ᐋᓐᓂᐊᑯᑖᕐᓇᖅᑐᑦ
ᐋᓐᓂᐊᑯᑖᖑᕙᒃᑐᑦ ᖃᓂᒻᒪᓰᑦ ᐱᒋᐊᒐᔪᓲᖑᕗᑦ ᓇᓗᓇᙱᖦᖢᑎᒃ ᓇᓗᓇᖅᖢᑎᒃᓘᓐᓃᑦ ᐊᒻᒪᓗ ᐱᕙᓪᓕᐊᕋᔮᓲᖑᓪᓗᑎᒃ ᐊᔪᓕᕈᑕᐅᓕᖅᖢᑎᒃᓗ ᐃᓅᑉ ᐊᐅᓚᓐᓂᖓᓄᑦ. ᐋᓐᓂᐊᑯᑖᖑᕙᒃᑐᑦ ᖃᓂᒻᒪᓰᑦ (ᑕᖅᑭᑦ ᐱᖓᓱᓄ ᐊᑯᓂᐅᓂᕐᓴᓄᓪᓘᓐᓃᑦ) ᐱᐅᔪᓐᓃᖅᐸᓪᓕᐊᔾᔪᑕᐅᕙᒃᖢᑎᒃ ᐊᐅᓚᑕᐅᑦᑎᐊᙱᒃᑳᖓᒥᒃ. ᐃᓅᑉ ᐃᓅᓯᐊᓂᑦ ᖃᖓᑐᐃᓐᓇᖅ ᐃᓅᓯᖓᓐ+ᓂᑦ ᐊᒃᑐᐃᑐᐃᓐᓇᕈᓐᓇᖅᖢᓂ, ᓴᖅᑭᓐᓂᕐᓴᐅᒐᔪᒃᑲᓗᐊᕐᖢᓂ ᐃᓄᐃᑦ ᐃᓐᓇᕈᖅᐸᓪᓕᐊᓕᕌᖓᒥᒃ.
ᐋᓂᐊᑯᑖᖑᒋᔭᐅᒐᔪᒃᑐᑦ ᖃᓂᒻᒪᓰᒃ ᐅᑯᐊᖑᕗᐃᑦ:
- ᐆᒻᒪᑎᕐᓗᒃᓂᖅ
- ᖃᕆᑕᒃᑯᑦ ᓯᒻᒥᐅᑎᓯᒪᓂᖅ
- ᐋᓐᓂᐊᖅ (ᑳᓐᓱ)
- ᐳᕙᒃᑯᑦ ᖃᓂᒻᒪᓰᑦ
- ᑎᒥᒃᑯᑦ ᓱᑲᖃᓗᐊᖕᓂᖅ 2-ᒥᑦ ᐃᓱᒪᖏᑎᒍᑦ ᖃᓂᒻᒪᓰᑦ
ᐊᑦᑕᖕᓇᕈᑕᐅᔪᑦ
ᐅᑭᐅᕆᔭᐅᔪᑦ, ᑭᓲᓂᖓ (ᐊᖑᑦ/ᐊᕐᓇᖅ) ᐊᒻᒪᓗ ᓯᕗᓂᖅᓱᕈᑎᓂᙶᖅᑐᑦ ᐊᑦᑕᖕᓇᕈᑕᐅᔪᑦ ᐱᕙᓪᓕᐊᓂᐅᓇᔭᖅᑐᓄᑦ ᐋᓂᐊᑯᑖᒍᑕᐅᓕᕋᔭᖅᑐᓄᑦ ᐊᓯᔾᔨᖅᑕᐅᔪᓐᓇᕋᑎᒡᓗ. ᑭᓯᐊᓂ, ᐊᓯᖏᓐᓂᒃᑕᐅᖅ ᐊᑦᑕᖕᓇᕈᑎᑕᖃᐅᕐᒥᖕᒪᑦ ᓲᕐᓗ ᑎᑎᕋᖅᓯᒪᔪᑦ:
- ᐃᒥᐊᓗᖃᑦᑕᖕᓂᖅ
- ᐊᐅᑉ ᖁᕝᕙᓯᖕᓂᖓ
- ᐊᐅᒃᑯᑦ ᐅᖅᓱᖃᓗᐊᖕᓂᖅ
- ᖁᐃᓂᓗᐊᖕᓂᖅ, ᐅᕝᕙᓘᓐᓃᑦ ᐅᖁᒪᐃᓗᐊᖕᓂᖅ
- ᓂᕆᑦᑎᐊᖃᑦᑕᙱᓐᓂᖅ
- ᓄᖅᑲᖓᓗᐊᖕᓂᖅ
- ᓱᐴᖅᑐᖃᑦᑕᖕᓂᖅ
ᖃᓄᐃᑦᑕᐃᓕᒪᔾᔪᑕᐅᔪᓐᓇᖅᑐᑦ
ᑭᒃᑯᓕᒫᑦ ᐊᑦᑕᖕᓇᖅᑐᒦᑦᑐᓐᓇᖅᑐᑦ ᐋᓐᓂᐊᑯᑖᖑᕙᒃᑐᓂᑦ ᖃᓂᒻᒪᓯᓄᑦ, ᑭᓯᐊᓂᓕ ᐃᒻᒥᓂ ᓴᐳᑎᔪᓐᓇᕐᓂᖅᓴᐅᕗᑎ. ᐊᑲᐅᓛᑦ ᐊᔪᕐᓇᙱᓛᓪᓗ ᖃᓄᐃᑦᑕᐃᓕᒪᔾᔪᑎᒋᔪᓐᓇᖅᑕᑎᑦ ᐋᓐᓂᐊᑯᑖᒧᑦ ᖃᓂᒻᒪᓯᖕᓂᑦ ᐅᑯᐊᖑᕗᑦ:
- ᓱᐴᖅᑐᖃᑦᑕᕈᓐᓃᕐᓗᑎᑦ: ᓱᐴᖅᑐᖃᑦᑕᖕᓂᖅ ᐱᔾᔪᑕᐅᕗᖅ ᐊᒥᓱᓄᑦ ᐋᓐᓂᐊᑯᑖᓄᑦ ᖃᓂᖅᒪᓯᓄᑦ
- ᐆᒻᒪᕆᖕᓂᖅ: ᐊᐅᓚᖃᑦᑕᖕᓂᖅ ᓴᙱᑦᑎᔾᔪᑕᐅᕙᒃᐳᖅ ᑎᒥᒧᑦ ᐊᒻᒪᓗ ᓴᐳᒻᒥᔾᔪᑎᓄᑦ
- ᓂᕆᑦᑎᐊᖃᑦᑕᖕᓂᖅ: ᓂᕿᑦᑎᐊᕙᐃᑦ ᓰᕐᓇᖅᑐᓪᓗ ᐱᕈᖅᑐᓪᓗ ᐱᒻᒪᕆᐅᕗᑦ ᐋᓐᓂᐊᖅᑕᐃᓕᒪᔾᔪᑎᒧᑦ
- ᐃᒥᓗᐊᖃᑦᑕᖏᓐᓂᖅ: ᐃᒥᖃᑦᑕᓗᐊᖕᓂᖅ ᐊᑦᑕᖕᓇᕈᑕᐅᓕᒃᑲᓐᓂᖃᑦᑕᕐᐳᑦ ᐋᓐᓂᐊᑯᑖᓄᑦ ᖃᓂᒻᒪᓯᐅᔪᓄᑦ
ᑐᑭᓯᒋᐊᒃᑲᓐᓂᕈᒪᓂᖕᒧᑦ
ᑐᑭᓯᒋᐊᒃᑲᓐᓂᕈᒪᒍᕕᑦ, ᐋᓐᓂᐊᕐᕕᔅᓯᓐᓄᑦ ᖃᐅᔨᒋᐊᕐᓗᑎᑦ ᐅᕝᕙᓘᓐᓃᑦ ᐋᓐᓇᐊᖃᖕᓇᙱᑦᑐᓕᕆᔨᒃᑯᓐᓄᑦ ᐅᕗᖓ ᐅᖃᓗᒃᓗᑎᑦ (867) 975-5700.