂᕐᒧᑦ ᐊᑭᓕᕋᑦᓴᖅ/ᐊᑐᖅᑐᐊᕐᓂᕐᒧᑦ ᐊᖏᖃᑎᒌᒍᑎ ᐱᔭᕆᐊᖃᖅᑐᖅ).
ᐃᖏᕐᕋᔪᑎᓄᑦ
ᖃᖓᑦᑕᐅᑎᑦ ᐃᓕᓐᓂᐊᕆᐊᕐᓗᑎᒃ ᐅᑎᒧᓪᓗ ᐃᓕᓐᓂᐊᕐᕕᒋᓂᐊᖅᑕᖓᓄᑦ.
ᐊᔪᕈᑎᓕᓐᓄᑦ ᐃᑲᔪᖅᑐᐃᓂᖅ
ᐃᓕᓐᓂᐊᕈᑎᓄᑦ - ᐅᓄᓛᖃᕐᓗᒍ $8,000.00 ᐊᕐᕌᒍᒧᑦ ᐊᑕᐅᓯᕐᒧᑦ - ᓇᓕᖅᑲᖃᕆᐊᓕᒃ.
ᐸᐃᕆᔨᓄᑦ
ᐅᓄᓛᖓᓄ ᑎᑭᓪᓗᒍ $450.00/ᑕᖅᑭᒧᑦ ᐱᔪᓐᓇᐅᑎᖃᙱᑦᑐᓄᑦ; $700.00/ᐱᔪᓐᓇᐅᑎᓕᓐᓄᑦ.
ᖃᓄᐃᓕᐅᖅᑕᐅᒋᐊᖃᕐᒪᖔᑦ
ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ ᐅᖃᖃᑎᖃᕐᓗᑎᑦ ᓇᓂᓗᒍᓘᓐᓃᑦ ᐱᓇᓱᐊᕈᑏᑦ ᐅᕙᓂwww.gov.nu.ca
ᐱᓇᓱᐊᕈᑏᑦ ᐱᔭᕇᕐᓗᒍ ᐊᐅᓪᓚᖅᑎᓪᓗᒍᓗ ᐊᒻᒪ ᑎᑎᖅᑲᐃᑦ ᐊᖏᖅᑕᐅᓗᓂ ᐊᕕᑦᑐᖅᓯᒪᔪᓂ ᐃᖅᑲᓇᐃᔮᕆᔭᐅᔪᒪᔪᓕᕆᔨᐅᑉ ᐊᓪᓚᕝᕕᖓᓄᑦ.
ᐱᔭᕇᖅᓯᓗᑎᑦ ᖃᓄᐃᓕᐅᕐᓂᕐᒧᑦ ᐱᕙᒌᔭᕈᑎᒥᒃ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ ᐅᑕᖅᑭᓗᒍᓗ ᐃᖅᑲᓇᐃᔮᕆᔭᐅᔪᒪᔪᓕᕆᔨ ᕿᒥᕐᕈᓗᒍ ᐃᓚᐅᖃᑕᐅᔪᓐᓇᕐᓃᑦ.
ᐊᖏᖅᑕᐅᒍᕕᑦ ᐊᑎᓕᐅᕋᔭᖅᑐᑎᑦ ᐃᑲᔫᓯᐊᕐᒧᑦ ᐊᖏᕈᑎᒥᒃ ᓇᓗᓇᐃᖅᓯᔪᒥᒃ ᑲᒪᒋᔭᕆᐊᖃᖅᑕᕐᓂᒃ ᖃᓄᐃᓕᔾᔪᑕᐅᓇᔭᖅᑐᓪᓗ ᐊᑐᑦᑎᐊᙱᒃᑯᕕᒋᑦ ᑖᒃᑯᐊ. ᐱᑎᑦᓯᔭᕆᐊᖃᕐᓂᐊᕆᕗᑎᑦᑕᐅᖅ ᑮᓇᐅᔭᒃᑯᕕᒻᒧᑦ ᑐᓴᖅᑕᐅᔪᑦᓴᓂᒃ ᑕᒪᒃᑯᐊ ᑮᓇᐅᔭᑎᒍᑦ ᐃᑲᔪᖅᑕᐅᓃᑦ ᑮᓇᐅᔭᒃᑯᕕᒻᒧᐊᖅᑕᐅᑲᐅᑎᒋᔪᓐᓇᕐᓂᐊᕐᒪᑕ.
ᐅᖄᓚᒋᐊᖃᕐᓂᐊᖅᑐᑎᑦ Top of the World or ᐃᕐᖐᓐᓈᖅᑕᐅᒃᑯᑦ @email ᖃᖓᑦᑕᐅᑎᒃᓴᑎᑦ ᐋᖅᑭᑦᑕᐅᔪᓐᓇᖁᓪᓗᒋᑦ ᐱᓕᒻᒪᑦᓴᕆᐊᕐᕕᒋᓂᐊᖅᑕᓐᓄᑦ.
ᐃᓕᓐᓂᐊᖅᑕᑦᓯᓅᕐᓗᑎᑦ ᑲᔪᓯᑦᓯᐊᕐᓗᑎᓪᓗ!
ᐊᑭᓕᕐᓗᒋᑦ ᐊᑭᓕᒃᑲᓐᓂᕆᐊᓖᑦ ᐃᓕᓐᓂᐊᕐᕕᑦᓯᓐᓄᑦ ᐱᓕᒻᒪᑦᓴᐃᔨᒧᓪᓘᓐᓃᑦ.
ᓇᓕᖅᑲᐃᑦ ᑐᓂᓗᒋᑦ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ ᐱᔭᕇᑐᐃᓐᓇᕆᐊᖃᕐᓗᒍᓗ ᐊᑲᐅᓂᖅᓴᒃᑰᕆᐊᖅᑎᑦᑎᓇᓱᖕᓂᕐᒧᑦ ᖃᐅᔨᓴᕈᑎ.
ᐃᖅᑲᐅᒪᔭᕆᐊᖃᖅᑕᑎᑦ
ᐳᐃᒍᖅᑕᐃᓕᒋᑦ, ᑲᒪᒋᔭᒃᓴᖃᕋᕕᑦ ᐃᓕᓐᓂᐊᖅᑎᐅᑎᓪᓗᑎᑦ ᐱᑎᑕᐅᓯᒪᑎᓪᓗᑎᑦ ᒐᕙᒪᒃᑯᑦ ᑮᓇᐅᔭᖁᑎᖏᓐᓂᒃ. ᐅᑯᐊ ᐃᓚᖃᖅᑐᑦ ᐃᓕᓐᓂᐊᖃᑕᐅᑦᑎᐊᖅᑐᓂᒃ, ᓈᒻᒪᒋᔭᐅᔪᓂᒃ ᐃᓕᓐᓂᐊᖃᑕᐅᑦᑎᐊᖅᑐᓂᒃ, ᐊᒻᒪᓗ ᖃᐅᔨᒪᓗᒋᑦ ᑮᓇᐅᔭᑦ ᐃᓕᔅᓯᓐᓄᑦ ᐊᑐᐃᓐᓇᕈᖅᑎᑕᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖃᑕᐅᓂᐊᖅᑎᓪᓗᑎᑦ ᐃᓕᖕᓄᑦ ᐊᑭᓕᖅᑕᐅᓗᑎᒃ ᓯᓚᑦᑐᖅᓴᕐᕕᒋᔭᕐᓄᑦ.
ᐱᓕᕆᔪᓐᓇᖅᑕᑎᑦ ᖃᐅᔨᒪᑦᑎᐊᕐᓂᐊᕐᓗᒋᑦ ᐱᓇᔫᑎᒋᔭᑦ ᐱᓕᕆᐊᖑᑲᐅᖅᑐᕈᓐᓇᕐᓗᓂ ᖃᐅᔨᒪᓗᑎᓪᓗ ᑮᓇᐅᔭᑎᒍᑦ ᐃᑲᔫᓯᐊᕐᓂᐊᕋᓗᐊᕐᒪᖔᖅᐱᑦ ᐃᓕᓐᓂᐊᕐᓇᖅ ᐱᒋᐊᓚᐅᙱᓐᓂᖓᓂ:
ᑐᓂᓗᒍ ᐱᓇᓱᐊᕈᑏᑦ ᐃᑲᔪᖅᑐᐃᔪᓪᓗ ᑎᑎᖅᑲᐃᑦ ᑐᓂᖅᑯᑎᒋᑦᓴᐅᑎᒋᓗᒋᑦ.
ᐃᕐᖐᓐᓈᖅᑕᐅᒃᑯᑦ ᓱᒃᑲᑦᑐᒃᑯᓪᓘᓐᓃᑦ ᐱᓇᓱᐊᕈᑏᑦ ᓇᓗᓇᐃᖅᑕᐅᖁᒋᐊᖃᖅᐸᑦ ᐱᔭᐅᒐᓗᐊᕐᒪᖔᑦ. ᓱᒃᑲᑦᑐᑰᕈᑎᑦ ᓈᒻᒪᙱᓪᓕᐅᕈᑎᖃᕋᔪᒻᒪᑕ ᐊᐅᓪᓚᖅᑎᑕᐅᓇᓱᒃᑎᓪᓗᒋᑦ ᖃᐅᔨᒪᑦᑎᐊᕋᓱᒃᐸᓪᓗᒋᑦ ᑕᑕᑎᖅᓯᒪᔪᑦ ᐃᖅᑲᓇᐃᔮᕆᔭᐅᔪᒪᔪᓕᕆᔨᒨᕋᓗᐊᕐᒪᖔᑕ.
ᐸᕐᓇᐃᓗᑎᑦ ᓇᒻᒥᓂᖅ ᑮᓇᐅᔭᒡᒋᐊᕆᔭᒃᓴᕐᓂᒃ ᐃᑲᔫᑎᒋᓂᐊᖅᑕᕐᓂᒃ ᐱᓗᐊᖅᑐᒥ ᓅᓵᓕᔪᒪᒍᕕᑦ ᓯᓚᑦᑐᖅᓴᕐᕕᖕᒧᑦ/ᐱᓕᒻᒪᑦᓴᐃᔨᒧᓪᓗ ᐃᓪᓗᑖᕆᓂᐊᖅᑕᕐᓂᒃ ᖃᐅᔨᕙᒌᕈᒪᑎᓪᓗᓯ ᐅᕝᕙᓘᓐᓃᑦ ᐸᐃᕆᕕᒃᓯᐅᕐᓂᐊᕈᒪᒍᕕᑦ.
ᖃᓄᐃᑉᐸᓕ ᓄᖅᑲᕈᒪ, ᐱᔭᕇᖏᒃᑯᒪ ᐱᓕᒻᒪᑦᓴᖅᑕᕐᓂᑦ?
ᓯᓚᑦᑐᖅᓴᕐᕕᒃ ᖃᐅᔨᒃᑲᐃᓂᐊᖅᑐᖅ ᐃᖅᑲᓇᐃᔮᕆᔭᐅᔪᒪᔪᓕᕆᔨᓐᓂᑦ ᐃᒪᐃᓐᓂᕈᕕᑦ:
ᐊᑭᓖᖏᒃᑯᕕᑦ;
ᐅᐸᖃᑦᑕᕈᓐᓃᕈᕕᑦ;
ᓄᖅᑲᖓᓂᖅ;
ᐃᓕᓐᓂᐊᖅᑎᐊᖅᓯᒪᑦᑎᐊᕐᓂᕐᒧᑦ ᒪᓕᑦᑕᐅᔭᕆᐊᓕᓐᓂᑦ ᒪᓕᖏᒃᑯᕕᑦ.
ᐃᓂᖅᑎᖅᑕᐅᓗᑎᑦ ᑭᓯᐊᓂ ᐃᓕᓐᓂᐊᖅᑕᓐᓂᑦ ᑲᔪᓯᔪᓐᓇᖏᒃᑯᕕᑦ ᐊᑭᓖᔭᕆᐊᖃᕋᔭᖅᑐᑎᑦ ᐃᑲᔫᑕᐅᔪᓂᑦ ᑮᓇᐅᔭᓂᑦ ᒐᕙᒪᒃᑯᓐᓄᑦ ᓄᓇᕗᒻᒥ.
ᖃᐅᔨᒪᓪᓗᐊᕆᕗᑎᑦ ᓇᓗᓇᐃᒃᑯᑦᑎᖅᑕᐅᓂᐊᕐᓂᕐᓂᒃ ᐃᖅᑲᓇᐃᔮᕆᔭᐅᔪᒪᔪᓕᕆᔨᒃᑯᑦ ᖃᕋᓴᐅᔭᒃᑯᑦ ᑐᖅᑯᖅᑐᐃᕕᖕᒥ ᑭᓯᐊᓂ ᐊᑭᓕᒃᓴᑎᑦ ᐊᓂᒍᖅᑕᐅᒃᐸᑕ ᐊᒻᒪ ᑮᓇᐅᔭᓂᒃ ᐱᔪᓐᓇᔾᔮᙱᖦᖢᑎᑦ ᑖᒃᑯᓇᙵᑦ ᐊᓯᖏᓐᓂᒡᓘᓐᓃᑦ ᐱᓕᕆᐊᓂᒃ ᓲᕐᓗ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᓂᖅ ᐃᓕᓐᓂᐊᕐᓯᓐᓈᑦ ᐱᓕᒻᒪᑦᓴᕐᓂᕐᒧᑦ ᐃᖅᑲᓇᐃᔮᕐᒥ.
ᓯᓚᑦᑐᖅᓴᕐᕕᒻᒧᑦ ᑎᓕᔭᐅᔪᑦ
ᑎᑎᖅᑲᐃᑦ ᕿᒥᕐᕈᑕᐅᓂᖏᑦ
ᓯᕗᓪᓕᖅᐹᖓᓐᓂᑦ ᐊᑐᖅᑕᐅᒋᐊᓕᒃ ᑎᑎᖅᑲᐃᑦ ᕿᒥᕐᕈᔭᐅᓗᓂ ᐱᓇᓱᐊᖅᓯᒪᔪᖅ ᐅᖃᖃᑎᖃᖄᕐᓗᓂ ᐃᖅᑲᓇᐃᔮᕆᔭᐅᔪᒪᔪᓕᕆᔨᖓᓂᒃ. ᖃᓄᑐᐃᓐᓇᖅ ᐊᑲᐅᙱᓕᐅᕈᑕᐅᔪᑦ ᐋᖅᑭᒃᑕᐅᔪᓐᓇᑐᐃᓐᓇᕆᐊᓖᑦ ᑕᒪᐃᓐᓂᒃ ᐱᓕᕆᔨᓂᑦ ᐅᖃᖃᑎᖃᕐᓗᑎᑦ ᑖᒃᑯᐊᓪᓗ ᑐᑭᓯᑎᑦᓯᐊᕐᓗᒋᑦ ᐊᑲᐅᙱᓕᐅᕈᑎᒥᒃ.
ᐊᐃᑉᐸᖓ ᐊᑐᖅᑕᐅᔭᕆᐊᓕᒃ ᐱᔭᕇᖅᓯᓗᓂ ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᓪᓗ ᐃᑲᔫᓯᐊᑦ ᑎᑎᕋᖅᑲᐃᑦ ᕿᒥᕐᕈᔭᐅᓂᕐᒧᑦ ᑕᑕᑎᕆᐊᓕᒻᒥᑦ ᑐᓂᓗᒍᓗ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ ᐊᑐᐃᓐᓇᐅᑎᑦᓯᓂᐊᖅᑐᖅ ᑕᑕᑎᕆᐊᓕᒻᒥᑦ ᐊᓯᖏᓐᓂᓪᓗ ᑐᑭᓯᒋᐊᕈᑎᑲᓐᓂᕐᓂᑦ ᐊᕕᑦᑐᖅᓯᒪᔪᓂᑦ ᐊᖓᔪᖅᑳᕐᒧᑦ/ᐊᐅᓚᑦᓯᔨᒧᑦ. ᐊᖓᔪᖅᑳᖅ ᑎᑎᖅᑲᖁᑎᓂᒃ ᕿᒥᕐᕈᓂᐊᕐᓗᓂ ᐃᓕᓐᓂᓪᓗ ᖃᐅᔨᒋᐊᑐᐃᓐᓇᕆᐊᖃᓛᖅᓱᓂ ᑐᑭᓯᒋᐊᕐᕕᐅᒃᑲᓐᓂᕆᐊᖃᕈᕕᑦ. ᐊᖓᔪᖅᑳᖅ ᐅᕐᓂᕐᓗᒍᑎᓂᒃ ᐱᓯᒪᓕᖅᐸᑦ ᐅᓪᓗᓄᑦ ᑕᓪᓕᒪᓄᑦ ᐃᖅᑲᓇᐃᔭᕐᓇᓂ ᓴᖅᑭᑦᓯᓂᐊᖅᐳᖅ ᐱᓇᓱᐊᖅᑐᒥᓪᓗ ᖃᐅᔨᒃᑲᐃᓗᓂ ᐅᓐᓂᕐᓗᒍᑎᒋᔭᖓᑕ ᖃᓄᐃᓕᖓᓂᖓᓂᒃ.
ᐱᖓᔪᖓᑦ ᐊᑐᖅᑕᐅᔪᓐᓇᖅᑐᖅ ᐊᖓᔪᖅᑳᖅ ᑎᑎᖅᑲᓂᒃ ᕿᒥᕐᕈᓂᐊᖅᑐᖅ ᑐᓂᓯᓂᐊᖅᐳᖅ ᑎᑎᕋᖅᓯᒪᔪᖏᓐᓂᓪᓗ ᐊᐅᓚᑦᓯᔨᖓᓄᑦ ᐃᖅᑲᓇᐃᔮᓂᒃ ᐱᕚᓪᓕᖅᑎᑦᓯᔨᖓᓄᑦ ᕿᒥᕐᕈᑎᑦᑎᓕᕐᓂᐊᕆᓪᓗᓂ. ᐊᐅᓚᑦᓯᔨ ᐃᖅᑲᓇᐃᔮᓂᒃ ᐱᕚᓪᓕᖅᑎᑦᓯᔨᖓ ᐅᓪᓗᓂᒃ ᑕᓪᓕᒪᓂᒃ ᐃᖅᑲᓇᐃᔭᕐᓇᓂ ᕿᒥᕐᕈᔪᓐᓇᕐᓂᐊᖅᐳᖅ, ᓇᓗᓇᐃᖅᓯᓗᓂᓗ ᖃᓄᐃᓕᕐᓂᖓ ᕿᒥᕐᕈᓂᐅᔪᖅ ᖃᐅᔨᒃᑲᐃᓗᓂᓗ ᐱᓇᓱᐊᖅᑐᒥᒃ.
ᑭᖑᓪᓕᐹᖅ ᐊᑐᖅᑕᐅᓇᔭᖅᑐᖅ ᐱᓕᕆᐊᖑᓕᖅᑎᓪᓗᒍ ᐱᓇᓱᐊᖅᑐᖅ ᓱᓕ ᓈᒻᒪᒃᓴᖏᑉᐸᑦ ᓱᓕ ᑎᑎᖅᑲᖁᑎᖏᑦ ᕿᒥᕐᕈᔭᐅᑎᓪᓗᒋᑦ ᖃᓄᐃᓕᖓᓂᖓᓂᑦ. ᒫᓐᓇᐅᔪᖅ ᑖᓐᓇ ᐃᑲᔪᖅᑕᐅᔪᖅ ᑐᑦᓯᕋᕈᓐᓇᖅᑐᖅ ᐅᓂᕐᓗᓐᓂᕐᒧᑦ ᑐᑭᒧᐊᑦᑎᑦᓯᔨᒧᑦ ᐃᖅᑲᓇᐃᔮᓄᑦ ᐱᕚᓪᓕᖅᑎᑦᓯᔨᒧᑦ ᕿᒥᕐᕈᓇᔭᖅᑐᖅ ᑎᑎᖅᑲᓂᑦ, ᓇᓗᓇᐃᖅᓯᓂᕐᒧᑦ ᖃᓄᐃᓕᖓᓕᖕᒪᖔᑦ ᖃᐅᔨᒃᑲᐃᓗᓂᓗ ᐱᓇᓱᐊᖅᑐᒥᒃ. ᑐᑭᒧᐊᑦᑎᑦᓯᔨ ᑕᒪᑐᒥᖓ ᐱᓕᕆᓂᐊᖅᐳᖅ ᐅᓪᓗᐃᑦ ᑕᓪᓕᒪᑦ (5) ᐃᖅᑲᓇᐃᔭᕐᓇᐃᑦ ᐃᓗᐊᓂ ᕿᒥᕐᕈᑎᓪᓗᒍ. ᑖᓐᓇ ᐃᓱᒪᓕᐅᕈᑕᐅᔪᖅ ᐊᓯᔾᔨᖅᑕᐅᔪᓐᓇᖏᑦᑐᖅ.
ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᓪᓗ ᐃᑲᔫᓯᐊᑦ ᐱᓕᕆᐊᑦ ᐊᑲᐅᓛᒃᑯᑦ ᐱᓕᕆᐊᖑᓲᖑᕗᑦ ᖃᐅᔨᒪᔭᐅᖁᓪᓗᒋᑦ ᐱᓇᓱᐊᕈᑎᓕᒫᑦ ᕿᒥᕐᕈᔭᐅᑦᓯᐊᖃᑦᑕᕋᓗᐊᕐᒪᖔᑕ ᓈᒻᒪᒃᑐᒃᑯᑦ, ᐊᔾᔨᒌᒃᑎᑕᐅᔪᒃᑯᑦ ᒪᓕᓪᓗᒍᓪᓗ ᐃᖅᑲᓇᐃᔮᖅᑖᖅᑎᑦᓯᓂᕐᒧᑦ ᐊᖏᕈᑎ ᐊᒻᒪᓗ ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᓪᓗ ᐃᑲᔫᓯᐊᑦ ᐱᓕᕆᐊᑦ ᖃᐅᔨᒪᔾᔪᑎᖏᑦ. ᑖᒃᑯᐊᖑᒐᓗᐊᖅᑎᓪᓗᒋᑦ ᐊᑲᐅᓛᒃᑯᑦ ᐱᓕᕆᐊᖑᓲᑦ ᐱᑕᖃᓚᐅᓲᖑᖕᒥᖕᒪᑦ ᑎᑎᕋᕐᕕᖕᒥ ᐱᓕᕆᐊᖑᔪᑦ ᑕᒻᒪᖅᑕᖅᓯᒪᓚᐅᖅᐸᖕᓂᖏᓐᓄᑦ. ᐅᑉᐱᕈᓱᒃᑯᕕᑦ ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᓪᓗ ᐃᑲᔫᓯᐊᑦ ᐊᑐᐊᒐᖏᑦ ᑕᒻᒪᖅᑕᐅᓚᐅᕐᓂᖏᓐᓂᒃ ᐱᓇᓱᐊᕈᑎᓐᓂᑦ ᐅᕝᕙᓘᓐᓃᑦ ᓇᒻᒥᓂᖅ ᖃᓄᐃᓕᖓᓂᕐᓄᑦ, ᑎᓕᐅᖅᑕᐅᕗᑎᑦ ᕿᒥᕐᕈᖁᔨᓗᑎᑦ ᑎᑎᖅᑲᖁᑎᓐᓂᒃ. ᐅᑯᐊ ᐱᓕᕆᔾᔪᓯᑦ ᐋᖅᑭᒃᑕᐅᓯᒪᖃᓯᐅᑎᔪᑦ ᖃᐅᔨᒪᔭᐅᖁᓪᓗᒋᑦ ᓈᒻᒪᖅᑰᑦᑎᒐᓗᐊᕐᒪᖔᑕ ᐊᔾᔨᒌᒃᑎᑕᐅᒐᓗᐊᕐᒪᖔᑕᓗ ᕿᒥᕐᕈᔭᐅᑎᓪᓗᒋᑦ ᐱᓇᔫᑎᑦ ᐊᒻᒪ ᑎᑎᖅᑲᖁᑎᑎᑦ. ᐊᓂᒍᖅᑎᑕᐅᓇᓱᒃᑯᑦ ᑖᒃᑯᓇᓂ ᐱᓕᕆᔾᔪᓯᕐᓂᒃ ᐅᖓᕙᕆᐊᕈᑕᐅᑲᑕᑐᐃᓐᓇᕐᓂᐊᖅᑐᑦ.
30 ᐅᓪᓗᐃᑦ ᐃᓱᓕᕝᕕᒃᓴᖓ
ᖃᐅᔨᒃᑲᖅᑕᐅᓚᐅᖅᑎᓪᓗᑎᑦ ᐅᓪᓗᐃᑦ 30 ᑐᑦᓯᕋᕈᓐᓇᖅᑐᑎᑦ ᑎᑎᖅᑲᖁᑎᑎᑦ ᕿᒥᕐᕈᔭᐅᖁᓗᒋᑦ. ᑎᓕᐅᖅᑕᐅᕗᑎᑦ ᐊᑐᖁᔭᐅᓪᓗᑎ ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᐱᔭᕆᐅᖅᓴᓂᕐᒧᓪᓗ ᐃᑲᔫᓯᐊᓄᑦ ᐅᓐᓂᕐᓗᓐᓂᕐᒧᑦ ᑕᑕᑎᕆᐊᓕᒃᒥ ᓇᓂᔭᐅᔪᖅ ᐅᕙᓂ. ᖃᐅᔨᒃᑲᖅᑕᐅᒍᕕᑦ ᑎᑎᖅᑲᑎᒍᑦ, ᐅᓗᐃᑦ 30 ᐱᒋᐊᕐᓂᐊᕐᓂᖏᓐᓂᒃ ᐅᓪᓗᐃᑦ ᖁᓕᑦ ᑎᑎᖅᑲᖅ ᐊᐅᓪᓚᖅᑎᑕᐅᓚᐅᖅᑎᓪᓗᒍ. ᐄᕐᖐᓐᓈᖅᑕᐅᒃᑯᑦ ᖃᐅᔨᒃᑲᖅᑕᐅᒍᕕᑦ, ᐅᓪᓗᐃᑦ 30 ᐱᒋᐊᕋᔭᖅᐳᑦ ᐅᓪᓘᒃ ᒪᕐᕉᒃ ᐃᕐᖐᓐᓈᖅᑕᐅᑦ ᓇᑦᓯᐅᔾᔭᐅᓚᐅᖅᑎᓪᓗᒍ. ᐅᖄᓚᐅᑎᒃᑯᑦ ᓇᓗᓇᐃᕐᕕᐅᒍᕕᑦ, ᑐᓴᖅᑎᑦᓯᔾᔪᑎᒥ ᕿᒪᐃᓗᑎᑦ, ᐅᓪᓗᐃᑦ 30 ᐱᒋᐊᕋᔭᖅᓱᓂ ᐅᓪᓗᖓᓂ ᐅᖄᓚᕕᐅᓚᐅᖅᑎᓪᓗᑎᑦ.