ᐃᓕᑦᑎᕙᓪᓕᐊᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐃᓕᓐᓂᐊᖅᑕᐅᔪᒃᓴᑦ
ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᕐᕕᖕᒥᑦ ᐃᓕᓐᓂᐊᕐᑎᑦᑎᕙᒃᐳᑦ ᐱᓕᒻᒪᒃᓴᐃᕙᒃᖢᑎᒡᓗ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᓐᓄᑦ ᓄᓇᕗᓕᒫᒥᑦ. ᐱᓕᒻᒪᒃᓴᐃᓂᖅ ᐊᔪᕈᓐᓃᖅᐹᓪᓕᕈᑕᐅᓇᓱᐊᖅᐳᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᕐᓂᐊᕐᓗᓂ ᑲᔪᖏᖅᓴᐃᓗᓂᓗ ᐃᖅᑲᓇᐃᔮᖃᓪᓚᕆᖕᓂᖕᒧᑦ ᐱᕙᓪᓕᐊᓂᖕᒥᑦ. ᑭᖑᓪᓕᖅᐹᒥᑦ, ᐃᖅᑲᓇᐃᔭᕐᕕᖕᒥᑦ ᐃᓕᓐᓂᐊᕐᓂᖅ ᐱᓕᒻᒪᒃᓴᕐᓂᕐᓗ ᐱᕚᓪᓕᕈᑕᐅᓇᔭᖅᐳᖅ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖁᑎᖏᑦ ᓄᓇᕗᒻᒥᐅᓄᑦ.
ᖃᓄᐃᑦᑐᓂᑦ ᐃᓕᓐᓂᐊᒐᒃᓴᖅᑕᖃᖕᒪᑦ?
ᐃᓕᑦᑎᕙᓪᓕᐊᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐃᓕᓐᓂᐊᖅᑕᐅᔪᒃᓴᑦ ᒪᑯᐊ:
- ᐊᒡᓚᒡᕕᓕᕆᓂᕐᒧᑦ
- ᑐᓴᒐᒃᓴᓕᕆᓂᕐᒧᑦ
- ᖃᕆᓴᐅᔭᓕᕆᓄᖕᒧᑦ
- ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔩᑦ
- ᑲᒪᔨᐅᓂᖅ ᓯᕗᓕᖅᑎᐅᓂᕐᓗ
- ᐱᓕᕆᐊᓄᑦ ᐊᐅᓚᑦᑎᓂᖅ
ᖃᓄᕐᓕ ᐃᓕᓐᓂᐊᕈᑎᓂᑦ ᐱᕙᓪᓕᐊᓂᖕᒧᓪᓗ ᐊᑐᕐᐸᖕᒪᑕ?
ᐃᓕᓐᓂᐊᕐᑎᑦᑎᓲᑦ ᐃᓕᓐᓂᐊᕐᕕᖕᒥᑦ ᖃᕆᑕᐅᔭᒃᑯᓪᓗᖅᑕᐅᖅ ᑕᕐᕆᔭᐅᑎᒃᑯᓪᓘᓐᓃᑦ ᑲᑎᒪᓂᒃᑯᑦ.
ᑭᓇ ᐃᓕᓐᓂᐊᕐᑎᑦᑎᖃᑦᑕᖕᒪᑦ?
ᐃᓕᓐᓂᐊᕐᑎᑦᑎᓲᑦ ᑳᓐᑐᕌᓕᖕᓂᑦ ᐊᔪᙱᑦᑐᓂᑦ ᐱᓕᒻᒪᒃᓯᒪᔪᓂᒡᓗ ᐃᓕᓴᐃᔨᓂᑦ ᐱᓕᒻᒪᒃᓴᐃᔨᐅᕙᒃᑐᓂᒡᓗ.
ᖃᓄᐃᑦᑐᓂᒡᓕ ᒫᓐᓇ ᐃᓕᓐᓂᐊᒐᒃᓴᖃᖅᐸ?
ᐃᓕᓐᓂᐊᒐᒃᓴᓕᒫᑦᑎᐊᑦ ᑎᑎᕋᖅᓯᒪᔪᑦ ᓄᓇᕗᑦ ᒐᕙᒪᒃᑯᖏᑦᑕ ᐱᓕᒻᒪᒃᓴᓂᖕᒧᑦ ᐅᓪᓗᕐᓯᐅᑖᓂᑦ ᓴᖅᑭᔮᖅᑎᑕᐅᕙᒃᖢᑎᒃᓗ ᐃᓗᐊᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᓐᓄᑦ. ᐃᓕᓐᓂᐊᒐᒃᓴᐃᓪᓗ ᐃᓚᔭᐅᖏᓐᓇᕐᐸᒃᖢᑎᒃ ᐱᓕᒻᒪᒃᓴᓂᖕᒧᑦ ᐅᓪᓗᕐᓯᐅᑖᓄᑦ ᐊᕐᕌᒎᑉ ᐃᓗᐊᓂ.
ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑎᓕᐅᕈᒪᒍᕕᓪᓘᓐᓃᑦ ᐱᓕᒻᒪᒃᓴᒐᒃᓴᓄᑦ, ᓄᓇᕗᑦ ᒐᕙᒪᒃᑯᖏᑦᑕ ᐱᓕᒻᒪᒃᓴᓂᖕᒧᑦ ᐅᓪᓗᕐᓯᐅᑖᓄᐊᕐᓗᑎᑦ ᐅᕙᓂ http://www.gov.nu.ca/training-calendar ᐃᕐᖐᓐᓇᒃᑰᕈᑖᓄᓪᓘᓐᓃᑦ @email.