ᒪᓕᒐᓕᕆᔨᒃᑯᑦ ᐃᖅᑲᓇᐃᔮᒃᓴᓂᒃ ᓴᖅᑭᔮᖅᑎᑦᑎᓛᖅᑐᑦ
ᒪᓕᒐᓕᕆᔨᒃᑯᓐᓂ ᐃᖅᑲᓇᐃᔭᖅᑎᐅᖃᑕᐅᒋᑦ! ᓄᓇᕗᑦ ᒐᕙᒪᖓᓂ ᒪᓕᒐᓕᕆᔨᒃᑯᑦ ᐃᖅᑲᓇᐃᔮᒃᓴᓂᒃ ᓴᖅᑭᔮᖅᑎᑦᑎᓛᖅᑐᑦ ᐃᖃᓗᖕᓂ ᒪᐃ 10, 2024−ᒥ, 11:00−ᒥ ᐱᒋᐊᕐᓗᓂ 4:00−ᒧᑦ ᑎᑭᓪᓗᒍ ᐅᓐᓄᓴᒃᑯᑦ ᐊᖅᓴᕐᓃᑦ ᑐᔪᕐᒥᕕᖓᓂ.
ᒪᓕᒐᓕᕆᔨᒃᑯᑦ ᕿᓃᓐᓇᖃᑦᑕᖅᐳᑦ ᐃᖅᑲᓇᐃᔭᕈᒪᑦᑎᐊᖅᑐᓂᒃ ᐃᓚᐅᖁᓪᓗᒋᑦ ᓄᓇᓕᖕᓂ ᒪᓕᒐᓕᕆᔨᒃᑯᓐᓂ, ᐃᖅᑲᖅᑐᐃᕕᖕᒥ, ᑎᒍᔭᐅᓯᒪᔪᓕᕆᔨᒃᑯᓐᓂᓪᓗ. ᐱᓕᕆᕝᕕᒃᐳᑦ, ᐱᓕᕆᖃᑎᕗᓪᓗ, ᐃᓚᒋᓗᒋᑦ ᓄᓇᕗᒻᒥ ᒪᓕᒐᓕᕆᔨᒃᑯᑦ ᑲᑎᒪᔨᖏᑦ, ᐅᐸᒃᓯᒪᖃᑕᐅᓚᖅᑐᑦ ᐅᖃᖃᑎᖃᕆᐊᖅᑐᕐᓗᑎᒃ ᐃᓕᔅᓯᓐᓂ ᐃᖅᑲᓇᐃᔮᒃᓴᖏᑦᑕ ᒥᒃᓵᓄᑦ.
ᐱᓕᕆᕝᕕᒃᐳᑦ ᐃᖅᑲᓇᐃᔭᐃᓐᓇᕐᓂᐊᖅᑐᓂᒃ, ᐃᓱᓕᕝᕕᒃᓴᓕᖕᓂᒃ, ᐊᒻᒪ ᐃᓇᖏᖅᑎᒃᓴᓂᒃ ᐱᕕᒃᓴᖃᖅᑎᑦᑎᖃᑦᑕᖅᐳᑦ ᐱᓕᕆᓪᓚᕆᒍᒪᔪᓄᑦ ᑭᒃᑯᑐᐃᓐᓇᐃᑦ ᐊᑦᑕᕐᓇᖅᑐᒦᖁᓇᒋᑦ, ᐱᔪᓐᓇᕐᓂᕐᒧᑦ ᒪᓕᒐᓕᕆᓂᕐᒧᑦ, ᐃᖅᑲᖅᑐᐃᕕᓕᕆᓂᕐᒧᑦ, ᐊᒻᒪ ᐱᕋᔭᒃᑕᐅᓯᒪᔪᓄᑦ ᐃᑲᔪᖅᑐᐃᔾᔪᑎᓂᒃ.
ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᓇᒃᓴᕐᓗᒋᑦ ᐱᓕᕆᕝᕕᕗᓪᓗ ᐊᑐᐃᓐᓇᐅᑎᑦᑎᓂᐊᖅᑐᖅ ᐊᔪᕆᖅᓲᔾᔨᓯᒪᔪᓂᒃ.
ᐃᓱᒪᒋᔭᖃᕈᕕᑦ ᑎᒍᔭᐅᓯᒪᕝᕕᓕᕆᓂᕐᒥᒃ, ᐃᖅᑲᖅᑐᐃᕕᓕᕆᓂᕐᒥᒃ, ᓄᓇᓕᖕᓂ ᒪᓕᒐᓕᕆᓂᕐᒥᒃ, ᒪᓕᒐᕐᓂᓪᓘᓐᓃᑦ ᑐᑭᓯᒋᐊᕐᕕᖕᒥ, ᖃᐃᓂᐊᖅᐳᑎᑦ ᖃᐅᔨᒃᑲᓐᓂᕆᐊᖅᑐᕐᓗᑎᑦ ᖁᕕᐊᓇᖅᑐᓂᒃ ᐱᕕᒃᓴᓂᒃ ᒪᓕᒐᓕᕆᔨᒃᑯᓐᓂ!
ᑕᑯᒋᐊᕐᓗᒍ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓ ᒫᓐᓇ ᐃᖅᑲᓇᐃᔮᒃᓴᐃᑦ ᒪᑐᐃᖓᔪᑦ.