ᑮᓇᐅᔾᔭᒃᓵᓂ ᐊᑭᑭᓛᖅ ᐊᑭᑦᑐᕆᐊᖅᑕᐅᓂᐊᖅᑐᖅ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᕿᑎᖅᑰᑦ, ᑎᓯᐱᕆ 21, 2023
ᒪᓕᒐᓕᕆᔨᒃᑯᑦ ᐃᖅᑲᐃᓯᔪᒪᕗᑦ ᓄᓇᕗᒥᐅᓂᒃ, ᒪᓕᒃᖢᒋᑦ ᐅᖃᐅᓯᐅᓚᐅᖅᑐᑦ ᓄᕕᐱᕆ 6, 2023-ᒥ, ᓄᓇᕘᒥ ᑮᓇᐅᔾᔭᒃᓵᓂ ᐊᑭᑭᓛᖅ ᐊᑭᑦᑐᕆᐊᖅᑕᐅᓛᕐᒪᑦ $16.00-ᒥ $19.00-ᒧᑦ ᐃᑲᕐᕋᓕᐅᓕᕐᓗᑎᒃ ᐱᒋᐊᕐᓗᒍ ᔭᓄᐊᕆ 1, 2024−ᒥ.
ᐊᑭᑦᑐᕆᐊᖅᑕᐅᓂᖓ ᒪᓕᒃᐳᖅ ᐊᑕᖏᖅᑕᐅᓪᓗᑎᒃ ᖃᐅᔨᓴᖅᑕᐅᓚᐅᖅᑎᓪᓗᒋᑦ ᑐᓴᕋᓱᒡᕕᐅᓚᐅᖅᑎᓪᓗᒋᓪᓗ ᓇᖕᒥᓂᖃᕐᕖᑦ ᐊᒻᒪ ᐃᖅᑲᓇᐃᖅᑏᑦ 2023-ᒥ ᐊᐅᔭᐅᑎᓪᓗᒍ.
ᐃᑲᕐᕋᖅ ᐊᑕᐅᓯᖅ $19.00−ᓕᐅᓕᖅᐸᑕ, ᓄᓇᕗᑦ ᖁᑦᑎᓛᒥᒃ ᑮᓇᐅᔾᔭᒃᓴᖅᑎᐅᓂᐊᓕᖅᑐᑦ ᑲᓇᑕᒥ.
ᑭᖑᓪᓕᖅᐹᒥ ᓄᓇᕗᒻᒥ ᑮᓇᐅᔾᔭᒃᓴᔪᑦ ᐊᑭᑭᓛᒥᒃ ᐊᑭᑦᑐᕆᐊᖅᑕᐅᓚᐅᖅᓯᒪᕗᖅ ᐊᐃᕆᓕ 1, 2020−ᐅᑎᓪᓗᒍ, ᑕᐃᔅᓱᒪᓂᓗ ᐊᑭᑦᑐᕆᐊᓚᐅᖅᓯᒪᓪᓗᓂ $16.00-ᒧᑦ $13.00−ᕌᓚᐅᕋᓗᐊᖅᖢᓂ ᐃᑲᕐᕋᓕᐊᖅ.
ᑐᑭᓯᒋᐊᒃᑲᓐᓂᕈᒪᒍᔅᓯ ᑮᓇᐅᔾᔭᒃᓵᖅ ᐊᑭᑭᓛᑉ ᐊᑭᓕᖅᓱᖅᑕᐅᓐᓇᑉ ᒥᒃᓵᓄᑦ, ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᑎᑦᑎᔩᓪᓗ ᖃᐅᔨᒋᐊᕈᓐᓇᖅᐳᑦ ᐃᖅᑲᓇᐃᔭᕐᕕᖕᒧᑦ ᐊᔾᔨᒌᒃᑎᑦᑎᓂᕐᒧᑦ ᒪᓕᒐᓕᕆᔨᒃᑯ ᐊᒡᓚᕝᕕᐊᓄᑦ ᐅᕗᖓ ᐅᖄᓚᕝᕕᒋᓗᒋᑦ 1-877-806-8402 ᐃᕐᖐᓐᓈᖅᑕᐅᒃᑯᓪᓘᓐᓃᑦ ᑎᑎᕋᕐᓗᑎᑦ ᐅᑯᓄᖓ @email.