ᐱᓕᕆᐊᒃᓴᓕᕆᔨᓄᑦ ᐊᐅᓚᑦᑎᔨ
ᐅᓇ ᐃᖅᑲᓇᐃᔮᒃᓴᖅ ᐱᓇᔪᒃᑕᐅᔪᓐᓇᖅᑐᖅ ᑭᒃᑯᓕᒫᓄᑦ.
ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ, ᐃᖅᑲᓇᐃᔭᕐᕕᑦᑎᐊᕙᐅᓛᖑᓂᖓᓄᑦ ᒪᒃᑯᒃᑐᓄᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓵᓚᐅᖅᑐᓄᑦ 2022-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᒃᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᑦ ᐆᒻᒪᕆᒃᑐᖅ, ᐱᔪᒃᓯᑦᑎᐊᖅᑐᑦ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ. ᒐᕙᒪᐅᑎᓪᓗᑕ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓂᕐᒧᑦ ᐃᓄᐃᑦ ᐱᖅᑯᓯᖏᓐᓂᒃ, ᓴᖅᑭᔮᖅᑎᑦᑎᓂᕐᒧᑦ ᐃᓄᒃᑐᑦ ᐅᖃᐅᓯᖓᓐᓂᑦ, ᑭᒡᒐᖅᑐᐃᑦᑎᐊᕐᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓂᒃ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᑲᔪᓯᑎᑦᑎᓂᕐᒧᑦ ᐊᖏᖅᓯᒪᓂᕆᔭᖓᓂᑦ ᓄᓇᕗᒻᒧᑦ. ᐃᖅᑲᓇᐃᔮᖅᑖᖅᑐᖅ ᐊᑭᓕᖅᓱᖅᑕᐅᑦᑎᐊᕐᓂᐊᖅᑐᖅ, ᐋᓐᓂᐊᕐᕕᖕᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᖃᕐᓗᓂ, ᓇᓗᓇᐃᔭᖅᑕᐅᓯᒪᔪᓂᑦ ᐃᓐᓇᖅᓯᐅᑎᒃᓴᓄᑦ ᐃᑲᔫᑎᖃᕐᓗᓂ, ᓅᑕᐅᓂᕐᒧᑦ ᐱᔪᓐᓇᐅᑎᓂᑦ ᐃᓕᓐᓂᐊᕈᓐᓇᖅᑎᑕᐅᓗᓂ ᐃᖅᑲᓇᐃᔮᒥᓪᓗ ᐱᕚᓪᓕᖅᐸᓪᓕᐊᓗᓂ.
ᐊᖏᔪᖄᖃᕐᓗᓂ ᐊᕕᒃᑐᖅᓯᒪᔪᓂᑦ ᐱᓕᕆᐊᒃᓴᓄᑦ ᐊᐅᓚᑦᑎᔨᒥᑦ, ᐱᓕᕆᐊᒃᓴᓕᕆᓂᕐᒧᑦ ᐊᐅᓚᑦᑎᔨ ᑕᑎᒋᔭᐅᔪᖅ ᑐᒃᓯᕋᖅᑕᐅᔪᓂ ᓄᓇᕗᑦ ᒐᕙᒪᖓ ᐱᓕᕆᐊᒃᓴᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᐱᕙᓪᓕᐊᑎᑕᐅᔪᑦ ᑕᐃᒪᐃᑦᑕᐃᓐᓇᓕᕿᔪᓂ ᓴᕿᑎᑦᑎᔪᓐᓇᕐᓗᓂ ᐱᓕᕆᐊᒃᓴᓂᑦ ᑎᑭᓪᓗᒍ ᐅᕝᕙᓘᓐᓃᑦ $100 ᒥᓕᐊᓐ ᐅᖓᑖᓂ ᐅᕝᕙᓘᓐᓃᑦ ᐱᓕᕆᐊᒃᓴᓂᑦ ᐊᖏᔪᓂ ᐅᕝᕙᓘᓐᓃᑦ ᒥᑭᓐᓂᖅᓴᓂᖅ ᐱᓕᕆᐊᒃᓴᓂᒃ ᐊᔾᔨᒌᖏᑦᑐᓄᑦ ᓇᓗᓇᐃᔭᖅᓯᒪᔪᓂ ᐊᑖᓂ ᐊᔾᔨᒌᖏᑦᑐᓂ ᐱᑐᐃᓐᓇᐅᖏᑦᑐᓂᒃ.
ᐃᖃᓇᐃᔮᒃᓴᖅ ᐱᖃᕆᐊᖃᖅᑐᖅ ᐃᖃᓇᐃᔭᖅᑎᒥᑦ ᐊᐅᓚᑦᑎᓗᓂ ᓴᕿᑕᐅᔪᓂ ᐱᔭᒃᓴᖅᑖᕆᔭᐅᔪᑦ ᐱᓕᕆᐊᒃᓴᓂᑦ ᐱᓕᕆᖃᑎᖃᕐᓗᓂ ᓄᓇᕗᑦ ᒐᕙᒪᒃᖏᑕ ᐊᐅᓚᓂᖏᑕ ᐃᓂᖅᑎᕆᓂᕐᒧᑦ ᐃᑲᔪᖅᑕᐅᕙᒃᑐᑦ ᑖᒃᑯᓄᖓ QA, ᐊᒻᒪᓗ ᐋᕿᒃᓱᐃᔨᓄᑦ ᐅᖃᐅᔾᔪᐃᔨᓄᑦ ᐊᐅᓚᐅᓯᕆᓂᕐᒧᑦ ᐃᒡᓗᓕᐅᖅᑎᓄᓪᓗ. ᐱᓕᕆᐊᒃᓴᓕᕆᓂᕐᒧᑦ ᐊᐅᒪᑦᑎᔨ ᑕᑎᒋᔭᐅᓪᓗᐊᑕᖅᑐᖅ ᓴᕿᑕᐅᔪᓂ ᐱᓕᕆᐊᒃᓴᓄᑦ ᐊᑐᖁᔭᐅᔪᒥᑦ KP−Iᑯᓐᓂ ᐊᒻᒪᓗ ᒪᓕᒡᓗᓂ ᓄᓇᕗᑦ ᒐᕙᒪᖓ ᐱᓕᕆᐊᒃᓴᓄᑦ ᐊᐅᓚᑦᑎᓂᕐᒧᑦ ᒪᓕᑦᑕᐅᔭᕆᐊᓕᖕᓂᑦ ᐱᓕᕆᔾᔪᓯᓕᓪᓗ. ᐊᐅᓚᑦᑎᓕᖅ ᑮᓇᐅᔭᓂ ᐊᒻᒪᓇᓚᐅᑦᑖᕈᓐᓴᕐᓗᓂ ᑮᓇᐅᔭᑦ ᓅᑕᐅᔪᒃᓴᓂ ᐊᒻᒪᓗ ᑮᓇᐅᔭᓪᓗ ᐃᖏᕐᕋᓂᖏᓐᓂ ᐱᒻᒪᕆᐅᕗᖅ ᐊᕙᑎᒧᑦ. ᐱᓕᕆᖃᑎᖃᖅᐸᒡᓗᓂᓄᓇᕗᑦ ᒐᕙᒪᖓᓂ ᐸᕐᓇᐅᑎᑦ ᐱᖃᓯᐅᓗᒋᑦ ᐊᐅᓚᑦᑎᔾᔪᑎᓄᑦ ᐋᕿᐅᒪᔾᔪᑎᓄᓪᓗ ᐱᓕᕆᕝᕕᖕᓂᑦ, ᓂᐅᕕᖅᐸᓪᓕᐊᓗᑎᒃ ᑕᒻᒪᖏᓪᓗᓂ ᐱᓕᕆᐊᒃᓴᐅᑉ ᐱᕕᒃᓴᕆᔭᖏᓐᓂ ᓇᓗᓴᐃᔭᐃᓗᓂᓗ ᐱᐅᓂᖏᑦ ᓇᓚᐅᑦᑖᖅᑕᐅᔪᑦ ᐱᖁᑎᑦ ᐃᑲᔪᖅᓱᕐᓗᒋᑦ ᑮᓇᐅᔭᐃᑦ ᑐᒃᓯᕋᖅᑕᐅᓯᒪᔪᑦ.
ᐱᔭᕆᐊᖃᓪᓚᕆᒃᑐᖅ ᐋᕿᒃᓯᒪᓂᖓ ᐃᖃᓇᐃᔮᖅ ᐱᓕᕆᓂᒃᑯᑦ ᓴᓇᖃᑦᑕᕐᓂᕐᑯ, ᐊᑯᓂᐅᓛᖅ ᒪᕐᕈᖕᓄᑦ ᐅᑭᐅᓄᑦ ᐱᓕᕆᓯᒪᓂᑰᓗᓂ ᐱᖃᕆᐊᖃᖅᑐᖅ ᓴᕿᑦᑎᓯᒪᓗᓂ ᐅᑯᓂᖓ ᑐᑭᓕᐅᕆᓗᒍ: ᖃᐅᔨᓴᑦᑎᐊᖏᓐᓇᕐᓂᖅ ᐊᒻᒪ ᐊᒃᓱᕈᕐᓇᖅᑐᖅ ᐊᖏᕈᑎᑖᖅᓯᒪᔪᖅ ᐃᖃᓇᐃᔭᖅᑎᖏᓐᓂᑦ ᐃᒡᓗᓕᐅᖅᑐᓂᒃ, ᐱᓕᕆᔾᔪᓯᑦᑎᐊᕙᐅᓛᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᓴᕿᔮᖏᓐᓂᖅᓴᐅᔪᓄᑦ ᐊᒻᒪ ᐋᕿᒃᑕᐅᓯᒪᔪᓄᑦ ᐱᔭᐅᔾᔭᐃᖅᓯᒪᔪᓄᑦ, ᓇᓗᓇᐃᖅᑕᐅᓵᓕᓗᑎᒃ ᐃᒡᓗᓕᐅᖅᑕᐅᓂᐊᖅᑐᑦ ᐊᑦᑕᕐᓂᖏᑦ, ᖃᐅᔨᓇᓱᒡᓗᒋᑦ ᓈᒻᒪᖕᓂᖏᑦ ᐋᕿᒃᑕᐅᓯᒪᔪᑦ ᐃᑲᔫᑎᒃᓴᑦ ᐃᓗᓪᓕᖅᓱᕆᐊᓕᑦ, ᐃᖏᕐᕋᑎᓪᓗᒋᑦ ᓴᓇᔭᐅᔪᒃᓴᑦ ᐊᒻᒪ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓱᒡᕖᑦ. ᖃᐅᔨᒪᔭᐅᔪᖅ ᑐᔾᔭᖅᓯᓂᕐᒧᑦ ᑎᑎᕋᖅᓯᒪᔪᖅ ᐱᓕᕆᐊᖑᔪᒧᑦ ᑲᔪᓯᑎᑕᐅᓂᖓᓄᑦ (ᑕᒪᕐᒥᑦᑎᐊᖅ ᐱᓕᕆᐊᖑᕙᓪᓕᐊᔪᑦ ᐱᒋᐊᖅᑕᐅᕙᓪᓕᐊᓂᖓᓄᑦ ᓴᓇᔭᐅᓂᕐᒧᑦ, ᑎᓕᓯᓂᕐᒧᑦ, ᑐᓂᔭᐅᓂᕐᒧᓪᓗ) ᐱᔪᒥᒋᔭᐅᓂᖅᓴᐅᕗᖅ ᖃᐅᔨᒪᓂᕐᒧᑦ PMBOK−ᒥᒃ ᑕᒪᓐᓇᓗ ᐃᓱᓕᑦᑕᖅᑎᑕᐅᓪᓗᓂ ᖃᓅᓇᓱᒋᔭᐅᔪᓄᑦ.
ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ. ᐱᓕᕆᔪᓐᓇᕆᐊᓕᖏᓪᓗ ᑖᔅᓱᒧᖓ ᐃᖃᓇᐃᔮᕐᒧᑦ ᐱᔭᐅᒐᔪᒃᑐᖅ ᐃᓕᓴᕆᔭᐅᓯᒪᔪᒥᒃ ᐃᓕᓐᓂᐊᕌᓂᒍᓯᐊᖃᕐᓗᓂ ᐊᒃᑐᐊᓂᓕᖕᒥᒃ, ᐊᐅᓚᐅᓯᕆᓂᕐᒧᑦ ᐱᔭ[ᕆᕈᓯᐊᕐᒥᒃ ᐱᔭᐅᔪᒪᓇᔭᖅᑐᖅ, ᒥᑭᓛᖑᓗᒍ ᐊᕐ[ᕋᒍᑦ ᐱᖓᓱᑦ ᐊᒃᓱᕈᕐᓇᖅᑐᒥᑦ ᐱᓕᕆᐊᒃᓴᒧᑦ ᐊᐅᓚᑦᑎᓂᕐᒥᑦ ᐱᓕᕆᓯᒪᓂᑰᓗᓂ ᓇᓗᐊᖕᓂᑐᐃᓐᓇᖅ ᐊᑕᐅᓯᕐᒥᒃ ᑲᑎᓯᒪᔪᓂᒃᓘᓐᓃᑦ ᐊᑖᓃᑦᑐᓂᒃ ᐱᓕᕆᕝᕕᖕᓂᑦ:
- ᓴᕕᒐᐅᔭᓄᑦ ᒪᑭᒪᔾᔪᑎᑦ (ᐃᒥᖅᑕᖅᑕᐅᓂᕐᒧᑦ ᒥᓪᓗᐊᖅᑕᐅᓂᕐᒧᓪᓗ)
- ᐃᒪᕐᒧᑦ ᓴᓗᒻᒪᖅᓴᐃᕕᒃ
- ᐃᒪᕐᒧᑦ ᓴᓗᒻᒪᖅᓴᐃᕕᒃ
- ᑮᓇᐅᔭᓕᐅᕋᓱᐊᖅᑐᑦ ᐃᒡᓗᐃᑦ ᐊᕙᓗᓴᐅᓯᒪᕗᖅ 6,000 ᑭᒃᐹᕆᒃᑐᑦ ᒦᑕᔅ ᐅᖓᑖᓂᓪᓘᓃᑦ.
- ᐅᖅᓱᐊᓗᓕᕆᓂᖅ ᐅᕝᕙᓘᓐᓃᑦ ᐃᓚᕈᑎᒃᓴᖅ ᐅᖅᓱᐊᓗᖃᕐᕖᑦ.
- ᐅᖅᓱᐊᓗᓕᐅᕐᕖᑦ ᓄᑖᙳᕆᐊᖅᑕᐅᓂᖏᑦ/ᐊᖏᒡᓕᒋᐊᖅᑕᐅᓂᖏᑦ ᐱᓕᕆᐊᒃᓴᖅ.
- ᑭᓱᑐᐃᓐᓇᕐᓄᑦ ᐱᓕᕆᐊᖅ (ᐊᖅᑯᑏᑦ, ᖁᐊᖅᑕᖅᑐᖅ, ᑐᙵᕕᖏᑦ ᐊᓯᖏᓪᓗ).
ᐱᓕᕆᐊᒃᓴᓂᑦ ᐊᐅᓚᑦᑎᔨᒻᒪᐅᓂᕐᒧᑦ (PMI−ᒥᑦ) ᐅᕝᕙᓘᓐᓃᑦ ᒎᓗᒥᑦ ᓇᑎᓕᕆᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᓗᓂ ᑲᓇᑕᒥᑦ ᐃᒡᓗᓕᐅᖅᑏᑦ ᑲᑐᔾᔨᖃᑎᒌᒃᑯᖏᓐᓂ ᐃᑲᔫᑎᖃᕋᔭᖅᑐᖅ.
ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᓂᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.
ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᓱᐊᖁᔨᓪᓗᑕ ᐃᓕᖕᓂᑦ ᑕᐃᒪᓐᓇᓪᓗᐊᖅ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᓂᕐᒧᑦ ᐃᓕᓐᓂᐊᖅᓯᒪᓂᕐᒧᑦ ᐱᓕᕆᖃᑦᑕᖅᓯᒪᓂᑰᒍᕕᑦ ᐱᔭᕆᐊᖃᖅᑐᓂᑦ ᖁᓛᓂᑦ ᑎᑎᕋᖅᓯᒪᔪᓂᑦ.
ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᖃᕆᑕᐅᔭᒃᑯᑦ ᐱᓇᔪᖃᑕᐅᔪᓐᓇᖅᐳᓯ:
https://www.dovregroup.com/jobs-page/
⦁ ᓄᓇᕗᑦ ᒐᕙᒪᒃᑯᑦ ᐱᓕᕆᔪᒪᖕᒪᑦ ᓴᕿᑎᑦᑎᔪᒪᓪᓗᓂ ᑭᒡᒐᖅᑐᐃᓂᕐᒧᑦ ᐃᖃᓇᐃᔭᖅᑎᐅᖃᑎᒌᓂᑦ; ᑕᐃᒪᐃᒻᒪᑦ, ᓯᕗᓪᓕᐅᑎᑕᐅᓇᓱᖕᓂᐋᖅᑐᑦ ᓄᓇᕗᑦ ᐃᓄᖏᑦ ᑕᐃᒃᑯᐊ ᓇᖕᒥᓂᖅ−ᓇᓗᓇᐃᖅᑐᑦ ᐊᑎᓕᐅᖅᑕᐅᓯᒪᓂᕋᕐᓗᑎᒃ ᓄᓇᕗᑦᑖᕈᑎᑦ ᐊᖏᖃᑎᒋᒍᑎᖏᓐᓂ ᒪᓕᒡᓗᒍ ᓯᕗᓪᓕᐅᑎᑕᐅᔭᕆᐊᖃᕐᓂᖏᓐᓄᑦ ᐃᖃᓇᐃᔭᓕᖅᑎᑦᑎᓂᕐᒧᑦ ᐊᑐᐊᒐᕐᒧᑦ.
⦁ ᓄᓇᕗᑦ ᒐᕙᒪᒃᑯᑦ ᐃᖃᓇᐃᔭᖅᑎᖏᑦ ᐃᖃᓇᐃᔭᖅᑐᑦ ᖃᐅᔨᓴᖅᑕᐅᓗᑎᒃ ᐃᖃᓇᐃᔭᖅᑎᑕᐅᔪᑦ ᐱᔭᕆᐊᖃᒃᑎᑕᐅᕗᑦ ᐊᒻᒪᓗ ᑐᓂᓯᓗᑎᒃ ᑎᑎᕋᒃᓯᒪᔪᓂᒃ ᐱᓕᕆᔪᓐᓇᖅᑎᑦᑎᔾᔪᑎᓂᒃ ᑐᖓᓂᖅ ᓂᐊᖁᕆᔭᐅᔪᒦᙵᕐᓗᑎᒃ ᐃᖃᓇᐃᔭᖅᑎᑦᑎᔨᒋᔭᖏᓐᓅᕐᓗᑎᒃ ᐱᓕᕆᕕᖕᒧᑦ. ᐱᓕᕆᔪᓐᓇᖅᓯᑎᑦᑎᔪᑦ ᑐᖓᓕᖅ ᓂᐊᖁᕆᔭᐅᔪᒦᖓᖅᑐᑦ ᐱᖃᓯᐅᔾᔨᓯᒪᔭᕆᐋᓕᑦ ᐃᖃᓇᐃᔮᖅᑖᕋᓱᐋᕈᑎᖕᓂᑦ ᑐᒃᓯᕋᐅᑎᒋᔭᑎᑦ ᐃᓱᒪᒃᓴᖅᓯᐅᕈᑕᐅᔪᓐᓇᖅᓯᖁᓪᓗᒍ.
⦁ ᐃᖅᑲᖅᑐᐃᕕᒃᑯᑦ ᐸᓯᔭᒃᓴᕕᓃᑦ ᐃᖅᑲᓇᐃᔮᖅᑖᕋᓱᒃᑐᓄᑦ ᐃᓱᒪᒃᓴᖅᓯᐅᔾᔪᑕᐅᒐᔭᖅᐳᑦ. ᖃᐅᔨᓴᖅᓯᓂᖅ ᐱᕋᔭᒃᓯᒪᓂᕐᒧᑦ ᐅᓂᑳᓕᐊᖑᓯᒪᔪᓂᒃ ᖃᐅᔨᓴᖅᑕᐅᒐᔭᕐᒪᑕ ᖃᐅᔨᒋᐋᕈᑕᐅᓗᑎᒃ ᑎᑭᐅᒪᔭᖏᑦ ᐊᒻᒪᓗ ᐃᖃᓇᐃᔮᕆᔭᐅᒐᔭᖅᑐᓂᑦ ᐃᖃᓇᐃᔮᒧᑦ. ᑕᒪᓐᓇ ᒪᑯᓂᖓᑐᐋᖅ ᐱᓕᕆᐋᖑᔭᕆᐊᖃᒃᑎᑦᑎᖕᒪᑦ ᐃᖃᓇᐃᔭᑦ ᑕᐃᒃᑯᐊ ᓈᒻᒪᒋᔭᐅᔭᕆᐊᖃᒃᑎᑦᑎᔪᑦ ᐱᕋᔭᒃᓯᒪᔪᖅᓯᐅᑎᑦ ᐅᓂᑳᓕᐊᖑᓯᒪᓂᖏᓐᓂᑦ ᐅᕝᕙᓘᓐᓃᑦ ᐱᓂᕐᓗᒃᑕᐅᑐᐃᓐᓇᕆᐊᖃᓂᖓᓄᑦ ᐃᖃᓇᐃᔭᕐᕕᖁᑎ ᖃᐅᔨᓴᖅᑕᐅᓗᓂ.
⦁ ᐃᖃᓇᐃᔭᖅᑖᕋᓱᐋᖅᑐᑦ ᑐᓂᓯᔪᓐᓇᖅᐳᑦ ᐃᖃᓇᐃᔮᖅᑕᕋᓱᐊᕈᑎᒥᖕᓂᑦ ᓇᓪᓕᐋᓄᑐᐃᓐᓇᖅ ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓂᕐᒧᑦ ᓄᓇᕗᕐᒥ.
⦁ ᐃᖅᑲᓇᐃᔮᖅᑖᕋᓱᒃᑐᑦ ᓈᒻᒪᒋᔭᐅᒍᑎᒃ ᐊᐱᖅᓱᖅᑕᐅᒐᔭᖅᑐᑐᐊᑦ.
⦁ ᐃᖅᑲᓇᐃᔮᖅᑖᕋᓱᒃᑐᖅ ᑲᒪᒋᔭᕆᐊᖃᖅᐸᐅᒃ ᐃᓕᓐᓂᐊᒃᑲᓐᓂᕐᓂᕆᓯᒪᔭᖓᓂᒃ ᓇᓗᓇᐃᒃᑯᑕᕐᓂᒃ ᑕᕆᐅᑉ ᐊᑭᐊᓂᕐᒥᐅᓂᒃ ᐱᔪᓐᓇᕐᓂᕋᖅᑕᐅᓯᒪᔪᓂᒃ ᖃᐅᔨᓴᖅᑕᐅᔭᕆᐊᖃᖅᑐᓂᒃ ᐃᓕᓴᕆᔭᐅᓯᒪᔪᒥᒃ ᑲᓇᑕᐅᑉ ᐃᓕᓐᓂᐊᖅᑐᓕᕆᔨᒃᑯᖏᑎᒍᑦ. ᑖᓐᓇ ᐱᓕᕆᐊᖑᖏᑉᐸᑦ ᐃᖅᑲᓇᐃᔮᖅᑖᕋᓱᒃᑐᖅ ᑕᑯᓇᒃᑕᐅᙱᑐᐃᓐᓇᕆᐊᓕᒃ ᖁᔭᓈᖅᑕᐅᓗᓂ.