ᐃᓱᒫᓘᑕᐅᔪᑦ COVID-19−ᖃᖅᑐᖃᓚᐅᕐᑎᓪᓗᒍ ᐅᔭᕋᖕᓂᐊᕐᑎᑦ ᐱᕙᓪᓕᐊᑎᑦᑎᔩᓪᓗ ᑲᑐᔾᔨᖃᑎᒌᒃᑯᖏᑦ ᑲᓇᑕᒥᑦ ᑲᑎᒪᓚᐅᖅᑎᓪᓗᒋᑦ ᑐᕌᓐᑐᒥᑦ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᐃᓱᒫᓘᑕᐅᔪᑦ COVID-19−ᖃᖅᑐᖃᓚᐅᕐᑎᓪᓗᒍ ᐅᔭᕋᖕᓂᐊᕐᑎᑦ ᐱᕙᓪᓕᐊᑎᑦᑎᔩᓪᓗ ᑲᑐᔾᔨᖃᑎᒌᒃᑯᖏᑦ ᑲᓇᑕᒥᑦ ᑲᑎᒪᓚᐅᖅᑎᓪᓗᒋᑦ ᑐᕌᓐᑐᒥᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓱᒫᓘᑕᐅᔪᓂᑦ ᑐᓴᖅᑎᑦᑎᔪᒪᖕᒪᑕ ᑐᓴᖅᑕᐅᕙᓪᓕᐊᔪᓂᑦ ᖃᐅᔨᔪᖃᓚᐅᕐᑎᓪᓗᒍ ᐃᓄᖕᒥᑦ COVID-19−ᓕᖕᒥᑦ ᐃᓚᐅᔪᖃᓚᐅᕐᓂᖓᓂ ᐅᔭᕋᖕᓂᐊᕐᑎᑦ ᐱᕙᓪᓕᐊᑎᑦᑎᔩᓪᓗ ᑲᑐᔾᔨᖃᑎᒌᒃᑯᖏᑦ ᑲᓇᑕᒥᑦ 2020 ᑲᑎᒪᓂᖕᒥᑦ ᑐᕌᓐᑐᒥᑦ, ᐊᒥᓱᒐᓚᐃᓪᓗ ᓄᓇᕗᒻᒥᐅᑦ ᐃᓚᐅᓚᐅᕐᖢᑎᒃ.
ᑲᑎᒪᔭᖅᑐᖃᑕᐅᓚᐅᕐᑐᑦ ᐃᒻᒥᓂᒃ ᓇᐅᑦᑎᕐᓱᖁᔭᐅᕗᑦ, ᐊᑐᖁᔭᐅᔪᖅ ᐃᓄᖕᓄᑦ ᐊᑦᑕᖕᓇᓗᐊᙱᑦᑐᒦᑦᑐᑦ , ᖃᓄᐃᓐᓇᑎᒃ ᖃᓄᐃᖅᑰᔨᓇᑎᒡᓗ.
ᑖᒃᑯᐊ ᐃᓄᐃᑦ ᐊᑐᕈᓐᓇᖅᑐᖅ ᖃᐅᑕᒫᑦ ᐊᑐᕐᐸᒃᑕᒥᖕᓂᑦ, ᐃᓄᒋᐊᓄᐊᖅᑕᐃᓕᓗᑎᒃ, ᐃᓄᓕᒫᓂᓪᓘᓐᓃᑦ ᐅᐸᒃᑕᐅᓯᒪᔪᓂᑦ ᕿᒪᒍᓐᓇᕋᔭᙱᑕᒥᖕᓂᒃ. ᑖᒃᑯᓄᖓ ᐃᓄᖕᓄᑦ, ᐅᑯᐊ ᖃᓄᐃᓕᐅᖕᓂᐅᔪᑦ ᓈᒻᒪᒐᔭᖅᑐᑦ:
- ᐃᖅᑲᓇᐃᔭᕐᓗᑎᒃ ᓵᖕᓂᑦ ᐅᖓᓯᖕᓂᓕᖕᓂᑦ 1m (ᒪᑐᓯᒪᓗᑎᒡᓘᓐᓃᑦ).
- ᓂᕿᑖᕆᐊᖅᑐᕐᓗᐸᒡᑎᒃ ᐊᓯᖏᓐᓂᒡᓗ ᐱᔨᑦᑎᕋᕐᓗᑎᒃ.
ᐊᑐᕆᐊᖃᙱᑦᑐᑦ:
- ᑲᑎᒪᓃᑦ ᐅᐸᒃᓯᒪᓗᓂ.
- ᖃᖓᑕᓃᑦ.
- ᓂᕆᔭᖅᑐᕐᓃᑦ ᐱᖃᑦᓇᕆᔭᒃᑯᖏᓐᓂᓪᓘᓐᓃᑦ ᓂᕆᔭᖅᑐᕐᓃᑦ.
- ᐊᓯᖏᑦ ᖁᕕᐊᓲᑕᐅᓲᑦ (ᓲᕐᓗ ᑲᑎᑎᑕᐅᔪᖃᕐᐸᑦ).
ᑕᐃᒪᓕ ᐃᓄᒃ ᖃᓄᐃᓕᖅᐸᑦ ᐃᒻᒥᓂᒃ ᓇᐅᒃᑎᕐᓱᕐᓗᓂ, ᐋᓐᓂᐊᕕᖕᒧᑦ ᖃᐅᔨᑎᑦᑎᔭᕆᐊᓖᑦ ᖃᐅᔨᓴᖅᑕᐅᓕᕐᓗᑎᒃᓗ. ᑕᐃᒃᓱᒪᓂ, ᐲᕐᓯᕕᐅᕌᕐᔪᒡᓗᑎᒃ ᐃᓄᖕᓄᐊᕐᑕᐃᓕᖁᔭᐅᓕᕐᓗᑎᒃᓗ ᖃᐅᔨᓴᕈᑎᑦ ᐅᑎᕐᐸᑕ ᑭᓯᐊᓂ.
ᓴᐳᒻᒥᑦᑎᐊᕐᓯᒪᓐᓇᓛᖅ ᖁᐱᕐᕈᐊᕐᔪᖕᓂᑦ ᓲᕐᓗ COVID-19−ᒥᑦ ᐅᐊᓴᖃᑦᑕᑦᑎᐊᖕᓂᖅ ᖃᓂᒻᒪᒃᑕᐃᓕᓃᓪᓗ.
- ᐊᖏᕐᕋᖅᓯᒪᐃᓐᓇᕐᓗᑎᑦ ᖃᓂᒪᒍᕕᑦ.
- ᑲᔪᖏᖅᓴᕐᓗᒋᑦ ᖃᐅᔨᒪᔭᑎᑦ ᖃᓂᒪᔪᑦ ᐊᐃᓯᒪᖁᓗᒋᑦ.
- ᐊᓯᔾᔨᕐᓗᒍ ᐃᓅᖃᑎᑎ ᑕᑯᕙᖕᓂᕆᔭᑎᑦ ᑎᒥᒃᑯᑦ ᐊᒃᑐᓗᐊᕐᑕᐃᓕᓗᓯ ᓲᕐᓗ ᑕᓯᐅᖃᑦᑖᖕᓃᑦ, ᐃᕿᑦᑎᓃᑦ ᑯᓂᖕᓃᓪᓗ.
- ᐊᒡᒐᑎᑦ ᐅᐊᓴᒐᔪᒡᓗᒋᑦ.
- ᖁᐃᖅᓱᖅᐸᒡᓗᓯ ᑕᒋᐅᒃᐸᒡᓗᓯᓗ ᑕᓕᔅᓯᓐᓄ.
- ᓴᓗᒻᒪᒃᓴᖅᐸᒡᓗᒋᑦ ᐊᒃᑐᕐᑕᐅᕙᒃᑐᑦ ᓲᕐᓗ ᐱᙳᐊᑦ, ᐅᖄᓚᐅᑦ, ᖁᕝᕕᑦ, ᖃᕆᑕᐅᔭᑦ, ᓵᕋᓛᑦ ᐃᒡᓕᐅᑉ ᖃᓂᒋᔮᓃᓲᑦ, ᑕᓚᒡᕕᓴᒧᑦ ᓇᕿᔾᔪᑎᑦ ᐹᓪᓗ ᑎᒍᒻᒥᕕᖏᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑯᕆᔅ ᐴᒡᓕᐊ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5762
@email