ᐅᓪᓗᓕᒫᖅ ᐃᓕᓐᓂᐊᓕᓵᖅᑐᓂᒃ ᓯᕗᓪᓕᖅᐹᒥ ᖃᐅᔨᓴᕐᓂᐅᔪᒥᒃ ᐱᓕᕆᐊᖑᔪᖅ
ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑭᑎᑦᓯᕗᑦ ᐅᓪᓗᓕᒫᖅ ᐃᓕᓐᓂᐊᓕᓵᖅᑐᑦ ᐃᓕᓐᓂᐊᖃᑦᑕᓚᖓᒋᐊᖏᓐᓂᒃ ᓄᓇᕘᓕᒫᒥ ᐱᒋᐊᕐᓗᑎᒃ ᓯᕗᓪᓕᖅᐹᒥᒃ ᖃᐅᔨᓴᕐᓂᐅᔪᒥᒃ ᑕᓪᓕᒪᓂᒃ ᐃᓕᓐᓂᐊᕐᕕᓐᓂ 2023-2024 ᐃᓕᓐᓂᐊᕐᓇᐅᑉ ᐊᕐᕌᒍᖓᓂ. ᐃᓕᓐᓂᐊᕐᕖᑦ ᐃᓚᐅᔪᑦ ᐅᑯᐊᖑᕗᑦ:
- ᓇᓄᖅ ᐃᓕᓐᓂᐊᕐᕕᒃ, ᓂᐊᖁᙴ
- ᖃᖅᑲᓕᒃ ᐃᓕᓐᓂᐊᕐᕕᒃ, ᑭᒻᒥᕈᑦ
- ᕕᒃᑐᕐ ᓴᒻᒧᖅᑐᖅ ᐃᓕᓐᓂᐊᕐᕕᒃ, ᐃᒡᓗᓕᒑᕐᔪᒃ
- ᐃᓄᒡᓚᒃ ᐃᓕᓐᓂᐊᕐᕕᒃ, ᑎᑭᕋᕐᔪᐊᖅ
- ᔨᒥ Hᐃᑯᒃ ᐃᓕHᐊᒃᕕᒃ, ᖁᕐᓗᖅᑐᖅ
2023-2024 ᐅᓪᓗᓕᒫᖅ ᐃᓕᓐᓂᐊᓕᓵᖅᑐᑦ ᓯᕗᓪᓕᖅᐹᒥᒃ ᖃᐅᔨᓴᕐᓂᐅᔪᒥᒃ ᐃᑲᔫᑕᐅᓪᓗᓂ ᐱᓕᕆᐊᖑᕙᓪᓕᐊᔪᒧᑦ ᐱᓕᕆᔾᔪᓯᕐᒧᑦ ᓴᖅᑭᑕᐅᔪᒧᑦ.
ᐃᓕᓐᓂᐊᕈᑕᐅᔪᖅ ᓯᕗᓪᓕᖅᐹᒥᒃ ᖃᐅᔨᓴᕐᓂᐅᔪᒥᒃ ᐊᑐᖅᑕᐅᓂᐊᖅᐳᖅ ᑐᓴᖅᑎᑦᓯᓂᕐᒧᑦ ᐃᓕᓐᓂᐊᖅᑐᓕᕆᔨᒃᑯᑦ ᐊᑯᓂᐅᔪᒧᑦ ᐸᕐᓇᒍᑎᖓᓂᒃ ᐊᒻᒪᓗ ᓇᓗᓇᐃᖅᓯᓗᓂ ᑲᔪᓰᓐᓇᕈᓐᓇᖅᑐᒥᒃ ᐊᑐᓕᖅᑎᑦᓯᓂᕐᒥᒃ ᐅᓪᓗᓕᒫᖅ ᐃᓕᓐᓂᐊᓕᓵᖅᑐᓄᑦ ᓄᓇᕗᓕᒫᒥ ᐃᓕᓐᓂᐊᕐᕕᓐᓂ.
ᑐᑭᓯᒋᐊᒃᑲᓐᓂᕈᒪᒍᕕᑦ:
ᐱᓕᕆᐊᖑᓯᒪᔪᑦ ᐃᓕᓐᓂᐊᓕᓵᖅᑐᑦ ᐅᓪᓗᓕᒫᕈᓐᓇᕐᒪᖔᑦ ᖃᐅᔨᓴᕈᑕᐅᓂᐊᖅᑐᖅ ᐊᐱᖁᑏᑦ ᐊᒻᒪ ᑭᐅᔾᔪᑏᓪᓗ − ᐅᓪᓗᓕᒫᖅ ᐃᓕᓐᓂᐊᓕᓵᖅᑐᓄᑦ