ᐃᒥᐊᓗᓕᕆᓂᕐᒧᑦ ᐱᔪᓐᓇᐅᑎᑦ

ᖃᓄᐃᑦᑑᓂᖏᑦ ᐱᔪᓐᓇᐅᑏᑦ

ᑖᒃᑯᐊ ᐃᒥᐊᓗᓕᕆᓂᕐᒧᑦ ᐱᖁᔭᐃᑦ ᐱᕕᖃᑦᑎᑦᑎᓂᐅᔪᑦ ᐱᔪᓐᓇᐅᑎᖃᖅᑎᑦᑎᓂᕐᒥᒃ ᑲᑎᒪᔨᓂᒃ ᐱᑎᑦᑎᔪᓐᓇᕐᓂᕐᒥᒃ 11−ᓂ ᐊᔾᔨᒌᙱᑦᑐᓂᒃ ᐃᓕᓐᓂᐊᒐᒃᓴᓂᒃ ᐃᒥᐊᓗᓕᕆᓂᕐᒧᑦ ᐱᔪᓐᓇᐅᑎᓂᒃ:

• ᖃᖓᑕᓲᓕᕆᓂᕐᒧᑦ ᐱᔪᓐᓇᐅᑎᑦ ᐅᕝᕙᓘᓐᓃᑦ ᐅᒥᐊᕐᔪᐊᓕᕆᓂᕐᒧᑦ ᐱᔪᓐᓇᐅᑎᑦ ᓂᐅᕕᐊᒃᓴᖃᕐᓂᕐᒧᑦ ᐃᒥᐊᓗᖕᓂᒃ ᐊᒻᒪ ᐊᑐᖅᑕᐅᖃᑦᑕᕐᓂᐊᕐᓂᖏᑦᑕ ᐃᒥᐊᓗᐃᑦ ᖃᖓᑕᕙᒃᑐᓄᑦ ᓄᒃᑕᖅᑎᓪᓗᒋᑦ.
• ᐃᒥᐊᓗᓕᐅᕐᕕᐅᕙᒃᑐᒥ ᐱᔪᓐᓇᐅᑎᑦ ᐱᓯᒪᓂᕐᒧᑦ ᐃᒥᐊᓗᓕᐅᕐᕕᐅᕙᒃᑐᒥ ᐱᔪᓐᓇᐅᑎᒥᒃ ᓂᐅᕐᕈᑎᖃᕐᓂᕐᒧᑦ ᐊᒻᒪ ᐃᒥᐊᓗᓕᐅᕐᕕᐅᕙᒃᑐᓂ ᐱᐊᓂᒃ ᐱᓕᕆᕝᕕᐅᕙᒃᑐᓂ ᐃᒥᐊᓗᓕᐅᕐᕕᐅᕙᑦᑑᑉ ᐱᔪᓐᓇᐅᑖᓂ.
• ᓂᐅᕕᕐᕕᕋᓛᒥ ᐱᔪᓐᓇᐅᑎᑦ ᓂᐅᕕᐊᒃᓴᖃᕐᓂᕐᒧᑦ ᐃᒥᐊᓗᖕᓂᓪᓗ ᐅᓇᑕᖅᑐᒃᓴᓄᑦ ᐊᒻᒪ ᐅᓇᑕᖅᑐᒃᓴᓅᖓᔪᓄᑦ ᓱᕈᖅᑕᐅᔪᓄᑦ ᐊᒻᒪ ᓂᐅᕕᕐᕕᕋᓛᓄᑦ ᐱᓕᕆᕝᕕᖕᓄᑦ ᖃᑦᑎᕈᑎᖃᕐᕕᖕᓂ.
• ᐱᓕᕆᖃᑎᒌᒃᑐᓂ ᐱᔪᓐᓇᐅᑎᑦ ᓂᐅᕕᐊᒃᓴᖃᕐᓂᕐᒧᑦ ᐃᒥᐊᓗᖕᓂ ᐱᔪᓐᓇᐅᑎᓕᖕᓂ ᐃᒥᐊᓗᖕᓂ ᐃᓚᒋᔭᐅᔪᓂ ᑐᔪᕐᒥᔪᓂᓪᓗ.
• ᐃᒥᐊᓗᒡᕕᖕᒥ ᐱᔪᓐᓇᐅᑎᑦ ᓂᐅᕕᐊᒃᓴᖃᕐᓂᕐᒧᑦ ᐃᒥᐊᓗᖕᓂ.
• ᐃᓕᖅᑯᓯᑐᖃᕐᓄᑦ ᐱᙳᐊᕐᕕᐅᕙᒃᑐᓄᓪᓗ ᐱᔪᓐᓇᐅᑎᑦ ᓂᐅᕕᐊᒃᓴᖃᕐᓂᕐᒧᑦ ᐃᒥᐊᓗᖕᓂ ᑕᕐᕆᔭᕐᕕᒡᔪᐊᓂ ᐊᒻᒪ ᐱᙳᐊᕐᕕᐅᕙᒃᑐᓂ ᓯᐊᕐᕆᔮᕐᕕᖕᓂ.
• ᓂᕆᔭᖅᑐᕐᕕᖕᓂ ᐱᔪᓐᓇᐅᑎᑦ ᓂᐅᕕᐊᒃᓴᖃᕐᓂᕐᒧᑦ ᐃᒥᐊᓗᖕᓂ ᑭᒃᑯᑐᐃᓐᓇᕐᓄ ᓂᕆᔭᖅᑐᕐᕕᐅᕙᒃᑐᓄᑦ.
• ᑐᔪᕐᒥᔪᓄᑦ ᐱᔪᓐᓇᐅᑎᑦᓂᐅᕕᐊᒃᓴᖃᕐᓂᕐᒧᑦ ᐃᒥᐊᓗᖕᓂ ᐱᔪᓐᓇᐅᑎᓕᖕᒥ ᑕᐃᑲᓃᓪᓚᑦᑖᖅᑐᒥ ᓇᓗᓇᐃᔭᖅᓯᒪᓪᓗᓂ ᑐᔪᕐᒥᔪᒥᑦ.
• ᐃᓚᒋᔭᐅᙱᑦᑐᒥ ᐱᔪᓐᓇᐅᑎᑦ ᓂᐅᕕᐊᒃᓴᖃᕐᓂᕐᒧᑦ ᐱᐊᓂᒃ ᐱᔪᓐᓇᐅᑎᖃᖅᑐᓂᒃ ᐃᓄᖕᓄᑦ ᐃᒥᐊᓗᖕᓂ ᐃᓚᒋᔭᐅᙱᑦᑐᒥ.
• ᐃᓛᒃᑰᖅᑐᓂ ᑭᐱᙳᐃᔭᖅᑎᑦᑎᔪᓂ ᐱᓕᕆᕝᕕᖕᓂ ᐱᔪᓐᓇᐅᑎᑦ ᓂᐅᕕᐊᒃᓴᖃᕐᓂᕐᒧᑦ ᐃᒥᐊᓗᖕᓂ ᐱᔪᓐᓇᐅᑎᓕᖕᓂ ᐃᒥᐊᓗᖕᓂ ᐃᓚᒋᔭᐅᔪᓂ ᑐᔪᕐᒥᔪᓂᓪᓗ.
• ᐱᑐᐃᓐᓇᐅᙱᑦᑐᓄᑦ ᐱᔪᓐᓇᐅᑎᑦ ᓂᐅᕕᐊᒃᓴᖃᕐᓂᕐᒧᑦ ᐃᒥᐊᓗᖕᓂ ᐅᕝᕙᓘᓐᓃᑦ ᐱᐊᓂᒃ ᑮᓇᐅᔭᓕᐅᕐᕕᐅᓇᓱᒃᑐᓄᑦ ᐊᐅᓚᑕᐅᔪᓄᑦ ᑎᒥᐅᔪᓄᑐᐊᖅ ᐅᐸᒃᑕᐅᒐᔪᙱᑦᑐᓂ.

ᐊᑐᓂ ᑖᒃᑯᐊ ᐱᔪᓐᓇᐅᑏᑦ ᒪᓕᒋᐊᖃᖅᑐᑦ ᑎᑎᕋᖅᓯᒪᔪᖁᑎᒋᔭᐅᔪᓂ ᐊᒻᒪ ᑐᕌᕆᔭᖃᖅᑐᓂ ᐊᑐᐊᒐᓂᒃ ᐃᓗᐊᓃᑦᑐᓂ ᐃᒥᐊᓗᓕᕆᓂᕐᒧᑦ ᐱᖁᔭᕐᓂ, ᐃᒥᐊᓗᓕᕆᓂᕐᒧᑦ ᐊᑐᐊᒐᓂᒃ, ᐊᒻᒪ ᐊᓯᖏᓐᓂᒃ ᐊᑐᐊᒐᓕᐊᕆᓯᒪᔪᓂ ᐊᑐᖅᑕᐅᔭᕆᐊᖃᖅᑐᓂ ᐊᑐᓂ  ᓄᓇᓕᖕᓂᑦ. ᐃᒥᐊᓗᖕᓄᑦ ᐱᔪᓐᓇᐅᑏᑦ ᑐᓂᔭᐅᔪᓐᓇᙱᑦᑐᑦ ᐊᔪᖅᑎᑕᐅᔪᓄᑦ ᓄᓇᓕᖕᓄᑦ. ᐃᒥᐊᓗᖕᓄᑦ ᐱᔪᓐᓇᐅᑏᑦ ᐱᔭᐅᔪᑦ ᐱᔭᐅᔭᕆᐊᖃᙱᑦᑐᓂ ᓄᓇᓕᖕᓂ ᒪᓕᒋᐊᖃᖅᑐᑦ ᐊᔪᖅᑎᑦᑎᔾᔪᑎᒃᓴᐅᓇᔭᖅᑐᓂ ᓄᓇᓕᖕᓂ.

ᑕᑕᑎᕆᓂᖅ ᐃᒥᐊᓗᓕᕆᓂᕐᒧᑦ ᐱᔪᓐᓇᐅᑎᒥᒃ
ᐅᑯᐊ ᐃᒥᐊᓗᓕᕆᓂᕐᒧᑦ ᐊᑐᐊᒐᐃᑦ ᐋᖅᑭᒃᓱᖅᓯᒪᓂᖃᖅᑐᑦ ᒪᓕᒋᐊᓕᖕᓂᒃ ᑕᑕᑎᕆᓂᐊᕐᓗᓂ ᐊᑐᓂ ᐊᔾᔨᒌᙱᕈᓘᔭᖅᑐᓂ ᐃᒥᐊᓗᓕᕆᓂᕐᒧᑦ ᐱᔪᓐᓇᐅᑎᓂᒃ. 

ᑲᒪᒋᔭᒃᓴᕆᔭᐅᔪᖅ ᑐᒃᓯᕋᖅᑎᒧᑦ ᐊᑐᐃᓐᓇᐅᑎᑦᑎᒐᓗᐊᕐᒪᖔᑦ ᐊᑐᕆᐊᖃᖅᑕᓕᒫᖏᑦ ᑲᑎᒪᔨᓄᑦ ᐃᓱᒪᒋᔭᐅᓂᐊᕐᓗᑎᒃ ᑐᒃᓯᕋᐅᒻᒧᑦ.

ᓄᑖᑦ ᐱᔪᓐᓇᐅᑎᒧᑦ ᑐᒃᓯᕋᐅᑏᑦ ᕿᒥᕐᕈᔭᐅᕙᒃᑐᑦ ᐊᖏᖅᑕᐅᓪᓗᑎᒡᓗ ᑲᑎᒪᔨᓂᒃ ᑕᖅᑭᒃ ᐱᖓᓱᑦ ᐱᐊᓂᒃᑳᖓᑕ ᑲᑎᒪᓂᕆᕙᒃᑕᖏᓐᓂᒃ ᔮᓄᐊᕆᒥ, ᒫᔾᔨᒥ, ᔫᓂᒥ ᐊᒻᒪ ᓯᑎᐱᕆᒥ.

ᑐᒃᓯᕋᐅᑏᑦ, ᐃᓚᒋᓗᒋᑦ ᖃᐅᔨᓴᕈᑏᑦ ᑎᑎᕋᖅᐸᓪᓕᐊᔭᕆᐊᖃᖅᑐᑦ, ᖃᕆᑕᐅᔭᒃᑯᑦ ᐱᔭᒃᓴᐅᔪᑦ ᐊᑖᓂ.  ᑐᒃᓯᕋᐅᑎᓕᒫᑦ ᐅᕝᕙᓘᓐᓃᑦ ᑐᒃᓯᕋᐅᑎᓄᑦ ᑐᕌᖓᔪᑦ ᑐᓐᓂᖅᑯᑕᐅᓪᓗᐊᖅᑐᑦ ᐅᕗᖓ @email.

ᐱᓇᔫᑎᑦ ᑎᑎᕋᕆᐊᓕᑦ
ᐃᒥᐊᓗᖕᓄᑦ ᐱᔪᓐᓇᐅᑎᑖᕋᓲᑎ - ᑕᑕᑎᒐᒃᓴᖅ 1 - ᑮᓇᐅᔭᓕᐅᕈᓐᓇᐅᑎᒧᑦ ᑐᒃᓯᕋᐅᑎ

ᐊᑐᖅᑕᐅᔪᒃᓴᖅ ᐅᑯᓄᖓ:

• ᐃᒥᐊᓗᓕᕆᕝᕕᐅᕙᒃᑐᒥ ᐱᔪᓐᓇᐅᑎ
• ᐃᒥᐊᓗᒡᕕᖕᒥ ᐱᔪᓐᓇᐅᑎ
• ᐃᓕᖅᑯᓯᑐᖃᕐᓄᑦ ᐱᙳᐊᕐᕕᐅᕙᒃᑐᓄᓪᓗ ᐱᔪᓐᓇᐅᑎ
• ᓂᕆᔭᖅᑐᕐᕕᖕᒧᑦ ᐱᔪᓐᓇᐅᑎ
• ᑐᔪᕐᒥᔪᓄᑦ ᐱᔪᓐᓇᐅᑎ
• ᐃᓂᒋᔭᐅᙱᑦᑐᒥ ᐱᔪᓐᓇᐅᑎ
• ᐃᓛᒃᑰᖅᑐᓂ ᑭᐱᙳᐃᔭᖅᑎᑦᑎᔪᓂ ᐱᔪᓐᓇᐅᑎ      

ᐃᒥᐊᓗᒃᑖᕈᓐᓇᐅᑎᒧᑦ − ᑕᑕᑎᒐᒃᓴᖅ 2 - ᐃᒥᕋᓚᒡᕕᖕᒧᑦ ᐱᔪᓐᓇᐅᑎᑖᕋᓲᑎ
ᐃᒥᐊᓗᒃᑖᕈᓐᓇᐅᑎᒧᑦ − ᑕᑕᑎᒐᒃᓴᖅ 4 - ᓂᕈᐊᕈᓐᓇᐅᑎᒧᑦ ᑐᒃᓯᕋᐅᑎ
ᐃᒥᐊᓗᒃᑖᕈᓐᓇᐅᑎᒧᑦ − ᑕᑕᑎᒐᒃᓴᖅ 5 − ᐊᔾᔨᐅᙱᑦᑐᒧᑦ ᐱᔪᓐᓇᐅᑎᑖᕋᓲᑎ

ᖃᖓᑕᓲᓕᕆᓂᕐᒧᑦ ᐱᔪᓐᓇᐅᑎᒧᑦ ᑐᒃᓯᕋᐅᑎ − ᐊᑐᐃᓐᓇᐅᔪᓐᓇᖅᑐᖅ ᐱᔭᐅᔪᒪᒍᓂ
ᐅᒥᐊᕐᔪᐊᓕᕆᓂᕐᒧᑦ ᐱᔪᓐᓇᐅᑎᒧᑦ ᑐᒃᓯᕋᐅᑎ − ᐊᑐᐃᓐᓇᐅᔪᓐᓇᖅᑐᖅ ᐱᔭᐅᔪᒪᒍᓂ

ᐃᓚᒋᐊᖅᓯᒪᔪᑦ ᑎᑎᖅᑲᖁᑏᑦ
ᖃᐅᔨᒋᐊᕐᕕᒋᓗᒍ ᑕᒻᒪᙱᑦᑐᖅ ᑎᑎᕋᕐᕕᒃᓴᖅ ᓇᓗᓇᐃᖅᓯᒪᔪᓂ ᐊᓯᖏᓐᓂᒃ ᑎᑎᕋᖅᓯᒪᔪᖁᑎᒋᔭᐅᔪᓂ ᑐᓐᓂᖅᑯᑕᐅᓯᒪᔭᕆᐊᓕᖕᓂ ᑐᒃᓯᕋᐅᑎᒥᒃ.

ᐊᑭᖏᑦ
ᐱᒋᐊᕐᓂᖓᓂ ᑐᒃᓯᕋᐅᑦ − $300.00
ᐃᓂᒋᔭᐅᙱᑦᑐᒦᑦᑐᑦ ᐱᔪᓐᓇᐅᑎᓖᑦ − $500.00; 5%−ᒥᑦ ᓂᐅᕕᐊᒃᓴᐅᔪᑦ ᐊᑮᑦᑐᖅᑖᕆᔭᐅᓇᔭᖅᑐᖅ ᐱᔪᓐᓇᖅᑎᐅᔪᖅ ᓂᐅᕕᖅᐸᑦ ᐃᒥᐊᓗᖕᒥᑦ.
ᐊᓯᓕᒫᖏᑦ ᐱᔪᓐᓇᖅᑎᑦ − $200.00; 5%−ᒥᑦ ᓂᐅᕕᐊᒃᓴᐅᔪᑦ ᐊᑮᑦᑐᖅᑖᕆᔭᐅᓇᔭᖅᑐᖅ ᐱᔪᓐᓇᖅᑎᐅᔪᖅ ᓂᐅᕕᖅᐸᑦ ᐃᒥᐊᓗᖕᒥᑦ.

ᑮᓇᐅᔭᒃᓴᑦ ᐋᑮᑦᑐᐃᔭᐅᑎᒧᑦ ᑎᑎᕋᖅᑕᐅᔭᕆᐊᓖᑦ ᐅᕗᖓ ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᐱᔪᓐᓇᐅᑎᑖᖅᑎᑦᑎᓂᕐᒧᑦ ᑲᑎᒪᔨᓄᑦ.

ᑎᑎᖃᒃᑯᕕᒃᑯᑦ ᐅᕝᕙᓘᓐᓃᑦ ᐊᒡᔭᕐᓗᒍ ᑕᑕᑎᖅᓯᒪᓗᑎᒃ ᑎᑎᕋᕆᐊᓖᑦ, ᐃᓚᒋᐊᖅᑕᐅᔪᖅ ᑎᑎᕋᖅᓯᒪᔪᑦ (ᐱᑕᖃᖅᐸᑦ) ᐊᒻᒪ ᑮᓇᐅᔭᒃᓴᑦ ᐊᑭᓕᐅᑎᖏᑦ ᐅᕗᖓ ᑲᑎᒪᔩᑦ ᐊᖓᔪᖅᑳᑉ ᑎᑎᕋᖅᑎᖓᓄᑦ:

ᑐᓴᕐᕕᒋᔭᐅᔪᓐᓇᖅᑐᑦ
ᐅᖄᓚᐅᑖ: 876-975-6807
ᓱᑲᔪᒃᑯᑦ: 867-975-5805
@email

ᑎᑎᖅᑲᒃᑯᕕᐊᑕ ᑐᕌᕈᑖ
ᑎᑎᖅᑲᒃᑯᕕᒃ 1000, ᐃᓂᖓ 330
ᐃᖃᓗᐃᑦ, ᓄᓇᕗᑦ
X0A 0H0

ᐊᖅᑯᑖᑕ ᑐᕌᕈᑖ
ᐸᕐᓇᐃᕕᒃ, ᓇᑎᖅ 2 (ᖁᓛᓂ)
ᐊᐅᓚᑦᑎᕕᒃ
ᐃᒡᓗᕐᔪᐊᖅ #924
ᐃᖃᓗᐃᑦ, ᓄᓇᕗᑦ