ᐃᓱᒻᒥᖅᑐᐃᔨ, ᑭᕙᓪᓕᕐᒥ ᐃᓕᓐᓂᐊᕐᕕᓕᕆᔨᒃᑯᓐᓄᑦ

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᑐᐊᖏᓐᓄᑦ.

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ, ᐃᖅᑲᓇᐃᔭᕐᕕᑦᑎᐊᕙᐅᓛᖑᓂᖓᓄᑦ ᒪᒃᑯᒃᑐᓄᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓵᓚᐅᖅᑐᓄᑦ 2023-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᒃᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᒻᒥ ᐆᒻᒪᕆᒃᑐᖅ, ᐱᔪᒃᓯᑦᑎᐊᖅᑐᑦ, ᐊᖏᖅᓯᒪᑦᑎᐊᖅᖢᑎᒡᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ.  ᒐᕙᒪᐅᑎᓪᓗᑕ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓪᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂ, ᐃᓄᒃᑐᑦ ᐅᖃᐅᓯᖓᓂᒃ ᐊᑐᖅᑎᑦᑎᓂᖅᓴᐅᓇᓱᒃᖢᑎᒃ, ᑭᒡᒐᖅᑐᐃᑦᑎᐊᕐᓗᓂ ᒐᕙᒪᒃᑯᓐᓂᑦ ᐱᔨᑦᑎᕋᖅᑎᓂᒃ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᐊᑐᕐᓂᐊᕐᓂᕋᖅᓯᒪᔭᒥᓂᒃ ᑲᔪᓯᑎᑦᑎᖁᓪᓗᒋᑦ ᓄᓇᕗᒻᒥ. ᓂᕈᐊᖅᑕᐅᔪᑦ ᐱᓇᔪᒃᑐᑦ ᑮᓇᐅᔾᔭᒃᓴᑦᑎᐊᕐᓂᐊᖅᐳᑦ, ᐋᓐᓂᐊᕕᖕᒥ ᐊᒻᒪ ᑭᒍᑎᓕᕆᔭᐅᓂᕐᒧᑦ ᐃᑲᔫᓯᐊᓂᒃ, ᓇᓗᓇᐃᖅᓯᒪᔪᒥᑦ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐸᕐᓇᐅᑎᒥᒃ, ᓅᑎᑕᐅᓂᕐᒧᑦ ᐱᔪᓐᓇᕐᓂᖏᑦ ᐊᒻᒪ ᐱᕕᒃᓴᖃᖅᑎᑕᐅᓗᑎᒃ ᐱᓕᒻᒪᒃᓴᕐᓂᕐᒧᑦ ᐊᒻᒪ ᐃᖅᑲᓇᐃᔮᒥ ᐱᕚᓪᓕᕈᑎᒃᓴᓂᒃ.

ᒥᓂᔅᑕᐅᑉ ᑐᒡᓕᒃᑲᓐᓂᖓᓄᑦ ᑐᓴᖅᑎᑦᑎᕙᒡᓗᓂ, ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᒃᓴᓄᑦ, ᑐᑭᒧᐊᒃᑎᑦᑎᔨᒻᒪᕆᒃ, ᕿᑭᖅᑕᓂ ᐃᓕᓐᓂᐊᕐᕕᓕᕆᔨᒃᑯᑦ (ᑐᑭᒧᐊᒃᑎᑦᑎᔨᒻᒪᕆᒃ), ᐃᓚᒋᔭᐅᔪᖅ ᐊᐅᓚᑦᑎᔨᐅᖃᑎᒌᓄᑦ ᐃᑲᔪᖅᐸᒃᑐᓄᑦ ᐃᑲᔪᖅᑐᐃᕙᒃᖢᓂᓗ ᒪᓕᒋᐊᓕᖕᓂ ᖁᑦᑎᓛᒃᑯᑦ ᐃᓕᓐᓂᐊᕐᓂᕐᒧᑦ ᒪᓕᒃᑕᐅᕙᒃᑐᓂ ᐱᔨᑦᑎᕋᐅᑎᓂᒡᓗ ᓄᓇᕗᒻᒥ. ᐃᓱᒻᒥᖅᑐᐅᔨ ᐃᓚᒋᔭᐅᓪᓚᕆᒃᐳᖅ ᐊᒡᓚᕝᕕᓕᕆᔨᓪᓚᕆᐅᖃᑎᒌᓄᑦ ᐃᑲᔪᖅᑎᐅᓪᓗᑎᒃ ᐃᓕᓐᓂᐊᕐᓂᕐᒧᑦ ᒪᓕᒃᑕᐅᕙᒃᑐᑦ, ᐱᔨᑦᑎᕋᐅᑎᖏᑦ, ᖃᓄᐃᓕᐅᕈᑎᖏᓪᓗ ᐊᑐᕆᐊᓕᖏᓐᓂ ᒪᓕᑦᑎᐊᖁᓪᓗᒋᑦ ᐱᓕᕆᕝᕕᖕᒥ ᐋᖅᑭᒃᑕᐅᔪᓂᑦ; ᓴᖅᑭᔮᖅᑎᓪᓗᒋᑦ ᖃᓄᖅᑑᕈᑎᒃᓴᓄᑦ ᑎᑭᑕᐅᔪᒪᔪᑦ ᐋᖅᑭᒃᑕᐅᓯᒪᔪᑦ ᐊᕕᒃᑐᖅᓯᒪᔪᓄᑦ ᐱᓕᕆᕝᕕᖕᒥ; ᐃᑲᔪᖅᐸᒡᓗᓂᓗ ᓴᖅᑭᑦᑎᔪᓂᑦ ᐊᓂᒍᐃᓯᒪᑦᑎᐊᖅᑐᓂᒃ ᓄᓇᓕᖃᖃᑕᐅᔪᓐᓇᕐᓗᑎᒡᓗ ᓄᓇᕐᔪᐊᕐᒥ.

ᐱᓕᕆᔨᒻᒪᕆᐅᓪᓗᓂ ᐊᕕᒃᑐᖅᓯᒪᔪᓂ, ᐃᓱᒻᒥᖅᑐᐃᔨ ᐱᓕᕆᐊᒃᓴᖃᖅᑐᖅ ᐊᐅᓚᑦᑎᕙᒡᓗᓂ ᐊᑐᓕᖅᑎᑕᐅᑦᑎᐊᖁᓪᓗᒍ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ ᐱᓗᐊᖅᑐᒥ ᐃᓕᓐᓂᐊᕐᓂᓕᕆᔨᑦ ᐱᓕᕆᐊᖏᑦ ᑲᔪᓯᑎᑕᐅᓂᐊᖅᑐᑦ ᐊᕕᒃᑐᖅᓯᒪᔪᑦ ᐃᓗᐊᓂ. ᑕᐃᒪᐃᓕᐅᖅᑎᓪᓗᒍ, ᐃᓱᒻᒥᖅᑐᐃᔨ ᑕᑎᒋᔭᐅᖃᑦᑕᖅᐳᖅ ᖃᓄᖅᑑᕈᑎᒃᓴᓄᑦ ᓯᕗᓕᖅᑎᐅᔪᑦ ᐋᖅᑭᒃᓱᐃᕙᒡᓗᓂᓗ ᖃᓄᖅᑑᕈᑎᒃᓴᑦ ᑐᑭᒧᐊᒍᑎᖏᓐᓂᒃ ᐊᕕᒃᑐᖅᓯᒪᔪᓂ ᐃᓕᓐᓂᐊᕐᕕᓕᕆᔨᒃᑯᑦ ᐱᔾᔪᑎᒋᓪᓗᒋᑦ ᐊᐅᓚᑦᑎᔪᓐᓇᑦᑎᐊᖁᓪᓗᒋᑦ ᐊᑦᑕᕐᓇᙱᑦᑐᓂᒃ ᐊᒻᒪ ᑲᒪᒋᔭᐅᑦᑎᐊᖅᑐᓂᒃ ᐃᓕᓐᓂᐊᖅᑎᓂᑦ−ᐊᐅᓚᑕᐅᔪᓂᒃ ᐃᓕᓐᓂᐊᕐᕕᖕᓂ ᒪᓕᑦᑎᐊᖅᑐᓂᒃ ᓄᓇᕗᒻᒥ ᐃᓕᓐᓂᐊᕈᑎᒃᓴᓂᒃ ᑭᐅᔭᐅᔪᓐᓇᖅᖢᑎᒡᓗ ᓄᓇᓕᖕᓂ ᐱᔭᐅᔭᕆᐊᓕᖕᓄᑦ. ᐃᓱᒻᒥᖅᑐᐃᔨ ᐱᓕᕆᔨᓪᓚᕆᖕᓂ ᐅᖃᐅᔾᔨᒋᐊᖃᑦᑕᕐᓂᐊᖅᐳᖅ ᐃᑲᔪᖅᑐᐃᕙᒡᓗᓂᓗ ᒥᓂᔅᑕᒥᑦ, ᒥᓂᔅᑕᐅᑉ ᑐᒡᓕᐊᓂ, ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᖓᓂ, ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᖑᔪᓂᑦ ᐊᒻᒪᓗ ᐃᓚᐅᕙᒡᓗᓂ ᐱᓕᕆᕝᕕᒋᔭᐅᔪᓂ ᐱᓕᕆᕝᕕᖕᒥᐅᑕᐅᖃᑎᒌᙱᑦᑐᓪᓗ ᑲᑎᒪᔨᕋᓛᖏᓐᓂ ᐱᔭᕆᐊᖃᕌᖓᑦ.

ᖃᐅᔨᒪᔭᕆᐊᓕᑦ, ᐊᔪᙱᑦᑕᕆᐊᓕᑦ, ᐱᔪᓐᓇᕆᐊᓕᖏᓪᓗ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᔭᐅᒐᔪᒃᑐᑦ ᐃᓕᓴᕆᔭᐅᓯᒪᔪᒥᑦ ᐱᔭᕇᕈᓯᐊᖃᕐᓗᓂ ᐃᓕᓐᓂᐊᕐᓂᓕᕆᓂᕐᒥᒃ ᐊᑲᐅᒡᓚᖑᓗᓂ ᐱᓕᕆᔨᓪᓚᕆᐅᒍᓂ ᐃᓕᓐᓂᐊᕐᕕᖕᒥ ᐊᐅᓚᑦᑎᔨᐅᓗᓂ ᐃᓚᖃᕐᓗᓂ ᐊᕐᕌᒍᓂ ᑕᓪᓕᒪᓂᑦ ᐃᓕᓐᓂᐊᕐᕕᖕᒥ ᐊᒻᒪ/ᐅᕝᕙᓘᓐᓃᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᓯᒪᓗᓂ ᐊᒡᓚᕝᕕᓕᕆᔨᐅᓂᕐᒧᑦ/ᐊᐅᓚᑦᑎᔨᐅᖃᑦᑕᖅᓯᒪᓗᓂ ᐊᒻᒪᓗ ᐃᓕᓴᐃᔨᓄᑦ ᐊᖓᔪᖅᑳᖑᓚᐅᖅᓯᒪᓗᓂ ᐅᕝᕙᓘᓐᓃᑦ ᐊᕕᒃᑐᖅᓯᒪᔪᓂ ᐊᒡᓚᕝᕕᖕᒥ ᐊᐅᓚᑦᑎᔨᐅᓚᐅᖅᓯᒪᓗᓂ. ᐊᕐᕌᒎᖕᓂ  ᒪᕐᕉᖕᓂᒃ ᐊᐅᓚᑦᑎᔨᒻᒪᕆᐅᖃᑦᑕᖅᓯᒪᓗᓂ (ᓲᕐᓗ, ᐃᓕᓐᓂᐊᕐᕖᑦ ᐊᖓᔪᖅᑳᒻᒪᕆᖓᑦ) ᐊᒻᒪᓗᑦᑕᐅᖅ ᐃᓕᓐᓂᐊᕐᕕᐊᕈᓯᕐᒥ ᐃᓕᓴᐃᔨᐅᖃᑦᑕᖅᓯᒪᓗᓂ (ᐃᓕᓐᓂᐊᕐᕕᖕᒥ ᐊᒻᒪᓗ/ᐅᕝᕙᓗᓃᑦ ᓯᓚᑦᑐᖅᓴᕐᕕᖕᒥ). ᐱᔪᒥᒋᔭᐅᔪᖅ ᐃᖅᑲᓇᐃᔮᖅᑖᕋᓱᒃᑐᖅ ᐃᓚᓕᐅᔾᔭᐅᓯᒪᕗᖅ ᐅᕙᓂ/ ᐱᓕᕆᐊᖃᒻᒪᕆᒍᒪᕙᒃᐳᖅ ᐱᔭᕇᕋᓱᒡᓗᓂ ᐊᒻᒪ ᐃᓕᓐᓂᐊᕐᓂᕐᒧᑦ ᓯᕗᓕᖅᑎᐅᓂᕐᒧᑦ ᐱᓕᕆᐊᖑᔪᒥᑦ ᓄᓇᕗᒻᒥ. ᐃᖅᑲᓇᐃᔮᓕᒃ ᐅᒃᐱᕆᔭᐅᔪᓐᓇᕆᐊᖃᕐᒪᑦ ᐱᕋᔭᒃᓯᒪᓂᑰᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᓕᒃ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᑦ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᐊᑐᕐᓗᑎᒃ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ. ᖃᐅᔨᒪᒃᐸᑦ ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓪᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᑖᓐᓇ ᐃᓱᓕᕝᕕᒃᓴᖃᕐᓂᖓᓄᑦ ᕕᕝᕗᐊᕆ 22, 2027-ᒥ ᒫᓐᓇᐅᔪᖅ ᐃᖅᑲᓇᐃᔭᐃᓐᓇᖅᑐᑦ ᓄᓇᕗᑦ ᒐᕙᒪᖓᓐᓄᑦ ᐃᖅᑲᓇᐃᔭᖅᑏᑦ ᒪᓂᒪᑎᑕᐅᑐᐃᓐᓇᕆᐊᓖᑦ ᓅᑕᐅᕝᕕᐅᔪᓐᓇᖅᑐᒧᑦ ᐃᖅᑲᓇᐃᔮᒧᑦ ᐃᓱᓕᕝᕕᒃᓴᖓᓄᑦ ᑎᑭᓪᓗᒍ ᐃᓱᒪᒋᔭᐅᑦᑎᐊᕆᐊᖃᕐᓂᖓᓄᑦ ᓂᕈᐊᖅᑕᐅᔪᒧᑦ, ᑭᓯᐊᓂ ᑕᒪᓐᓇ ᐱᔾᔪᑎᖃᖅᑐᖅ ᐊᐅᓚᑦᑎᔨᒧᑦ ᐊᖏᖅᑕᐅᔭᕆᐊᖃᕐᓂᖓᓄᑦ.

ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᓗᒍ ᑎᑎᖅᑲᓕᐊᑦ ᐃᖅᑲᓇᐃᔮᕆᖃᑦᑕᖅᓯᒪᔭᑎᓪᓗ ᐅᕗᖓ @email, ᓇᓗᓇᐃᒃᑯᑕᖓᑕ ᓈᓴᐅᑖ ᑎᑎᕋᖃᓯᐅᑎᓗᒍ ᐃᕐᙱᓐᓈᖅᑕᐅᒃᑯᑦ ᓇᒃᓯᐅᑎᓕᕈᕕᐅᒃ.

• ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᔨᓂᒃ ᐃᖅᑲᓇᐃᔭᖅᑎᓂᒃ; ᑕᐃᒪᐃᒻᒪᑦ, ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔮᖅᑖᕐᓂᕐᒧᑦ ᐊᑐᐊᒐᖅ ᒪᓕᒡᓗᒍ.
• ᓄᓇᕗᑦ ᒐᕙᒪᖓᓂ ᐃᖅᑲᓇᐃᔭᓕᓵᖅᑐᑦ ᖃᐅᔨᓴᖅᑕᐅᔭᕆᐊᖃᖅᑐᑦ ᑐᓂᓯᓗᑎᒡᓗ ᐱᔪᓐᓇᖅᑎᑕᐅᓂᕐᒧᑦ ᑎᑎᖅᑲᒥᒃ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᒥᒃ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐃᓚᓕᐅᑎᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖅᑎᑕᐅᙱᑐᐃᓐᓇᕆᐊᓕᑦ ᐃᖅᑲᓇᐃᔮᖅᑖᕋᓱᒃᑐᑦ ᐃᓱᒪᒋᔭᐅᓂᐊᖅᑐᓄᑦ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐃᖅᑲᓇᐃᔮᒃᓴᒥ ᐱᓕᕆᐊᒃᓴᕆᔭᐅᔪᓂᑦ. ᑖᓐᓇ ᐊᑐᕆᐊᖃᖅᐳᖅ ᑭᓯᐊᓂ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒥᑦ ᓈᒻᒪᒋᔭᐅᓗᓂ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐱᓇᔪᒍᒪᔪᑦ ᐃᖅᑲᓇᐃᔮᖅᑖᕋᓱᐊᕈᑎᒥᒃ ᑐᓂᓯᔪᓐᓇᖅᑐᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᑦ ᓇᓕᐊᖕᓂᑐᐃᓐᓇᖅ ᐊᑐᕐᓗᓂ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᓴᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᔪᒃᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.