ᐃᖅᑲᓇᐃᔭᖅᑎᓕᕆᓂᕐᒧᑦ ᐋᖅᑭᑦᓱᐃᔨ

ᐅᓇ ᐃᖅᑲᓇᐃᔮᒃᓴᖅ ᐃᖃᓗᖕᒥᐅᑕᑐᐊᓄᑦ ᒪᑐᐃᖓᔪᖅ.

ᐅᓂᒃᑳᖅᐸᓪᓗᓂ ᐊᐅᓚᑦᓯᔨᖓᓄᑦ, ᐃᖅᑲᓇᐃᔭᖅᑐᓕᕆᔨᒃᑯᑦ (ᐊᐅᓚᑦᓯᔨ), ᐃᖅᑲᓇᐃᔭᖅᑐᓕᕆᓂᕐᒧᑦ ᐋᖅᑭᑦᓱᐃᔨ (ᑲᒪᔨ) ᐊᑐᐃᓐᓇᐅᑎᑐᑦᓯᖃᑦᑕᕐᓂᐊᖅᑐᖅ ᐅᖃᐅᔾᔪᐃᒋᐊᖏᓐᓇᕐᓂᕐᒧᑦ ᐃᑲᔪᖅᑐᐃᓂᕐᒧᓪᓗ ᐱᓕᕆᕝᕕᓕᒫᓂ ᐃᖅᑲᓇᐃᔭᖅᑎᖏᓐᓂᒃ ᐊᐅᓚᑦᓯᓂᕐᒧᑦ ᐃᖅᑲᓇᐃᔭᖃᑎᒌᓂᒃ ᐃᖅᑲᓇᐃᔭᖅᑎᑖᖅᐸᓪᓕᐊᓂᕐᒥᒃ, ᐃᖅᑲᓇᐃᔭᖅᑎᓂᒃ ᐱᓕᒻᒪᒃᓴᕐᓂᕐᒥᒃ ᐱᕙᓪᓕᐊᑎᑦᓯᓂᕐᒥᓪᓗ, ᐃᖅᑲᓇᐃᔭᖃᑎᒌᑦ ᐱᓕᕆᕙᓐᓂᖏᓐᓄᑦ ᐊᒻᒪ ᐃᓂᖅᑎᕆᓂᕐᒧᑦ ᐱᓕᕆᐊᕆᔭᐅᕙᑦᑐᓂ, ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐅᓂᒃᑳᓕᐅᕐᓂᕐᒥᒃ ᐊᒻᒪ ᑲᔪᓰᓐᓇᖅᑐᓂ ᐱᓕᕆᐊᕆᔭᐅᔪᓂ ᐊᐅᓚᑦᓯᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᒃ ᒪᓕᓪᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᑐᖅᑐᓂᒃ  ᒪᓕᒐᕐᓂ, ᐊᑐᐊᒐᓂᒃ, ᐊᑐᖅᑕᐅᔾᔪᓯᖏᓐᓂᒃ ᐊᒻᒪ ᐃᖅᑲᓇᐃᔭᖅᑎᓄᑦ ᐊᖏᖃᑎᒌᒍᑎᓂᒃ.    ᐃᖅᑲᓇᐃᔭᖅᑎ ᐃᓚᒋᔭᐅᓪᓚᕆᒃᐸᖕᓂᐊᕆᕗᖅ ᐃᓚᔭᐅᕙᓪᓕᐊᔭᕆᐊᖃᖅᑐᓂ ᖃᐅᔨᓴᖅᐸᓪᓕᐊᓂᕐᒥᒡᓗ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐱᕙᒌᔭᐅᒻᒥᑦ. ᐋᕿᑦᓱᐃᔨ ᐃᑲᔪᖃᑦᑕᕐᓂᐊᕐᑐᖅ ᐱᕙᓪᓕᐊᓂᕐᒥᑦ, ᐊᑐᓕᖅᑎᑦᓯᓂᕐᒥᑦ, ᖃᐅᔨᓴᕐᓂᕐᒥᒃ ᖃᐅᔨᓴᕐᓗᓂᓗ ᐊᑕᖐᑦᓯᐊᖅᑐᓂᑦ ᐱᓕᒻᒪᒃᓴᕐᓂᕐᒥᑦ ᐊᒻᒪᓗ ᐃᖃᓇᐃᔭᖅᑖᖅᑐᓕᕆᓂᕐᒧᑦ ᐱᕙᒌᔭᐃᓂᕐᒥᑦ ᐊᒻᒪ ᐊᑐᐃᓐᓇᐅᑎᑦᓯᓂᕐᒧᑦ ᐱᓕᕆᔾᔪᑎᓄᑦ ᐃᑲᔪᖅᑐᐃᓂᕐᒧᑦ ᐊᒻᒪᓗ ᐊᑐᐊᒐᓂᑦ ᖃᐅᔨᒪᑎᑦᓯᓂᕐᒥᑦ ᐱᓕᕆᕝᕕᐅᔪᓄᑦ ᐃᖅᑲᓇᐃᔭᖅᑐᓕᕆᓂᕐᒧᓪᓗ ᐱᕙᓪᓕᐊᑎᑦᓯᓂᕐᒧᑦ ᐃᖅᑲᓇᐃᔭᖅᑎᓂᓪᓗ ᐱᓕᒻᒪᑦᓴᖅᑎᑦᓯᓂᕐᒧᑦ.

ᐋᖅᑭᑦᓱᐃᔨ ᐊᑐᐃᓐᓇᐅᑎᑦᓯᕙᑦᑐᖅ ᑲᔪᓰᓐᓇᕐᑐᒥᑦ ᐃᑲᔪᖅᑐᐃᓂᕐᒥᑦ ᐊᖓᔪᖄᒻᒪᕆᓐᓄᑦ ᐱᓕᕆᕝᕕᐅᔪᒥᒃ ᓇᓗᓇᐃᔭᐃᓂᕐᒧᑦ ᑲᔪᓯᑎᑦᓯᓂᕐᒧᑦ ᐊᑑᑎᖃᑦᓯᐊᕐᑐᒥᑦ ᐃᖃᓇᐃᔭᖅᑐᓕᕆᓂᕐᒧᑦ ᐊᑐᐊᒐᖏᓐᓂᑦ ᐱᓕᕆᔾᔪᓯᖏᓐᓂᓪᓗ. ᐊᒻᒪᓗ, ᐃᖅᑲᓇᐃᔮᖅ ᐃᓚᐅᖃᑦᑕᕐᓂᐊᖅᐳᖅ ᐱᓕᕆᕝᕕᒻᒥ ᐊᒻᒪ ᐱᓕᕆᕝᕕᒻᒥᐅᑕᐅᖃᑎᒌᙱᑦᑐᑦ ᐱᓕᕆᐊᓄᑦ, ᐱᓕᕆᕝᕕᒻᒥ ᐊᑐᐊᒐᓕᐅᖅᐸᓪᓕᐊᔪᓂᒃ ᐊᒻᒪ ᐅᖃᐅᔾᔨᒋᐊᖅᑎᐅᕙᓪᓗᓂ ᐃᑲᔪᖅᐸᑦᓱᓂᓗ ᐊᐅᓚᑦᓯᔨᓄᑦ ᐱᕙᓪᓕᐊᑎᑦᓯᑎᓪᓗᒋᑦ ᐃᖅᑲᓇᐃᔮᒧᑦ ᐊᔪᙱᓐᓂᕆᔭᐅᔪᓂᒃ, ᐋᖅᑭᒋᐊᖅᓯᕙᓪᓗᓂ ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖏᓐᓂᒃ ᐊᓯᖏᓐᓂᓪᓗ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᐅᓚᓂᕆᔭᖏᓐᓂᒃ, ᐅᑯᓂᖓᓗ ᐱᓕᕆᐊᖏᓐᓂᒃ ᐊᐅᓚᑦᓯᓂᕐᒧᑦ.

ᐊᐅᓚᑦᑎᔨ ᐱᑎᑦᑎᕙᒃᓗᓂ ᓇᓗᓇᐃᔭᐅᑎᓂᒃ ᐱᕙᓪᓕᐊᓂᖓᓄᑦ ᐃᖅᑲᓇᐃᔭᕐᕕᖕᒥ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐱᕙᒌᔭᐅᑦ ᐃᓚᐅᖃᑕᐅᕙᒃᓗᓂᓗ ᐊᑐᓕᖅᑎᑦᑎᓂᕐᓂ ᖃᐅᔨᓴᐃᓐᓇᕐᓂᕐᓂᒃᓗ ᓇᓂᓯᓂᒃᑯᑦ ᐊᑐᓂ ᐊᑐᓕᖅᑎᑕᐅᔪᓂᑦ, ᓴᖅᑭᑎᑦᑎᕙᒃᓗᓂ ᐱᕚᓪᓕᕈᑎᓄᑦ ᐅᓂᒃᑳᓂᑦ ᖁᑦᑎᖕᓂᖅᓴᒥ ᐊᐅᓚᑦᑎᔨᓄᑦ ᖃᐅᔨᓴᐃᓐᓇᕐᓂᕐᓗ ᖃᐅᔨᔭᐅᕙᒌᖅᑐᓄᑦ ᖃᖓᒃᑰᕐᓂᐊᕐᓂᖏᓐᓂᒃ. ᐊᐅᓚᑦᑎᔨ ᐱᓕᕆᖃᑎᖃᖃᑦᑕᕐᓂᐊᖅᑐᖅ ᐊᐅᓚᑦᑎᔨᒥᒃ ᐱᕙᓪᓕᐊᑎᑦᑎᓂᕐᒥᒃ ᐱᕙᒌᔭᐅᑎᓂᒃ ᐱᓕᕆᐊᖑᕙᓪᓕᐊᔪᒪᔪᓂᒡᓗ ᖁᕝᕙᕆᐊᖅᑎᓪᓗᒍ ᐃᓄᐃᑦ ᐃᖅᑲᓇᐃᔭᕐᓂᕐᒧᑦ, ᐱᒻᒪᕆᐅᒋᔭᓪᓗ ᐃᓗᓕᖏᓪᓗ ᓄᓇᕗᒻᒥ ᒐᕙᒪᒃᑯᑦ ᐃᓚᐅᓪᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᑦ, ᕿᒥᕐᕈᓂᖅ ᓄᑖᖑᕆᐊᖅᑎᑦᑎᓂᕐᓗ ᐃᖅᑲᓇᐃᔭᕐᕕᖕᓂ ᑐᕌᕆᓗᒍ ᑭᒡᒐᖅᑐᐃᓂᖅ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂ ᓴᖅᑭᑎᑦᑎᓂᕐᒥᒃᓗ ᐅᓂᒃᑳᓂᑦ.

ᖃᐅᔨᒪᔭᕆᐊᓕᖏᑦ, ᐊᔪᙱᑕᕆᐊᓕᖏᑦ, ᐱᔪᓐᓇᕆᐊᓕᖏᓪᓗ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᐳᑦ ᐃᓕᓴᕆᔭᐅᓯᒪᔪᒥᑦ ᐊᓂᒍᐃᔾᔪᑎᑖᕐᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᔨᐅᓂᕐᒥᑦ, ᐃᖅᑲᓇᐃᔭᕐᓂᕐᒧᑦ ᓴᓇᕝᕕᖕᓂᓗ ᐱᓕᕆᖃᑎᒌᖕᓂᖏᓐᓂᒃ, ᐊᔾᔨᐸᓗᖓᓂᓘᓐᓃᑦ ᐃᓚᖃᕐᓗᓂ ᐊᕐᕌᒍᓂ ᒪᕐᕉᖕᓂ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐊᔾᔨᑲᓴᖏᓐᓂ  ᐱᓕᕆᖃᑦᑕᖅᓯᒪᓂᑰᓗᓂ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᑦ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᐊᑐᕐᓗᑎᒃ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᐸᑎᑦ ᑎᑎᕋᖅᑕᕕᑦ ᖄᖓ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᐅᕗᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑕᖓᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᔨᓂᒃ ᐃᖅᑲᓇᐃᔭᖅᑎᓂᒃ; ᑕᐃᒪᐃᒻᒪᑦ, ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔮᖅᑖᕐᓂᕐᒧᑦ ᐊᑐᐊᒐᖅ ᒪᓕᒡᓗᒍ.
• ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᖅᑎᑕᐅᓂᕐᒧᑦ ᑎᑎᖅᑲᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᒥᒃ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐃᓚᓕᐅᑎᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐊᑐᕆᐊᖃᖅᐳᖅ ᑭᓯᐊᓂ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᓴᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᖅᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.